رابطة مالكي وعشاق التمبرا (الجزء الأول)

[kdosoki]

صباح الخير على الجميع
مرحتش للمكانيكى سافر بورسعيد النهارده
العربيه فيها حاجه غلط بتنتش شويه وبتقطع لما تمشى هادى بحساها تقيله
وعلى الاول لما تطلع تحس كا انك شدد فرامل اليد كده ده عيب ايه

المشكلة دى شبه مشكلة طقم الدبرياج
الحمد لله انها طلعت الفرامل بس

مساء الفل على كل التمبراوية
والله يا رجالة انا حصل معايا موقف امباح زى ........ كنت رايح الشغل فى وسط البلد الساعة حوالى 12 الظهر وما ادراكوا يعنى ايه 12 الظهر طبعا الطرق زحمة جدا وحرارة الجو 50 تقريبا المهم لقيت عداد الحرارة وصل لاول الشرطة الحمرا (عدادات ديجيتال ) وسبحان اللى خلانى ابص عليه المهم تفتكروا عملت ايه ......
مديت ايدى على مفتاح تشغيل المروحة اليدوى اصل انا كنت عامل المفتاح ده بنفسى من اخر مرة حصل فيها الموقف دة وطبعا السبب ان الثرموستات بتاع المروحة عملها وباظ وانهارة نزلت على الكهربائى واشتريتله ثرموستات 80/90 ب 17 ج وغيرهولى ب10ج والحمد لله على كل شىء

دى تعليمات الاستاذ هشام ( شيخ الحارة )
مادة 225
على كل عضو من اعضاء المنتدى تركيب مفتاح واحد شدة لتشغيل مروحة التبريد عند تعليق الثيرموستات
واقتراح باضافة هذا الجزء لهذه المادة وهو مقدم من yoyomano
على كل عضو عدم ترك المفتاح واحد شده مشدود وذلك بعد تبطيل السيارة والا عرض نفسه لافساد بطاريته واضطرار العضو لشراء بطارية جديدة مما يجعله زعلان ومضايق ومشاركاته هتبقى بايخة مما يؤثر بالسلب على الرابطة ( على شان ثمن البطارية )

السلام عليكم
والله يا اخى ده من ذوقكك ده انا ازودهملك
عموما فكهم وهاتهملى على شلبى عشان ابيعهم واشترى بدالهم جوز جديد
ربنا يخليك ليا يا خالد باشا ويكفيك شرهم
بس برضه لازم تشارك حت ولو مشاركه رمزيه يعنى ولو بربع ثمن الفردتين اللى هجيبهم

مش قصة ذوق ولا حاجة ده حق حضرتك يا فندم واللى ابتدى القصة دى هشام ربنا يكرمه
وكمان النبى صلى الله عليه وسلم بيقول فى حديث ( طبعا مش فاكره )
بس فيما معناه
من كان عنده فضل ظهر فليعد به على من لا ظهر له .....................
حتى ظننا انه لا حق لاحدنا فى فضل عنده
ظهر يعنى ركوبة ( حصان - ناقة - سيارة )
وفضل يعنى زيادة عن الحاجة

[Bonanza]

السلام عليكم
ازيك يا اسامه باشا
ايه يا عم الشغل الجامد ده
انت المفروض تبقى ضابط فى سلاح المواصلات ده شرح ممتاز ده انا قريت المشاركه بتاعه الراجل اللى بيسال عن العزبه وانا تقريبا ساكن فوق فاروق مع هشام اصل هشام اشترى البيت ده واجر المحل لفاروق وقعدت افكر اوصفله ازاى لحد ما قريت وصفك قلت ايوه هو كده الله ينور
وكمان ايه يا سيدى التوقيعات المفرقعه الجميله دى
انا من ساعه ما شوفتك وانا بقول انك استايل
ما شاء الله عليك

ازيك يا عدول باشا ... واحشني يا راجل والله
هو ايه سلاح المواصلات ده يا ريس ... هو ده السلاح اللي لازم يبقي معاك وانت راكب ميكروباص
وان كان علي التوقيع يا باشا اتفضل والله ما يغلي عليك يا عدول
صباح الفل

[mikology]

صباح الفل على الكل
ايه يا عم جاليليو يا فنان الحلاوة دى - بجد بهرتنى - تسلم ايديك يا معلم

بخصوص الفيش - لحد دلوقتى ماوصلتش - فين الفيش دى يا مان ؟؟
وايه اللى فى دماغك بالظبط - يعنى لو السحب تمام بعد ما شيلته - يبقى عيب ايه بالظبط
اخر التطورات - تنتسش على السرعات لحد التالت - حاسس انى فى فيييل محشور فى الرشاش - مكتومه شويتييين
بتبطل فى المطبات - تكاد تكون تبطل فى معظم التهديات - لازم ازد بنزين سيكا كده و احرك العجل
بكره هاروح للميكانيكى و بعده هاسافر - عاوزين حل جزرى عشان كده كده هافك المكنه كلها بره عشان اعمل طقم الدبرياج ده - فكله هايبقى قدامى

[heshamzaky]

صباح القل على أحلى ناس عاملين اية يا جدعان الصبتح لفرد فرد جميعا

[galilio_mad]

صباح الفل على الكل
ايه يا عم جاليليو يا فنان الحلاوة دى - بجد بهرتنى - تسلم ايديك يا معلم

بخصوص الفيش - لحد دلوقتى ماوصلتش - فين الفيش دى يا مان ؟؟
وايه اللى فى دماغك بالظبط - يعنى لو السحب تمام بعد ما شيلته - يبقى عيب ايه بالظبط
اخر التطورات - تنتسش على السرعات لحد التالت - حاسس انى فى فيييل محشور فى الرشاش - مكتومه شويتييين
بتبطل فى المطبات - تكاد تكون تبطل فى معظم التهديات - لازم ازد بنزين سيكا كده و احرك العجل
بكره هاروح للميكانيكى و بعده هاسافر - عاوزين حل جزرى عشان كده كده هافك المكنه كلها بره عشان اعمل طقم الدبرياج ده - فكله هايبقى قدامى

يا باشا ربنا يخليك

كلمنى النهاردة و انا اظبطك فى قصة الفيش دى , و لو السحب اتحسن حيبقى العيب من حساس الشكمان

هو وظيفته انه بيقيس كمية الاكسجين اللى فى العادم و بالتالى بيستنتج ان فى بنزين مش محروق
و بيدى اشارة للكونترول يونت بزيادة او تقليل ضخ البنزين
و لما بيكون مهيس او بايظ بيدى اشارات وهمية و بالتالى الكونترول بيبقى اهبل قوى و هو بينفذ الاشارات دى

لما بتفكه , الكونترول مش بيلاقى اى اشارة جايه منه و لا صح و لا غلط
يروح مفترض لنفسه نسب اكسجين و يتصرف على اساسها و كده كده بتكون اعلى من الحساس حتى و هو شغال كويس , فتبان اذا كانت المشكله منه و لا ايه بالضبط

و على فكرة ال " سيكو سيكو " لسه معايا فى شنطة العربية , انت مش عاوز تشوفها ولا ايه ؟؟؟

[heshamzaky]

راجع تانى لكم الساعة 1

[Bonanza]

يا جاليليو يا جن
ايه يا عم الجمال ده ... عظمة علي عظمة
ماشاء الله يا ريس
صور جامده جدا

[mikology]

صباح الفل يا اتش - مش عاوز تشوف السيكو سيكو يا اتش ؟؟
انا عن نفسى هاروح اشوف السيكو سيكو ده بعد الشغل - هاكلمك كمان حبتين نتفق يا جاليليو

[galilio_mad]

يا جاليليو يا جن
ايه يا عم الجمال ده ... عظمة علي عظمة
ماشاء الله يا ريس
صور جامده جدا

حبيب قلبى , ربنا يخليك يا باشا

[reemnabel]

هو غلط انى امشى بالعربيه والكوبلن جايب زيت كده

[kdosoki]

هو غلط انى امشى بالعربيه والكوبلن جايب زيت كده

معنى الكوبلن جاب زيت ان الكاوتشة بتعته اتقطعت ولما الكواتشة تتقطع التراب يدخل ويعمل احتكاك
ويبتدى عمر الكوبلن فى الانهيار وبداية الانهيار صوت الطقطقة عند الملفات وبالذات عند كسر الدريكسيون للاخر
الموضوع فى الاول بيكون سهل السيطرة عليه ( تغيير كاوتش كوبلن )
التأخير فى تغيير الكاوتش ؟؟؟

[kdosoki]

لحد ما الميكانيكى ربنا يكرمة ويرجعة بالسلامة من رحلة بور سعيد
خدى الملفات على واسع (بقدر الامكان)
خدى الملفات بسرعة بطيئة
مفيش داعى لكسر الدريكسيون على الاخر

[ZALABANY]

بالنسبة للثرموستات ياجماعة ماحدش يشتري الثرموستات رخيص ولا ايطالي عشان مضروب وهايعلق هايعلق انا جربت اكتر من نوع اخرهم توع اسباني ب 40 جنيه من عند يوسف لونه اسود وماشي كويس الحمد لله
عادل باشا واحشني عارف كارفور بيتميز في حاجات وهايبر بيتميز في حاجات بس تحس هايبر وات ارقى من كارفور شويه والزحمه مش بتبان فيه اوي عشان دورين وفي كاشير في الدورين بس الاجهزه في هايبر ارخص من كارفور
جاليليو يا فنان ايه ياعم المواهب الجمده دي الله ينور يا معلم

[kdosoki]

بصراحة يا جاليليو بعد الصور اللى شفتها انا متشوق جدا اعرف انت بتشتغل ايه ؟
مش علشان اعرف
بس علشان أتأكد انك بتستغل موهبتك فى شغلك ( يبقى شيئ ممتع )
ربنا يوفقك

[galilio_mad]

هو غلط انى امشى بالعربيه والكوبلن جايب زيت كده

لأ مش غلط , بس مش كتير ( كام يوم بس )

المشكله لو الزيت فضى خالص , الفتيس حيبقى ماشى من غير زيت
و حيتفرتك من جوه و ممكن سنون التروس تتكسر

حاولى ما تمشيش بيها كتير , الله اعلم الكاوتشة مقطوعة من امتى و زيت الفتيس فاضل فيه قد ايه
و ممكن تروحى بنزينة تزودى زيت الفتيس لحد ما تغيرى الكاوتش