رابطة مالكي وعشاق التمبرا (الجزء الأول)

[kdosoki]

عربيتى مانيوال حتى النخاع
ايه موضوع اتوماتيك ده
Selecta
معرفش يعنى ايه الكلمه دى
اوعى تكون كلمه قبيحة

[kdosoki]

انا بعتلك شوية اسعار يا زاجو
بص عليها

[heshamzaky]

جاليليو اية الى مكتوب فى بيانات العربية عندى دة افتح الفحة برقم الشاسية بتاعى حتلاقى مكتوب 159.031.0(0) bn s ss liberty 94 1580 spi b.mm usa 83

[heshamzaky]

صباح النور عالبنور يجعل يومك هنا وسرور اهلا بيك اهلا بيك اولى حضانه بتحييك
ههههههههههههه
مش عارف ليه الحاجات بتاعت حضانه وابتدائي جايه على بالي قوي اليومين دول
قلت اضحكم معايا
المهم
عمو هشام ((حلوه صح ؟؟))انا رحت لعفت المواردي في فيصل
لاقيت سير الكاتينه الاصلي العلبه بيضاء ومكتوب عليها بالورب كده بكل اللفات اوريجينال
وعليها علاميه فيات لانشيا الفاروميو
وتمنه 75 جنيه
وعنده تيل فرامل اصلي سالته صناعه ايه قالي تركي وتمنه 65 جنيه
ومسألتش على باقي السيور ولا البيله بتاعت الكاتينه
اشتريهم من عنده بالمواصفات دي ولا انزل شارع دمشق واشتري السير بوش الماني ؟؟

لو الامكانية تسمح يبقى أكيد حلو خد رأى باقى الاخوة برضو و نوع التيل التركى اية baser ولا orca

[zago]

انا بعتلك شوية اسعار يا زاجو
بص عليها

ايوه يا باشا شفتها
الف شكر

[heshamzaky]

زاجو اسامة كان جايب دول بص كدة

[galilio_mad]

جاليليو دى بيانات العربية بتاعتى ترجم الكلام دة 07580581

انتاج 5-94 , موتور 55kw , و ليبرتى طبعا

استنى عليا لما اروح , اكواد الموتور و الشاسيه عندى فى البيت

[zago]

مقلش نوع التيل وانا طنشت اساله بس انا قلتله عندك اوركا قاللي لا
كمان الميزانيه كلها على بعضيها 300 جنيه ههههههههه
((تعاطفك لوحده مش كفايه اتبرع ولو بلتر بنزين))
ولو قفلت قوي يبقى ربنا يخلي بابا
ادفعه وابقى اديله لفه بيها

[heshamzaky]

زاجو دة موضوع اسامة

السلام عليكم جميعا

معلش يا تمبراوية انا متأخر عليكم شويتين و مش بدخل المنتدي كتير مشغوليات والله

المهم عشان ماطولش عليكم

انا اليومين دول بظبط في العربية شوية حاجات و اليكم البيان و الاسعار و اللي عرفت اصورة صورتة

1- العربية كانت بتخبط جامد من تحت و انا كنت فاكر انها المقصات لتاني مرة بس روحت للعفشجي و طلعت بطاحة المساعد اليمين و غيرلي البطاحة بواحدة من عندة و التخبيط انتهي
كمان كان عندي كاوتشة اوكورديون بتاعة التيش اللي خارج من علبة الدركسيون كانت مقطوعة و غيرهالي بواحدة جديدة اشتريت جوز بـ 20 جنيه و ركبت واحدة بس ، البطاحة و تغيير الكاوتشة اخد فيهم 30 جنيه

2- تغير كل من الاتي

- رادياتير برازيلي ( 570 جنيه من الكيلاني - التوفيقية )
مصنعية + مياه خضراء 40 جنيه ( الهرم )
(ملحوظة : الرادياتير القديم اللي كان عندي كان نحاس و تم بيعة لبتاع الرادياتيرات بـ 60 جنيه )

و احب اشكر جاليليو باشا جدا لاني كنت شكاك في موضوع برازيلي ده و اتصلت بيه و هو اكدلي انه كويس ، شكرا يا جاليليو

- تصليح خرم في سربنتينة التكييف + شحن فريون امريكي ( 200 جنيه - الهرم )
بصراحة السربنتينة اللي عندي طالع عينها و الراجل كان عاوز واحدة جديدة و سألت عليها كانت بـ 850 جنيه عند الكيلاني و يوسف

- زوج طنابير امامي الماني ( 180 جنيه من محمد يوسف - فيصل )
- زوج كبالن مايلي الماني ( 400 جنيه من محمد يوسف - فيصل )
- تيل فرامل امامي بولندي ( 60 جنيه من محمد يوسف - فيصل )
- سير دينامو ايطالي ( 35 جنيه من محمد يوسف - فيصل )
- سير كاتينة ايطالي ( 70 جنيه من محمد يوسف - فيصل )
- بوجيهات ngk بلاتينيوم ( 100 جنيه من وكيل ngk شركة التوفيق فرع المعادي )
- فلتر بنزين روسي ( 5 جنيه من اي محل قطع غيار لان عند محمد يوسف بـ 25 جنيه و بردو روسي هو هو اللي بـ 5 جنيه بالظبط )
- مسامير عجل عدد 4 مسامير ( 10 جنيه من العبد لقطع الغيار- الهرم )
- كاوتشة علبة الفتيس ( 15 جنيه من العبد لقطع الغيار- الهرم )
- تنظيف كربراتير و ظبط هواء و كهرباء

عملت كل اللي فات ده عند الميكانيكي واخد 100 جنيه

- فلتر زيت ( 10 جنيه من عفت المواردي - فيصل )
- زيت موتور شيل هيليكس 5000 كم ( 98 جنيه من بنزينة شل - الهرم )
- زيت فتيس شل ( 13 جنيه العلبة من بنزينة شل - الهرم )

و اليكم الصور بالتفصيل و اعذروني في الصور لان كاميرا الموبايل اي كلام تماما

علبة الطنابير












الكبالن




سير الكاتينة




سير الدينامو




ده سير تكييف كنت هاركبة بس طلع مختلف عن اللي عندي ، اللي كان عندي بسنان و رفيع و ده من غير سنان و عريض




ده تيل فرامل امريكي بـ 80 جنيه ياريت محدش يجيبة لاني جبتة و الراجل لما ركبة لقاه بيلق لفوق و تحت و قالي مع كل فرملة هاتسمع صوت طقة ، فا غيرتة و جبت البولندي و طلع كويس وعلي فكرة بعد التجربة مش بيصفر










ياريت بقي اللي يعرف سعر طقم الدبرياج يقولي عليه و ايه احسن نوع اجيبة ؟؟

[Bonanza]

لالالالالالالا
بلاش دول يا اتش ... اوعي تجيبهم يا زاجو
ده التيل الامريكي اللي كان قصير شوية و مع كل دوسة فرامل هاتسمع صوت طقة
انا غيرت ده يا اتش و جبت نوع اسمة رمسا Remsa اسباني
و هو ده اللي راكب عندي دلوقتي و زي مانت شفت مالوش صوت خالص و الحمد لله

[galilio_mad]

زاجو اسامة كان جايب دول بص كدة

اوعى , التيل ده زبالة , قعد يومين كويس و بعد كده بقى بيصفر زى عربيات النقل
و لما الفرامل بتسخن اداؤه بيبقى زى الزفت

[kdosoki]

عربيتى مانيوال حتى النخاع
ايه موضوع اتوماتيك ده
Selecta
معرفش يعنى ايه الكلمه دى
اوعى تكون كلمه قبيحة

طمنى يا جاليليو

[zago]

عايز احط مقال عجبني وقلت انقله هنا عشان الشباب
اصل انا الصفحه دي ناوي احط فيها مواضيع فرعيه
الا لو فيه اعتراض
لو فيه اعتراض ياريت صاحب الاعتراض يقدم شكوى رسميه مختومه من اتنين موظفين لا يقل راتب كل منها عن سبعتاشر الف سنويا وعليها دمغه وطابع شرطه وصوره ل بطوط

او ابقى اعمل موضوع مستقل للحاجات اللي بتعجبني عالنت
وزلباني باشا معاك حق المسح طبعا لاي مشاركه مني خارج موضوع التمبرا مش حزعل متخفش



كيف تعرف انك احد ابناء الجيل الموكوس؟

والجيل الموكوس هو جيلي جيل المواليد من 1980 وحتى 1988 اللى كانوا ضحية مجتمع تحول حديثا من قمة الاشتراكية لقمة الانفتاح فخرج الجيل بلا رموز فكرية أو ثقافية أو فنية أو حتى في الشكل والملبس..عايز تتأكد أنك من الجيل الموكوس؟؟ راجع معايا
اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك

اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان

اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية

اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه

اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي

إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا

اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية

اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي

اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار

اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام

اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن

اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش

.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين

اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب

اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر

اذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية التى لا يؤمن بها إلا هو ومجموعة من محبيه) ومحمد فؤاد (قبل ان يتحول لدب قطبي

اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح

اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم

إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان) رغم الاخطاء العلمية الجسيمة به

اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط
(سحراني)لايهاب توفيق

.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد

أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد

ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو

ان تكون شاهدت كليب المغنية حنان الشهير (اضحك بقى وافرجها ياعم)..واطلقت على المغنية بينك وبين اصدقائك لقب
(المعزة).

اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها

اذا تكون قد منعت لعدة أيام من اللعب في الشارع بسبب خوف أهلك عليك من (السلعوة

إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة

اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون

.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك

اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات
(لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين

اذا كنت قد لعبت في طفولتك باحدى اشكال لعبة (الميكانو).

اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح

اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر

اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم

ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد)

اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده

اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا).

اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة وجعلت هياتم تغوي جميع الرجال بجاذبيتها الجنسية

اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه

اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.

ذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان

اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول

44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر

اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي

.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى

اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..
اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية

اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة

اذا كنت قد شاهدت الزمالك ينسحب مرتين من مباراته مع الأهلي..مرة في أخر خمس دقائق بسبب هدف صحيح ومرة في أول خمس دقائق بسبب كارت أحمر مشكوك في صحته
........................ ................* ........*

[zago]

طيب الريمسا الاسباني ده بيتباع فين؟

[kdosoki]

طيب الريمسا الاسباني ده بيتباع فين؟

واحد صاحبى جاب الريمسا الاسبانى لعربيته اوبل فيكترا وبيشكر فيه جدا