رابطة مالكي وعشاق التمبرا (الجزء الأول)

[galilio_mad]

الحمد لله حليت مشكلة السخونة

العربية من ساعة ما غيرت الرادياتير و طرمبة المية كانت بتسخن شوية بس فى المعقول

جت من يومين كده و ابتدت توصل 110 لدرجة ان بلف الغطا كان بيفضى نص المية من كم الضغط اللى فى دورة المية

نزلت النهارده جبت ترموستات كوعة و ترموستات مروحة و علبة كولانت للرادياتير
و الحمد لله الدنيا ظبطت و اخر تمام

[heshamzaky]

نفس السؤال يا جاليليو فكرتنى بموضوع الاستيكر منك لله ههههههههههههههههههههههههههههههههههه

[heshamzaky]

الحمد لله حليت مشكلة السخونة

العربية من ساعة ما غيرت الرادياتير و طرمبة المية كانت بتسخن شوية بس فى المعقول

جت من يومين كده و ابتدت توصل 110 لدرجة ان بلف الغطا كان بيفضى نص المية من كم الضغط اللى فى دورة المية

نزلت النهارده جبت ترموستات كوعة و ترموستات مروحة و علبة كولانت للرادياتير
و الحمد لله الدنيا ظبطت و اخر تمام

مبروك يا باشا و يبارك لك فيهم

[galilio_mad]

فى ديدرا 4x 4 مشهوره باسم EVO

انت قصدك على الدلتا مش الديدرا

و فى منها evo1 و evo2

باشا قبل ما ارد عليك بس هسلم عالناس اللي هنا حبايبي (جاليليو و هشام باشا)

سمسم حبيبى
عامل ايه يا ريس و ايه اخبار النتيجة ؟؟

[reemnabel]

شوماخر لو الموتور عندك كدة العمة المستطيلة تبقى العربية أنجيكشن و أيطالى مش مصرى الموتور دة حلو أعتقد ان التمبرا دى أيطالى مكتوب اية على شنطة العربية للتأكد عموما لو العمة زى دى يبقى منظف الانجيكشن ينفع جدا عند و يجيب نتيجة ممتازة فى السحب

اه هى فعلا شكل ده بس طبعا مش بتبرق كده هههههههههه

[eng_tefa]

صباح الفل يا رجاله اخباركو ايه
انا عاجبنى اوى العربيه دى ... هل ينفع اركب ابنوس زى الى ف الصوره دى؟

[mikology]

محفورعلى جوان وش السلندر made in germany على اليمين خالص

[yoyomano]

اية رأيكم تكتبو تواريخ ميلادكم علشان نهنى و بلاش كتابى السنة اليوم و الشهر بس يالا هشام 26 نوفمبر

25/1/1971 ياسر منصور

[aliit]

أنا جيت يا رجاله ايه ده أغيب عنكم يوم الاقيكم عملتو انقلاب على هشام عامة بالتوفيق انا ماعنديش مشكله خالص يا جاليليو بس انا عايز نصيبي على جنب وانا هاسسبكم تنقلبوا زي ما انتوا عايزين بص يا سيدي انا هاخد التالي
جفرنر الكاربيراتير بتاع التكييف
علبة الدركسيون
الجنوط
وكده تبقى جبرت

ميكو على فكره انا غيرت عادل سيينا حسيت انه مش اوي وبيغالي اوي في مصنعياته وبروح دلوقتي لعبد اللطيف ميكانيكي الرالي اللي في شارع ترسا وتمام بصراحه
امبارح رحتله العربية ما كانتش عاجباني وكان في زيت بييجي من تحت
غيرت جوان كارتيرة الزيت وجوان التاكيهات ونضفت الكاربيراتير وفكيت حساس الكرنك نضفته لأن الميكانيكي قالي ان الحساس ده هو اللي بيظبط الحريق لان اسبراتير ده الكتروني ما يتظبطش مانيوال والحساس ده هو اللي بيظبط القصه وقد كان فك الحساس نضفه وقاسه انا حاسس ان العربية فوقت الحمد لله

صباح الفل ، وحمدلله على السلامه ياباشا ، ياترى الميكانيكى دا فين فى ترسا ؟

[aliit]

تمام يا باشا بص بقى انت عارف انا بفكر فى اية نفتح موضوع جديد على المنتدى و نضع بة جميع صور قطع الغيار و طريقة حل كل مشكلة زى ورشة كدة انت عليك و الاخوة الى ليهم فى الميكانيكا الدعم الفنى و انا عليا التوضيح الظاهرى بالصور يعنى نعمل زى كتالوج صيانة و طبعا الدوك حا تلاقية معاك علشان ما يقولش انى ناسية لانى مش ناسبة طبعا و الاخ مصطفى و كل زلبانى بتاع الكهرباء و كل اخوتى الى بحبهم و ليهم فى الميكانيكا اية رأيك أفتح الموضوع و أسمية مثلا ((((( الدليل الشامل ل فيات تمبرا بالصور )))))))) ايى رايك و الرابطة دى الاساس طبعا الى أنشأها زلبانى باشا

ا/ هشام ازايك ياباشا عامل ايه حلو اوى الفكره دى ياباشا وهتبقه مفيده جدا خاصه للمبتدئيين فى التمبرا زى كده

[aliit]

يارداله انا روحت للكهربائى علشان اشوف التكييف مش شغال ليه خاصه ان بتاع التكييف قالى انه شغال تبريد كويس ، انا لما كنت بشغل التكييف مكنش بيشتغل كان الزراير بتاعته بتنور بس والكباس مش بيشتغل فالكهربائى جه على علبه تحت الطابلوه فيها زى فيوزات كده خاصه بالتكييف ودى تحت الطابلوه فى اليمين كده وقعد يلعب فيها التكييف بيشتغل ويفصل بمزاجه يعنى ممكن اقفل مفتاح التكييف ويفضل شغال عادى والكهربائى قالى لازم تروح لواحد بتاع تكييفات يظبطه لان المشط دا ملعوب فيه " طبعا انا شاكك فى الكهربائى دا لانه شكله مكنش فاهم فيه حاجه" + انه لما التكييف بيشتغل بيجيب هوا سخن وانا مش فاهم اوى فى التكييف التاتش انتو ايه رايكم واسف على الاطاله

[aliit]

وممكن استفسار تانى هوا فضول منى بصراحه هوا الريدياتير بتفك ازاى لان شايف ان مكانه مزنوق شويه ؟

[galilio_mad]

محفورعلى جوان وش السلندر made in germany على اليمين خالص

بص هو عندى كان ايطالى و عليه ختم الشركة و عند الوالد نفس الشئ فى التمبرا

و بعدين انا قلت مثلا لقيت حاجة محفورة على البلوك ولا وش السلندر و جاى تشككنا فى العربيات
تقولى الجوان المانى , طب يا ريت يطلع الموتور المانى , هو حد يطول

[galilio_mad]

وممكن استفسار تانى هوا فضول منى بصراحه هوا الريدياتير بتفك ازاى لان شايف ان مكانه مزنوق شويه ؟

بص يا سيدى

الطريقة الاسهل و الاسرع انك تفك الصدام و الشبكة
و طبعا توصيلات الميه و فيشتين الترموستات و المروحة , و بعدين تفك المروحة نفسها و راكبه ب 3 مسامير " 8 "

لو العربية مش مكيفة القصة اسهل شوية , 6 مسامير " 8 " مثبتين الرادياتير فى القميص البلاستيك و مسمارين مثبتين الرادياتير فى الصدر الحديد
تفكهم حتلاقى الرادياتير بقى حر شوية , تشده لفوق عشان تطلعة , و من تحت بيبقى راكب فى خرمين بكاوتشتين

لو العربية مكيفة , الرادياتير بيبقى راكب على السربنتينة , و الاتنين بيتفكوا , و بتسيب السربنتينة مكانها و ما بيحصلش اى حاجة للفريون و بيزيد كام مسمار فى الفك

[aliit]

بص يا سيدى

الطريقة الاسهل و الاسرع انك تفك الصدام و الشبكة
و طبعا توصيلات الميه و فيشتين الترموستات و المروحة , و بعدين تفك المروحة نفسها و راكبه ب 3 مسامير " 8 "

لو العربية مش مكيفة القصة اسهل شوية , 6 مسامير " 8 " مثبتين الرادياتير فى القميص البلاستيك و مسمارين مثبتين الرادياتير فى الصدر الحديد
تفكهم حتلاقى الرادياتير بقى حر شوية , تشده لفوق عشان تطلعة , و من تحت بيبقى راكب فى خرمين بكاوتشتين

لو العربية مكيفة , الرادياتير بيبقى راكب على السربنتينة , و الاتنين بيتفكوا , و بتسيب السربنتينة مكانها و ما بيحصلش اى حاجة للفريون و بيزيد كام مسمار فى الفك

الاخ الفاضل جاليليو شكرا على الرد وشكرا على التوضيح بس هوا يعنى لما الراجل يجى يفكه هيطلعه هوا والسربنتينه مع بعض ومش هياثر على التكييف يعنى يفك وصلاتهم ومش هيحصل حاجه معلش بقه اخوك لسه جديد