اتحاد مالكي الفيات اونو

[TaoTao]

عربيتي الاونو للبيع..هي وارد ايطاليا..1400 سي سي..فابريقا دوااااخل بالكامل...تحس انها زييييرو من جوة..الفرش الاصلي التابلوة الاصلي..كل حاجة ممتازة..فيها عداد حرارة ..مش لمبة!..عداد السرعة 200 كيلو...فيها طقم جنط سبور اصلي مش صيني ..و5 كاوتش تيوبلس جيد..وكل حاجة ممتازة جدا جدا...ورخصة سنة كاملة ...والموتور بتاعها الاصللللي..مش متسقط..والعربية بتجيب لحد 180 واكتر..مع ثباااات ممتاااااز جدا...العربية الموتور اللي عليها بتاع التمبرا..والسيينا..جاهزة لتركيب التكييف..طبعا انذار وسنتر وريموت..سبب البيع ....الاونو عربية جميلة..بس انا عايز اشتري عربية لانشيا ديدرا...هي طلبت معايا فجاءة كدةة..وعمووما عربيتي سمسم شافها ..ومعجب بيها مووووت...وبيتخانق معايا اني عايز ابيع..العربية انا طالب فيها 28 الف..ودة رقمي يا جماعة..
01115120140

ليه كدة انت لحقت؟! ماصدقنا واحد من الناس الجميلة رجعت للرابطة.
ع العموم ربنا يوفقك والعربية شكلها ما شاء الله جميلة.

[i_Am_Legend]

يارجالة انا بعت الاونو..واشتريت لانشيا ديدرا..فرق كبير في الثبااااات..والسحب...

[manoviphp]

السلام عليكم ورحمة الله وبركاته

يا اهل الرابطة الكرام لمعشوقتى فيات اونو ونكمل رحلة الصيانة لهابالجزء التانى للصيانة
امبارح الجمعة قبل الصلاة روحت للميكانيكى اشتريت الأتى

1) سير كاتينة ايطالى ب 45ج
2) سير دينمو يابانى ب 10 ج
3) فلتر زيت ب 12 ج
4) جركن زيت شيل احمر 3 الاف كيلو ب 70 ج
واتبقى الفرامل قولت لما اروح عندة يحلها الف حلال
بدأنا الساعة 10 صباحا الشغل
بدأنا بسير الكاتينة طبعا اللى متغيرش من يوم ما بعت العربية اول مرة ودخلنا على سير الدينمو اللى كان بيلفظ انفاسة الأخيرة
طبعا كان فية 2 صنايعية كانو شغالين فى العربية
الموضوع دة مخدش منهم وقت كبير اوى لكن معقول
كان عندى غطاء التكيهات بيعرق زيت (تسريب بسيط كدة ) وكرتيرة الزيت من تحت نفس الوضع على خفيف بردة واخوكم من النوع اللى بيحب يشوف العربية بالذات منجوة بتبرق وميكونش فيها نقطة زيت واحدة المهم
حرق على مسامير الوش من فوق وبردة لقى مسامير الكرتيرة مهوية حرق عليها بردة وكلة تمام ودور العربية
كلة تمام وظبط كهربا وهوا وزى الفل
نيجى على مرحلة الفرامل اولا العربية فراملها الخلفية للأسف مفيش فرامل اليد للأخر ولكن فية فرامل خالص وفعلا لقينا التيل متاكل والطنابير عاوزة تتمسح على المخرطة
اخدت التيل ومليتة ومسحت الطنابير ب60ج
وركب يا جدع كارك فرامل كلة تمام التمام
ومصنعية 50 ج و10ج بقشيش والعربية دلوقتى انا بجربها وانتظرو النتيجة

الكلام ده كله عملتو عند مين ارجـــــــــــــــــــــوك
اصلى لسه مشتريها من شهر و دى اول عربيه
و دوخانى
مره الكربراتير عايز باك
و من تانى يوم الكهربا زايده اجى ابطل تفضل تتنطط و تنكشلى شعرها
اه و اهم حاجه فى عندى حاجه اسمها شفاط فى الكربراتير ليه 3 مستويات و مش عاريف المفروض يكون ظبطته اذاى اعمله زى ما بيقولى بتاع الكربراتير اجى ادوس بنزين على الاول او التانى دوسه بسيطه الاقىيها تبطل اجيب الشفاط على الاخر النحيه التانيه (ادوس على الدراع في اتجاه العربيه)
تمشى معايا كويس الاقى الراجل يقولى انى كده بديها بنزين كتير و................ مش عارف
و لسه مشترى بطاريه جافه جديده فيها لمبه لمه تكون مشحونه بتكون منوره .. اشطه
اسيبها اجى ادورها تانى يوم الاقى اللمبه مش منوره
وبقيت اسمع صوت من جهة العجله اليمين ادام صوت تكتكه صوتها مش عالى
و مش عارف اعمل اه ه ه ه ه ه ه ه ه ه ه ه ه ه ه ه ه ه ه ه ه ه ه ه
......... مصنعيه الكربراتير 150 جنيه لوحده و معملش حاجه
لو سمحت قولى اعمل اه ارجوك الميكانيكيه بياكلو عيش على قفايه
كـــفايه قفايا و جيبى مبقاش مستحمل

[kingsun]

والله ياجماعة الواحد محتار مش عارف يعمل
اجيب الفارتا واتوكل على الله

[unoman]

شباب ازيكم
حصلت حاجة غريبة فى العربية
انها من يومين تلاته كدا لما اجى ادورها تغيييب اوى يمكن تلت ساعة لحد ما تدور
بس الاغرب انها بتدور لوحدها من غير لا زق ولا بتاع
واخر مرة فضلت ساعة الا تلت لحد ما دارت (طبعا الاسهل اروح مشاورينى بتاكسى واخد يوم من اوله ادورها فى هههههههههههههه)
مش عارف اية سبب الحوار دا
وهى اوقات (مش ديما حتى لو فى يوم واحد)مرة اقفلها تكون فله ومرة اقفلها تفضل تتهز كانها حالفة ما تتقفل الا بعد كام ثانية(قولت يمكن عايزة تروح مشوار تانى لوحدها ههههههههههههههههه)
وحاجة اخيرة ال rpm شوية مظبوط على وشوية عالى سنه او اتنين وشوية تانية بيقل لوحدة فى السلنسية وتفضل العربية تترجرج ,,,,
مش عارف مالها ,,,,

[unoman]

....update....
بعد ساعة ونص بحاول ادور العربية ولما مافيش كهربائى رضى يجى معاها مع انه بعد العربية عنهم شارعين بس واحد قالى زهقهالى والتانى قالى دورها وتعالى وانا اقولك العيب فين
(باعتبار انه دوره تشخيص المرض وهروح لدكتور متخصص تانى )
مرضتش ارد علية ومشيت
المهم دارت ازاى بقة ,,انى شلت السلك بتاع الموبينه وركبته تانى فاشتغلت,,,
شيطانى ضحك عليا وقالى روح بقة لكهربائى يبدلك الكابل دا وتعمل تشيك على الموبينه
روحت للراجل قولت له المشكلة راح جايب سلك من عنده وركبه مدرتش وشوية ودارك لقيته بيقولى انا لقيت سلك ملهوش لزمة كان عامل مشكلة قصيته ودارت ,,,
ببص على ال rpm لقيته فصل (طلع العبقرى قص سلك ال rpm)لحمه تانى والمروحة فصلت بالزرار اليدوى هههههههههههه
(قولت له رجعهالى تانى زى ماهى بالسلك القديم وخلينى امشى بدل ما ادخل فى عمره وانا واقف عندك)
ولانه راجل كبير كان لازم اعامله بهدوء ,,,

المهم كله اشتغل لله الحمد وماشى حصل شئ غريب اوى

انى لما بهدى بتفضل العربية تترج وال rpm يقل جدا ولمبة الزيت تنور لحد ما العربية تفصل لازن افضل ساند البنزين ,,, معرفشى دا اية سببه ولية حصل اصلا !!!!
ملحوظة عشان يركب السلك هو كان فك الاسبراتير الجزء الى فى السلوك راكبه فك الكلبسات وركب السلوك وركب الكلبسات وخلاص معرفشى دا يؤثر ولا لا !!!!

الدروس المستفادة

1-متروحشى لكهربائى غير الى عارفة
2-حاول يكون صغير فى السن عشان تعرف ترد عليه من غير تأنيب ضمير :D

[ahmed_zimo]

ارجو المساعدة

كل سنة واعضاء الرابطة كلهم بالف صحة وسلامة
واخص بالذكر nfs7

ليا استفسار صغير انا عمل حادثة علي الدائري
والمساعد الشمال حجر ياعني بقي ناشف اوي
اية رايكم بفكر اجيب استيراد بس خايف وناس قالولي هات صيني شغال بس برضة مقلق
وفي ناس قاليلي ابعد عن المانورو عشان ناشف وعربتك خفيفة وهات kyb زيت بس
فيا تري تنصحوني باية وياريت لو حد عندو معرفة بالاسعار والاماكن
اسف علي الاطالة

[TaoTao]

....update....
بعد ساعة ونص بحاول ادور العربية ولما مافيش كهربائى رضى يجى معاها مع انه بعد العربية عنهم شارعين بس واحد قالى زهقهالى والتانى قالى دورها وتعالى وانا اقولك العيب فين
(باعتبار انه دوره تشخيص المرض وهروح لدكتور متخصص تانى )
مرضتش ارد علية ومشيت
المهم دارت ازاى بقة ,,انى شلت السلك بتاع الموبينه وركبته تانى فاشتغلت,,,
شيطانى ضحك عليا وقالى روح بقة لكهربائى يبدلك الكابل دا وتعمل تشيك على الموبينه
روحت للراجل قولت له المشكلة راح جايب سلك من عنده وركبه مدرتش وشوية ودارك لقيته بيقولى انا لقيت سلك ملهوش لزمة كان عامل مشكلة قصيته ودارت ,,,
ببص على ال rpm لقيته فصل (طلع العبقرى قص سلك ال rpm)لحمه تانى والمروحة فصلت بالزرار اليدوى هههههههههههه
(قولت له رجعهالى تانى زى ماهى بالسلك القديم وخلينى امشى بدل ما ادخل فى عمره وانا واقف عندك)
ولانه راجل كبير كان لازم اعامله بهدوء ,,,

المهم كله اشتغل لله الحمد وماشى حصل شئ غريب اوى

انى لما بهدى بتفضل العربية تترج وال rpm يقل جدا ولمبة الزيت تنور لحد ما العربية تفصل لازن افضل ساند البنزين ,,, معرفشى دا اية سببه ولية حصل اصلا !!!!
ملحوظة عشان يركب السلك هو كان فك الاسبراتير الجزء الى فى السلوك راكبه فك الكلبسات وركب السلوك وركب الكلبسات وخلاص معرفشى دا يؤثر ولا لا !!!!

الدروس المستفادة

1-متروحشى لكهربائى غير الى عارفة
2-حاول يكون صغير فى السن عشان تعرف ترد عليه من غير تأنيب ضمير :d

غالباً دي أعراض "مشط الكهربا" .. برجلة غريبة والعربية تفصل وانت ماشي ع الرابع وغالباً هاتفصل كهربا خالص. علاجها مشط كهربا جديد من الكيلاني أو شارع دمشق ، وممكن تركبه بنفسك من غير كهربائي. الأونو عربية صيانتها سهلة جداً والوصول لأغلب أجزاء الكهربا والميكانيكا سهلة جداً. لي حكاية شبيهة مع مشط الكهربا والصنايعية في الشيخ زايد ابقى اكتب لكم عنها بكرة بإذن الله :)

[TaoTao]

....update....
بعد ساعة ونص بحاول ادور العربية ولما مافيش كهربائى رضى يجى معاها مع انه بعد العربية عنهم شارعين بس واحد قالى زهقهالى والتانى قالى دورها وتعالى وانا اقولك العيب فين
(باعتبار انه دوره تشخيص المرض وهروح لدكتور متخصص تانى )
مرضتش ارد علية ومشيت
المهم دارت ازاى بقة ,,انى شلت السلك بتاع الموبينه وركبته تانى فاشتغلت,,,
شيطانى ضحك عليا وقالى روح بقة لكهربائى يبدلك الكابل دا وتعمل تشيك على الموبينه
روحت للراجل قولت له المشكلة راح جايب سلك من عنده وركبه مدرتش وشوية ودارك لقيته بيقولى انا لقيت سلك ملهوش لزمة كان عامل مشكلة قصيته ودارت ,,,
ببص على ال rpm لقيته فصل (طلع العبقرى قص سلك ال rpm)لحمه تانى والمروحة فصلت بالزرار اليدوى هههههههههههه
(قولت له رجعهالى تانى زى ماهى بالسلك القديم وخلينى امشى بدل ما ادخل فى عمره وانا واقف عندك)
ولانه راجل كبير كان لازم اعامله بهدوء ,,,

المهم كله اشتغل لله الحمد وماشى حصل شئ غريب اوى

انى لما بهدى بتفضل العربية تترج وال rpm يقل جدا ولمبة الزيت تنور لحد ما العربية تفصل لازن افضل ساند البنزين ,,, معرفشى دا اية سببه ولية حصل اصلا !!!!
ملحوظة عشان يركب السلك هو كان فك الاسبراتير الجزء الى فى السلوك راكبه فك الكلبسات وركب السلوك وركب الكلبسات وخلاص معرفشى دا يؤثر ولا لا !!!!

الدروس المستفادة

1-متروحشى لكهربائى غير الى عارفة
2-حاول يكون صغير فى السن عشان تعرف ترد عليه من غير تأنيب ضمير :d

غالباً دي أعراض "مشط الكهربا" .. برجلة غريبة والعربية تفصل وانت ماشي ع الرابع وغالباً هاتفصل كهربا خالص. علاجها مشط كهربا جديد من الكيلاني أو شارع دمشق ، وممكن تركبه بنفسك من غير كهربائي. الأونو عربية صيانتها سهلة جداً والوصول لأغلب أجزاء الكهربا والميكانيكا سهلة جداً. لي حكاية شبيهة مع مشط الكهربا والصنايعية في الشيخ زايد ابقى اكتب لكم عنها بكرة بإذن الله :)

[ahmed_zimo]

كل سنة واعضاء الرابطة كلهم بالف صحة وسلامة
واخص بالذكر nfs7

ليا استفسار صغير انا عمل حادثة علي الدائري
والمساعد الشمال حجر ياعني بقي ناشف اوي
اية رايكم بفكر اجيب استيراد بس خايف وناس قالولي هات صيني شغال بس برضة مقلق
وفي ناس قاليلي ابعد عن المانورو عشان ناشف وعربتك خفيفة وهات kyb زيت بس
فيا تري تنصحوني باية وياريت لو حد عندو معرفة بالاسعار والاماكن
اسف علي الاطالة

اية ياجماعة محدش ناوي يرد عليا
انا ضهري اتقطم

[le voleur]

السلام عليكم تحيه جميله لكل الموجودين
كان عندى استفسار و خصوصا الاستاذ nfs 7 انا عربيتى اونو 91 1100 سى سى انا عارف ان الموتور ده نادر فى مصر و مش موجود غالبا الا فى الانو الاستيراد و خصوصا الى كانت جايه موعاقين فكنت عايز اعرف ايه الفرق الي بينه و بين 1000 سى سى و اهم شىء ينفع يركب عليه تكييف و لا لاء بدون ما يضيع الماكنه او يعمل مشكله سخونه و عايز اعرف ده انهى موتور لان لما بدخل على ويكيبديا بلاقى 3 مواتير 1100 نزلوا للاونو 2 منهم من سنه 89 الى 92 و 93 فا انا مش قادر اعرف و ياريت استفسار التكييف ده بالزات و اسعاره كام و انى اكون ماشى فى السليم و سعات لما اقرص على العربيه اشم ريحت شياط و بعد كده تروح
و اسف على التطويل و ارجوا الاستفاده منكم
و معلش لما بكسر الدريكسيون على الاخر يمين الكوبلن بيحك و و يزرجن و يكبح العربيه علما انى مغير كبالم و كواتش الكبالن و الشحم تمام
و شكرا مره اخرى و فى انتظار الرد

[Nermeen Magdy]

ارجو المساعده انا عربتى فيات اونو 2000 هاف انجكشن
بتيجى وانا ماشيه مره واحده تفصل ومدورش غير لما ادوس على البنزين وبعد كده تمشى كويس وشويه وتفصل ثانى وممكن اعقد يومين مثلا ماشيه بيها ومتفصلش هى ومذجها
غيرت طلمبه البنزين وغيرت الموبينه ونظفت انجكشن وبرضه مفيش فائده روحت كشف عليها بالكمبيوتر قالى ان الحساسات شغاله فى ميكانيكى قالى انه حساس البوابه المشكله ان حساسات العربيه مش موجوده فى السوق وكمان انا خايفه اغيره ويطلع برضه مش هو العيب ، العيب ده بقاله كثير قوى بتاع حوالى سنه ومفيش ميكانيكى عارف يوصل للعيب فى ميكانيكى قالى روحى للميكانيكى متخصص فيات
والجديد كمان ان البوجهات بيجى عليها بنزين الميكانيكى قالى علشان الانجكشن مش مضبوط وقالى غيرى اسلاك البوجهات محتاجه حد يعرف ميكانيكى كويس متخصص بضبط العربيه علشان انا خلاص تعبت

[le voleur]

روحى لاى ميكانيكى و قوليله يراجع على الكهرباء بتاعه العربيه كامله مش لازم يكون الانجكشن بس ممكن اى حاجه تانيه تسبب كده موبينه مثلا او المشط او الكابل بتاع الموبينه او غيره و خيليه يشوف و سراجع جميع الكابلات و لو كله تمام روحى لكهربائى ممكن تكون حاجه الميكانكى ميعرفهاش و اعتبري كشف بس و لو كانت حاجه منهم يبقى تمام و الله اعلم

[نور 76]

السلام عليكم

انا جبت اشتريت اونو موديل 94 ووديتها عند صديق لينا الدويقه غير المقصات وركبوا مساعدين جديدة عشان القديمة كانت تعبانه و صاحبها القديم الله يسامحوا كان مركب فرش اللى هوا السجاد وطلع الفرش اللى الاصل مقطع وبايظ وفرش الارضيه كمان والكاسيت بايظ ومش شغال المهم الصالون بتاعها مش حلو قوى لكن اللى تعبنى فيها ان اول ما ادور تفصل منى رغم انى بسخنها وكمان حاسه انها بتجرى جامد وخايفه منها وكمان صوتها بحس انه عالى ورحت للمكانيكى قالى هيا كويسه بس بتشرق وانا مش فاهمه وطبعا انتوا فاهمين بقا حجم الاستغلال لما تكون مش فاهم حد يقولى ايه اللىى بيحصل ويعنى ايه بتشرق وكمان العادى لما اكون ممونه تبقا فى ريحه بنزين ؟
كمان عاوزكم بافكاركم وخبراتكم تقولولى اعمل ايه لتجميل وتجديد شكلها من جوة لانها من بره مرشوشه جديد ولونها جميل وربنا يكرمكم جميعا

[le voleur]

روحى لواحد متخصص فى الكاربيراتير ينضفه و يغسله بالبنزين و لو فى حاجه تانيه هو حايعملها متروحيش لاى واحد اسألى على حد بتاع كاربيراتير بس و ان شاء الله حتنظبت و مش حتشرق تانى و بالنسبه للارضيه و العربيه من جوه حتروحى لسروجى بس حتكلفى مش مهم من جوه حاليا هاتى طقم دوسات جديد و طقم كليم من الى بيتحط على الكراسى و بكده حتظبطى شكلها بأقل تكلفه و بالنسبه للجرى هى عربيه خفيفه و بتجرى هدى انتى السرعه و ربنا يباركلك فيها و و يباركلنا جميعا و يسترها معنا