قطع غيار الفا روميو 156 استيراد

[pioneerahmed]

يا باشا الف شكر

[qeneber]

السلام عليكم ورحمة الله وبركاته

كل سنه وانتم طيبين وتحياتي للجميع معاكم اخوكم عبد الحميد احمد مهندس ديكور
طبعا احييكم ع المجهود الرائع الي بتبذلوه هنا وكمان ع الفكره الجهنميه الي خلتني انا بعد ماكنت بحب الالفا روميو وبعشها بس خايف منها ومن قطع غيراها بقيت مجنووووووووووووووووون بيها
انا بعت عربيتي وكنت محتار اجبها ولا لا بس الحمد لله بعد البحث والتاكد وبعد ما قرات كلامكم هنا ان شاء الله هاجيب واحده الفا روميو وقدامي كذا واحده هافاضل بينهم واشوف الانسب ليه بالنسبه للمبلغ الي معايا
من ضمنهم واحده عايزه مساعدين يا تري ممكن اعرف سعرهم كام ومين افضل واحد ممكن يركبهم
اشكركم جدا واسف ع الاطاله وتحياتي ليكم جميعا

[mezoanwr]

الى كل الاخوة المشاركين بالموضوع ... سعيد بمشاركتكم واسف لعدم تواجدى الدائم بسبب العمل وبالتوفيق لكل من يريد لقتناء السيارة الفا روميو الجميلة وبأكد لكم مش هتندم ابدا ... وبالتوفيق

[mezoanwr]

وبالمناسبة بخصوص الاسعار التى تكرمتم بذكرها بها تعديل بسيط السعر للـ 156 موديل من 98 الى 2001 تبدأ من 48 الى 55 دة للحالات المحترمة اقل من كدة هتلاقى حالة مش ولابد من 2002 الى 2004 توصل الى 65 بردة للحالات المميزة .. مع خالص شكرى

[h_e_e]

باشا ممكن اعرف الاسعار دي منين و من امتي؟ انا كلمتو علي اكصدام امامي لل 147 قالي 800!

[Karim_Mohy]

عربية محترمة فعلا...بس ممكن تقولنا علي الم اقف او الاعطال اللي حصلت مع اي حد من ملاكها...وتعبت انك تلاقي حد يصلحها لا اي ميكانيكي شاطر...وايه العيوب والمميزات للي ركب العربية ومجربها

[tahafrg]

كل سنه وانتم طيبين وتحياتي للجميع معاكم اخوكم عبد الحميد احمد مهندس ديكور
طبعا احييكم ع المجهود الرائع الي بتبذلوه هنا وكمان ع الفكره الجهنميه الي خلتني انا بعد ماكنت بحب الالفا روميو وبعشها بس خايف منها ومن قطع غيراها بقيت مجنووووووووووووووووون بيها
انا بعت عربيتي وكنت محتار اجبها ولا لا بس الحمد لله بعد البحث والتاكد وبعد ما قرات كلامكم هنا ان شاء الله هاجيب واحده الفا روميو وقدامي كذا واحده هافاضل بينهم واشوف الانسب ليه بالنسبه للمبلغ الي معايا
من ضمنهم واحده عايزه مساعدين يا تري ممكن اعرف سعرهم كام ومين افضل واحد ممكن يركبهم
اشكركم جدا واسف ع الاطاله وتحياتي ليكم جميعا

__________________________________________________ __

المساعدين الى ورا لسه سائل عليهم الكيلانى قالى جداد 1200 وفى حد قالى انهم استيراد فى حدود 600.

[qeneber]

__________________________________________________ __

المساعدين الى ورا لسه سائل عليهم الكيلانى قالى جداد 1200 وفى حد قالى انهم استيراد فى حدود 600.

اشكرك ع الاهتمام والرد انا الحمد لله جبت واحده تانيه كويسه احسن من الي سالت عليها شكرا ليك جدا وربنا يوفقنا دايما

[hisham ammar]

انا هشتري الفا ١٥٦ الحاله العامه جيده جدا
وكنت عاوز اسأل علي درجة حرارة الميه كام لأن العربيه ٢٠٠٠ سي سي و بتقرا ١٠٠ درجه علي عداد الحراره و بتعلي لما اشغل التكييف و مش عارف حلها ايه و هل يوجد صباع للحراره للتحكم و مين احسن ميكانيكي في رأيكم و كهربائي اتعامل معاه و شكرا مقدما لمعرفتكم

[mezoanwr]

بخصوص اهم الأعطال عطلين مشهورين اولاً حساس الشكمان السلك الطويل لان العربية فيها 2 حساس شكمان لكن الأول هو اللى دايماً بعطل وأظن دة من رداءة البنزين عندنا -- العطل الثانى هو بوابة الهواء والحساس بتاعها ودى مشكله قابلتنى وغيرت البوابة بالحساس بتاعها استيراد بس لازم تتظبط بعد التركيب على جهاز الاسكانر الخاص بالأعطال علشان يتم ضبط القيم الجديدة للبوابة ودة تم عمله عند المهندس / ماهر بفيصل وبالمناسبة راجل محترم جداً ومتخصص فيات والفا بس ومعاة الجهاز الأصلى بتاع الشركة ... تقريباً هما دول المشكلتين اللى قابلونى فى خلال سنى استخدام عدا ذلك كله تمام .

[qeneber]

بخصوص اهم الأعطال عطلين مشهورين اولاً حساس الشكمان السلك الطويل لان العربية فيها 2 حساس شكمان لكن الأول هو اللى دايماً بعطل وأظن دة من رداءة البنزين عندنا -- العطل الثانى هو بوابة الهواء والحساس بتاعها ودى مشكله قابلتنى وغيرت البوابة بالحساس بتاعها استيراد بس لازم تتظبط بعد التركيب على جهاز الاسكانر الخاص بالأعطال علشان يتم ضبط القيم الجديدة للبوابة ودة تم عمله عند المهندس / ماهر بفيصل وبالمناسبة راجل محترم جداً ومتخصص فيات والفا بس ومعاة الجهاز الأصلى بتاع الشركة ... تقريباً هما دول المشكلتين اللى قابلونى فى خلال سنى استخدام عدا ذلك كله تمام .

وسعرهم كام استراد البوابه والحساس بتاعها

[محمد عبدالغنى]

انا من الاسكندريه ولا اعرف اين تباع قطع غيار الالفا رميو ولا مين الصنايعيه اللى بيشتغلوا فيها وهل هناك توكيل او مراكز صيانه لها ارجو الرد وشكرا تليفونى 01224903440

[qeneber]

انا من الاسكندريه ولا اعرف اين تباع قطع غيار الالفا رميو ولا مين الصنايعيه اللى بيشتغلوا فيها وهل هناك توكيل او مراكز صيانه لها ارجو الرد وشكرا تليفونى 01224903440

اتمني حد من اليكس يرد عليك لاني من القاهره وكل الي اعرفهم هنا تحياتي ليك وبالتوفيق

[Arashad1754]

لوسمحتوا يا جماعه هيا الأسعار دي زي ما هيا ولا زادت كتير

[tahafrg]

لوسمحتوا يا جماعه هيا الأسعار دي زي ما هيا ولا زادت كتير

زى ماهيه والمفروض تقل كمان خصوصا مع اول السنه 2015 وانخفاض الجمارك عن الاوروبى 10% , الى داخله فيه الالفا روميو ده لو الدولار مرفعش بنفس النسبه طبعا وضيع التخفيض.