Tweet
تجربة قيادة ال128!!!! ، و اكتشافات اخرى
اولا احب اقول انى بحب العربية دى جدا ، و بحترمها اوى من ايام ما كانت عندنا و ياما بهدلناها و مكانتش بتفتح بقها، بس بما انى لما اتعلمت سواقة اتعلمت على فيرنا ، و لما سوقت سوقت فيرنا ثم عربيتى ، فمكنش عندى اى فكرة ازاى العربيات ( 128 - 127 - لادا ) بتتساق
و انها مختلفة قلبا و قالبا عن اى حاجة انا شفتها او سوقتها قبل كده
و لان دايما صحابى كانو دايما يقولو ان سواقتى دى مش سواقة
، و ان اللى عايز يسوق بجد يسوق 128 او لادا عشان يعرف معنى السواقة الصح
و لان واحدة من صديقاتى معاها 128 و بتحبها جدا:k4:
قررت اقبل التحدى و اجرب قيادة ال 128 ، و طبعا من مبدأ نقل الخبرات حبيت احكى عن التجربة الفريدة اللى انا عشتها
طبعا اول ما قلتلها هاتى المفاتيح انا هسوق عربيتك ، افاجأ بنوبة ضحك هستيرية يعقبها نظرة سخرية مريرة مع المفاتيح و كلمة ( ورينى )
اولا : انا معرفتش ادور العربية اساسا ( دى اول حاجة ، يعنى مش حتى طلعت بيها و بطلت ، لأ دانا معرفتش ادورها اصلا )
ثانيا : بعد ما فشلت محاولاتى المريرة لتدوير العربية، اقترحت صديقتى صاحبة العربية خوفا منها على المارش او الموتور، انى ادوس بنزين و انا بدور ، و قد كان ، و العربية برضو مدارتش
و اذ افاجأ انها بتبصلى بصة غريييييبة جدا و بتقول ( هو انتى كده دايسة بنزين )
اذ انى لما بقول انى دايسة بنزين ، كنت اعنى دايسة بنزين بمقاييسى الخاصة و بخبرتى الغير موجودة اصلا ( اتضحلى كده النهاردة )
فطبعا قلت خلاص ، بما انى كده معتبرش دايسة بنزين ، نديها شوية كمان و ندور
فررررووووووووووم ، دارت العربية ، احمدك يا رب
و نظرة السخرية مع عدم انتظار اى نجاح لم تفارق وجه صديقتى بدليل انها رفضت انها تركب العربية جنبى عشان انا كده كده هزهق و هتسوق هى فى الاخر فملهاش لزمة
لكنى طبعا لم افقد الامل ، و يكفينى شرف المحاولة
المهم ان العربية كانت دارت الحمد لله
نجيب اول و نطلع بقه
الملحوظة التانية : بالنسبة للدبرياج ، هو غريب الصراحة ، يعنى انا عادة بدوس الدبرياج بيتداس
انما ده كان فى مقاومة غير عادية و رغبة عاتية فى مكافحة محاولة الطلوع بالعربية عن طريق تكسير رجلى الشمال
مش مشكلة ، دوست اكتر لحد ما كسبت معركة الدبرياج
نجيب اول ؟؟
مش بالساهل كده
هو الموضوع لعب عيال و لا ايه ، دى 128 مش اى كلام
الملحوظة التالتة : الفتيس ليه معاملة خاصة، يعنى الاول بييجى عادى ( بمقاييس ال 128 برضو ، المارشدير ليه طقوس معينة تستوجب امالة وزن الجسم كله تجاه الفتيس ، الامساك بعصاية الفتيس جيدا ، تحميل وزن الجسم على العصاية ، محاولة ادخال العصاية الى الاسفل ، ثم تعشيق وضع المارشدير الذى نادرا ما يفلح من اول محاولة ، و فى هذه الحالة يتم تكرار الخطوات السابقة )
وصلنا لحد فين ، اه ، جبت الاول
، نطلع بقه بالعربية ، يلا ، هطلع اهو ، العربية هتمشى ، و هكسب تحدى الجبابرة ، نشيل دبرياج بشويش مع تزويد بنزين
بوم ، العربية بطلت
لأ ، ماهو يانا يا العربية دى النهاردة، دورت تانى ، و المرادى بخبرة بقه و دورتها من تالت مرة بس
دبرياج ، اول ، يلا ، نفس الموضوع
و فى هذا الوقت كانت طبعا صاحبة العربية فى الارض من الضحك على محاولاتى المستميتة ( المضحكة بالنسبة لها ، لقيادة سيارتها الحبيبة التى على حد قولها " محدش بيعرف يسوقها غيرى " )
و قد ادركت مدى صحة العبارة عندما فشلت فشلا ذريعا فى حتى محاولة غلق باب السيارة ، الذى ايضا يحتاج معاملة خاصة سواء فى غلقه من الداخل او الخارج .
على اى حال، رفضت اليأس والاستسلام و الاعتراف انى بسوق عربية ( فافى ) و انى معرفش يعنى ايه سواقة بجد ، و قررت انه مينفعش ، لازم العربية دى تمشى
استجمعت قواى و خصوصا رجلى الشمال و ابتديت اتحرك بالعربية وسط تهديدات مستمرة من موتور العربية عن طريق الاصوات الرائعة اللى سمعتها ، انه يبطل فى كل لحظة ، و مع الخروج من مرحلة الخطر ( و العربية بتكركر على الاول لحد ما رفعت رجلى من على الدبرياج ) و ابتديت ادوس بنزين و استمتعت بسيمفونية الموتور و العفشة التى اعلنت عن نفسها لحظة التحرك بالعربية ، ظهرت مشكلة اخرى
اينعم ، انه الدركسيون :k39:
اتضح لى ان كونى لما بحب الف، و الف الدركسيون فى عربيتى فالعربية تلف ، ما هو الا رفاهية و سذاجة منى لاعتقادى ان باقى السيارات تعمل بهذه الطريقة السهلة البسيطة التى لا تحتاج لاى مجهود
محاولة اللف بالعربية 360 درجة لانها كانت مركونة بعكس الاتجاه اللى كنا عايزين نمشى فيه
و يا لها من مأساة :k17:
و طبعا بما انى بعد ما دورت العربية و طلعت بيها مينفعش استسلم دلوقتى
قررت الاعتماد على قوة الذراعين مع عدم الاخد فى اعتبارى اى قيادة سابقة فى حياتى
و ابتديت الف الدركسيون، طبعا لحد ما لفيت ال 360 كانت فترة ، بس المهم انى لفيت
بعد ما لفيت ( مع مراعاة ان صديقتى لم تركب السيارة الى الان لثقتها فى قدراتى ) قررت انه حرصا على صحتى و سلامة قواى العقلية ، قررت انى اوقف العربية و انى " ادى العيش لخبازه "
المشكلة الخامسة ، الفرامل
نفس الفكرة مع مقارنة خبراتى ، ادت الى توقف العربية بعد المكان اللى كنت عايزه اوقفها فيه بحوالى 5 متر او اكتر ، مما اثار سخرية الحاضرين و تعليق احدهم انى " مبعرفش اسوق خالص " الذى سرعان ما تراجع عنه تحت تأثير نظراتى النارية
و اخيرا بعد ما الحمد لله نجحت فى انى اوقف العربية بالفرامل ، نزلت ( كان فيها معاناة برضو ) و اعترفت لصديقتى انى فعلا بسوق عربية ( فافى ) و انى لا استحق لقب قائدة سيارة وسط المجاهدين من اصحاب ال 128 و اللادا التى ارغب بشدة فى تجربتها من باب الفضول ليس الا
و ارجو ان الموضوع يعجبكو :k4:
و انها مختلفة قلبا و قالبا عن اى حاجة انا شفتها او سوقتها قبل كده
و لان دايما صحابى كانو دايما يقولو ان سواقتى دى مش سواقة
، و ان اللى عايز يسوق بجد يسوق 128 او لادا عشان يعرف معنى السواقة الصحو لان واحدة من صديقاتى معاها 128 و بتحبها جدا:k4:
قررت اقبل التحدى و اجرب قيادة ال 128 ، و طبعا من مبدأ نقل الخبرات حبيت احكى عن التجربة الفريدة اللى انا عشتها
طبعا اول ما قلتلها هاتى المفاتيح انا هسوق عربيتك ، افاجأ بنوبة ضحك هستيرية يعقبها نظرة سخرية مريرة مع المفاتيح و كلمة ( ورينى )
اولا : انا معرفتش ادور العربية اساسا ( دى اول حاجة ، يعنى مش حتى طلعت بيها و بطلت ، لأ دانا معرفتش ادورها اصلا )
ثانيا : بعد ما فشلت محاولاتى المريرة لتدوير العربية، اقترحت صديقتى صاحبة العربية خوفا منها على المارش او الموتور، انى ادوس بنزين و انا بدور ، و قد كان ، و العربية برضو مدارتش
و اذ افاجأ انها بتبصلى بصة غريييييبة جدا و بتقول ( هو انتى كده دايسة بنزين )
اذ انى لما بقول انى دايسة بنزين ، كنت اعنى دايسة بنزين بمقاييسى الخاصة و بخبرتى الغير موجودة اصلا ( اتضحلى كده النهاردة )
فطبعا قلت خلاص ، بما انى كده معتبرش دايسة بنزين ، نديها شوية كمان و ندور
فررررووووووووووم ، دارت العربية ، احمدك يا رب
و نظرة السخرية مع عدم انتظار اى نجاح لم تفارق وجه صديقتى بدليل انها رفضت انها تركب العربية جنبى عشان انا كده كده هزهق و هتسوق هى فى الاخر فملهاش لزمة
لكنى طبعا لم افقد الامل ، و يكفينى شرف المحاولة
المهم ان العربية كانت دارت الحمد لله
نجيب اول و نطلع بقه
الملحوظة التانية : بالنسبة للدبرياج ، هو غريب الصراحة ، يعنى انا عادة بدوس الدبرياج بيتداس
انما ده كان فى مقاومة غير عادية و رغبة عاتية فى مكافحة محاولة الطلوع بالعربية عن طريق تكسير رجلى الشمال
مش مشكلة ، دوست اكتر لحد ما كسبت معركة الدبرياج
نجيب اول ؟؟
مش بالساهل كده
هو الموضوع لعب عيال و لا ايه ، دى 128 مش اى كلام
الملحوظة التالتة : الفتيس ليه معاملة خاصة، يعنى الاول بييجى عادى ( بمقاييس ال 128 برضو ، المارشدير ليه طقوس معينة تستوجب امالة وزن الجسم كله تجاه الفتيس ، الامساك بعصاية الفتيس جيدا ، تحميل وزن الجسم على العصاية ، محاولة ادخال العصاية الى الاسفل ، ثم تعشيق وضع المارشدير الذى نادرا ما يفلح من اول محاولة ، و فى هذه الحالة يتم تكرار الخطوات السابقة )
وصلنا لحد فين ، اه ، جبت الاول
، نطلع بقه بالعربية ، يلا ، هطلع اهو ، العربية هتمشى ، و هكسب تحدى الجبابرة ، نشيل دبرياج بشويش مع تزويد بنزين بوم ، العربية بطلت
لأ ، ماهو يانا يا العربية دى النهاردة، دورت تانى ، و المرادى بخبرة بقه و دورتها من تالت مرة بس
دبرياج ، اول ، يلا ، نفس الموضوع
و فى هذا الوقت كانت طبعا صاحبة العربية فى الارض من الضحك على محاولاتى المستميتة ( المضحكة بالنسبة لها ، لقيادة سيارتها الحبيبة التى على حد قولها " محدش بيعرف يسوقها غيرى " )
و قد ادركت مدى صحة العبارة عندما فشلت فشلا ذريعا فى حتى محاولة غلق باب السيارة ، الذى ايضا يحتاج معاملة خاصة سواء فى غلقه من الداخل او الخارج .
على اى حال، رفضت اليأس والاستسلام و الاعتراف انى بسوق عربية ( فافى ) و انى معرفش يعنى ايه سواقة بجد ، و قررت انه مينفعش ، لازم العربية دى تمشى
استجمعت قواى و خصوصا رجلى الشمال و ابتديت اتحرك بالعربية وسط تهديدات مستمرة من موتور العربية عن طريق الاصوات الرائعة اللى سمعتها ، انه يبطل فى كل لحظة ، و مع الخروج من مرحلة الخطر ( و العربية بتكركر على الاول لحد ما رفعت رجلى من على الدبرياج ) و ابتديت ادوس بنزين و استمتعت بسيمفونية الموتور و العفشة التى اعلنت عن نفسها لحظة التحرك بالعربية ، ظهرت مشكلة اخرى
اينعم ، انه الدركسيون :k39:
اتضح لى ان كونى لما بحب الف، و الف الدركسيون فى عربيتى فالعربية تلف ، ما هو الا رفاهية و سذاجة منى لاعتقادى ان باقى السيارات تعمل بهذه الطريقة السهلة البسيطة التى لا تحتاج لاى مجهود
محاولة اللف بالعربية 360 درجة لانها كانت مركونة بعكس الاتجاه اللى كنا عايزين نمشى فيه
و يا لها من مأساة :k17:
و طبعا بما انى بعد ما دورت العربية و طلعت بيها مينفعش استسلم دلوقتى
قررت الاعتماد على قوة الذراعين مع عدم الاخد فى اعتبارى اى قيادة سابقة فى حياتى
و ابتديت الف الدركسيون، طبعا لحد ما لفيت ال 360 كانت فترة ، بس المهم انى لفيت
بعد ما لفيت ( مع مراعاة ان صديقتى لم تركب السيارة الى الان لثقتها فى قدراتى ) قررت انه حرصا على صحتى و سلامة قواى العقلية ، قررت انى اوقف العربية و انى " ادى العيش لخبازه "
المشكلة الخامسة ، الفرامل
نفس الفكرة مع مقارنة خبراتى ، ادت الى توقف العربية بعد المكان اللى كنت عايزه اوقفها فيه بحوالى 5 متر او اكتر ، مما اثار سخرية الحاضرين و تعليق احدهم انى " مبعرفش اسوق خالص " الذى سرعان ما تراجع عنه تحت تأثير نظراتى النارية
و اخيرا بعد ما الحمد لله نجحت فى انى اوقف العربية بالفرامل ، نزلت ( كان فيها معاناة برضو ) و اعترفت لصديقتى انى فعلا بسوق عربية ( فافى ) و انى لا استحق لقب قائدة سيارة وسط المجاهدين من اصحاب ال 128 و اللادا التى ارغب بشدة فى تجربتها من باب الفضول ليس الا
و ارجو ان الموضوع يعجبكو :k4:
اللى الدركسيون بتاعها محتاج انك لازم يكون فى ناس معاكى فى العربيه طول مانتى ماشيه علشان لما تحبى تحودى تبدلوا مع بعض
Comment