اخبار السيينا ايه لمحترفى فيات

[wet7014]

ممكن اسألك سؤال
هي اللي في الصوره دي عربيتك؟
ما شاء الله شكلها جامد جدا
لو كده عملت فيها ايه بالظبط وكلفتك كام؟
الصوره دي بتبين ان العربيه دي تحفه في التظبيط
سؤال تاني هو في فرق في الموتور بين ال HL وHLX ولا الاتنين واحد

لا دي مش عربيتي
دي صوره لقيتها علي النت

مفيش اي فرق بين الموتير نهائي
االفرق بس في الكماليات بس
ولو في استفسار انا في الخدمه

[Sherif Sharaf]

اقتباس:
أرسل أصلا بواسطة د.محمود صلاح مشاهدة المشاركات
أخبار السخونة ايه معاكم بالذات عند تشغيل التكييف ؟
وايه اقصى سرعة جبتها بيها ؟
وصناعتها ايه ؟ او هل هى تجميع مصرى ؟
عنوان التوكيل فين ؟ ومن فين بتجيب لها قطع غيار ؟ وفيه مكانيكى معين مخصوص للسيينا ؟
شكرا
لية مفيش رد على هذة الاسئلة نفسنا نعرف شيئ عن العربية اكتر ؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا زى ما قلت قبل كده عربيتى 1400 موديل 2001 وكانت عندى مشكلة الحرارة دى بقالها فترة وكان السبب شرخ فى علبة الريداتير. ممكن يكون الشرخ ده بسبب انسداد الريداتير نفسه من الصدأ وده أدى إلى زيادة الضغط على العلبة وبالتالى شرخها مما أدى إلى انخفاض مستوى الماء وضعف قدرة تبريد الريداتير(بسبب ضعف دورة التبريد).
المهم الأسبوع اللى فات رحت لواحد بتاع ريداتير كويس جداً وبعد فك الريداتير عرض عليا حلين:
1. تغيير العلبة المشروخة بأخرى جديدة وتسليك الريداتير (التكلفة حوالى 250 جنيه)
2. تغيير الريداتير بآخر صفين مواسير (الخاص بالسيارة ال 1600) أستعمال وليس جديد (التكلفة حوالى 500 جنيه)

أنا بصراحة اخترت الحل الثانى ، فتم تغيير الريداتير بآخر صفين مواسير (ذو قدرة تبريد أعلى) وكانت التكلفة بعد الفصال 450 جنيه. بس بصراحة التبريد بقى أحسن بكتييييييييييييييييييير من الأول
المروحة بتشتغل لمدة دقيقة على أقصى تقدير ( قبل ذلك كانت إذا بدأت فى العمل لا تتوقف)، وأصبح مؤشر الحرارة يتعدى العلامة الأولى بجزء صغير جداً. من الآخر أنا حاسس أن الموضوع بقى أحسن بكتييييييير من الأول

المشكلة الوحيدة هى فك وتركيب الريداتير، حيث اضطر الميكانيكى لفك الاكصدام والفوانيس لكى يتمكن من فك سربنتينة التكييف..

لأى استفسار أنا فى الخدمة

[Sherif Sharaf]

بالمناسبة ... أقصى سرعة جبتها بيها 145
وأنا بصلحها برة التوكيل عند أى ميكانيكى (الموضوع مش كيميا)
طبعاً هى تجميع مصرى
قطع الغيار:
الكيلانى فى شارع شمبليون
محمد يوسف شارع التحرير بجوار بروتين السبكى
محمد يوسف شارع فيصل أمام شارع العريش
وفيه محلات كتير بتبيع قطع الغيار المعتادة وغالباً بتكون أرخص لكن لو حاجة مش عادية يبقى مش هتلاقيها غير عند الاثنين دول

[motoxp]

165 اقصى سرعة جبتها بيها طرق اسماعيلية

[mana9wafaie]

210 على طريق الكريمات الدولى كان معايا 4 تانى اوزان و الشنطة مليان على اخرها فدة كان مهبط العربية ومخليها فرشة ع الارض لكن العربية كانت بتجمع تانى....

[awazeer]

210 على طريق الكريمات الدولى كان معايا 4 تانى اوزان و الشنطة مليان على اخرها فدة كان مهبط العربية ومخليها فرشة ع الارض لكن العربية كانت بتجمع تانى....

غريبه
مع ان مكتوب في الكاتلوج بتاعها اخرها 186

[Ghamrawy]

اكتر حاجة تضايق فيها انها عايزة واحد مقاس رجله بالكتيير 42 و مش بيلبس سفتى و الا حايدوس بدال الفرامل مع بدال الاكسراتير او يسوق حافى لو امكن ....انما السحب جميل و خصوصا بداية من 3000 لفة ل 4200 لفة فى الموتور ال 1400

[awazeer]

اكتر حاجة تضايق فيها انها عايزة واحد مقاس رجله بالكتيير 42 و مش بيلبس سفتى و الا حايدوس بدال الفرامل مع بدال الاكسراتير او يسوق حافى لو امكن ....انما السحب جميل و خصوصا بداية من 3000 لفة ل 4200 لفة فى الموتور ال 1400

يا خبر!!!!!!
طب انا اعمل ايه انا 46 !!!!!!!
بالنسبه للسحب فعلا ده احسن سحب ليها وبتجمع بسرعه جدا من 3000 ل 5000 بس بتبقى سفاحة بنزين

[Ghamrawy]

يا خبر!!!!!!
طب انا اعمل ايه انا 46 !!!!!!!
بالنسبه للسحب فعلا ده احسن سحب ليها وبتجمع بسرعه جدا من 3000 ل 5000 بس بتبقى سفاحة بنزين

ربنا يكون فى عونك
سفاحة بغباء فعلا 75 كيلو فى 10 لتر جوه البلد مع شوية قرص لو الدنيا فاضية

[Ahmed Hamdy]

ربنا يكون فى عونك
سفاحة بغباء فعلا 75 كيلو فى 10 لتر جوه البلد مع شوية قرص لو الدنيا فاضية

الكلام ده حتى فى الـ 1400 ؟؟

[ahmad--ezzat]

210 على طريق الكريمات الدولى كان معايا 4 تانى اوزان و الشنطة مليان على اخرها فدة كان مهبط العربية ومخليها فرشة ع الارض لكن العربية كانت بتجمع تانى....

210 والعربية محملة على الاخر واربع افراد غير حضرتك..:k32::k32:

[mana9wafaie]

هى مش شطارة ولا حاجة بس هى فعلا العربية ماشاء الله موتورها شديد بس فعلا موضوع البنزين دة ملوش حل بتاكل بنزين جوة البلد بشكل رهيب انا عندى ال10 لتر بيعملو 65 كيلو جوة البلد وتقريبا 90 كيلو على الطريق...

[Ghamrawy]

الكلام ده حتى فى الـ 1400 ؟؟

للاسف و ساعات اقل من كده كمان

[awazeer]

ياجماعه موضوع البنزين ده بس لو بتحرق عالغيار
يعني لو مش بتعدي 3000 الصفيحه ممكن تعدي 220 (بره وجوه) والكلام ده لل1600
معرفش 1400 عامله ازاي

[Anxs111]

سيينا الجديد اللي بينزل هل ده إيطالي واللا تركي واللا مصري . واضح إن الشكل القديم كويس هل الجديد نفس المستوى.