اتحاد مالكي الفيات اونو

[Marwa Galal]

السلام عليكم
كان عندي سؤال..معروض عليا فيات اونو موديل 1994 حالتها كويسة بس انا لسة مشفتهاش او وديتها لميكانيكي علي 28000
كنت عايزة اعرف اخر موديل ايطالي نزل منها هل 93 ولا 94 وسعرها كده كويس بالنسبة لحالتها ولا نفاصل فيها شوية كمان

[moo22]

الحمد الله على كل حاجه, لو فى اى حاجه فى العربيه تانى انا موجود و ان شاء الله تتحل

بجد حضرتك افدتني جدآ ربنا يجعله في ميزان حسناتك ان شاء الله .. كل الشكر للإهتمام والرد.

[السريع]

ا/مروه اخر الايطالى 94, حضرتك هو ال 28000 دى كويسه بس نفاصل شويه, و ال28000 على عداد ماشى كام و ايه كماليات العربيه من جنوط و عده صوت و فرش جلد و ازاز كهربا و انذار و كاسيت نضيف و سماعات نضيفه حاله العفشه و الدهان, راشه من بره ولا مش رشه.
حاجات كتير تحدد السعر بس اهم حاجه حاله العربيه و متكونش متهانه و متكونش واخده خابطه جامده و لازم تكشفى عليها عند حد ثقه و مش ميكانيكى بس ولازم عفشجى عشان لو العربيه واخده خابطه ولا مقلوبه ولا لاحمه نصين عشان فى ناس كتييييييييييير معدومه الضمير نصيحه ارجووكى خدى ميكانيكى ثقه, يعنى ميبعكيش ب 50 ف ايدو
و ماتتسارعيش و انا تحت امرك فى اى خدمه و اى استفسار

[السريع]

ا/موو حضرتك هنا كلنا بنخدم بعد

[agamy22]

فعلا أنا معايا الأزرق جميل جدا بس عايزه وش نضافه كده من الخارج وكان معايا الأحمر بس الأزرق أحلى منه

[Marwa Galal]

ا/مروه اخر الايطالى 94, حضرتك هو ال 28000 دى كويسه بس نفاصل شويه, و ال28000 على عداد ماشى كام و ايه كماليات العربيه من جنوط و عده صوت و فرش جلد و ازاز كهربا و انذار و كاسيت نضيف و سماعات نضيفه حاله العفشه و الدهان, راشه من بره ولا مش رشه.
حاجات كتير تحدد السعر بس اهم حاجه حاله العربيه و متكونش متهانه و متكونش واخده خابطه جامده و لازم تكشفى عليها عند حد ثقه و مش ميكانيكى بس ولازم عفشجى عشان لو العربيه واخده خابطه ولا مقلوبه ولا لاحمه نصين عشان فى ناس كتييييييييييير معدومه الضمير نصيحه ارجووكى خدى ميكانيكى ثقه, يعنى ميبعكيش ب 50 ف ايدو
و ماتتسارعيش و انا تحت امرك فى اى خدمه و اى استفسار

متشكرة جدا جدا
انا رحت شفت العربية وموتورها كويس اوي الميكانيكي شافها وقال كويسة وتستاهل والراجل مرضاش ينزل عن 28 بس هي حالتها ماشاء الله هي بس محتاجة شوية تظبيطات يعني عايزة مساعدين ورا ومساحات وتقريبا محتاجة سوست غير كده هي مش عايزة حاجة تانية والعربية جاية من بيت صاحبها ده تاني مالك ليها وعفشتها تمام بس ممكن اتأكد من موضوع العفشة ده تاني زنشوفها رشة ولا لأ
ممكن بس طلب صغير..انا لسة جديدة في موضوع العربيات ده وعايزة افهم في المكانيكا بتاعتها والمصطلحات زي المساعدين والكبالن والحاجات دي لاني معرفش هي ايه :( ومش عايزة اسوق العربية عمياني كده لازم ابقي عارفة فيها كل حاجة علشان لو لا قدر الله عطلت مني او حصل فيها حاجة ما ابقاش محتاسة
فممكن كورس صغير كده سريع كده في المصطلحات دي وجزالك الله كل خير :)

[Marwa Galal]

معلش يا جماعة علشان انا محتارة جدا دلوقتي
انا نزلت شارع مجلش الأمة اسأل علي قطع غيار الاونو متوفرة ولا لأ كل ما اسأل حد يقولي شحيحة شوية ومش حتلاقيها كتير لان المعروض منها قليل فقطع الغيار الاصلي مفيش اقبال عليها المستوردين مش بيتشجعوا انهم يجيبوها في رسالة بمليون جنيه مثلا من بره ولو لقيتها حتبقي غالية
واحد تاني قالي هي موجودة بس حالتها غالية يعني مثلا المساعدين ب 400 جنيه الاكصدام يدخله في 500 جنيه والكبوت ب 700 وكده
الكلام ده قلقني اوي هل قطع الغيار موجودة ورخصية ولا غاليه ومش موجودة وجديد ولا استيراد
انا فكرت فيها لقيت ان انا ممكن اجيب 128 بس تغرمني وتبقي حالتها وحشة واصرف عليها كتير وممكن اجيب الاونو وحالتها تبقي حلوة ومتكلفنيش غير كل فين وفين مع العلم اني لسة في اول التعليم وحاخبط فيها كتير
انا قلت اسألكوا لانكم ادري مني في الموضوع وانا لازم ارد علي الراجل يوم الاحد

[السريع]

الازرق معايا بردو حلو اوى, بس العيال اللى بتمشى تجرح فى العربيه يخلو اى لون وحش
عيال حقوده عايزه الحرق, لسا لاقى على الكبوت x/o عيال عايزه الحرق

[السريع]

يعنى العربيه ميكانييكا تمام التمام,
نيجى للعفشه مساعدين و سوست ضايعين اوى يعنى,
فى اختبار بسيط جدا ممكن حضرتك تعمليه سهل اوى
تضغطى مثلا على سقف العربيه من ناحيه المساعد جامد
خلى العربيه تطلع و تنزل و تلاحظى العربيه و هى بتطلع
لو ((بتتنطر فوق مره واجده جامد)) كدا و مش بتطنطط المساعد فى الضياع و هانحسيها اوى
لو ((بتعدد تطنطط كذا مره ))احد ماتثبط كدا السوسته هى اللى فى الضياع
الطبيعى انك لما تضغطى على العربيه تطلع من غير تنطيط جامد و كتطلعش مره واحده
لو هى محتاجه مساعدين ورا و سوست سهله مفسش اى مشكله
و رينج الاسعار هيكون فى الحنين
مساحات مش مشكله دى ب 50 جنيه
نيجى بقا ازاى تكشفى على العفشه بنفسك
والعربيه واقفه خشى جوه العربيه لفى الدركسيون مره اقصى اليمين و مره اقصى الشمال
و اسمعى فى اى اصوات( تزييق-تكتكه ) لو مفيش اعملى نفس الموضوع و العربيه ماشيه
بردو جربى ترفعى الهاند فرامل اليديعنى بتتطلع مرة واحد بسهولة و بتصد فى الاخر مرة واحدة مش كويس و تشوفى بتطلع لحد تكه او تكيتين ولا تلاته,((المفروض)) 3 تكات
و بعدين حد يحاول يزق العربيه بتتزق بسوله ((جدا)) كدا الفرامل ورا عايزه تتظبط
سؤال اهم بقا اتأكدتى انها مش واخده خبطات, اتأكدتى ؟؟, يعنى شيلتى فرش الابواب الاربعه
و شوفتى فى اى حاجه فى الابواب واخده صواريخ و اتردت ولا اتخبطط و اتردن على البارد
لو اتردت على البارد هاتلاقى فى اثار دق بالشاكوش من جوه,
لو اتردت على السخن يعنى واخده صاروخ دا حاجه كدا ذى اللحام بتاع الحديد
بتكون الخبطه جامده اوى فالازم دق على البارد و صاروخ
و الصاروخ هاتلاقى مكانو داوريه قد عقله صباعك لونها فضى غامق
كل ما الصواريخ زادت نسبه القلق تزيد يبقى الباشا خيش جامد قبل كدا
طبعا الفرش دا يتشال فى الربع ابواب و ميقوليكيش لا و بتاع حضرتك هاتدفعى 28000
يعنى مش هزار يعنى, الابواب تمام, نيجى لفرش السقف تبصى من الاربع اجناب من عند مقابض اليد
فى بارومه, البارومه دى عباره عن صدا, بتكون المايه اتكونت فى الحته دى و لغه الصنايعيه بارومه
اه الازاز خدى بالك كلو اصلى و مكتوب عليه فيات , الاربع شبابيك و الشنطه و الازاز القدمانى
و تفتحى الشنطه و تشيلى الفرش خالص و الاستبن و تشوفى فى بارومه ولا لا,
و الباب بتاع الشنطه فى اى صواريخ اى حاجه ولا لا, نقفل الشنطه و نبص على
اى فوارق بين الخطوط يعنى بين الفوانيس
الرفارف بين الباب و الحلق بتاعة بين باب الشنطة و الحلق بتاع الشنط
الجنوط ماقولتليش العربيه دى مجنطه ولا حاتت الجنوط الحديد بتاعت العربيه,
لو حاطط جنوط تبصى الجنط مافيهوش لاحمات مافيهوش تانيات مش معووج من الطرف بتاعو
و بعدين الكاوتش حالته ايه (مشقق-الاربع فرد نفس المقاس و نفس النقشه ولا لا) لان دا هايفرق معاكى ف راحتك على الطريق
خالاص العربيه من بره تمام
جربى كل حاجه جوه (الاشارات شغاله كلها من جوه و من بره ولا فيه لمد محروقه-النور العالى و الواطى)
موضوع البويه دا ان شاء الله تعرفيه ذى مابقولك كدا فرش الابواب يتشال و يتبص تحتيه و باب الشنطه و اجناب السقف لحسن تكون مقلوبه ولا حاجه و الفوارق بين الاجناب بردو يتبص عليها كويس
و لو فاكر الحجات اللى غايرها ياريت تكتيبيها فى ورقه عشان كل حاجه هايبقا ليها معاد تتغير فيه
و تسأليه لو مغير حاجه او جاب حاجه جديده و تعرفى غيرها ليه و من امتا
صحيح هو الكبوت فى تحتيه فرش كدا ولا لا ؟؟, و ماتنصيش تبوصى فى اى صواريخ ولا لا ؟؟
.
.
.
.
.
.
.
.
.
.
موضوع قطع الغيار ماتقلقيش منو خااااااااااااااااالص و سيبك من كلا التجار اللى ملا بيودى ولا بيجيب
فى ردين فوق فيهم عنواين و نمر
أ/سامح بتاع اوتو ربيع
و عادل غزل
دول عندخم كل حاجه الاونو دا غير طبعا الكيلانى ما موضوع قطع الغيار دا ماتحمليش همو اطلافا
و لو فى اى حاجه مش لااقياها قوليلى و ان شاء الله اجبهالك
معلش دا اللى انا فاكرو دلوقتى, و اى استفسار انا تحت امرك

الرخصه سنه ولا 2 ولا 3 و باقى فى الرخصه اد ايه على ما تنتهى
و شهاده المخالفات طلعها ولا لا,و الرخصه ناويا تنقليها بأسمك ولا هاتمشى بتوكيل ..
هى العربيه لونها ايه صحيح ؟؟

بالنسبه لاجزاء العربيه اهيه

http://www.nilemotors.net/Nile/329007-a.html

الموضوع دا فى كل الاجزاء بتاعت الموتور و هايفيدك جداااا
و المواضيع دى بردو

http://www.nilemotors.net/Nile/30806-a.html

[السريع]

موضوع ال 128 دا ف رد لوحدو خاالص
.
.
.
مع احترامى لكل اللى معاهم 128,
128 اييييييييييييه لاااااااااااااااااااااااااااااا
دى انضف 128 فيكى ب 15 و 16 الف, هى دى عربيه اصلا
اولا مواتير الاونو ال 1000 cc بتاعتنا بتتسقط فى ال128 و بتبقا طلقه,
هو ال 800 ولا ال 700 cc اللى فى ال 128 يمشوها اصلا دى محصلتش توكتوك
دى ال 128 محتاجه حد يزقها عشان تمشى فا مابالك بالجرى

و ال 128 و 127 مع اى مطب تلاقى شاسيها فتح و عربيه ولا بتستحمل
جرى ولا اى حاجه و شكلها يعر اصلا ولا تنفع شباب ولا بنات, و شكلها مش عصرى اطلاقاا
و كل شويه حاجه تعطل و على كول 128 عطلانه فى الطريق من ايه اهو عطلات
انا اجيب غربيه ب 15 ولا حاى 12 الف و اعد اصلح فيها كل يوم و كل اسبوع عند الميكانيكى
دى مش عربيع اساسا و دركسيونها تقيييييييييييييييييييييل و كاوتشها صغير اوى ى ى ى
الواحد يحس بكل زلطه و كل نقره فى الارض
و عربيه موديل سبعينات و تمتنينات و حاجه تعبانه اخر حاجه و ضيقه من جوه و مساحه الشنطه و الكنبه صغيره اوى حتى على عيله ضغيره
لا لا لا لا لا لا ارجوكى يا أ/مروه متقرنيش

[Marwa Galal]

لونها كحلي غامق
سألت علي قطع غيارها لقيتها غالية واللي حيتبقي من مرتبي حيتصرف بنزين وقطع غيار

[السريع]

لا هى ممكن توصل لنص المرتب مش كلو يعنى ههههههه
كل اللى انتى محتاجه تغيره اول ماتستلمى العربيه
سير كاتينه 70-80
بوجيهات 65-70
فلتر بنزين 35
زيت شل الاصفر 85
فلتر زيت 15-20
دراع مساحه 50, كاوتشه المساحه 20-30
تروحى تظبطى الكاربيريتير لو مش مظبوط و دمتم
دا كل اللى محتاجه تغيره, انتى محتاجه تغيرى ايه تانى ؟؟؟
و سألتى فين على قطع الغيار اللى هاتفالسك دى
و البنزين دى مابتستهلكش بنزين نهائى و التفويله ال92 ب 50 جنيه
غاليه ازاى يعنى قوليلى الاسعار اللى سمعتيها

[احمدعبد المجيد]

انا لسه شاري طلمبة ميه ب245 جنيه بعد ما لفيت اسكندريه كلها عليها ولو كان قالي باكتر كنت حشتري
حراااااااااااااااااااااااااااااااااااااااااااااااا ااااااااااام

[السريع]

ا/مروه, عملتى ايه مع الراجل خلصتى فى العربيه ولا لسا ؟ ؟

[السريع]

اهلا برجاله اسكندريه احسن ناس
ا/احمد, غاليه اوى ى ى ى ى
انا جايبها لواحد صاحبى ب 150 او 180 مش فاكر من القاهره هنا
انتا جايبها منين؟؟؟, عاما فى فى الاسكندريه فى الحج يسرى عب عال عند القبارى دى نمرتو 01006756780 و روح فلمنج على الترام فيه واحد بتاع كاوتش جنب مستشفى البترول.اسمه الحاج محمد شامه هو ظاهريا بتاع كاوتش . الراجل ده عنده جوه المحل مغارة على بابا بتاعة الاونو كل ماتتخيله من حاجة الاونو هاتلاقيها عنده. الراجل ده كنز للاونوهانجيه الاسكندرانيه

و انتا اشتلاتها ليه اساس هى الطرطبه القديمه باظط ولا اييه ؟؟؟