يا جماعة انا جبت البرافو الأوتوماتيك للمهتمين فقط

[yasserit]

لأ بص هيا الصراحه اضيق من كل العربيات اللي ركبتها زي الهوندا و الأوكتافيا بس انا مركبتش هاتشباك قبل كده فا مش عارف الصراحه ايه اخبارها معاهم!!

[ilavm]

تصدق ضايقتني
!!!!!!!!

[Ghamrawy]

تصدق ضايقتني
!!!!!!!!

ما حك جلدك مثل ظفرك
لازم تروح المعرض تشوف علشان تعرف تحكم صح

[ilavm]

أصل انا مش من القاهرة
بس نازل ان شاء الله عالعيد
وقصة الشرا لسة قدامها وقت
فكنت بجمع اراء الناس الأول
وبصراحة الوسع الداخلي مهم جدا
للأسف كل ما آجي اقرا حاجة عن البرافو الاقيها مش مظبطة
كل اللي برة بيشتكو من handlingبتاعها وكمان الleg roomللناس اللي ورا وكمان driving positions
تخيل لما قارنتها بالi30 طلعت اقل منها وكمان ال ليون

[yasserit]

بص انا عن نفسي راضي جداً عن العربيه بس ممكن في حاجات بتعجبني فيها متحبهاش فاحسن انك تروح تشوفها و تركبها و تفصصها حتة حتة قبل ما تاخد القرار لانك انتا اللي لازم تقتنع بنفسك مش اراء الناس بس

[loodaa]

قارنتها بال i30 و جالك قلب تقول الجملة دي طب السيات ليون عربية محترمة و تتقارن بيها لكن i30 حرام عليك حتروح من ربنا فين

[ilavm]

والله بيقولك حتى ال suspension بتاع ال i30 احسن

[ilavm]

على فكرة انا بحب العربية دي جدا جدا جدا
بس انا بشارك برأيي والكلام ده مش من عندي ده من مواقع زي الfifth gear وال top gear وال whtcar
انما انا بقول كده ونفسي حد من اللي جربو العربية يغلطني
عشان انا بحبها اكتر من الجولف كمان عشان كده بتضايق لما بسمع عنها كلام مش كويس ونفسي الناس اللي هنا تصححة او تنفيه

[Sala7.Bravo]

على فكرة انا بحب العربية دي جدا جدا جدا
بس انا بشارك برأيي والكلام ده مش من عندي ده من مواقع زي الfifth gear وال top gear وال whtcar
انما انا بقول كده ونفسي حد من اللي جربو العربية يغلطني
عشان انا بحبها اكتر من الجولف كمان عشان كده بتضايق لما بسمع عنها كلام مش كويس ونفسي الناس اللي هنا تصححة او تنفيه

بص يا باشا موقع زي المواقع إلي إنت بتقول عليها ده متعتمدش عليه ليه عشان ده حاجات متعلقة بالإعلانات ومصالح مالناش دعوة بيها خالص دة من وجهة نظري دة أولاً والدليل على كدة إن حلقة من توب جير كانو بيتريأو على البورش gt2 وكانو مبهدلين العربية فعلاً ماينفعش نقول إن بورش وحشة وغير كدة إسأل واحد عايش ف بلدك عن العربية والرجل قلك أن العربية ذي الفل ومفيش عربية هاتش هتكون واسعة انسى الموضوع دة وممكن تشتري دماغك وتجيب i30 مع إن مفيش وجه مقارنة أصلاً وخلاص عشان متحيرش نفسك كتير ... وخد لينك دة وشوف المقارنة بين البرافو وبين عربيات أيه واقرا الناس مدي للبرافو أد أيه بعد الجولف وعربيات تانية جامدة

http://www.nilemotors.net/Nile/49688-147-c30-a3-116-308-a.html

[yasserit]

Viva bravo

[SeiffoZ]

Viva bravo

بردوا مازلت مستنى تقريرك المصور

[ilavm]

بص يا باشا موقع زي المواقع إلي إنت بتقول عليها ده متعتمدش عليه ليه عشان ده حاجات متعلقة بالإعلانات ومصالح مالناش دعوة بيها خالص دة من وجهة نظري دة أولاً والدليل على كدة إن حلقة من توب جير كانو بيتريأو على البورش gt2 وكانو مبهدلين العربية فعلاً ماينفعش نقول إن بورش وحشة وغير كدة إسأل واحد عايش ف بلدك عن العربية والرجل قلك أن العربية ذي الفل ومفيش عربية هاتش هتكون واسعة انسى الموضوع دة وممكن تشتري دماغك وتجيب i30 مع إن مفيش وجه مقارنة أصلاً وخلاص عشان متحيرش نفسك كتير ... وخد لينك دة وشوف المقارنة بين البرافو وبين عربيات أيه واقرا الناس مدي للبرافو أد أيه بعد الجولف وعربيات تانية جامدة
http://www.nilemotors.net/nile/49688...116-308-a.html

المشكلة اني متردد جدا
بس انا نفسي تكون العربية هاتش وواسعة من جوة
شكرا ياغالي عاللينك
بس طبعا انا في رأيي ان مفيش مقارنة بين الفيات والهيونداي اساسا
بس انا بعرض اللي قريته وزي ما انت قلت دي اعلانات ومصالح

[khalid_adel]

اولا انا ببارك لياسر على العربيه البرافو التحفه دي وببارك لنفسي طبعا لان سقتها قبله واديهاني عشان اجي المقابله بيها
بصو لو فضلت احكي عن مميزاتها مش هحخلص بس بما ان احنا شعب مدق مدق وبنجيب من الاخر فهقول على العيوب على طول لان في غيري شرح في المزايا
انا كان نفسي العربيه دي تبقى مانيوال ( ده طلب شخصي ) مع ان دي افجر عربيه اتوماتيك سوقتها في حياتي بعد ال بي ام طبعا وان كان عشان حجمها الصغير ده مش ممكن ابد تتخيل يطلع منها الكلام ده وانت ماشي او حتي في اول الطلعه ( سحب مش ممكن )
ثانيا فعلا العفشه طريه مش سبورت وانا كان نفسي تبقى اسبورت ومش مهم عندي انها تبقى ناعمه في المطبات والنقر انا يهمني الملفات والغرز ( معلش اصلي متعود على الدفع الرباعي بقى ) بس هما اكيد نزلوها كده ناعمه عشان دي للمدينه اتوماتيك ومش اعلى فئه كفئه رياضيه بس اكيد ال 150 حصان المانيوال حاطين عفشه سبور ( طقم كوني مساعدين وسوست وزي الفل للى غاوي زي )
اه بس على فكره انا كنت بجري مع ياسر على الدائري وما شاء الله لقيتو عمال ياخد في غرز 160 و 180 وماشفتوش بعديها يعني انا قلت عفشه طريه اه بس مش بتعوم على السرعات ولا في الغرز بس هو احساس عندي انا لاني اتعودت على سواقه معينه بس لو غيري ساقها اكيد حيقول دي ملهاش حل في الثبات
ثالثا انا شايف انها تتقارن ب جولف 6 وان كانت اكيد جولف 6 افضل قليلا بس الاكيد انها افضل من الجولف 5 (حد فهم حاجه )
رابعا بالنسبه للوسع هي مش زي حجم ال اي 30 لو حد بيقارن لان بديهي ال اي 30 اوسع كتير بس هي اصغر من الجولف سنه وعلى فكره شنطتها واسعه بس الكنبه اللي ورا متعتمدش عليها اوي كفايه اتنين قدام مستريحين واللي ورا مش بيركبو كل يوم يعني لانها اكيد مش عربيه عائليه ولا عربيه سرفيس :) ولا انت عاجباك القاعده ورا عشان الفاميه الدارك اللي ورا ده ( اللهم اني صائم ) :):):):)
اخر حاجه انا حسيت بيها ان صوت الماتور بيعلى عند 5 ار بي ام حتقولولي عادي طبعا انا قلت كويس يمكن عشان اخد بالي من العربيه وانقل بس للاسف عايز اقوللكو ان عندي في السوبارو بنقل على 5 او 6 ومش بحس اصلا اني حرقت ولا بيلفت انتباهي حتي صوت الموتور انا بنقل كده عشان ده الواجب مش اكتر :)
هي بس الخلاصه ان وجهات النظر تفرق من واحد للتاني وبالذات انت اتعودت على ايه طبعا كلكو عارفين مثال ان واحد فضل سايق 128 ولما ركب اي عربيه زيرو حيقول عليها ايه
فالموضوع كله نسبه وتناسب بس الخلاصه بحد البرافو عربيه ملهاش حل ومن اكتر الحاجات اللي عجبتني فيها انها بجد عربيه تفاعليه معاك وانت سايق interactive ودي انا حاستها كده بس مش عارف اوصفها بس مبسوط منها ومن الاخر التجربه خير دليل
وبالنسبه للصور انا مش عارف لو صورتها حصور فيها ايه ولا ايه لان الصوره حتبقى جايبه حته صغيره ودي اقل ما يقال عليها ( كلك على بعضك حلو ) بجد هي تحفه فنيه ايطاليه سواء من الداخل او الخارج لازم تتشاف بالعين مش بالصور الثنائيه الابعاد
بص يا ياسر انا حظبطلك كده والنص ساعه عالدائري او 50 كيلو ايهما اقرب ب 50 جنيه وانا حنظملك طوابير الحجز وطبعا ليا عمولتي يا معلم ابو قسم :):):)

[khalid_adel]

انا عايزك يا ياسر تعملك توقيع لسه جاي في دماغي حالا
Viva BraVo , bRavo FIAT

[seaman]

الله شوقتنا ..فين يا ياسر التقرير المصور