رابطة مالكي وعشاق التمبرا (الجزء الأول)

[heshamzaky]

اية يا رجالة دة ههههههههه بما اننا فتحنا حلبة السباق معلش بقى لآ مش حا تعدى انا بتكلم عن عربيتى انا و دة راى شخصى معلش يا جاليليو الفيرنا مع كامل احترامى لها ما بتعديش نهائيا منى و دة لو حرقت صح معاة بس مش و الكريق زحمة يعنى طريق مفتوح

[ZALABANY]

كانت فين الماسورة دي يا دكتور عشان ابص عليها كده

[mlav_cbr]

ازيك يا باشا عامل اية بص و الله اعلم لو صوت زنة كدة و انت واقف بالعربية لما تحود الدريكسيون شمال و يمين دى علبة الدريكسيون بس الزيت لما يشتغل و ينزل فى الطرمبة بتاعت الباور ممكن يروح الصوت اما لو صوت طقطقة فى الملفات و العربية ماشية يبقى ممكن كبالن و لو صوت صفارة و تزيء من الكاوتش ممكن زوايا و كل دى اجتهادات فقط

ياباشا شكرا لذوقك وردك الصوت دة على الواقف ومع الحركه البسيطه بيزيد شويه عمتا انا زودت الزيت امبارح لما اخرج بالعربيه هجرب واقولكم على الحكايه

[ZALABANY]

أكيد يا h كنت بتشد مع حد مالوش في الجري وممكن نشوف حد من منتدى الهيونداي نجرب معاه بلاش نجرب معاه نشوف التسارع من 1- 100 في اد ايه وفي التمبرا التسارع من 1-100 في اد ايه الكلام ده لو التمبرا 1600 على ابوها مش معمول فيها اي تعديل هي مش محتاجه اثبات اصلا
تحياتي

[adelco]

صباح الفل يا هشام باشا
والله انا باطلع من عربيات كتير
اول ملاحظة ان موتور التمبرا dohc طبعا بالنسبة للموتور ال 1600 وده بيدي للعربية سرعه التحويل بين عدد كبير من قوي العزم وسرعه الاستجابة علي السرعات النخفضة داخل المدينة
تاني ملاحظة ان موتور التمبرا بيخرج اقصي عزم عند علي ما اتذكر rpm 2700 بعكس النيو اكسنت الي بتطلع عزمها عند rpm 4500
وده بيخلي التمبرا بتطلع من عربيات كتير حديثة بالذات داخل المدينة

علي الطرق المفتوحة التمبرا والحمد لله ثابته جدا وتقيلة وفي حاجة كمان هتعرفها لو بتسوق كتير ومن زمان انها بتديك احساس انك مطمن

ويا زلباني باشا هاتلي فيرنا وانا اطلعلك منها

السلام عليكم
الراجل ده ما بيهزرش
صدقنى يا زلبانى عاوز تسال عن السرعه اسئله
ده بيمشى 170 يا عم
ربنا يسترها معاك يا دوك ومع كل اللى عندهم عربيات والتمبراويه خاصه
بس بصراحه انا ليه راى فى الموضوع ده
انا راييى ان العربيه التمبرا تشجعك اكثر من اى عربيه ثانيه لانها ثابته بطريقه تضايق
وكل ما تزود تحس انك ماشى بالراحه
وما تاخدش بالك من السرعه الا لما تبص على العداد او تشوف العربيات اللى جنبك وانت بتعديها
واعتقد ان افضل تعبير اللى قاله الدوك وهو التالى :
علي الطرق المفتوحة التمبرا والحمد لله ثابته جدا وتقيلة وفي حاجة كمان هتعرفها لو بتسوق كتير ومن زمان انها بتديك احساس انك مطمن

[adelco]

اكيد , و كمان الكامة التانية و الصمامات الزيادة

بس حاقولك على حاجة , انا عربيتى 93 و ماشية 106000كم
و ممرمط بيها عربيات كتير , لانسر و افيو و ابيزا و كورسا و استرا و ...........
هاتلى بقى فيرنا فى نص عمر عربيتى و نص الكيلومترات اللى انا ماشيها و يكون صاحبها بيسوق سواقتى العصبية

و ابقى قابلنى لو عرف يعمل حاجة معايا او مع تمبرا كويسة

السلام عليكم
يا سلام انت كده جبت التايهه
ده كلام علمى ليه يا جماعه
لان احنا لما نشتغل فى الحساب لازم نوحد المقامات
يعنى ما ينفعش نقارن بين ميه وزيت
لازم نقول بالبلدى لو الفيرنا تتساوى مع التمبرا فى الحاله يبقى التمبرا تكسب وانا مع الراى ده
او لو الفيرنا تتساوى مع التمبرا فى الحاله يبقى الفرنا تكسب وده انا مش عاوز اسمعه او اصدقه بصراحه كده

[heshamzaky]

أكيد يا h كنت بتشد مع حد مالوش في الجري وممكن نشوف حد من منتدى الهيونداي نجرب معاه بلاش نجرب معاه نشوف التسارع من 1- 100 في اد ايه وفي التمبرا التسارع من 1-100 في اد ايه الكلام ده لو التمبرا 1600 على ابوها مش معمول فيها اي تعديل هي مش محتاجه اثبات اصلا
تحياتي

انت مخرض على الفساد يا معلم ههههههههههههههههههههههه يا عمى احنا مش عاوزين سباقات فورميلا هههه و لعلمك التمبرا مش علشان التسارع من الثبات لان وزنها تقيل زى البطة بس اقرص على التالت كدة و قولى رأيك و بعدين فية اية كلة عاوز يعمل معايا سباق حتى عم جاليليو بص انا قولت لجاليليو لما كنا مع بعض عاوزين نشد بس انا و الله مش قصدى مهارة السائق كلكم معلمين و باشوات يا سيدى ههههه لآ انا كنت عاوز أعرف امكانيات الموتور على حق مش أمكانيات السواق و بص بقى يا معلم انا معايا رخصة من سنة 88 بس ما تقولش لحد لحسن يهرونى طريقة و يبهدلونى ما هو انا جدو هههههههههههه

[amrseba]

يا استاذ ZALABANY

بص انا اختلف معاك هناك فرق شاسع بين التمبرا و الفيرنا

اولا الفيرنا ليس بها فرامل او نوع من انواع الثبات ده اولا

ياعنى الفيرنا طريق طوالى و طريق ننضيف و التيار معاها و مفيهوش عربيات تسد مع اجدعها عربيه لكن يا معلم انت لو خدت مطب هوا هتبقى فى الهوا يا حبيبى وما ادراك ما الهوا

امال التمبرا تقيله ركازه على الارض وكمان حضرتك بتقارن عربيه موديل سنه 2008 ولا حاجه بعربيه تسعينات 93 ولا حاجه واستعمال و فيها قطع مش اصليه فا مش هتعمل بالكفائه المطلوبه

وعلى فكره لو الاتنين زيرو قدام بعض مش هيبقى فيه وجه مقارنه من اساسوا وديه لو اتركبلها ماتور ال 2000 سى سى التربو ال 5 سلندر ال 20 صباب نفسى اشوفه على الحقيقه 186 حصان اوووووووووووووووف ده يخليك تطلع الفضاء بس مين يقدر يشد معاها عشان كده هتنيم كل العربيات الى فى مصر فى البيت

[heshamzaky]

مش حا اخرمك يا عمور بص الفيديو دة Fiat tempra Fivetech 20v Turbo 720 HPs[youtube]http://www.youtube.com/watch?v=r4e651jSYJI[/youtube]

[galilio_mad]

انا ما قلتش ان الفيرنا كعربية احسن من التمبرا , كل اللى قلته ان الفيرنا بتجمع و بتجيب سرعة قصوى اكتر و اسرع من التمبرا بحكم العمر الافتراضى

ما انا جوه البلد باطلع من 90% من العربيات و ناس بتجرى ورايا تسالنى هو ده موتور ايه اللى انت مسقطه

من الاخر , فيات عربيات عزم مش قوة حصانية
الكامة الواحدة و ال 8 صمامات و ال spi او الكربراتير جامدين جدا فى لفات الموتور القليلة تحت 3500-4500 لفة
تيجى هنا و تلاقى اليابانى و الكورى 12 او 16 صمام و عادة 2 كامة و mpi يبقى هو لازم يكسب فى ال rpm العالى
يعنى بالبلدى , موتور التمبرا حيقطع النفس بدرى و اليابانى و الكورى حيبقى لسه عندة 2000-3000 لفة يطلع فيهم قوة حصانية

و عن تجربة شخصية مع لانسر 98 ( 1300 سى سى و كربراتير ) من القاهرة الى مارينا
عربيتى بتأدى احسن منه تحت ال 120 , و بعديها بيطلع منى بفرق و ارجع اجيبه لحد 160-170 بس بتاخد وقت كبير
مع العلم ان انا قطعته من الثبات اكتر من مره و بفرق كبير

[heshamzaky]

امال انا لية يا جاليليو بقطعة فى الطريق المفتوح اكتر من عملية التسارع من الثبات على ما اظن التمبرا بتحقق عند 4000 لفة مش 6000 لفة يعنى الموتور عزمة اقوى و بعدين حا تسخنا و تخلينا ننزل نجرى فى الشوارع ههههه شايف يا زلبانى انت المحرض على السباقات دى هههه

[heshamzaky]

الموضوع دة الباشمهندس محمود كان عاملة بصو كدة

a sohc engine will produce more torque at lower rpm but less top end power

a dohc engine will produce less torque in the mid range but it will have more top end power


so a sohc will feel quicker than a dohc for daily driving because it is better in the mid range rpm levels

but a sohc will start to feel like nothing is there when you get up around 4500 rpm

the dohc will feel gutless in mid rpm but pick up quickly as you pass 4000 rpm


in a race it's most likely the dohc would win because you would run it up near redline then shift (bringing it down to 4500 rpm ) then run it up near redline and shift.

So the sohc would pull ahead in 1st gear due to it's supperior low end torque it would have less power at high rpm (4500 rpm ) so the dohc would quickly catch it as you moved into 2nd and 3rd gear.


So it's a trade off..... Better torque in mid rpm levels with the sohc where you are on daily driving versus the power of a dohc at high rpm.


The difference between the two engines is not so much the cams ( two versus one ) as it is the valves.

The sohc will have two valves and the dohc will have four valves.

At lower rpm the sohc will have a better efficency than the dohc but as the rpm rises the dohc will become more efficent than the sohc.

The best engines (like my mazdaspeed 2.3l disi turbo ) have a shutter valve to make maximum power.

Basicly at lower rpm the engine shuts a valve and completely closes off one of the ports in the dohc head so that it's more efficent and makes more power

then at higher rpm the valve opens and the engine intakes air through both ports which again makes it more efficent and makes more power.


So... A dohc that blocks one valve path at low rpm will be the most efficent and therefore fastest engine.

Hope that helps.

Chris

from daewootech.com forum

mmamdouh

و اقروة

[mlav_cbr]

ايه المقارنات ديه كلها احنا كدة وصلنا لتحدى سيارات خلاص نعمل سباق ونشوف الفرق فى العربيتين بس لو الفيرنا كسبت هزعل اوى مع انى لا اعتقد هذا

[heshamzaky]

خلاص انتو خلتوها اوتو كروس ههههههههههههه

[eng_tefa]

استاذ هشاااااام وربنا واحشنى والله ازيك يا باشا عامل ايه ؟
الف شكر على ردك انا بكره ان شاء الله هتعامل واقولك ايه النتيجه

باشا التجربه نجحــــــت الحمد لله وغيرت اللمض والساعه نورت والحياه فل
الف شكر يا باشا
*-------
عندى مشكله تانيه شكليه مش اكتر
مكان السمعات اتاكل من الشمس وبقى شكله وحش اوى مش عارف اغطيه ولا اعمله بايه؟
الاقيش عندك حل