عيوب السيارة الشاهين وبكل صراحة ( وحشة جدا )

[ابوهاشم]

بالنسبه لينا كشعب مصرى كلها مميزات
تشتغل فى اى طرق
تشتغل باى بنزين
تشتغل باى زيوت
تشتغل باى قطع غيار
تشتغل باى ميكانيكى
تشتغل باى كهربائى
تشتغل باى سمكرى
بتمشى على قد ظروفى مش على مزاجها هى وتوكيلها
سياره اعتماديه واقتصاديه وموفره فى كل شئ
سياره اسريه وحمالة اسيه وسفر ومشقه
اوقات كتير الناس بتنسى انها عايشه فى بلد كلها مطبات
وبين كل مطب ومطب بلاعه اما بارزه او هابطه
وبعد كل بلاعه حفره
هاتلى بقى العربيه اللى تستحمل الطرق دى غير الشاهين
على فكره انا مش مغرم بيها ولا راكبها
بس هو ده الواقع انها افضل عربيه لبلدنا وشعبنا
وكل عام وانتم بخير

[zizophone]

ههههههههههههههه للاسف يا استاذ هاشم لو ركبتها حتغير كل افكارك الي بتقول عليها

[moudy88]

والدي كان من اوائل الناس اللي اشتروا الشاهين في مصر سنه 95 ب37 الف جنيه تقريبا
والعربيه كانت 1300 سي سي موتور 131
وقعدت معانا 13 سنه (من95 الى 2008 ) ..من ايام لما كنت طفل بركب فيها
لحد لما كنت بروح بيها الكليه ..يعني عشره كانها واحده من العائله
العربيه دي من اول لما جبناها سنه 95 لحد ما اتباعت وانا لم اكن اعترف بيها كسياره ابدا ..ووالله لما اشتريناها سنة 95 كنا بنقول عليها تكنولوجيا قديمه جدا جدا
فما بال الناس اللي اشتريتها 2008 !!! (مع اختلاف الماتور والتابلوه فقط )
انا شخصيا وبعد تجربه 13 سنه وحفظ العربيه مسمار مسمار
اتفق مع صاحب الموضوع في كل كلمه قالها عن العربيه

والله العربيه كانت مابتزيدش عن 130 ..ولما جبت بيها 140 جابت عمود كامه ..ده غير انك بتدخل مرحلة الخطر بعد ال100 كم بسبب الثبات الفظيع
والكنبه الورانيه كانت ضيقه بسبب تانك البنزين اللي مكانه وراها وده اللي سبب ضيق الشنطه والكنبه (بسبب وجود الكارونه )
وضعيه السائق سيئه لاقصى درجه ..بسبب الركبه اليمين اللي لازقه في الدركسيون وده كان بسببلي اللام عند القياده لمده طويله

كنت زبون دائم عند الكهربائي بسبب عطل نور السياره الخلفي (الاشاره والفرامل )
ومن وجهة نظري في عربيات قديمه كتير احسن منها ..زي الريجاتا اللي تكنولوجيتها احدث من الشاهين
والتمبرا اللي تتفوق على الشاهين بمراحل

ودي كانت ارائي الشخصيه عن العربيه الشاهين ...اللي شايف انها اخدت اكتر من حقها بكتير جدا وسعرها كان على الاقل اغلى مره ونصف عن سعرها الطبيعي

وارجو ان ملاك الشاهين مايزعلوش مني ...وشكرا

[medozaed]

الثبات ده اهيف مشكله ممكن تتحل فى الشاهين
مساعدين رياضى وعفشه نوع كويس
انتو عرفين العفشه بتاعه العربيه عباره عن اربع قطع فقط
وتغيرهم بيتكلف300جنيه ده للالمانى control
وبعدين اه العربيه الى بنطمن واحنا ركبنها بعد 120
الدايو ولا الفرنا
ولا هيا الشاهين بس الى مش ثابته
كل العربيات دى مفيش فيها ثبات ولا فرامل صح ساعت الطوارء وانتا ماشى على سرعه عليا
بس نعمل ايه على قد لحافك

[zizophone]

الاستاذ moudy88
اولا ميرسي جدا على ردك الجميل دة
ثانيا مقدرش اقولك غير ان كل الي عانيت منه بعاني منه واني متفق معاك جداااا جدااا في كل كلامك

[caysersosaih]

معلش بس الثبات ليس مشكلة اطلاقا في التمبرا انا باسم الله ما شاء الله باجيب بيها 160 وثابته جدا في المنحنيات وموتور يضرب الشاهين مع كامل احترامي لآراء الآخرين

[elansary]

ياجماعة انتو قاسيين عليها لية كدة هي بصراحة اجمد من الصيني

[zizophone]

ياجماعة انتو قاسيين عليها لية كدة هي بصراحة اجمد من الصيني

الصراحة انا مش شايف انها اجمد من الصيني غير في توافر قطع الغيار لان لو حضرتك بتتكلم على الصاج يبقي معلش اتفرج على حوادث الشاهين وانت تعرف انها ماتفرقش كتير عن الصيني يمكن الصيني فيه اير باج صحيح مابيطلعش بس اسمها فيها اير باج وكفاية الكمليات الي في الصيني دة يراجل كفاية القعدة في الاسبرنزا وتكيفها والازاز الكهربا
شاهين مين بلا قرف

[medozaed]

يعم صينى ايه الى بتقرنوها بالشاهين
انتا بقى اهم حاجه عندك التكيف والازاز الكهربه والحجات دى هى دى الى بتقيم بيها العربيه
علا فكره انتا هتخلينى اكره ريهام عبد الغفار مع انى كنت معجب بيها

[medozaed]

وموتور يضرب الشاهين مع كامل احترامي لآراء الآخرين

محنا كده ماختلفناش
لان ماتور الشاهين هو ماتور التمبرا

[youssefmustang]

يا عم احمد ربنا على النعمة دى غيرك مش لاقى سيات 133 او فيات 126
يا راجل دا انت طلعت فيها العبر كلها ده لو واحد مش طبيعى سمع الكلام ده هيمسك شومة ويكسر فى اى عربية شاهين ماشية فى الشارع ....
ده لو على العيوب دى كلها مكنتش انتشرت الانتشار الرهيب ده اللى فى نظرى غلب انتشار الهيونداى والتويوتا
نتفرض يا يا عم انها كده كفاية انها دفع خلفى و صاج دبابة وقطع غيارها شبه معدمة الثمن فى ظل فانوس الهوندا يساوى 2000 جنيه او اكتر ...
الشاهين سيارة تستحق الاحترام الجدير بالشكر والتقدير .
اخوكم يوسف

[mohamed777]

بصراحة رأى من الاخر فى العربية دى بالرغم انها مش معايا بس ركبتها اكتر من مرة
الفلوس اللي بتدفع فى العربية دى مش عاوز اقول مافيهاش بركة

واكثر انتشارها فى الصعيد على التكسيات لانها ارخص الزيرو فى السعر وقطع الغيار ومش عاوزة ميكانيكى شاطر

والحمد لله على كل حال

[zizophone]

يعم صينى ايه الى بتقرنوها بالشاهين
انتا بقى اهم حاجه عندك التكيف والازاز الكهربه والحجات دى هى دى الى بتقيم بيها العربيه
علا فكره انتا هتخلينى اكره ريهام عبد الغفار مع انى كنت معجب بيها

هههههههههههههههههههه طيب ريمو مالها ومال الشاهين بس يا باشا , بس صدقني لما يكون معاك عربية 2007 شاريها ب 67 الف ومفيهاش راحة وضيقة ولا تكيف ولا ازاز كهربا وبالتابلوة العار دة ساعتها حتقول زيي واكتر كمان .

يا عم احمد ربنا على النعمة دى غيرك مش لاقى سيات 133 او فيات 126
اخوكم يوسف

يا باشا الحمد الله على كل شئ وهو الواحد ماقلش حاجة غير ان العربية دي حرام فيها الفلوس صدقني الناس فاهمة العربية دي غلط دي

بصراحة رأى من الاخر فى العربية دى بالرغم انها مش معايا بس ركبتها اكتر من مرة
الفلوس اللي بتدفع فى العربية دى مش عاوز اقول مافيهاش بركة

واكثر انتشارها فى الصعيد على التكسيات لانها ارخص الزيرو فى السعر وقطع الغيار ومش عاوزة ميكانيكى شاطر

والحمد لله على كل حال

بشكرك جدا جدا على رئيك القوي والصريح دة

[medozaed]

ب 67 الف
هي دى المشكله
انا لوشاريها بالسعر ده هولع فى العربيه وانا راكب جواها
ومش هاقبل اركبها ولا يوم واحد
وهاقرف من شكلها والصالون والتكيف والفرامل والماتور
كل ما هركبها هافتكر ال67الف
الله يصبرك انا ابتديت اتعاطف معاك
بس انا مشتريها ب36000 جنيه وعربيه جميله ومش عايز ابعها

[medozaed]

انا فى واحد صاحبى مشترى شاهين موديل 95 ب23000جنيه
بيقول فيها شعر طول النهار يتكلم على النعومه والفرامل والسحب والراحه
انا نفسى اخليه يقبلك