يا جماعة انا جبت البرافو الأوتوماتيك للمهتمين فقط

[madoo]

فكك انت شوفت الطريق عامل ازاى مافيش بلاعات ولا حفر ولا حتت طالعه ونازله والاهم من ده النقل كله واخد يمين وماشى تمام هو نفسه مش قلقان منه وهو ماشى 200 مش خايف مقطوره غبيه تميل عليه ولا سواق سكران يقفل عليه الحاره

[ahmad--ezzat]

والله انا كان نفسى يتعمل موضوع جديد وتتلم فيه كل الصور والتقييم بتاع العربيه والعيوب...ويتم تثبيت الموضوع...اصل العمليه كده سايحه شويه وياريت حد يوضع اداء التوكيل ومعاملته وقدراته بمعنى اصح....بس عموما هى العربيه شكلها ممتازه وربنا يحفظهالك ان شاء الله

[amrsabet]

فئات العربية البرافو كالتالى :
- الفئة الاولى :
السعر 126000 بدون كاسيت
- الفئة التانية :
السعر 130000 تزيد كاسيت وطارة مالتى فانكشن
- الفئة الثالثة :
السعر 136000 تزيد جنوط سبور 16
-الفئة الرابعة :
السعر139000 تزيد مثبت سرعة وفوج لايت وبلو اند مى
- الفئة الخامسة :
السعر 143000 تزيد تكييبف تاتش وشفتات فى الدركسيون وزجاج خلفى فامية ومسند يد امامى

الكماليات الاساسية فى العربية بداية من الفئة الاولى :
تكييف- باور كهرباء- سنتر لوك - زجاج كهرباء- abs+abd - 2 ايرباج - كاوتش كونتنتال مقاس 205/55-16 بوصة - مرايات كهرباء- موتور 1400 t-jet فتيس سلسبيد 6 سرعات -120حصان عزم 206 نيوتن عند 1750 لفة -السرعة القصوى 197 كم- التسارع من 0-100 فى 9.6 ثانية - متوسط استهلاك الوقود داخل البلد 235 كم للصفيحة- 370 كم للصفيحة خارج البلد - ابعاد السيارة 4336/1792-1498 (طول عرض ارتفاع)قاعدة عجلات 2600- مساحة الشنطة الفعلية 360 لتر الصافى وليس 400 لتر- وزن السيارة الduallogic 1265 كجم - يمكن فصل ايرباج الراكب الامامى -يمكن التحكم فى صفارة التنبية عند سرعة محددة او الغائها تماما- يوجد زرار city يجعل البارو اكثر خفة لدرجة انه بيكون عامل زى الميه-الكاسيت صوته بيعلى كلما زادت سرعة العربية - واوبشنز كتير انا بصراحة مش فاكرها


الخلاصة لوا اى حد عمل مقارنه بينها وبين الجولف 5-الليون-الاسترا هيلاقى ان العربيو دى متفوقة فى كل حاجة ابعاد -استهلاك بنزين-سرعة قصوى وتسارع - وزن العربية - كل حاجة

[amrsabet]

ممكن اى حد يقولى ازاى ارفع لكم كاتلوج البرافو فى صورة file pdf

[amrsabet]

ياريت تشوفوا التسارع بالعربية البرافو فى الاتى :
- Mein Bravo 1.4 T-Jet 0-180 km/h
-Top Speed Bravo 1.4 T-Jet 120 after 9000km

انابعتذر لانى مش عارف ازاى اعملكوا الحاجات دى فى شكل لينك

[wildesso]

أنا بقى تهورت و جبت بيها 210 على طريق السخنة ول ثبات بتاعها تحفة عال طريق

[yasserit]

أنا بقى تهورت و جبت بيها 210 على طريق السخنة ول ثبات بتاعها تحفة عال طريق

هوا انتا معاك برافو؟؟

[wildesso]

تقريبا معايا عربية زي إلي معك بالظبط :)
ربنا يحفظنا شرها يا رب

[MOHAAAAA]

برافووووووووو

[yasserit]

ايه يا جدعان محدش عايز يجيب برافو تاني ولا إيه؟؟؟

[Ahmed.Adel]

الاخ yasserit

شكرا على الموضوع والصور ولو تسمحلي بسؤالين كده :

حضرتك بتحط بنزين 95 ولا 92 , ويا ريت لو جربت الإتنين تحكيلنا .

هو إنت جبت العربية من شرين كار بدل التوكيل ليه ؟ هو اسعاره أقَل مثلا ولا التسليم أسرع ؟

وشكرا

[mohamedmmm2]

اولا الف مبروك يا معلم اختيار موفق جدا مش عشان شكلها ولا مواصفاتها... لا عشان هى فيات وانا عارف الماركه دى عامله ازاى عشان انا معايا سيينا و عارف يعنى ايه نضافه صنع فى المقام الاول....
بص يا معلم البرافو دى بتنتج فى مصنع فيات فى تركيا ومستوردة بالكامل موتور 1.4- 120 حصان تربو عند 5000 لفه والتسارع من 0- 100 فى 9.6 ثانيه والعزم 2.6n/m وهى حاصله على 5 نجوم فى اختبارات التصادم الاوروبيه EURO NCAP
بس عن تجربه مشكله الفيات فى مصر توكيلها... هو ممتاز وكل حاجه وشيك جدا بس قطع الغيار الاصليه نااااااااااااااار ومبالغ فيها جدا جدا جدا... بس كل قطع غيارها موجودة عند الكيلانى فى شارع شمبليون- رمسيس وباسعار الى حد ما كويسه
بس مثلا فى التوكيل كنت بعمل صيانه قاللى الطنابير الخلفيه ب 1720 جنيه و مشترك الشكمان 2000 جنيه وتنك البنزين 2000 جنيه فاضى
انا جبت الطنابير الخلفيه من الكيلانى ب 185 جنيه والتنك ب 800 جنيه والعربيه فراملها زى الفل بجد يعنى محدش يقوللى اصليه والهلك دة

[yasserit]

الاخ yasserit

شكرا على الموضوع والصور ولو تسمحلي بسؤالين كده :

حضرتك بتحط بنزين 95 ولا 92 , ويا ريت لو جربت الإتنين تحكيلنا .

هو إنت جبت العربية من شرين كار بدل التوكيل ليه ؟ هو اسعاره أقَل مثلا ولا التسليم أسرع ؟

وشكرا

بص يا باشا بالنسبه للبنزين فانا بحط 95 من ساعت ما جبتها و ده لأن كل الخبراء اجمعوا على ان المواتير التربو لازم يتحطلها 95 لكن الحمد لله العربيه موفره معايا قوي في البنزين و مش بتحسسني بالفرق ده اما بالنسبه لشرين كار فانا جبتها من عندوا عشان سرعة التسليم لأني لو كنت استنيت في التوكيل كنت مش اقل من شهرين لكن شرين كانت العربيه موجوده جاهزه وواقفه عندو فأول لما استقريت حجزتها علطول لكن الأسعار واحده لأنه موزع معتمد من اوماترا

[yasserit]

اولا الف مبروك يا معلم اختيار موفق جدا مش عشان شكلها ولا مواصفاتها... لا عشان هى فيات وانا عارف الماركه دى عامله ازاى عشان انا معايا سيينا و عارف يعنى ايه نضافه صنع فى المقام الاول....
بص يا معلم البرافو دى بتنتج فى مصنع فيات فى تركيا ومستوردة بالكامل موتور 1.4- 120 حصان تربو عند 5000 لفه والتسارع من 0- 100 فى 9.6 ثانيه والعزم 2.6n/m وهى حاصله على 5 نجوم فى اختبارات التصادم الاوروبيه euro ncap
بس عن تجربه مشكله الفيات فى مصر توكيلها... هو ممتاز وكل حاجه وشيك جدا بس قطع الغيار الاصليه نااااااااااااااار ومبالغ فيها جدا جدا جدا... بس كل قطع غيارها موجودة عند الكيلانى فى شارع شمبليون- رمسيس وباسعار الى حد ما كويسه
بس مثلا فى التوكيل كنت بعمل صيانه قاللى الطنابير الخلفيه ب 1720 جنيه و مشترك الشكمان 2000 جنيه وتنك البنزين 2000 جنيه فاضى
انا جبت الطنابير الخلفيه من الكيلانى ب 185 جنيه والتنك ب 800 جنيه والعربيه فراملها زى الفل بجد يعنى محدش يقوللى اصليه والهلك دة

الله يبارك فيك يا معلم و الف شكر على المعلومات المفيده دي و ان شاء الله يكون في تواصل اكتر من كده

[mohamedmmm2]

طب مادام انت قاعد بقى ومتابع هاقوللك معلومات تفيدك عن البرافو فتيسها الاوتوماتيك متطور جدا فعلا وفيه خاصيه عدم الاحساس بالنقله وهى مشكله الاوبل الايزى ترونيك
والايزى ترونيك بصفه عامه اول شركه تنزله فى مصر هى الفيات كان نازل فى البونتو والبترا 2003 وكان اسم الفتيس speed tronic...
ونرجع بالزمن ورا شويه اثبتلك ان الفيات سباقه دايما ومتطورة
الفيات ماريا موديل من 98 الى 2002 كان نازل فيها موتور كومبريسور 1.3 و 1.6 بنفس تقنيه مرسيدس وفيها دركسيون مالتى فانكشن و وحدة تكييف خلفيه و زجاج كهربائى لمسه واحدة
ونرجع ورا اكتر هانلاقى الفيات تمبرا 1990 كانت نازله بعداد سرعه ديجيتال كامل زى بتاع السيفيك مع اختلاف السنين طبعا ووحدة تكييف خلفيه وزجاج لمسه واحدة.....؟
وطبعا ولا حد يعرف الكلام دة
فيات فيات فيات
وعلى فكرة نظام blue & me بتاع فيات متطور جدا جدا
ربنا يباركلك فيها وماتخافش من ال 92 بس اكيد طبعا ال 95 افضل لكل العربيات بس فى الكتالوج مكتوب يفضل ال 95 وتصلح للسير على 90 مع اختلاف فى الاداء
وجيب اخر العربيه وماتخافش على الموتور
ومعلومه عن التربو هو عبارة عن توربينه هواء تضخ كميه هواء رهيبه للموتور يعنى هواء اكثر ,اكسجين اكثر,معدل احتراق اعلى وبيكون ليه حساس بيحدد كميه الهواء ولو زاد بيقفل باب الهواء.... التربو من اعظم اعظم اعظم الاختراعات فى تاريخ صناعه السيارات ولكن عيوبه انه بيشتغل مع عدد لفات معينه حسب سعه الموتور يعنى مثلا لو انت مشغل العربيه ممورها التربو مش بيكون شغال بيشتغل مثلا مع 3500 لفه او اكثر انا مش متاكدبس انا بفترض ممكن تسأل فيها فى التوكيل فى الصيانه الجايه