رابطة مالكي وعشاق التمبرا (الجزء الأول)

[heshamzaky]

باشا قبل ما ارد عليك بس هسلم عالناس اللي هنا حبايبي (جاليليو و هشام باشا)

ازيك يا سمسم و انا شاء الله بالنجاح و التوفيق وسلامى للجميع

[heshamzaky]

الاخ الفاضل جاليليو شكرا على الرد وشكرا على التوضيح بس هوا يعنى لما الراجل يجى يفكه هيطلعه هوا والسربنتينه مع بعض ومش هياثر على التكييف يعنى يفك وصلاتهم ومش هيحصل حاجه معلش بقه اخوك لسه جديد

الراجل حا يفك الرادياتير فقط مالوش دعوة بالسربنتينة نهائيا الا لو حا تلعب فى السربنتينة لللاصلاح و زى ما جاليليو قالك بس انت الى حا تقكة لية الصنايعى هة الى بيفك الرادياتير و خلى بالك المية الى جواة بتبقى سخنة ممكن تحرق أيدك و دى صور الحاجة و هية مفكوكة الرادياتير و المروحة و الى راكبة فى العربية هى دى السربنتينة السوداء الكبيرة الصور للتوضيح يا باشا

[heshamzaky]

صباح الفل يا رجاله اخباركو ايه
انا عاجبنى اوى العربيه دى ... هل ينفع اركب ابنوس زى الى ف الصوره دى؟

ازيك يا باشا بص هو ممكن انت عارف انا العربية عندى فيها الابانوس دة و كان ناقص منة الوش الابانوس بتاع لوحة التكيف و قعدت تدور عليها حوالى سنة و نص مش موجودة ابدا و بالصدفة البحتة لما رحت العزبة مع الدكتور ضياء فية محل هناك هو يعرفهم و بيشترى من عندهم لقيت القطعة كاملة سألتة عليها قال لى مش ممكن افك الابانوس لازم يبيع الجزء دة مامل بالكنصول بعد مداولات عديدة اشتريت لوحىزراير التكيف كاملة منة علشان اركبها بس هى جت مصلحة لان لوحة التكيف الزرايركانت مخربشة شوية بس شغالة تمام و أخدتها بعض فصال مرير ب 150 جنية و الكونصولة كاملة كان عاوز فيها 450 جنية و الجزء الى فية الولاعة و الطفاية 250 جنية فهمت قصدى

[heshamzaky]

الصور دى قبل و بعد تركيب الوش الاصلى الى كان ناقص و على فكرة الوش دة خشب بجد مش وش بلاستيك

[heshamzaky]

بص يا سيدى

الطريقة الاسهل و الاسرع انك تفك الصدام و الشبكة
و طبعا توصيلات الميه و فيشتين الترموستات و المروحة , و بعدين تفك المروحة نفسها و راكبه ب 3 مسامير " 8 "

لو العربية مش مكيفة القصة اسهل شوية , 6 مسامير " 8 " مثبتين الرادياتير فى القميص البلاستيك و مسمارين مثبتين الرادياتير فى الصدر الحديد
تفكهم حتلاقى الرادياتير بقى حر شوية , تشده لفوق عشان تطلعة , و من تحت بيبقى راكب فى خرمين بكاوتشتين

لو العربية مكيفة , الرادياتير بيبقى راكب على السربنتينة , و الاتنين بيتفكوا , و بتسيب السربنتينة مكانها و ما بيحصلش اى حاجة للفريون و بيزيد كام مسمار فى الفك

الله ينور يا جاليليو و معلش عاوز أقول حاجة صغيرة بعد أذن جاليليو بك كعب الغزال الادياتير بيبقى و هو راكب بين الصاج مكان المسامير و الربط فى صدر العربية فية كاوتش مدور زى كوتش الطعمية بتاع العفشة و دة راكب علشان يمنع الذبذبات و الرجرجة و يحمى الرادياتير شوية و الصور يا جاليليو بتاعت الشرح بتاعك اهية

[heshamzaky]

اه هى فعلا شكل ده بس طبعا مش بتبرق كده هههههههههه

لو عاوزة الموتور يبرق كدة القصة حا تكلفك حوالى 15 جنية من اولها لا أخرها فقط غسيل الموتور فى المحطة ب 8 جنية و 3 لتر جاز و الباقى بقشيش للراجل ههههههههه بجد مش بهزر انتى شوفتى صور الموتور عندى عامل ازاى أهوة انا بصراحة بهتم بالكماليات شوية و عدة الصوت بس الاساسيات طبعا دى حاجة لوحدها بس بحب اكون مكمل باقى الطبخة كلها مش حا تقف على شوية ملح و العملية كلها تبقى جديد فى جديد ههههههههههههههه

[heshamzaky]

بص هو عندى كان ايطالى و عليه ختم الشركة و عند الوالد نفس الشئ فى التمبرا

و بعدين انا قلت مثلا لقيت حاجة محفورة على البلوك ولا وش السلندر و جاى تشككنا فى العربيات
تقولى الجوان المانى , طب يا ريت يطلع الموتور المانى , هو حد يطول

جاليليو انا راشق قولى الكلام دة محفور فين على الموتور عاوز أشوف بص بالنسبة للعربية عندى ورق المرور كانت نازلة من ألمانيا شتوتجارت تحديدا بس معرفش طبعا هية متجمعة فى اى بلد و لما سالت التوكيل الراجل فى أوماترا برضو معرفش بس قعد يسال جبت الموديل دة من التمبرا أزاى لدرجة انة شككنى فى العربية و قلت المافيا برة سارقينها ههههههههههههههههههههههههه

[heshamzaky]

ا/ هشام ازايك ياباشا عامل ايه حلو اوى الفكره دى ياباشا وهتبقه مفيده جدا خاصه للمبتدئيين فى التمبرا زى كده

يا باشا العفو كلنا مبتدئين احنا كلنا بنحب العربيات دى و بالفعل حا تلاقى صور لكل ما هو متاح انا من هواة تدعيم المعلومة بصورة توضيحية

[aliit]

الراجل حا يفك الرادياتير فقط مالوش دعوة بالسربنتينة نهائيا الا لو حا تلعب فى السربنتينة لللاصلاح و زى ما جاليليو قالك بس انت الى حا تقكة لية الصنايعى هة الى بيفك الرادياتير و خلى بالك المية الى جواة بتبقى سخنة ممكن تحرق أيدك و دى صور الحاجة و هية مفكوكة الرادياتير و المروحة و الى راكبة فى العربية هى دى السربنتينة السوداء الكبيرة الصور للتوضيح يا باشا

شكرا ياباشا على فكره مش انا اللى هفكه انا بسال علشان لما اروح للراجل مبقاش واقف كده زى الاطرش فى الزفه وعلشان لو لاقيته عمل حاجه كده ولا كده الحقه انت عارف الصنيعيه ساعات بتستهبل

[galilio_mad]

جاليليو انا راشق قولى الكلام دة محفور فين على الموتور عاوز أشوف بص بالنسبة للعربية عندى ورق المرور كانت نازلة من ألمانيا شتوتجارت تحديدا بس معرفش طبعا هية متجمعة فى اى بلد و لما سالت التوكيل الراجل فى أوماترا برضو معرفش بس قعد يسال جبت الموديل دة من التمبرا أزاى لدرجة انة شككنى فى العربية و قلت المافيا برة سارقينها ههههههههههههههههههههههههه

مش على الموتور يا اتش

على حرف جوان وش السلندر فى الحته اللى باينه من الجنب اليمين

و بالنسبة للموتور بجد معرفش معمول فين و عمر ما جه فى بالى ادور على المعلومة
و كده كده مش حتفرق معايا مصنوع فين

[mlav_cbr]

بصراحه اانا حاسس اننا اشترينا المنتدى لحسابنا احنا تقريبا قربنا نخلص على صفحاته كلها فى التمبرا بس
صباح الفل يا رجاله

[Ahmed_Farouk]

بمناسبة ترموستات الكوعة. هو شيله غلط فعلا على المتور؟ و هو عامل كام؟ و تركيبه سهل و لا صعب؟؟

الحمد لله حليت مشكلة السخونة

العربية من ساعة ما غيرت الرادياتير و طرمبة المية كانت بتسخن شوية بس فى المعقول

جت من يومين كده و ابتدت توصل 110 لدرجة ان بلف الغطا كان بيفضى نص المية من كم الضغط اللى فى دورة المية

نزلت النهارده جبت ترموستات كوعة و ترموستات مروحة و علبة كولانت للرادياتير
و الحمد لله الدنيا ظبطت و اخر تمام

[galilio_mad]

بمناسبة ترموستات الكوعة. هو شيله غلط فعلا على المتور؟ و هو عامل كام؟ و تركيبه سهل و لا صعب؟؟

ايوه غلط , ليه ؟؟؟

الترموستات ده ليه وظيفتين مهمين قوى :
1- بيفضل مقفول لغايه ما الميه تسخن جوه الموتور و بعدين يفتح عشان دورة الميه تمشى طبيعى و ده بيساعد ان العربية تسخن بسرعة

2- بيحافظ على تدفق قليل للميه من الموتور للرادياتير و ده مهم عشان الميه اللى فى الرادياتير تاخد حقها فى التبريد


لما تشيله بتلخبط الدورة شوية , الساقع بيدخل على السخن , لما تقف الحرارة تعلى و لما تمشى تنزل و كل ما تجرى الحرارة تنزل اكتر
و ده على المدى الطويل غلط على الموتور و لو العربية انجكشن بيلخبط الكونترول يونت شوية عشان الاختلاف المستمر فى الحرارة


و بالنسبة لتكلفته , هو عادة بتتباع الكوعة كاملة بالترموستات بحوالى 45-55ج
اللى لقيته و بالصدفة ترموستات لوحده ب 25ج و تركيبه سهل جدا و ما ياخدش اكتر من 10 دقايق

[Ahmed_Farouk]

ايوه غلط , ليه ؟؟؟

الترموستات ده ليه وظيفتين مهمين قوى :
1- بيفضل مقفول لغايه ما الميه تسخن جوه الموتور و بعدين يفتح عشان دورة الميه تمشى طبيعى و ده بيساعد ان العربية تسخن بسرعة

2- بيحافظ على تدفق قليل للميه من الموتور للرادياتير و ده مهم عشان الميه اللى فى الرادياتير تاخد حقها فى التبريد


لما تشيله بتلخبط الدورة شوية , الساقع بيدخل على السخن , لما تقف الحرارة تعلى و لما تمشى تنزل و كل ما تجرى الحرارة تنزل اكتر
و ده على المدى الطويل غلط على الموتور و لو العربية انجكشن بيلخبط الكونترول يونت شوية عشان الاختلاف المستمر فى الحرارة


و بالنسبة لتكلفته , هو عادة بتتباع الكوعة كاملة بالترموستات بحوالى 45-55ج
اللى لقيته و بالصدفة ترموستات لوحده ب 25ج و تركيبه سهل جدا و ما ياخدش اكتر من 10 دقايق

ألف شكر على الرد. هو فيه أنواع ليه و لا هو نوع واحد؟؟

[galilio_mad]

ألف شكر على الرد. هو فيه أنواع ليه و لا هو نوع واحد؟؟

تقريبا كل اللى موجود تركى , و ما شفتلوش نوع قبل كده اصلا

هو بس يكون شكله نضيف و يكون محفور عليه درجة الحرارة اللى بيفتح عندها