عيوب السيارة الشاهين وبكل صراحة ( وحشة جدا )

[zizophone]

انا فى واحد صاحبى مشترى شاهين موديل 95 ب23000جنيه
بيقول فيها شعر طول النهار يتكلم على النعومه والفرامل والسحب والراحه
انا نفسى اخليه يقبلك

لاء بلاش يقعد معايا هههههههههههههههههههههههههههه علشان انا بيبقي اخري 5 دقايق مع اي حد بيقول ان العربية دي ناعمة ولا مريحة ولا اي ميزة فيها غير ان قطع غيارها رخيصة وبعدين فرامل اية دي الي بيتكلم عليها مانا ركبت الشاهين والدوجان من 92 لحد 2007 كلهم ولا فرامل ولا ثبات ولا راحة ولا تكيف ولا مكنة ولا اي حاجة حسبي الله ونعم الوكيل

[Amr A.salam]

بصراحة بقي الموضوع دة عاجبني أوي

الشاهين معانا من سنة 98 ومعايا شخصياً من 4 سنين ولسة موجودة معانا لغاية دلوقتي بس أنا ربنا تاب عليا وجبت عربية جديدة

مميزات العربية الشاهين

1- بتستحمل شوارع مصر اللي زي الحرير (يا راجل دة المطبات هي اللي بتوسع لها )

2- عفشتها سهلة جداً لأي عفشجي ....وكمان الميكانيكا والكهرباء لدرجة أن ممكن حاجة تبوظ منك في السكة تصلحها أنت لو عندك خلفية صغيرة في الحاجات دي

3 - قطع غيارها رخيصة جداااااااً وموجودة في أي صيدلية

4- اقتصادية جداً في استهلاك البنزين

5- صاجها كويس مش طري أوي ومش ناشف أوي

عيوب الشاهين من وجهة نظري

1- ما فيهاش أي حاجة تدل علي الرفاهية مع أننا أشتريناها سنة 98 ب38500 وكانت لانوس 1 لسة نازلة وكانت في الحدود دي برضه 38000-39000 وفرق شاسع بين الرفاهية في السيارتين

2- الفرامل سيئة جداااااااً ودي حاجة ما يختلفش عليها تلاتة

3- كثيرة الأعطال بشكل مش طبيعي ...صحيح الحاجة رخيصة بس مش كدة برضه ....قطع الغيار عمرها الافتراضي مش قليل ....دي ما لهاش عمر افتراضي أساساً

4- يبقي حظك طين لو سافرت بيها ....لأنها لو وصلت بالسلامة هتنزل أنت والركاب جسمكم مدغدغ من القعدة


موضوع أنها فضلت بتتباع لغاية 2007 أنا مش فاهم ازاااااي بالسعر دة

وفعلاً في عربيات كتير في نفس ال range وأحسن بكتير

وشكراً

[mohamed777]

عيوب الشاهين من وجهة نظري

1- ما فيهاش أي حاجة تدل علي الرفاهية مع أننا أشتريناها سنة 98 ب38500 وكانت لانوس 1 لسة نازلة وكانت في الحدود دي برضه 38000-39000 وفرق شاسع بين الرفاهية في السيارتين

2- الفرامل سيئة جداااااااً ودي حاجة ما يختلفش عليها تلاتة

3- كثيرة الأعطال بشكل مش طبيعي ...صحيح الحاجة رخيصة بس مش كدة برضه ....قطع الغيار عمرها الافتراضي مش قليل ....دي ما لهاش عمر افتراضي أساساً

4- يبقي حظك طين لو سافرت بيها ....لأنها لو وصلت بالسلامة هتنزل أنت والركاب جسمكم مدغدغ من القعدة


موضوع أنها فضلت بتتباع لغاية 2007 أنا مش فاهم ازاااااي بالسعر دة

وفعلاً في عربيات كتير في نفس ال range وأحسن بكتير

وشكراً

هذة العيوب كافية جداً لتغطى اى مميزات للعربية دى

[Strong]

أهم مميزات الشاهين

1- الإرتفاع عن الأرض يعني لو عزمت على حد يركب معاك مش هتتضايق لو قبل العزومة غير الموديلات الحديثة اللي بتحك في أي زلطة في الأرض والشكمان بيقع ويتفك ، وده بيخليني ماركبش أكتر من صديق واحد معايا أو اخد مواصلة تاني بدل ماروح عند الصنايعية يصلحوا لي ما أتلف بسبب المطبات كل مشوار
2- التوفير الرهيب في البنزين (بتستهلك بنزين أقل من اللانوس والفيرنا بمراحل)
3- قطع غيار رخيصة جدا
3- سهولة السمكرة
4- سهولة التصليح في أي مكان
5- طول العمر الإفتراضي للرشاش (رشاش واحد فقط) وحساس الشكمان
6- حدود العربية واضحة جداااااا عكس معظم الموديلات الحديثة
7- تقبل ال80 زي الدايو والفيرنا
8- ثابتة لغاية 100 وأنا مش عايز أكتر من كده ومجربتش أزود
عيوبها
1- أنا سافرت بيها 5 ساعات جالي صداع لمدة ثلاث أيام من صوت المروحة والأصوات المختلفة الي مش عارف سببها (أصوات طريق والمتور والمروحة بسبب سوء العزل مش عيوب في العربية)
2- عدم وجود باور للدريكسيون
3- الدبرياج تقيل جداااااااااااا ، وعصاية الفتيس تقيلة
4- أصوات الطريق بتعمل صداع وبتخليني مصدع من أقل مشوار سفر
5- مينفعش فيها مكيف علشان عزلها سيء جدا
6- ممكن تقول إن بعض قطع الغيار اللي مش أصلية بتنتهي في أقل من أسبوع بالمقارنة بالقطع الأصلية اللي بتقعد ممكن سنة على الأقل
7- جلستها غير مريحة يمكن علشان مش متعود عليها
8- السحب ضعيف لكن مش ضروري مش باحب السرعة


وفي الآخر أنا لو جت فرضة لشراء سيارة شاهين إضافية بحالة جيدة وبسعر مناسب مش هاتردد لأنها أفضل سيارة حديثة للطرق المصرية (موديل حديث وأعطال أقل من البيجو504 و 505 والفيات)

[eg_falcon]

انا فى واحد صاحبى مشترى شاهين موديل 95 ب23000جنيه
بيقول فيها شعر طول النهار يتكلم على النعومه والفرامل والسحب والراحه
انا نفسى اخليه يقبلك

ايه الجمال دا شاهين 95 ب 23000 اكيد فيها حاجة لان بالغم من كل العيوب المذكورة لكن اسعار الشاهين مرتفعة على الواحد ما بيشوف المعروض

[mohamed777]

على فكرة الموديلات القديمة منها احسن من الجديد 100 مرة بجد اوسع وانعم من الجديد خصوصاً موديلات 94 و95

[zizophone]

بصراحة بقي الموضوع دة عاجبني أوي

الشاهين معانا من سنة 98 ومعايا شخصياً من 4 سنين ولسة موجودة معانا لغاية دلوقتي بس أنا ربنا تاب عليا وجبت عربية جديدة
موضوع أنها فضلت بتتباع لغاية 2007 أنا مش فاهم ازاااااي بالسعر دة
وشكراً

جزيل الشكر ليك يا عمرو باشا وربنا يتوب عليا انا كمان من دي عربية فاشلة ومبرك يا باشا ع السيراتو بلا شاهين بلا قرف .

هذة العيوب كافية جداً لتغطى اى مميزات للعربية دى

وانا متفق جدا جدا معاك يا محمد بيه دة اذا كان فيها مميزات اصلا .

وفي الآخر أنا لو جت فرضة لشراء سيارة شاهين إضافية بحالة جيدة وبسعر مناسب مش هاتردد لأنها أفضل سيارة حديثة للطرق المصرية (موديل حديث وأعطال أقل من البيجو504 و 505 والفيات)

انصحك بلاش لو جاتلك اي فرصة تركب شاهين اصلا انصك لو لاقيت 125 تبقي اريح وارحم

ايه الجمال دا شاهين 95 ب 23000 اكيد فيها حاجة لان بالغم من كل العيوب المذكورة لكن اسعار الشاهين مرتفعة على الواحد ما بيشوف المعروض

والله عندك هو سعر غريب بس لو بايدي الاسعار هي فعلا كبيرها 20 الف جنية مش 67 الف بلا قرف

على فكرة الموديلات القديمة منها احسن من الجديد 100 مرة بجد اوسع وانعم من الجديد خصوصاً موديلات 94 و95

ولا جديد ولا قديم كلهم زبالة يا باشا

[Mi3d3]

الشاهين ضيقة جدا من ورا

[ابوهاشم]

والله انا كل مااتابع الموضوع ده باستغرب جدا
واضح انك بتكره العربيه دى بشكل غير عادى
لكن فى الاخر الحكم للشارع المصرى
متهيأللى ان نص العربيات اللى بنشوفها فى مصر
هى الشاهين وكثرة انتشارها تثير الدهشه

[pop504]

صفرشوية عليهم ؟

كل اللى انت بتقوله مظبوط 100 % . بس احب اضيف حاجة كل هذه العيوب سببها التقفيل المصرى والفهلوة بتاعة العمال المصريين .+ استخدام اسواء الخامات فى كل شىء لابد فى النهاية تتطلع عربيية مسخرة ؟
انظر الى الدوجان التركى القديمة ممتازة فى كل شىء ولا يوجد فيها اى عيب من الذى ذكرتة .لية لانها تقفيل برة فى ذمة وضمير واعطاء الزبون حقة على اكمل وجه.
يارتهم استوردوها على طول وتركوها مستوردة ؟ لكنهم حطوا انفهم فى كل شىء وحبوا يقلدوا وخلاص مش مهم تتطلع اية والنتيجة صفر بكل تاككككككككككككككككككيد وشوية كمان عليهم؟؟؟؟؟؟؟؟

[Qamar]

عزيزي المتحامل
لا أستطيع أن اصدق كل كلامك أو اكذبه و لكن ببساطة سأختار بعض النقاط للرد (حياديا) لا على سبيل الدفاع عن السيارة
النقطة 9: أنا عملت حادثتين والصاج رجع زي الأول
النقطة 10:سيارتي كانت 1300 موديل 96. ووصلت معايا 140كم/س بسهولة و ببنزين80!!
النقطة11: السيارة كانت مع صديق من الزيرو و بعدين ركبتها أنا سنه و نص. وصلنا بالسيارة الى 148الف و لم تحتاج الكرونة أكثر من متابعة منسوب الزيت.
يعني بالراحة شوية. هي مش سيارة حلوة ولا ولا وحشة

[mohamed777]

عزيزي المتحامل
لا أستطيع أن اصدق كل كلامك أو اكذبه و لكن ببساطة سأختار بعض النقاط للرد (حياديا) لا على سبيل الدفاع عن السيارة
النقطة 9: أنا عملت حادثتين والصاج رجع زي الأول
النقطة 10:سيارتي كانت 1300 موديل 96. ووصلت معايا 140كم/س بسهولة و ببنزين80!!
النقطة11: السيارة كانت مع صديق من الزيرو و بعدين ركبتها أنا سنه و نص. وصلنا بالسيارة الى 148الف و لم تحتاج الكرونة أكثر من متابعة منسوب الزيت.
يعني بالراحة شوية. هي مش سيارة حلوة ولا ولا وحشة

موديلات 96 فعلاً احسن من الجديد حالياً واوسع

[ابوهاشم]

على فكره انا بدور على دوجان موديل 95 او 96
يا ريت اللى يعرف حد عاوز يبيع يقوللى
بس تكون فبريكه والتكييف شغال

[medozaed]

موديلات 96 فعلاً احسن من الجديد حالياً واوسع

مهى نفس الشركه وبعدين 96 دى كربراتير انما الجديد انجيكشن
وبعدين هيكل الشاهين ماحصلش عليه اى تعديل من اول مانزلت لحد الان ازاى زمان كانت وسعه وبعدين بقت ضيقه
انتو عايزين تطلعو القطط الفاطسه فى العربيه وخلاص
اى حد مش عاجبه الشاهين يركب معايه فى اى سافريه
وانا اوريه الشاهين دى عامله الزاى

[medozaed]

وبعدين العربيه دى فيها حاجه غريبه
وكل الى معاه شاهين هايلاحظها
اول سنه العربيه بتبقى وحشه وما بتسحبش وتقيله
كل اما السنين تعدى تحلو وتوصل لسرعات اعلى
يعنى اول سنه معايه كانت بتجيب 100كم بالعفيه بعد كده بقت تجيب 120
الان وبعد مرور 10سنين بتجيب 150كم بسهوله