عيــوب ومزايا البونتو 2000: 2003

[jojooo]

ارجو المساعدة انا بدور الان على سيارة بونتو من 2000 الى 2003 وكنت عايز اعرف العيوب الشائعة فى السيارة انا سمعت ان قطع الغيار غالية خصوصا طرمبة البنزين والفوانيس والاكصدامات
سؤال اخير هى فى حدود كام لو افترض انها فبريقة برة وحوة وماشية فى حدود 40 الى 60 الف كم
اى حد عندة معلومة ياريت ينصحنى بيها
وشكرا للجميع

[tutankhamoun]

مميزات العربية :
توفير بنزين رهيب .
شكل حلو .
صالون مساحته معقولة .
قطع غيار متوفرة و أغلبها رخيص جدا . ( تيل فرامل أمامي تركي مثلا 60 جنيه ...تايواني 30 جنيه ...... أيطالي باين 150 جنيه )
فوانيس أيطالي ..... بالموتور ......900 جنيه
تايواني من غير موتور تقريبا ب 275 جنيه ...... تركي 300 جنيه ...
اسطوانة الدبرياج و البلية ...... 450 جنيه و ألماني ...
سير كتينة 60 جنيه أنجليزي الصناعة .و فيه أيطالي و ألماني و تركي و تايواني .
أغلى حاجة هي وحدة التحكم ......... ثمنه بيعدي 1500 جنيه جديدة
فيه منها أستيراد . بيعمل 500 جنيه بس لازم تتطابق مع رقم الوحدة القديمة و دي صعب تحقيقها .

العيوب .
دورة التبريد حساسة للهواء ( لا يمكن تزويد الهوا و العربية سخنة أبدا أبدا أبدا ) الحالة الوحيدة التي تقوم فيها بتزويد الهواء و هي باردة تماما تماما تماما تماما ...... و إلا الدورة هاتأخد هوا و تبدأ تسخن منك ......... و هاتحتاج تتظبط عند مركز خدمة لو وصلها هوا .
التكييف بيأثر على السحب خصوصا في الغيارات الأولى .
الموتور ممتاز داخل المدينة ........ و عادي على طرق السفر ......

و لكنه موفر جدا في البنزين .

العربية اللي تشتريها لازم تكشف عليها كويس
ثمنها هايكون في حدود 40 إلى 45 ألف جنيه مصري .

خلي بالك ان الجديدة ثمنها 65 ألف جنيه ...... أو 70 الف مش فاكر .

[eng_ahesham]

الراجل ده جابلك من الاخر
وهقولك علي نصيحه
العربيه دي احسسسسسسسسسسسن عربيه بالنسبه لسعرها في فئتها
لاتقولي فيرنا ولا لانوس ولا افيو ولا كل الهجس ده دي تحفه ايطاليه علي ارض مصريه

حلوه اخر حته دي

[أبو_حمزة]

طيب كان احد اخوانا ذوى الخبره نصح بالابتعاد عن بونتو لان وحدة الكنترول فيها عيب صناعة و بتبوظ فى نسبة كبيرة من البونتو وان كمان سعرها بيعدى 3000 (ثلات الاف) لو لقيتها.
السؤال نسبة حدوث المشكلة دى قد ايه. و يل ترى لو حد مر بيها او يعرف حد مر بيها يقول تجربته.
و على فكرة انا فى مرحلة البحث عن سيارة فى فئة البونتو فمحتاج اقيمها ميزات و عيوب

[kliken]

طيب كان احد اخوانا ذوى الخبره نصح بالابتعاد عن بونتو لان وحدة الكنترول فيها عيب صناعة و بتبوظ فى نسبة كبيرة من البونتو وان كمان سعرها بيعدى 3000 (ثلات الاف) لو لقيتها.
السؤال نسبة حدوث المشكلة دى قد ايه. و يل ترى لو حد مر بيها او يعرف حد مر بيها يقول تجربته.
و على فكرة انا فى مرحلة البحث عن سيارة فى فئة البونتو فمحتاج اقيمها ميزات و عيوب

البونتو عربيه فعلا جامده جدا و كنت فى فتره من الفترات عاوز اشتريها بس واحد صاحبى قالى نفس الكلام ده فكبرت دماغى منها و فعلا كنت عاوز اتأكد من المعلومه دى و يا ريت لو حد يقدر يوضحها

[tutankhamoun]

موضوع وحدة التحكم ده تقريبا مظبوط .
و الوحدة دي بتضرب لوحدها بعد أول 100 ألف .
يعني ممكن نقول أن عمرها ما بين 100 إلى 150 ألف كم .
و هي ثمنها في التوكيل تقريبا 2100 جنيه مصري و نحط عليهم 150 تركيب يعني ثمنها ممكن يوصل ل 2300 جنيه مصري .
و ممكن تشتريها من برة التوكيل ب 1500 جنيه و تركبها بعشرين جنيه أو تركبها بنفسك ببلاش .
أهم حاجة تطابق الرقم الخاص بالوحدة التالفة مع الوحدة الجديدة و تركيبها سهل قوي .

[أبو_حمزة]

طيب و كيف تتم مطابقة ارقام الوحدة و هل ممكن ألا يتواجد وحده مطابقه مع التالفه (يعنى الواحد يدوخ وفى الاخر ما يلاقيهاش)؟
و هل اثناء ما الوحده تالفه تكون السياره عطلانه تماما الى ان يتم الاصلاح؟
و جزاكم الله خيرا

[tutankhamoun]

يا باشا الموضوع مش صعب قوي كدا
كل موديل له رقم يعني ممكن تلاقي مجموعة عربيات بيشتركوا في نفس الرقم .. يعني ممكن موديل 2002 و نفس المواصفات .... تلاقي الوحدة بتركب على كل الموديل ده ..... و هاتلاقيها بسهولة جدا مش مشكلة .
و طبعا لما بتضرب ..... الموتور بيقف و مش بيشتغل .
بس في الغالب 99 % نصها بس اللي بيضرب و بالتالي بتبقى شغالة 2 سلندر بس .
الوحدة موجودة يا جماعة و مش حاجة صعب تواجدها خالص .
موجودة في التوكيل و موجودة خارج التوكيل .

[أبو_حمزة]

يا باشا الموضوع مش صعب قوي كدا
كل موديل له رقم يعني ممكن تلاقي مجموعة عربيات بيشتركوا في نفس الرقم .. يعني ممكن موديل 2002 و نفس المواصفات .... تلاقي الوحدة بتركب على كل الموديل ده ..... و هاتلاقيها بسهولة جدا مش مشكلة .
و طبعا لما بتضرب ..... الموتور بيقف و مش بيشتغل .
بس في الغالب 99 % نصها بس اللي بيضرب و بالتالي بتبقى شغالة 2 سلندر بس .
الوحدة موجودة يا جماعة و مش حاجة صعب تواجدها خالص .
موجودة في التوكيل و موجودة خارج التوكيل .

أولا 1000 شكر على الردود المفيده. بس لسه للموضوع بقيه و لو فيها تتقيل عشان الصوره تكمل.
الكلام اللى اتقال انه عند تغيير وحدة التحكم فلابد من تغيير
طقم دوارة كامل بمفتاح جديد يعني تمشي بمفتاحين، واحد تفتح بيه العربية والتاني تشغل بيه الموتور أو تغيير 4 كوالين
و طقم الدواره سعره اكتر من 3000
يعنى الليله دى تعدى 5000.
ده كلام اتقال لى و برضه محتاجكم تفيدونى بخبرتكم.
و جزاكم الله خير

[tutankhamoun]

أولا 1000 شكر على الردود المفيده. بس لسه للموضوع بقيه و لو فيها تتقيل عشان الصوره تكمل.
الكلام اللى اتقال انه عند تغيير وحدة التحكم فلابد من تغيير
طقم دوارة كامل بمفتاح جديد يعني تمشي بمفتاحين، واحد تفتح بيه العربية والتاني تشغل بيه الموتور أو تغيير 4 كوالين
و طقم الدواره سعره اكتر من 3000
يعنى الليله دى تعدى 5000.
ده كلام اتقال لى و برضه محتاجكم تفيدونى بخبرتكم.
و جزاكم الله خير

تسمحلي اقولك ان الكلام ده هجص في هجص
أنا مغير الوحدة دي قبل كدا و غيرت فقط لا غير وحدة التحكم .

بس يمكن أنت فتحت نقطة مهمة للحوار و هي اعادة ظبط المفتاح مع الوحدة الجديدة .
بس بصراحة أنا مش عارف بالظبط أيه اللي بيحصل لما بيتم تغيير الوحدة .

اللي حصل معايا كالآتي :
الوحدة ضربت و أنا عامل 105 ألف كم
كانت شغالة 2 سلندر بس .
كلمت مهندس في التوكيل ..... قالي سوقها عادي و هاتهالي بس بشويش عليها ( ميعرفش أني حنين أساسا )
المهم رحت التوكيل و غيرت الوحدة و دفعت ثمنها فقط لا غير بالاضافة للضرائب و المصنعية .

و أنا تحت أمرك في أي سؤال .
أسأل زي ما أنت عايز .......... معاك في أي وقت

[tutankhamoun]

تقريبا دفعت حوالي 2300 جنيه مصري . شامل ثمن الوحدة و الضرائب و التركيب و هو ده كل اللي كان مكتوب في الوصل و لم يذكر اي شئ عن اعادة برمجة المفتاح .

[jojooo]

دفعت كام فى التوكيل و عربيتك موديل كام
وشكرا للمساعدة فى الموضوع
اخوك يوسف

[tutankhamoun]

العربية موديل 2002 ...
و المشاركة رقم 11 فيها دفعت كام .

و شكرا

[أبو_حمزة]

يعنى اقدر اقول ان لو العربية عاملة فى حدود ال100 ألف احط فى اعتبارى 2000 جنيه فوق السعر اللى ها ادفعه عشان لو العربيه عملتها فى اى وقت

[tutankhamoun]

لو العربية عاملة فوق 100 ألف فعلا تعمل حسابك على 2000 جنيه حق وحدة التحكم .
و ممكن برضه تسأل صاحبها ...... يمكن هو غيرها !!!
و ممكن حظك يكون في واحدة تقعد 150 ألف كم مثلا .
و الله أعلم .