اتحاد مالكي الفيات اونو

[thunder155]

بص ده رقم الكيلاني 01220285606
وده رقم الصعيدي في شبرا 22023225
والعفشجي هو اللي بيركبهم

يعنى بيضه المقص تركب عادى الواحد ميقلقش منها فى حاجه , اصلها تقريباً بتركب كبس مبتبقاش مثبته بأى مسامير أو حاجه ؟؟

[ahmed_zimo]

السلام عليكم

السلام عليكم ورحمة الله وبركاتة

اذيكم ياعضاء الرابطة الكرام

انا ليا سؤالين بعد اذنكم

المرايا بتاعتي اتكسرت واعيز اشتري جوز بس يكونو كبار شوية لحسن بتوع الاونو صغيرين اوي ياتري مراية اية ممكن تركب علي الاونو ومنين وبكام


الريدتير عندي كل شوية يتخرم واروح الحمة فبصراحة انا اتخنقت منو وعايز اغيرة منين اجيب راديتير جديد وياريت يكون كبير وهل في انواع واية افضل نوع اجيبة وبكام ؟؟؟؟
انا لسة معير مروحة الراديتير بوحدة جديدة للاتسف صيني هي شديدة وكويسة بس بتترج وترج العربية معاها سنة خفيفة كدة هل الرعشة دي ممكن تاثر علي حاجة

وشكرا لسة صدركم واسف علي الاطالة

في انتظار ردكم للاستفادة من خبرتكم وشكرا مقدما للعلم العربية اونو 93 ماتور 999 سي سي

[mahmoudahmad8]

السلام عليكم ورحمة الله وبركاتة

اذيكم ياعضاء الرابطة الكرام

انا ليا سؤالين بعد اذنكم

المرايا بتاعتي اتكسرت واعيز اشتري جوز بس يكونو كبار شوية لحسن بتوع الاونو صغيرين اوي ياتري مراية اية ممكن تركب علي الاونو ومنين وبكام


الريدتير عندي كل شوية يتخرم واروح الحمة فبصراحة انا اتخنقت منو وعايز اغيرة منين اجيب راديتير جديد وياريت يكون كبير وهل في انواع واية افضل نوع اجيبة وبكام ؟؟؟؟
انا لسة معير مروحة الراديتير بوحدة جديدة للاتسف صيني هي شديدة وكويسة بس بتترج وترج العربية معاها سنة خفيفة كدة هل الرعشة دي ممكن تاثر علي حاجة

وشكرا لسة صدركم واسف علي الاطالة

في انتظار ردكم للاستفادة من خبرتكم وشكرا مقدما للعلم العربية اونو 93 ماتور 999 سي سي

كنت قرأت إن ممكن يركب لها مرايات الفيات 32 كويسة عليها و مش هأقدر أفيدك في الريدياتير

[abohassan]

صوت طقة مع الفرامل

السلام عليكم
بالنسبه ياخي الكريم صوت الشخلله اللي بتسمعها قدام دي ممكن تكون بيضة المقص او جلب المقصات عيزه تتغير الاحسن تروح لعفشجي نضيف يبصلك عليهم الجلب الوحدة تقريبا ب 30 ج الكبيرة والصغيرة ب20
وجوز البيض ب90 ج تقريبا
اما بالنسبة لصوت التكه دي لما التيل بينقص شويه لما بتيجي تسيب الفرامل مرة واحدة سوستة التيل بترجعه مكانه فبيخبط في دشمة الفرامل هو الي بي خليك تسمع الصوت ده , اما لو بتسمع الصوت ده علطول طول منتا ماشي يبقا سوستة التيل عيزه تتغير ودي صاج والوحدة ب 3 ج ودي انت ممكن تغيرهم انت لو متعرفش يبقي لما تروح للعفشجي علشان يبصلك علي الفردة يبقي يغيرهم علشان متروحش لميكانيكي يعملهالك مخصوص ويشتغلك
ويريت اكون افدتك

بعد اللف والدوران وضياع الوقت عند الميكانيكى .. إتضح الأتى :
صوت الطقه دا بيطلع نتيجه إن التيل بيلق جوة الدشمه .. وحتى بعد ما غيرت سوستة التيل بيلق برضه ... المهم الميكانيكى عمللى حل مؤقت جاب شيكرتون ولف حرف التيل العلوى ( النتوء الى بيبقى فى التيل من فوق) والصوت إختفى لمدة يوم وظهر تانى

.. انا مش فاهم أيه حل الموضوع دا .. أنا مقتنع ان فيه حاجه كانت راكبه والصنايعى نسى يركبها آخر مره كنت بعمل شغل فى العربيه .. بس ايه هيه مش عارف لان العربيه كانت ماشيه زى الفل مش معقوله سوسته التيل ضعفت فجأه وفى العجلتين مره واحده
الرجاء الإفاده من خبراء الاونو

[Job.Ehab]

1. عاوز ميكانيكى كويس بتاع فيات أونو فى الأسكندريه.
2. عاوز عفشجى كويس بتاع فيات أونو فى الأسكندريـه.
3. عاوز كهربائى كويس بتاع فيات أونو فى الأسكندريـه.

مع العلم إنها فيات أونو 45 موديل 1994

وشكرا

[le voleur]

1. عاوز ميكانيكى كويس بتاع فيات أونو فى الأسكندريه.
2. عاوز عفشجى كويس بتاع فيات أونو فى الأسكندريـه.
3. عاوز كهربائى كويس بتاع فيات أونو فى الأسكندريـه.

مع العلم إنها فيات أونو 45 موديل 1994

وشكرا

بالنسبه للميكانيكى لو عايز الميكانيكى بتاعى فا هو عنوانه فى ش عزبه الجمهوريه و ده بعد حى محرم باشا حتلاقى مزلقان قطار فى شارع صغير بعدى علطول لازق فى المزلقان خش فيه و امشى شويه حلوبن حتلاقى سمكرى على ايدك الشمال ورشه الاسطى ميمى فى نفس الشارع بتاعو

بالنسبه للعفشجى فانا شايف انسب واحد فى اسكندريه بردو العفشجى بتاعى و ده فى شارع مستودع الانابيب الى على ترعه المحموديه بعد شركه الشرقيه للدخان بشويه مش كتير

الكهربائى انا بتعامل مع واحد كويس بس مغلوانى شويه هو فى ش مصطفى زيان الابعديه سابقا و ده الشارع اللى قبل ش امير البحر على طول و انتا جى من الشاطبى لقناه السويس - الرصافه و اى خدمه

[Job.Ehab]

معلش انا مش عارف اى حاجه فى محرم بيه ياريت يكون فيه ناس تانيه غير دول

[Job.Ehab]

1. عاوز ميكانيكى كويس بتاع فيات أونو فى الأسكندريه.
2. عاوز عفشجى كويس بتاع فيات أونو فى الأسكندريـه.
3. عاوز كهربائى كويس بتاع فيات أونو فى الأسكندريـه.

ويكونوا متخصصين فيات أونو

مع العلم إنها فيات أونو 45 موديل 1994

وشكرا

[thedriver]

اونو 93 جديد

الحمد للة ربنا كرمنى واشتريت اونو 93 وكان عندى بعض الاسئلة ارجو من الخبراء الرد عليها وافادتى

1- المكنة 4 غيار مش 5 غيار صاحب العربية قالى انها بتنزل 4 وسعات 5 فهل دة صحيح ؟

2- العربية صاحبها كان بيحط بنزين 80 وانا عايز احط 90 فهل فى مشكلة على الماتور علشان انا سمعت ان تغير البنزين بيائر عل صبابات الماتور .

وشكرااااااااااااااااااااااااا

[ramy_hope]

انا عندى اونو 2002 وعايز اغير البطاريه فعايز اعرف اايه الانواع الكويسه وفى حد كويس اجيب من عنده فى شبرا

[le voleur]

[QUOTE=thedriver;3874989039]الحمد لله ربنا كرمنى واشتريت اونو 93 وكان عندى بعض الاسئلة ارجو من الخبراء الرد عليها وافادتى

1- المكنة 4 غيار مش 5 غيار صاحب العربية قالى انها بتنزل 4 وسعات 5 فهل دة صحيح ؟

2- العربية صاحبها كان بيحط بنزين 80 وانا عايز احط 90 فهل فى مشكلة على الماتور علشان انا سمعت ان تغير البنزين بيائر عل صبابات الماتور .

وشكرااااااااااااااااااااااااا[/QU
اولا مبروك و ربنا يباركلك فيها
ثانيا هو المتور كام سيسى علشان حسب معلوماتى ان بعد سنه 89 منزلش موتور 4 غيار للاونو و قبل ذلك كان بينزل اهم حاجه شوف فى الرخصه مكتوب كام سيسى بالظبط و ممكن افيدك و
ثالثا البنزين حط 90 عادى جدا بس اطلع بعديها عل الميكانيكى عشان يظبطلك الكهربه بتاعه العربيه

[thedriver]

اونو 4 غيار

اولا مبروك و ربنا يباركلك فيها
ثانيا هو المتور كام سيسى علشان حسب معلوماتى ان بعد سنه 89 منزلش موتور 4 غيار للاونو و قبل ذلك كان بينزل اهم حاجه شوف فى الرخصه مكتوب كام سيسى بالظبط و ممكن افيدك و
ثالثا البنزين حط 90 عادى جدا بس اطلع بعديها عل الميكانيكى عشان يظبطلك الكهربه بتاعه العربيه

مكتوب فى الرخصة 1000 سى سى والميكانيكى قالى بعد فحص المتور انة 4 غيار بس
فهل الكلام كدة صح ولا اية

[le voleur]

مكتوب فى الرخصة 1000 سى سى والميكانيكى قالى بعد فحص المتور انة 4 غيار بس
فهل الكلام كدة صح ولا اية [/QUOTE]
طيب بص يا سيدى انت لما بتيجى تحط خامس بيجى معاك و لا الحاره مسدوده مش موجوده يعنى و لو مفيش خامس لازم تطلع على ميكانيكى تثق فيه و تسأله يمكن الجير بوكس متغير و لا حتى الموتور كله متغير هى على العموم الاونو فيها 4 غيار بس موديل 93 كان كله خمسه غيار جايز يكون مغير موتور ولا حاجه و الله اعلم

[thedriver]

لما بتيجى تحط خامس بيجى معاك و لا الحاره مسدوده

لما بحط الخامس الحارة مسدودة والميكانيكى قالى انة الجير بوكس 4 غيار بس

بس انا كنت عايز اتاكد انة موديل 93 بينزل منة 4 غيار

[overline][color="rgb(72, 209, 204)"]؟[/color][/overline]

[le voleur]

لما بحط الخامس الحارة مسدودة والميكانيكى قالى انة الجير بوكس 4 غيار بس

بس انا كنت عايز اتاكد انة موديل 93 بينزل منة 4 غيار

[overline][color="rgb(72, 209, 204)"]؟[/color][/overline]

على حد علمى لا بس بسيط ممكن تجيب جير بوكس 3 غيار بس اسئل الميكانيكى الاول و لازم تروح معاه ة و انت بتشتريه طبعا