اتحاد مالكي الفيات اونو

[NFS7]

طيب ممكن تنصحني بمكانيكي في منطقة فيصل أو الهرم لو ممكن ؟ او اي حد بيعد و خلاص بس الموضوع دا يخلص :(

تعذرني معرفش حد غير في مصر الجديده او عين شمس

[mohamed_atef]

ياريت يا جماعه لو حد عارف مدينة الحرفيين يبعت المكان بالتحديد من على Google Maps.

[mohamed_atef]

تعذرني معرفش حد غير في مصر الجديده او عين شمس

تسلم يا باشا - انا رجت لنفس الميكانيكي التعبان بتاعي قالي بص العربية بتشرق ولازم ترجع للراجل بتاع الكاتينة عشان شكلها الإبرة مش كويسة -بس الحمد لله مسيت بيها شوية و لقيت العربية سخنت و جابت جوان وش السلندر عشان مشيت بيها و هيا سخنة شوية - غشم بقى معلش :( - المهم دلوقتي عايز اظبط دروة التبريد في العربية أبدأ بأيه عشان مش عايز العربية تسخن تاني

[mohamed_atef]

Fiat UNO 1.0 45

[justify]
Brand
Fiat
Model
UNO
Submodel
UNO (146A)
Modification
1.0 i (46 Hp)
Doors
3/5
Power
46 hp
Maximum speed
145 km/h
Acceleration from standstill to 100 km/h
17.7 sec
Fuel tank volume
40 l
Year of putting into production
1985 year
Year of stopping production
1995 year
Coupe type
Hatchback
Seats
5
Length
3690 mm.
width
1560 mm.
height
1420 mm.
Wheelbase
2360 mm.
front track
1340 mm.
Back track
1300 mm.
Minimum volume of trunk
270 l
Maximum amount of trunk
970 l
Position of engine
Front, transversely
Volume of engine
999 ccm
Max power in
5250rpm.
Torque
75/3250 N * m
Fuel System
Mono-point injection
Position of cylinders
Inline
Number of cylinders
4
diameter cylinders
70 mm.
Stroke in the cylinder
64.9 mm.
compression ratio
9.1
Number of valves per cylinder
2
Fuel Type
A-95
Drive
Front
Number of Gear (automatic Gearbox)
-
Number of Gear (mechanical Gearbox)
5
front suspension
Helical spring
Rear suspension
Helical spring
Front brakes
Disc
Rear brakes
Drum
ABS
yes
steering type
Cremaillere
Power steering
hydraulicbooster
Minimum turning circle
9.8 m
Fuel consumption (in town)
6.7 l./100 km.
Fuel consumption (outside city)
4.6 l./100 km.
Fuel consumption (combined)
6.4 l./100 km.
Weight
740 kg.
Max weight
1200 kg.
Tire size
155/70 R13

[/justify]

[NFS7]

تسلم يا باشا - انا رجت لنفس الميكانيكي التعبان بتاعي قالي بص العربية بتشرق ولازم ترجع للراجل بتاع الكاتينة عشان شكلها الإبرة مش كويسة -بس الحمد لله مسيت بيها شوية و لقيت العربية سخنت و جابت جوان وش السلندر عشان مشيت بيها و هيا سخنة شوية - غشم بقى معلش :( - المهم دلوقتي عايز اظبط دروة التبريد في العربية أبدأ بأيه عشان مش عايز العربية تسخن تاني

اختار حاجه من اتنين:
1- الميكانيكي بتاعك مش فاهم هوا بيقول ايه.
2- انت مش عارف توصل المعلومه صح.
يعني ايه الراجل بتاع الكاتينه؟
وايه الابرة دي؟
لو قصدك ابره الكربريتور الميكانيكي مش عارف يضبطها او يعرف انها مش كويسه؟ ده اكيد بتاع كفته مش ميكانيكي بعدين العربيه بتشرق اكيد هتشم ريحة بنزين خفيفه بعدين ان العربيه بتدي باكفاير دي معناها حاجه من اتنين :
1- سير الكاتينه مش مضبوط فبيفتح الصبابات قبل معادها وده الاغلب وغالبا بتضهر مع الحرق على الموتور
2- الكربريتور بيرمي بنزين بزياده فالسلندر مبيحرقوش كامل ودي نادر انك تحسها وتعمل الشرقه ساعتها مش باك فاير وتدي الباك من الكربريتور مش الشكمان
موضوع بقى التبريد لازم تغير الجوان الاول وتتاكد ان الميه مش بتنقص لو تمام يبقى خلاص لو بتنقص لازم تعرف النقص منين التسريب ده وتضبطو وتتابع الميه يوميا وعينك مع
عداد الحراره علطول لحد متضبطها وتتاكد ان لما تزود ميه انك اخدت الهواء الي في دايره التبريد

ولو عايز رقم الميكانيكي بتاعي ممكن ابعتهولك على الخاص هوا في عين شمس وجمبه محل قطع غيار فيات

[mohamed_atef]

عداد الحرارة

يا جماعه حد مركب عداد حرارة بكام و من فين أقدر اجيبه

[ambitious]

·
السلام عليكم ورحمة الله وبركاته
كان عندي سؤال بخصوص ترخيص العربية
انا وكنت مستني ميعاد تجديد الرخصة علشان انقل الملكية
فكنت بسأل ايه الإجراءات المطلوبة وتقريبا هتتكلف كام بدأ من التوكيل بتاع العربية انتهاءا بان الرخصة تكون بإسمي
الرجاء ذكر التكاليف لو انا هجدد سنة واحدة او اثنين او ثلاثة
وجزاكم الله خير

[zamalik]

ارجو المساعده

يا جماعه انا من اسكندريه وعايز ضروري عنوان الكيلاني اللي عندكم في القاهره ضروري


وياريت كمان رقم التليفون

[mahmoodallam]

ممكن حد يفيدني عن اسعار الاونو دلوقتي
لو معايا 25000
ممكن اجيب حالة كويسة ؟
راشة برا مش مشكلة لكن دواخل لأ .
مش مكيفة مش هتفرق
المهم شاسيه وعفشة وماتور وكهربا وصالون نضيف
بس اخري 25000
هينفع ؟

[NFS7]

يا جماعه حد مركب عداد حرارة بكام و من فين أقدر اجيبه

في عداد حراره منفصل بيتباع عند بتوع الكماليات يستحسن تجيب تايواني بلاش الصيني عشان قرايتهم مش مضبوطه معرفش اسعار
في عدادات الاونو 98 و99 فيها عداد حرارة زياده العدادات تعمل حوالي 120
فيه عدادات اونو فيها rbm وحراره ده بيعمل حوالي 175
وعندك عدادات الاونو تيربو فيها ضغط زيت وحرارة و rbm وضغط تيربو لو لقيتو هيكون في حدود 200 وتركيبو صعب شويه عايز واحد فاهم
الاسعار دي من بورسعيد

·
السلام عليكم ورحمة الله وبركاته
كان عندي سؤال بخصوص ترخيص العربية
انا وكنت مستني ميعاد تجديد الرخصة علشان انقل الملكية
فكنت بسأل ايه الإجراءات المطلوبة وتقريبا هتتكلف كام بدأ من التوكيل بتاع العربية انتهاءا بان الرخصة تكون بإسمي
الرجاء ذكر التكاليف لو انا هجدد سنة واحدة او اثنين او ثلاثة
وجزاكم الله خير

التسجيل حوالي مش متاكد 200 جنيه
الترخيص لسنه واحده 240
النمر 112
والمثلث وشنطه الاسعاف والطفاية معرفش اسعار وماتشتريش من بره لان المرور هوا الي بيدهالك او يقلك هاتها من الاكشاك الي بره المرور
الكلام ده كان سنه 2009 لما سجلت عربيتي

يا جماعه انا من اسكندريه وعايز ضروري عنوان الكيلاني اللي عندكم في القاهره ضروري


وياريت كمان رقم التليفون

رمسيس 21 شارع شمبليون من شارع معروف
25758439 - 25799069

ممكن حد يفيدني عن اسعار الاونو دلوقتي
لو معايا 25000
ممكن اجيب حالة كويسة ؟
راشة برا مش مشكلة لكن دواخل لأ .
مش مكيفة مش هتفرق
المهم شاسيه وعفشة وماتور وكهربا وصالون نضيف
بس اخري 25000
هينفع ؟

ممكن تجبلك اونو موديل 93 ايطالي حالتها حلوه وممكن تزود لل 28 تجيب اونو 98 حالتها حلوه

[semsem_uno]

Nsf7
بجد انا مش عارف اقوللك ايه والله ربنا يبارك فيك يا رب

[zamalik]

بجد مش عارف اشكركم ازاي

[nouranwar]

سمسم باشا اشتريت اونو من بعد ماتريكس و كروز :(
والله اشتريت العربية مخصوص لما شوفت كلامكم عن الاونو هنا ده طبعا بعد تدمير الكروز :)
المهم هي بجد لذيذة و ميزتها انها صغيرة بس الدركسيون تقيل جدا جدا جدااااااااااااااااا :(
الموضوع رااااااااااائع و مرجع لكل اللي عايز يعرف اي حاجة عن الاونو

[abohassan]

معلشى ها احط الموضوع دا هنا حتى تعم الفائده (معذره انا مكنتش لاقى اللينك بتاع الرابط)

أنا الحمد لله ربنا كرمنى وجبت فيات اونو 2000 (الى بيقولوا عليها هاف انجكشن )
وعندى كام سؤال ياريت حد يجاوبنى عليهم ...

1- أمون بنزين ايه 80 ولا 90 ولا 92 ...؟

2- عندى العمه بتاعه فلتر الهواء الى بتبقى فوق الكاربرتير مختلفه عن موديل 98 يعنى عندى تحس ان العمليه مختصره قوى .. عباره عن علبه سوداء فوق الكاربراتير بيركب فيها فلتر الهواء علطول عكس موديل 98 كنت تلاقى العمه طالع منها خرطوم ماشى لحد فلتر الهواء الى بيبقى قدام عند الراداتير.... سؤالى هل دا طبيعى ولا صاحب العربيه كان معدلها .....ولو معلدها منين أجيب العمه الاصليه والخراطيم والحاجات دى؟

3- هل الكاربراتير الكهراباء دا (الهاف انجكشن) بيتنظف ولا ايه نظامه .. ولو عاوز انضفه لازم فى التوكيل ..؟

4-معنديش التصفيح الى بيبقى تحت الموتور دا فهل دا طبيعى برضه...؟

5-عاوز أعمل الصيانات الدوريه الى بتتعمل بعد شراء المستعمل بعنى تغير سير الكاتينه والدينامو والفلاتر .. هل تنصحنى بأى حاجه تانى تتغير ..؟؟؟ وهل الحاجات دى تتعمل عند اى ميكانيكى ..ولا محتاجه حد متخصص ...ولو تعرف حد فى نواحى فيصل يبقى تماااام...

1- 80 استحالة طبعا!! 90 و بما ان الفرق 10 قروي بينو و بين ال 92 يعني بتاع4 جنيه ولا 5 جنيه في التفويلة يبقي 92 ده غير مميزات ال92 اصلا
2- العمة مش فارقة لأن نزل كده و كده المهم يكون سليمة و طالع منها الخرطوم اللي واصل جمب الشبكة ده
3- يعني ايه كبرراتير كهرباء ؟؟؟؟؟؟ يا انجكش يا كربراتير فقط
4-لأ مش طبيعي
5-حضرتك كنت سألتني عليهم في الرابطة تقريبا؟؟
ايوة هما دول و محتاج حد شاطر بس في تركيب سير الكاتينة علشان يظبط التقسيمة

شكرا يا باشا على الرد

- بالنسبه لموضوع العمه .. يبدو ان انته مافهمتنيش .. الى أنا اقصده بكل بساطه...
انا عندى فلتر الهواء راكب فى علبه سوداء كدا علطول فوق الكاربرتير مفيش لاخراطيم ولا حاجه ....على العكس من موديلات فيات اونو تانيه زى مثلا 98 تلاقى العمه فوق الكاربرتير وطالع منها خرطوم ماااشى لحد فلتر الهواء عند الراداتير قدام خالص.. فهل دا طبيعى ؟؟؟؟

- بالنسبه للكرابراتير الكهراباء دا نوع متطور شويه عن الكاربرتير العادى ودا بيتقال عليه (هاف انجكشن )
و ده بيكون رشاش فوق الكاربيراتير و فيه كمبيوتر زيه زي الإنجكشن الكامل, بس بيتقال عليه هاف إنجكشن علشان مفيش غير رشاش واحد بس و بيكون متركب على الكاربيراتير.


- بالنسبه للتصفيح الى بيبقى تحت الموتور .. هل دا مهم .. ولو مهم ممكن أجيبه منين ؟؟؟ وهل بيتركب بسهوله ولا محتاج لحام وحاجات ؟؟؟؟

[ambitious]

انا عندي العربيةفيهارجة شوية وغالبا بتكون عند الطلعة
ثانيا سحب العربية قل شوية مع إن عربيتي 1500 سي سي
سؤال اخير هو فيه نوع من البوجيهات للعربية الإنشجكشن ونوع للعادي ولا كله واحد وكذلك الأسلاك فيه نوع معين من الأسلاك للأنو ولا كله واحد
وايه اللي يخلي العربية سحبها يبقي كويس
وشكرا