عربيتك بتعمل كام فى الصفيحة ؟؟

[maefy]

ما شاء الله انا معايا دوجان 1600 موديل 1992 وبتعمل 200 داخل البلد مع التكيف كمان ومقطعها سفر شرم الشيخ اسكندرية والعكس بتعمل من 230:240 فى السفر قولو ما شاء الله

ما شاء الله ربنا يبارك لك فيها

انا كنت ظالم عربيتى يا جماعه وعامل لها محكمة وانا بأعتذر لها امامكم
انا عربيتى 127 موديل 1983 995 سى سى
داخل البلد الــ 10 لتربتعمل 100 كم
خارج البلد الــــ 5 لتر بتعمل 100 كم بسرعة قيادة 90كم
وناس كتير بتقولى استهلاكك عالى
م/ أشرف محمد

ما شاء الله ... أيوه كده جينا للكلام المنطقى حسب سعة الموتور ... بس تفتكر العيب فين فى العربيات اللى بتستهلك ضعف الرقم ده تقريبا ؟

[ahmadhussein]

انا عربيتى ريجاتا 1985 بتعما حوالى 125 ك فى الصفيحه مع ان الكاربراتير كان مش تمام وعملت له صيانة كامله ( اكس وباب و طقم جوانات وبكات ) وبعد كده لقيت العربية بتعما زى ما قولت 125 فى الصفيحه فهل ده طبيعى ولا لسه بتاكل بنزين يارييت حد يفيدنى علشان انا طلع عينى .

[Abdm]

أنا عربيتى 127 فيورا بتعمل فى المدينة من 200 : 220 فى الصفيحة حاليا بس أنا عارف أن المعدل دة قليل وهى كانت من حوالى سنة كانت بتعمل 300 فى الصفيحة قبل ما أعمل طقم شنبر وأنا غيرتلها طقم الكهربا وبردة مش عايزة ترجع للمعدل السابق ذكرة والعلاج هو اللى أنا عملتة من سنة بس أنا مطنش شوية لانى زهقت من الميكانيكية وهو ظبط التيكهات والكهربا عند ميكانيكى 10/10 مع ظبط الكربراتير عند متخصص كاربراتير أمين علشان ما يعكش ويقلك العيب عند الميكانيكى .

[macsherif]

عربيتى شاهين 1995 و 1300 سى سى
بتعمل 200 فى الصفيحه بنزين 92

[ziours]

كنت عايز اعرف ياجماعة 132 بتعمل كام في تفويلة التنك يعني (45 لتر) ياريت حد يقولي احسن انا لسة عامل صيانة في الكربرتير (اكس وباب و فواني 15و120 و جوانات)
شكرا

[ozy2026]

انا عربيتى 125 موتور 1500 سى سى واحد كامه
بس هو بدأ يتعب
ع العموم هى جوه البلد الصفيحه بتعمل 150 كيلو
انما على السريع بتعمل حوالى 200 كيلو فى الصفيحه

[مواطن مصرى]

السلام عليكم ورحمة الله وبركاته

عربيتى ريجاتا موديل 1989 محولها غاز طبيعى

زمان ايام استخدام بنزين 80 الصفيحه كانت بتعمل 150 كيلو داخل البلد مع التكييف تزيد 10 او 20 كيلو بدون التكييف

فى حاله استخدام بنزين 90 الصفيحه كانت بتعمل 120-130 كيلو بالكثير بالتكييف

الان و باستخدام الغاز الطبيعى الحسبه ممكن تكون مختلفه شويه
لنفترض ان 10 متر مكعب غاز = نصف صفيحه بنزين (10 لتر)
العربيه بتعمل 90 داخل البلد بالتكييف و لو ضربنا فى 2 فما يعادل صفيحه بنزين (20 لتر غاز طبيعى) هيعمل 180 كيلو لكن للاسف الشديد تانك او اسطوانه الغاز الطبيعى سعتها 15 لتر فقط

شكرا لصاحب فكره الموضوع

[YaSSerwIN]

عربيتى ال127 كانت بتعمل 200 كيلو فى الصفيحة فى الطريق المفتوح

ياعنى مثلا ً من القاهرة إلى أسكندرية والسرعة من 110 إلى 125 طول الطريق

[x100]

فيات 132 1600 كانت بتعمل 210 ك فى السفر 180 داخل البلد دلوقتى مبتكملش 140 وكبرت دماغىة علشان زهقت

[maka]

لسه واحد زميلى بيحكلى من يومين عربيته بتعمل 85 كم فى الصفيحة !!!!! وهى 128
ولما قولتله كده قليل اوى قلى ما انا عارف والعيب عندى فى الكاربيتير

[YaSSerwIN]

وياترا هو مبسوط كدة يا استاذ ماكا
دة كدة بيدفع فلوس فى بنزين أكتر من فلوس صيانة او تغير الكربراتير

[maka]

وياترا هو مبسوط كدة يا استاذ ماكا
دة كدة بيدفع فلوس فى بنزين أكتر من فلوس صيانة او تغير الكربراتير

لما قولتله كده قلى انا بحط 80 ومش فارقة معى ............شكله من النوع الكسول

[ziours]

ياجماعة محدش قالي التفويلة في 132 بتعمل كام؟

[Qamar]

ياجماعة محدش قالي التفويلة في 132 بتعمل كام؟

كام سي سي ؟

[Qamar]

صديق كان معاه واحدة 1600 كانت بتعمل 160-180 في الصفيحة قيادة معتدلة طرق سريعة و قليل وسط البلد