تجربة قيادة ال128!!!! ، و اكتشافات اخرى

[HATEMHANY]

ال 128 عربيه لها شخصية فريده

لازم تخليك مهتم بيها و لو مره واحده حست انك مش مهتم او انك خلاص بقى عملت اللى عليك و صلحتها و عاوز تدور و تمشى على طول ( زى الناس ) هنا بقى تظهر شخصيتها الابيه اللى ترفض اى تخاذل او استهتار بيها او بمتورها او كهربتها او عفشتها او.... او ..... او......

من الاخر لازم يبقى فى مصروف جيب لل128 زى السجاير و الاكل و الشرب و المواصلات و غيره من النثريات اليومية

[bassem.naguib]

طب انا عايزة بقه ادور على واحدة مظبوطة عشان انا كده مفهومى عن ال128 باظ خالص
الفكرة ان العربية دى عملت عمايل فى صاحبتها ، مرة كانت موصلانى لعربيتى عشان كانت بعيد ، و انا كنت اعدة ورا ، اقولها هى عربيتك مايلة لورا و لا انا بيتهيألى ، تقولى لأ يمكن بس الكنبة بايظة ، ماشى ، و احنا ماشيين سامعين صوت غريب ، اول ما نزلت من العربية لقيت الفردة الشمال ورا على الارض ، و كانت معاناة فى تغييرها طبعا و وقفنا غيرناها بنفسنا يوميها


[OVERLINE]تحت أمرك .. الناس بتزعم أن عربيتي مظبوطه .. وده بلاحظه لما بركب 28 تانية [/OVERLINE]




موضوع الفرامل ده كان فى عربية صاحبتى ، تيجى تنزل بيها ، اخوها يقولها بس احب اقولك هى مفيهاش فرامل ، و بيسوقها عادى و الحياة مستمرة
و الحاجات اللى انت قايل عليها دى بتحصلها على طوووول ، دى بتكون جاية تقابلنا الضهر مثلا ، تبقى نازلة من العربية كانها كانت بتحارب

طب ليه مش هعرف اسوق عربية مهما كان نوعها ، مانا بسوق عربيتى كويس اوى ، ليه لازم 128 ، ليه نتعسف اكتر لما ممكن نتعسف اقل [/QUOTE]
[OVERLINE][OVERLINE]موضوع الفرامل ده مش للدرجة دي انها بايظه على طول .. بس المفروض ما اثقش فيها واحط في بطني بطيخه صيفي[/OVERLINE]
انا أقصد ان اللي بيسوق 28 ولادا وماشابه من السهل جداً يسوق أي عربية تانية والعكس صحيح .. بمعنى انه مش شرط اللي يسوق عربية حديثة يعرف يسوق أي عربية [/OVERLINE]

ال 128 عربيه لها شخصية فريده

لازم تخليك مهتم بيها و لو مره واحده حست انك مش مهتم او انك خلاص بقى عملت اللى عليك و صلحتها و عاوز تدور و تمشى على طول ( زى الناس ) هنا بقى تظهر شخصيتها الابيه اللى ترفض اى تخاذل او استهتار بيها او بمتورها او كهربتها او عفشتها او.... او ..... او......

من الاخر لازم يبقى فى مصروف جيب لل128 زى السجاير و الاكل و الشرب و المواصلات و غيره من النثريات اليومية

تمام كلام سيادتك

[mahmoud_magdy]

يا سلام احلى فتره سقت فيها كانت 128 وعربيه داتسن نص نقل
ههههههههههههه
الداتسن كانت ناعمه شويه عن ال 128
128 بقى فيها مواصفات عجيبه جداااا كفايه احساس ان الدركسيون ممكن يخونك وهو بيتهز على المطبات مثلا او على حتت مكسره
هههههههههههه

[w_tofe]

انا معايا 127 توب المانى العربيه دى تحفه
مميزاتها
1- موتور 1050 cc يعنى زى ال 128 بس المانى والعربيه حجمها صغير
2- قطع غيار فى اللذيز و موجوده عند البقال
3-تركن فى اى حته انت عايزها
4- اى ترويش يبان علطول { العربيه شبه الجولف }
وعلى فكره يا جماعه انسب عربيات لمصر هى الفيات كلها
سعرها حلو وقطع غيارها موجوده هو بس العيب فى اللى راكب لانه بيهملها

[Abo.Omar]

ربنا يكون فى عوننا (125-polonez-Lada

هههههههههههههه

[magyver]

ال 128 عربيه شديده وصعبه!!!!!!!

ربنا يكون فى عوننا (125-polonez-Lada)

احمد ربنا ياعم ضياء وعربيتك ماشاء اللة كويس وممكن تسمعك وانت بتقول عليها كدة
تزعلي منك وتبقي مشكلة
انما اللادا انا معاكوا معروف عنها اصلا انها خشنة لية مش عاارف

[zastaffa]

يعني هو انتي عشات ركبتي 128 منيله وكنبه هتسوئي سمعه ال128 كلها!!!!!!!!!!!!!!وبعدين بجد والله قطعتي البي بأه يا حلام مش عارفه تقفلي الباب والبنزين تاعبك اوي !!!!!!!!!طب الدبرياج وبلعناها أنما البنزين كمان؟؟؟؟؟؟؟؟طب ايه رأيك بأه ان 128 مشهوره بأن دواسه البنزين بتاعتها غالبا ماتكون ناعمه جدا جدا.....أما الدركسيون فهو الوحيد اللي فعلا تقيل جدا .....أما حكايه الفتيس ديه فمش كل ال128 فتيسها بيعض لأني انا وعن تجربه معايا 128 موديل 88 وفتيسها ناعم جدا جدا.....حاجه اخيره حرقت دمي بأه مش عارفه تدوري العربيه ومش عارفه انه لو العربيه غابت في الدوران تدوسيلها شويه بنزين !!!!!!!!!بجد حقيقي أنا حسيت بتجربتك الاليمه مع ال128 ديه اللي معندهاش الب بجد بجد قلبي عندك وأنا لله وأنا اليه راجعون

[shery103]

يعني هو انتي عشات ركبتي 128 منيله وكنبه هتسوئي سمعه ال128 كلها!!!!!!!!!!!!!!وبعدين بجد والله قطعتي البي بأه يا حلام مش عارفه تقفلي الباب والبنزين تاعبك اوي !!!!!!!!!طب الدبرياج وبلعناها أنما البنزين كمان؟؟؟؟؟؟؟؟طب ايه رأيك بأه ان 128 مشهوره بأن دواسه البنزين بتاعتها غالبا ماتكون ناعمه جدا جدا.....أما الدركسيون فهو الوحيد اللي فعلا تقيل جدا .....أما حكايه الفتيس ديه فمش كل ال128 فتيسها بيعض لأني انا وعن تجربه معايا 128 موديل 88 وفتيسها ناعم جدا جدا.....حاجه اخيره حرقت دمي بأه مش عارفه تدوري العربيه ومش عارفه انه لو العربيه غابت في الدوران تدوسيلها شويه بنزين !!!!!!!!!بجد حقيقي أنا حسيت بتجربتك الاليمه مع ال128 ديه اللي معندهاش الب بجد بجد قلبي عندك وأنا لله وأنا اليه راجعون

ايوة مانا اتعسفت عشان عمرى ما سقت فى حياتى غير عربيتين و الاتنين جداد ، فحسيت بالفرق
و بالنسبة للدركسيون انا اتصدمت بيه اصلا ، ده مبيتحركش
و ال 128 اللى انا سقتها كانت موديل 77 و حالتها صعبة

[SAiF3S]

اسلوبك فعلا رائع و فعلا انت عندك حق

سنه 1995 كان عندى عربيه ريتمو مو 85 1300 سى سى و كانت رائعه بمقايس تلك الايام
وفعلا قمت بقياده سياره قريب لى 128 و كانت تجربه سيئه للغايه نفس اللى قولتيه وعنها و الدريكسيون فك منى على كوبرى الملك الصالح يعنى بيلف على الفاضى و ربنا رزقنى بميكانيكى معرفش ربط ايه فيها و مشيت لكن و انا حاطط ايدى على قلبى

[Lord_Fouad]

التحدي العظيم .... التحدي الكبير :k39: ..... تحدي الجبابرة ....... تحدي العمالقة ....... تحدي الاباطرة و القياصرة .... جهزي نفسك .... استعدي لأقوى تحدي ممكن تقابليه في حياتك ..... اعنف تحدي ..... اشرس تحدي ....... ايوة بالظبط كدة ..... الــــــــــــــــــــــــــلادا :k40: ... السيارة التي لا تقهر

[zastaffa]

حتي لو الدركسيون فك منك ده مش مشمعناه أن العربيه وحشه ولكن معناه انك ركبت واحده مهببه بستين هباب يعني ماتقدرش تعمم ممكن العربيه تكون موديل حاجه وسبعين واللا انشالله حاجه وستين وتكون ماسكه نفسها وعلي النقيض تماما ممكن تكون موديل 2008 ومدغدغه وكمان الفيصل هو اللي بيتعامل مع العربيه يعني هل هو بيدوس بنزين وخلاص ولا بيتعامل مع ماكينه وبياخدها علي قد عئلها يااااااااااااااااااااااااااااااااااااااااااااااااا اااااااجماعه اتعاملوا مع العربيات اللي بتركبوها علي انها أله غير عاقل مش بني أدم زييها زييكم.................

[essam_shaaban]

علي فكرة العربية ال 128 مش بالسوء ده كله اللي انت راسماه يا شيري
انا معايا 128 موديل 1987 بس محترمة جدا وواخد بالي منها و بجري بيها لحد 120 و 130 الحمد
بس فعلا بعمل لها صيانة دورية
وكمان سوقت كل العربيات الجديدة ، والحمد لله مفيش ولا عربية فشلت اني اسوقها، لان الشطارة الحقيقية مش اني اسوق عربيتي و بس ، انما لو اتحطيت في اي موقف ااقدر اسد فيه
واحد صديقي عاشق للبيجو 504 ، و كان تعبان في مرة و مش قادر يسوق فاضطريت اني اسوق انا لحد ما روحته ، و دي كنت اول مرة اسوق العربية العظيمة بيجو 504 و الحمد نجحت و روحته من سيتي ستارز للمنيل بسلام و كنت امتع قيادة

ومرة تانية تحديت واحد معرفة علي سواقة العربية النقل الجامبو ام صندوق كبير بتاعت البضايع و الحمد لله مشيت بيها مسافة كبيرة ولا بطلت ولا حاجة وزي الفل

علما بأني بقالي سنتين بس بسوق

فالموضوع محتاج منك ممارسة علي عربيات اكتر عشان تكوني علي دراية اكبر بسواقة كل العربيات في كل المواقف

[lancerevolution]

:k48: على فكرة انا بسمع حكايات رهيبة عن اللادا ، لدرجة انى عايزة اعرف مدى صحة المعلومات اللى وصلتنى عن جمال الدركسيون و روعة الفتيس و نعومة الدبرياج و الفرامل

كلام صحيح مية مية

[safwat83]

مش كل 128 فيه المعانة دى انا معايه 28 بس ريقة جدأ وانتم محسسنى انكم ركبين جرار
بس العبربيه دى محترمه جدآ بس اللى يعتنى بيه ومترحش تجيب عربيه مدعوكة وتسترخصو
ويبقى حكمكو على ال128 كله كدة ولو عرفتو كل الاعطال البسيطة هتبى زى الفل معاكو ولو عوزة تغيرى مفهومك عن ال128 يبقى تعالى وركبك عربتى والحمدلله وربنا يبركلى فيه

[volvo]

لازم تتعلم على قديم الاول هو البركه