اتحاد مالكي الفيات اونو

[dondark]

[QUOTE=jopa;3873391303]

شباب عندى استفسارين

1- عايز ارش العربية كلها هيكون متكلف كام تقريبا؟؟؟....هى مفهاش شغل سمكه كتير يعنى كام خبطة عبيطة بس اللون بتاعها اسود مطفى وعايز اعمله ميتاليك دا غير انه الكبوت عندى الى كنت مشتريها منه كان رشة وحش اوى فـ بيقشر......

2- عايز اظبط نور العربية لانى لحد دلوقتى مبدل اكتر من 5 انواع لمبات وكله فى الضياع؟؟اجيب زينون ولا اجيب اية؟؟؟وياريت عن تجربة لان معظم مشيى هيكون على طرق سريعه عشان قاعد فى الشوق.....
وبالمرة ابدل الفوانيس وهتكون برضة تكلفتها كام؟؟؟؟


-- بص ياسيدى
1- الرش هايكلفك حوالى من 1200 جنيه إلى 1400 جنيه
2- بالنسبه للاضاءة انا قرأت هنا فى المنتدى عن لمبات تنجسرام 140/100 هالوجين وثمن اللمبه الواحده 40 جنيه وده اللينك بتاع الموضوع http://www.nilemotors.net/Nile/192803-140-100-w.html

3- بالنسبه للفوانيس انا اللى اعرفه هو أشاره كامله بــ 30 جنيه / كشاف امامى حوالى 70 أو 120 جنيه بصراحه مش فاكر بالظبط/ كشاف خلفى بــ60 جنيه وكل ده من عند الكيلانى

تسلم يا باشا على ردك.....

وللاسف اول أمبارح العربية لقتها عمالة تطلع دخان وريحة شياط
طلع انه دفيرة الكهربا بتاعة الفوانين بتسيح وبوظت الكتاوت وكانت هتحرق دراع النور
طلع الكهربائى ربنا يسامحة حاطط سلك نص ملى تقريبا او ملى
روحت طبعا جبت لمبات مش عارف نوعها اية كدا ب25 جنيه الواخدة والسلك خليته 3ملى...دا كويس ولا اجيب 4 ولا اية؟؟؟؟

[jossi16]

عاملييييييييييييييييييييييييين ايه
ازيكوااااااااااا

[semsem_uno]

QUOTE=dondark;38733961893]


تسلم يا باشا على ردك.....

وللاسف اول أمبارح العربية لقتها عمالة تطلع دخان وريحة شياط
طلع انه دفيرة الكهربا بتاعة الفوانين بتسيح وبوظت الكتاوت وكانت هتحرق دراع النور
طلع الكهربائى ربنا يسامحة حاطط سلك نص ملى تقريبا او ملى
روحت طبعا جبت لمبات مش عارف نوعها اية كدا ب25 جنيه الواخدة والسلك خليته 3ملى...دا كويس ولا اجيب 4 ولا اية؟؟؟؟[/QUOTE]


اوففففففف فكك من الكهربائية دول يا دون و تعالى السابع عند الأسطي رضا الكهربائي
و 3 مللي كويس بس لو 4 مللي تبقي عامل حساب للمستقبل برضه زينون ,لمات اقوى ,كدده يعني
و بالمناسبة بخصوص الدهان بتاع العربية ابقي جيب انتا الدهان و اقف علي ايد الراجل و هو بيرش

عاملييييييييييييييييييييييييين ايه
ازيكوااااااااااا

الناس اللي بتختفي فجأة ديه بقي "قال يعني انا مش مختفي "

كله تمام و اخبار اجمد اونو في العالم ايه ؟؟؟

[NFS7]

[QUOTE=jopa;3873391303]

-- بص ياسيدى
1- الرش هايكلفك حوالى من 1200 جنيه إلى 1400 جنيه

معتقدش ان لسا في اسعار رش فرن كده الي اعرفو الرش بي بوية مصري اقل حاجه 1700 وبويه سكنز ممكن توصل لاكتر من 3500

عاملييييييييييييييييييييييييين ايه
ازيكوااااااااااا

ياااااههههههههههههههههههه
ده انا كنت نسيت ان معانا عضوة اسمها jossi16

QUOTE=dondark;38733961893]
الناس اللي بتختفي فجأة ديه بقي "قال يعني انا مش مختفي "

كله تمام و اخبار اجمد اونو في العالم ايه ؟؟؟

وانت كمان مبتضهرش الا معاها ولا ايه؟
ما فيه 7000 واحد سال اسئلة اشمعنى دلوقتي رديت ياولدددددد


دوندارك احمد حلمييي
انت كنت سالتني عن الموتور ال 1400 قبل كده وانا قلت انو يركب عندك من غير اي تعديل بس انا كنت غلطان في الكلام ده
الصح انو يركب عادي على قواعد العربية ومفيش اي تعديل في البودي لكن انتا محتاج الاتي
1-عصاية الفتيس بتاعت اونو تيربو باتياشها
2-كبالن الاونو التيربو +اكساتها+ كبالنها الداخلية
3-ضفيرة الكهرباء بتعت الاونو 1400
4- صرر وطنابير اونو 1400
5-كنترول اونو 1400 او كربراتير عادي بتاع تيبو 1400 وده نادر انك تلاقيه
6- مقصات الاونو التيربو
7-بارة الانتي رول اونو تيربو
8-ميزان اونو تيربو
الموضوع ده يدخلك مرتاح في حوالي 4000 تمن الحاجات بس من غير اي مصنعيات
وسوري ياباشا على المعلومة الغلط الي كنت ادتهالك

[abohassan]

إستفسار عن سلوك البوجيهات والبوجيهات

دالوقتى يا جماعه .. انا محتار جداااا فى موضوع البوجيهات دا

لانه فى الكتالوج بتاع الفيات اونو كاتبين ان نوع البوجيهات الموصى به هو كالتالى :


Type : Champion RN9YCC or RN9YC
Electrode gap : 0.8 mm

وسلوك البوجيهات الموصى به هو كالتالى :


903 cc (45) Champion LS-07
1116, 1299 and 1301 cc (55, 60 and 70) Champion LS-05

وفى المشاركات بتاعتكم بتقولول ان افضل نوع
NGK أو DENSO
فا بصراحه أنا اتلخبط ....

ياريت تنصحونى بناء عن تجربتكم أيهما افضل وياريت تقولولى النوع الى ها تنصحوا بيه أجيبه منين وشكرا ليكم

...........

[jossi16]

لااااا انا موجودةة س زى كل النااااس الدنيا مشااااغل :
D:d:d:d:d:d
بس انا حاسة ان مفييييش مشاركات كتييير جري ايه يا اصحااااااااب الاونو ;);)

[NFS7]

دالوقتى يا جماعه .. انا محتار جداااا فى موضوع البوجيهات دا

لانه فى الكتالوج بتاع الفيات اونو كاتبين ان نوع البوجيهات الموصى به هو كالتالى :


Type : Champion RN9YCC or RN9YC
Electrode gap : 0.8 mm

وسلوك البوجيهات الموصى به هو كالتالى :


903 cc (45) Champion LS-07
1116, 1299 and 1301 cc (55, 60 and 70) Champion LS-05

وفى المشاركات بتاعتكم بتقولول ان افضل نوع
NGK أو DENSO
فا بصراحه أنا اتلخبط ....

ياريت تنصحونى بناء عن تجربتكم أيهما افضل وياريت تقولولى النوع الى ها تنصحوا بيه أجيبه منين وشكرا ليكم

...........

هوا لو فيه شامبيون في مصر فاكيد مضروب انا شوفتو الطقم بي 18 جنيه وجربتو كان بجد حاجه تزهق
ال ngk انا شايف انو افضل بوجيهات موجوده للاونو منه نضيف وفيه على ما اسمع مقومة شوشره بسيطة
الدنسو اعلى طبعا وافضل بس مش محتاجينه في الاونو لان الاونو موتورها صغير

لااااا انا موجودةة س زى كل النااااس الدنيا مشااااغل :
D:d:d:d:d:d
بس انا حاسة ان مفييييش مشاركات كتييير جري ايه يا اصحااااااااب الاونو ;);)

ما احنا كمان عندنا مشاغلنا كل واحد تايه في الدنيا في اتجاه
عملت ايه في الموتور الي وقع؟

[abohassan]

هوا لو فيه شامبيون في مصر فاكيد مضروب انا شوفتو الطقم بي 18 جنيه وجربتو كان بجد حاجه تزهق
ال ngk انا شايف انو افضل بوجيهات موجوده للاونو منه نضيف وفيه على ما اسمع مقومة شوشره بسيطة
الدنسو اعلى طبعا وافضل بس مش محتاجينه في الاونو لان الاونو موتورها صغير

يعنى أيه يا باشا ( مقومة شوشره بسيطة ) ومنين أجيب ال ngk ويبقى مكان مضمون ..؟؟؟؟

وبالنسبه لطقم سلوك البوجيهات أفضل نوع أيه ويعمله كام ومنين برضه ...؟؟؟

.....

[NFS7]

يعنى أيه يا باشا ( مقومة شوشره بسيطة ) ومنين أجيب ال ngk ويبقى مكان مضمون ..؟؟؟؟

وبالنسبه لطقم سلوك البوجيهات أفضل نوع أيه ويعمله كام ومنين برضه ...؟؟؟

.....

ال ngk موجود في كل المحلات تقريبا انزل عند اي حد وخصوصا بتوع الياباني هتلاقيه وكمان محلات الفيات بتبيعو
اقل طقم منه في السعر وده كويس عندنا في الاونو ب 45 تقريبا
مقاومة شوشره الي بتعملها البوجيهات مع صوت الراديو
الاسلاك في في شارع دمشق محل مش فاكر اسمو ايه الصراحة عندو طقم اسلاك شامبيون بتاعها بي 50 جنيه
المحل ده لما بتدخل شارع دمشق من اول الشارع تعدي سوق الخضار الي على الشمال هتلاقي في شارع شمالك المحل واخد الناصيه الي بتكون يمينك وانت وشك للشارع ده واليافطه كلام بارز دهبي والي ولقف في المحل اسمو وجدي او اخوه

[abohassan]

ال ngk موجود في كل المحلات تقريبا انزل عند اي حد وخصوصا بتوع الياباني هتلاقيه وكمان محلات الفيات بتبيعو
اقل طقم منه في السعر وده كويس عندنا في الاونو ب 45 تقريبا
مقاومة شوشره الي بتعملها البوجيهات مع صوت الراديو
الاسلاك في في شارع دمشق محل مش فاكر اسمو ايه الصراحة عندو طقم اسلاك شامبيون بتاعها بي 50 جنيه
المحل ده لما بتدخل شارع دمشق من اول الشارع تعدي سوق الخضار الي على الشمال هتلاقي في شارع شمالك المحل واخد الناصيه الي بتكون يمينك وانت وشك للشارع ده واليافطه كلام بارز دهبي والي ولقف في المحل اسمو وجدي او اخوه

طيب بالنسبه لموضوع ظبط البوجيهات أنا سمعت انها بتتظبط بآداه إسمها ( الفلر ) وبيتم الظبط لمعظم الفيات على 0.7 ملم أو 0.8 ملم . ..... فما هو الانسب ..؟؟

كمان سؤال معلشى انا تعبتكم ....
هوه أجدعها مصنعيه ميكانيكى لما يغير سير وبليه كاتينه وسير دينامو والفلاتر و وبوجيهات ...إلخ تطلع كام على أقصى تقدير ..؟؟؟

................

[NFS7]

طيب بالنسبه لموضوع ظبط البوجيهات أنا سمعت انها بتتظبط بآداه إسمها ( الفلر ) وبيتم الظبط لمعظم الفيات على 0.7 ملم أو 0.8 ملم . ..... فما هو الانسب ..؟؟

كمان سؤال معلشى انا تعبتكم ....
هوه أجدعها مصنعيه ميكانيكى لما يغير سير وبليه كاتينه وسير دينامو والفلاتر و وبوجيهات ...إلخ تطلع كام على أقصى تقدير ..؟؟؟

................

انسب حاجه انك تسيبو زي ما هوا ومحدش يلعب في حاجة
اما المصنعيات تفرق حسب المكيكانيكي وشهرتو انا الميكانيكي عندي بياخد فيهم 80 جنيه مع العلم انو يعرفني من 15 سنة وبيعملي حساب غير الناس التانية

[om mohammed]

السلام عليكم ورحمه الله وبركاتة

عندى مشكلة ويارب ألاقى الحل عندكوا ( ان شاء الله أعرف أوصف صح )

الغطا اللى بيبقى موجود على سير الكاتينة عندى مش موجود وأى ميكانيكى بيشوف العربية بيقوللى غلط جدا تمشى بيها كدة سألت كتير ملقتوش أخرهم إمبارح عند واحد إسمة هشام لهيطة وواحد تانى إسمة الدقاق هما قاللولى جديد حوالى 150 جنية ومش هتلاقية وشوفية عند بتوع الإستيراد وقاللى هيستغلوا إنة مش موجود وممكن يوصل ل 250 جنية ووقاللى ممكن تلاقية فى بورسعيد ( ودة صعب بالنسبة لى )

إية الحل ؟

[NFS7]

السلام عليكم ورحمه الله وبركاتة

عندى مشكلة ويارب ألاقى الحل عندكوا ( ان شاء الله أعرف أوصف صح )

الغطا اللى بيبقى موجود على سير الكاتينة عندى مش موجود وأى ميكانيكى بيشوف العربية بيقوللى غلط جدا تمشى بيها كدة سألت كتير ملقتوش أخرهم إمبارح عند واحد إسمة هشام لهيطة وواحد تانى إسمة الدقاق هما قاللولى جديد حوالى 150 جنية ومش هتلاقية وشوفية عند بتوع الإستيراد وقاللى هيستغلوا إنة مش موجود وممكن يوصل ل 250 جنية ووقاللى ممكن تلاقية فى بورسعيد ( ودة صعب بالنسبة لى )

إية الحل ؟

الوش ده عبارة عن نصفين نصف سفلي ونصف علوي
المهم فيهم النصف السفلي وده مبيقعش الا لو حد متعمد يشيلو وده مهم انه يمنع الحجات الي ممكن تيجي على السير والعربية ماشيه وتحركه من مكانه وتخلف تقسيمه الكاتينا
العلوى فايدتو وانت فاتحا الكبوت والعربيه دايره وده مش مهم قوي
والوش ده لو انت من مصر الجديدة ممكن تجيبيه من عند المصريه او المضلوم وموجودين في شارع دمشق
وممكن تبعتي حد عزبة شلبي في المطريه يجبهولك مستعمل
واعتقد ان الميكانيكي كان قالي ان بتاع الريجاتا ممكن يركب عليه لان الي عندي مكسور برضو بس انا ماشي من غير النصف الفوقاني بقالي اكتر من سنه ومبفكرش اجيبو بصراحة انا عن اسعار فمعرفش عنه حاجة

[abohassan]

الوش ده عبارة عن نصفين نصف سفلي ونصف علوي
المهم فيهم النصف السفلي وده مبيقعش الا لو حد متعمد يشيلو وده مهم انه يمنع الحجات الي ممكن تيجي على السير والعربية ماشيه وتحركه من مكانه وتخلف تقسيمه الكاتينا
العلوى فايدتو وانت فاتحا الكبوت والعربيه دايره وده مش مهم قوي
والوش ده لو انت من مصر الجديدة ممكن تجيبيه من عند المصريه او المضلوم وموجودين في شارع دمشق
وممكن تبعتي حد عزبة شلبي في المطريه يجبهولك مستعمل
واعتقد ان الميكانيكي كان قالي ان بتاع الريجاتا ممكن يركب عليه لان الي عندي مكسور برضو بس انا ماشي من غير النصف الفوقاني بقالي اكتر من سنه ومبفكرش اجيبو بصراحة انا عن اسعار فمعرفش عنه حاجة

بالنسبه لغطاء سير الكاتينه ... فيه منه قطعه واحده وفيه منه قطعتين ... أنا لسه سائل عليهم النهارده
الإثنين إن شاء الله موجودين عند يوسف محمد يوسف 115 ِ ش التحرير الدقى, الجيزة فيهم واحد ب 120 وواحد ب 130 جنيه

...............

[abohassan]

البوجيهات

النهارده كنت فى وسط البلد عند الكيلانى .. وقلتله عاوز بوجيهات فا عطانى نوع فرنساوى ... قلتله لا انا عاوز ngk
المهم .. عطالى علبه فيها أربع بوجيهات وكل بوجيه فى علبه لوحده... ب 45 جنيه ... كود البوجيهات
ngk bkr5es -11

فا هل دول كدا مظبوطين .... لانه فيه حاجه غريبه جدااااا العلبه الكبيره الى فيها الأربع بوجيهات .. عليها علامه كيا
قلتله ياعم انته متاكد ان دول يشتغلو على الأونو قالى أه .. هما بالمناسبه صنع فى كوريا محفوره على البوجيهات .!!!!!

...........