رابطة مالكي وعشاق التمبرا (الجزء الأول)

[adelco]

والله يا باشا انا عن نفسي بقول بلاش موضوع الموقع ده .. و بلاش نسمية موقع تاني عشان الادارة ماتعملش ايقاف للعضو اللي بيفكر في كده .. خلينا نسمية كابتشينو احسن

المهم ان الفكرة في المنتدي اللي جمعنا و عرفنا علي بعض و اللي بيستفيد من وجودنا الدئم عليه طبعا لان عدد الـ page views بيزيد و ده معناه ان المنتدي ناجح ( هو ده مقياس نجاح اي موقع " عدد الاعضاء و عدد الصفحات المقروءة و عدد ضغطات الماوس علي كل صفحة ) و بالتالي الاعلانات تزيد و هو ده الدخل الاساسي اللي بيعتمد عليه اي موقع

طبعا مش معقول بعد ما استفدنا كلنا من نايل موتورز ان احنا ننقل نشاطنا و مواضيعنا المفيده جدا و اللي بيتميز بيها نايل موتورز عن اي منتدي تاني .. لان بالطريقة دي المنتدي هاينش و مش هايبقي فيه اي تجديد
حتي فكرة الشات دي هاتبقي مضرة للمنتدي , لان هانطرح فيها مواضيع و حلول لاي مشكلة و بكده هانحرم اي شخص جديد داخل انه يعرف المعلومه دي فا هايدور عليها في اي منتدي تاني

انا اسف اني اتكلمت بطريقة ممكن ماتعجبش حد
انا مقصدش اي حاجة شخصية ابدا
انا بس حبيت اوضح حاجة ممكن تكون مش واضحة او مش معروفة لحد

السلام عليكم
انا معاك 100% كلام منطقى وجميل
الله ينور عليك يا اسامه باشا

[ZALABANY]

أنا بأه اكتشفت السر
السر في مقاومة المروحة غالبا لأن المقاومةاللي ركبناها كان فيها دراع مش ملمس والكهربائي شبطه بس قالي لازم تتغير
كده ما حدث حسب تخميني وان شاء الله يطلع صح
المقاومه فصلت بالتالي المروحة ما بقتش تشتغل على السرعة البطيئة عشان كده الحراره بقت تعدي 92 والمروحة ما تشتغلش غير على 97 وكده يبقى الحل في تغيير المقاومة وان شاء الله الدنيا تتظبط
هاغيرها النهارده واقولكم الاخبار
صباح استراوش الجنزبيل

[heshamzaky]

ازيكم يا رجالة اخباركم اية جميعا

[kdosoki]

تحت أمرك يا باشا بس بجد معنديش غير صورة لعلبى تيل الفرامل اما جبتة و مستريح جدا معاة هو تركى و رخيص جدا ب 45 جنية أسمة أوركا و باقى قطع الغيلر فية محل كدة فى شارع دمشق متخصص سيور بجد حاجتة نظيفة سير الكاتينة دة حاجة مهمة جدا هو بيبقى بوش ألمانى بس مش فاكر سعرة و غيرت بلية الكاتينة برضو هية رخيصة عموما مش فاكر و سير الباور كان ب 10 جنية او 15 جنية مش فاكر و الله بس الاجمالى كان حوالى 80 جنية مثلا بالتقريب كدة 4 سيور و بلية

75 طقم فلاتر 3 قطع
40 بوجيهات
80 بلى كاتينة
135 بلى شداد دينامو
90 طقم سيور
65 سير كاتينة

175 طلمبة مياة
12 خرطوم بنزين
90 طقم خراطيم بنزين من التنك

180 طقم طنابير امامى
100 تيل امامى
85 تيل خلفى
45 سلك دبرياج

75 طقم جوانات محرك كامل ايطالى
90 ماسورة مياة تمبرا اصلى
30 فلتر زيت اصلى
25 كوعة ثرموستات
600 ردياتير + سربنتينة تكييف + مروحة تبريد

اى خدمة كل قطع الغيار من الكيلانى جديدة
ما عدارردياتير + سربنتينة تكييف + مروحة تبريد استيراد
وفى حاجات تانية بس تخص العمرة
واللى كان بيشترى مندوب مشتريات التوكيل

[mikology]

السلام عليكم
ازيك يا ميكو
انا عربيتى ما بتعديش ال92 ابدا حتى لو الدنيا ولعت
بس جت كده كام يوم بدات تخرف واعدت الف حوالين نفسى وطلع فى سببين والسببين كانوا تسريب
الاول كان من الغطاء والثانى كان من وصله كاوتش اللى بتدخل الميه للموتور كانت فيها شرخ ما بيسربش الا لما الميه تسخن قوى وده كان عيب خفى وما كنتش اقدر اكتشفه الا بالصدفه لانه متدارى وكان بيطلع بخار ما بيبانش
ولما غيرت الغطاء وغيرت الوصله وكمان غيرت الغطاء بتاع الهواء اللى فى الرادياتير (العصفورة الصغيرة) كله بقى تمام

يا معلم منتا عامل حاجة عندك كده
ثم انا مابقولش لازم تجيب 97 بس ده مش حاجة غريبه

[galilio_mad]

صباح الخير جميعا

بص بقى يا عم هشام ................ و لا اقولك , خلينى اشوقك شويتين كمان

شوف الصور دى و قوللى رأيك فيها و ممكن تكون ايه ؟؟؟؟؟؟؟؟

[galilio_mad]

جاليليو سؤال كدة على الماشى بص فى الصورة دى الى معمول علية علامة دة بتاع اية اصلى شوفتة فى العربيات الدجيتال برضو و بصراحة انا مش عارف الفيشتين دول راكبين فى اية او بتوع اية

دى يا سيدى المقاومة بتاعة الكونترول يونت و لو فصلت اى طرف منها العربية مش حتدور اصلا
و دى مرة الكهربائى الله يحرقه كان عندى مشكلة فى الدينامو و بيجرب راح عاملها قفلة طيرلى الكونترول

و بتبقى موجودة فى كل الانجكشن مش فى الديجيتال يا اتش

و الصباعين دول برضو مش عارف دول اية كبر الصورة حا يبانو معاك

و الله اعلم دول فيش حساس الشكمان , انا مش مميز اى حاجة من الصورة

[heshamzaky]

دة شكل الكاربراتير الكهرباء مختلف شوية عن شكل الانجيكشن الى انا عارفة حاجة بسيطة

[Bonanza]

صباح الفل علي كل اللي موجودين
ايه دا يا جاليليو .. دا كاربراتير ؟؟؟؟

[galilio_mad]

دة شكل الكاربراتير الكهرباء مختلف شوية عن شكل الانجيكشن الى انا عارفة حاجة بسيطة

يا راااااااااااااااااجل

بقى انا عامل الفيلم ده كله انا و مايكل و مصورلك ال tb و قلت بقى انا عامل سبق صحفى

و تيجى انت تقولى مختلف " شوية "

[heshamzaky]

مش فاهم الصور الى انا رفعتها هى الانجيكين بذات نفسة

[galilio_mad]

مش فاهم الصور الى انا رفعتها هى الانجيكين بذات نفسة

حبيب قلبى مانا عارف ان الصورة بتاعتك هى بتاعة الانجكشن بتاعى و بتاعك و بتاع كل التمبرا الانجكشن اللى شوفتها فى حياتى , انا عايزك تخمن صورى انا بتاعة ايه

و زى ما بيقول الامريكان Think Outside The Box يا اتش , اطلق لخيالك العنان




فييييينك يا دكتور ضياء , حاسس ان انت اللى حتهرشها

[heshamzaky]

حبيب قلبى مانا عارف ان الصورة بتاعتك هى بتاعة الانجكشن بتاعى و بتاعك و بتاع كل التمبرا الانجكشن اللى شوفتها فى حياتى , انا عايزك تخمن صورى انا بتاعة ايه

و زى ما بيقول الامريكان think outside the box يا اتش , اطلق لخيالك العنان

مبعرفش افكر الا جوة الصندوق انا مش ذكى قوى كدة اية دى كاربراتير كهرباء أصلى بصراحة ما شفتش شكل الكربراتير العادى و ألا كنت صورتة او عرفتة (((((( عروستى ))))

[kdosoki]

يا جماعة اظن هو ده الكربيراتير اللى راكب فى عربيتى

[kdosoki]

انا عربيتى موديل 93 ايطالى
ومش انجيكشن