مشكلة منتدى فيات

[oss_m]

منتدى فيات عجيب غريب وهو أكثر منتديات نايل موتورز بعثاً على ........*. فليس من المعقول أن نظل نقرأ عن ال 132 وال 128 بل والمهزلة ال 1100 في منتدى يضم اللينيا والبرافو والجراند بونتو والسيينا.

في الحقيقة منتدى الفيات هو بالأساس منتدى .............

أعتقد ان فيه كلمات أفضل لوصف المواضيع التى يتعب الأعضاء فى عملها أكثر من كلمة (........) .... و أيضا هناك كلمات أفضل من (........* و المهزلة) لوصف سياراتنا.
و على العموم أنا بالنيابة عن زملائى باعتذر للعضو الفاضل اننا ضايقناه بعربياتنا القديمة ... عفوا . أقصد ............

جميل انا ارجح الاختيار بتاع 2000 او بعد 2000 بس مش عارف هل 2000 تعتبر السنة الفاصلة فعلا ؟

و نرجع سنة ورة .. يعني اول بونتو نزلت في مصر تقريبا في 93-94 .

شكرا لاهتمامكم .

أعتقد الأفضل تكون السنة الفاصلة سنة 1990 ....... بحيث تكون موديلات ما قبل 1990 (و اخرها الريجاتا مثلا) .... و موديلات ما بعد 1990 (و أولها التمبرا و البونتو)

شكرا

[sherifahmed]

الموضوع غاية في الصعوبة
لان تطبيق التقسيم لازم يكون منطقي
يعني لو قولنا فيات ونصر
هاتلاقي واحد ب 132 موديل 78 بيقول انا فيات
لو قولت ايطالي وغير ايطالي هانظلم التصنيع التركي والاسباني والصين والبرازيلي
الحل اللي ممكن يكون مناسب شوية
موديلات ما قبل 2000
وموديلات ما بعد 2000
وعامة هو الاقتراح تحت المناقشة في الادارة
لحين الوصول لقرار صائ
وشكرا لاهتمامكم بالمنتدى

شكرا ياكريم للاستجابة للطلب الى بعدته للادارة
انا رأى انه يبأه فيات و نصر
و اللى معاه مثلا 132 موديل 78 مثلا زى ماانت اولت هايروح على طول على نصر عشان هوا مش هايلأى اجابة جواه منتدى فيات
زى الحوار بتاع اللانوس كدا
كل اللى معاه شيفروليه لانوس بيروح لمنتدى دايو مش شفروليه
الموضوع مش هايجى من اول مره بس مع التكرار و توجيه الاعضاء هاينجح
و شكراا

[eng_ahesham]

أضم صوتي ليكوا

[Karim_Monir]

صعب جدا نعملها من سنة 90 عشان كل 128 نصر هايدخل فيه
ويبقي معملناش حاجة
ولو من سنة 2000 هانلاقي فلوريدا برضه و128 نصر
وكدة ما زلنا في المشكلة

العضو صاحب ال 131
ما تزعلش اكيد الاعضاء مش قصدها والتعبير خانها
مالها ال 131
انا واحد من الناس بحب العربية دي جدا وكفاية انها كانت ومازالت اكبر عربية بتتعدل من فيات
وال 132 كانت تحفة لغاية اواخر ال تسعينات يعني عربية سبقت زمانها زي ال 504 كدة

هما بس الاعضاء عايزين يفصلو الي عندة مشكلة في حساسات او مع وكيل في عربية حديثة
او اللي عندة مشاكل ميكانيكة زي معظم مشاكل قسم فيات القديم
كل سنة وانت طيب

[sir_servizio]

فكرة تقسيم 2000 افضل واكيد مش هنتوة في المنتدي

[sir_servizio]

وشكرا يا استاذ كريم انك اهتميت بالموضوع

[mynameh]

انا مع كل الأعضاء الي اضافوا معظم الأفكار
لان فعلا عربية زي البولونيز والشاهين و الفلوريدا و..و.....و... و ..... و.... كل دة ملوش دعوة بالفيات

لكن ليا عتاب علي الاستاذ الي بيقول علي الموديلات القديمة خردة و علي 1100 مهزلة
ان العربيات دي بالنسبة لاصحابها شيء بيسهل عليهم مشاوريهم وتعب المواصلات وانت متقدرش تقدر قيمتها

[oss_m]

صعب جدا نعملها من سنة 90 عشان كل 128 نصر هايدخل فيه
ويبقي معملناش حاجة
ولو من سنة 2000 هانلاقي فلوريدا برضه و128 نصر
وكدة ما زلنا في المشكلة

العضو صاحب ال 131
ما تزعلش اكيد الاعضاء مش قصدها والتعبير خانها
مالها ال 131
انا واحد من الناس بحب العربية دي جدا وكفاية انها كانت ومازالت اكبر عربية بتتعدل من فيات
وال 132 كانت تحفة لغاية اواخر ال تسعينات يعني عربية سبقت زمانها زي ال 504 كدة

هما بس الاعضاء عايزين يفصلو الي عندة مشكلة في حساسات او مع وكيل في عربية حديثة
او اللي عندة مشاكل ميكانيكة زي معظم مشاكل قسم فيات القديم
كل سنة وانت طيب

على فكرة يا أستاذ كريم أنا مازعلتش من موضوع الفصل .... بالعكس .. أنا أؤيده و ادليت برأيي فى الموضوع ..... أنا بس اللى ضايقنى العضو الفاضل اللى بيسخر من القسم اللى احنا بنحبه و بنعتبره بيتنا التانى .... انما فكرة الموضوع الاساسى طبعا منطقية.

نرجع لموضوعنا بقى
هو فيه فكرة تالتة بقى .... نعمل منتدى للنصر و منتدى فيات يتقسم قديم و جديد .... بس نرجع نقول عربية زى الـ 128 موجودة فى الاتنين بنفس المواصفات و نفس المواضيع و كل حاجة ........ مش عارف بقى بصراحة

أحسن حل ..... نسيب القسم زى ما هو خلاص

كل سنة و انتم طيبين

[aljurjani]

أنا كتبت عبارتي المستفزة بعض الشيء لتحفيز همة الأعضاء على الكتابة وتحفيز همة أصحاب المنتدى على إيجاد حل للمشكلة. أنا نفسي كنت أركب مازدا 323 موديل 1981 من ثلاث سنوات ثم اشتريت بترا ونفسي أشتري لينيا لكن ماذا نقول في التوكيل الفاشل الذي ضيع أجمل سيارة في فئتها.

[A.Saad]

بس لو واحد معاه عربية تندرج تحت كذا تقسيم من دول
الاحسن ان 2 يردوا عليه من كل قسم ولا ان كل الناس ترد عليه فى قسم واحد والمناقشات بينهم توصله للافضل

[michohat]

يا جماعه الصبر يمكن الايام يكون ليها راي تانى انا متابع الموضوع من الاول بس من الحاله النفسية اللى فيها من ساعه ما سمعت انهم (الحكومه) حركت موضوع احلال الملاكى مش قادر ارد
مش كل القديم بيسبب حوادث وبلاوى فيه قديم متصان ومش متهان

[ams]

فلنأخذ من كل رجل قبيييييييييييييييلة
لكل عربية قسم :)

[kono]

هو يا جماعة الموضوع ده مات ليه
مع انه فكرة كويسة جدا .. حتى محدش يتعب فى التدوير على العربية اللى عاوز استشارة فيها

[abosharbat]

فعلا لازم بجد يبقى في تقسيم
واضم صوتى لصوت كريم منير