اتحاد مالكي الفيات اونو

[nicolass]

يا ريت يا اخى الحبيبdondark لو نعرف البلاستكه دى ايه و سعرها كان كام و بالنسبه للزيت شل الاصفر ناس كتير بتشكر فيه من مستخدمى الاونو و غيرها و هو فعلا زيت كويس

انا عن نفسى مش اعرف
بس الميكانيكى قالى دى بتنظم حركة الكهربا فى الاسبلاتير او دا الى فهمته
سعرها كانم مش اعرف لانه خلع واحدة كانت فى اسبراتير ريجاتا بايظ عنده وحطها ليا
وظبط حاجات كتير وخد فى الاخر 60
انا حطيت موبيل 5000 كيلو لما اجى اغير هبقة احط شل الاصفر دا

[ahmed_hamda]

سؤال وانا بسخن لنهاردة العربية لقيت تحت على اليمين جراب بيتشد لبرة شديتوا لبرة العربية صوتها بقى عالى وبطلت

والمرايا الجانبية الدارع الى بيرف المرايا تحت وفوق مش شغال هل ينفع تتصلح ولة لا

[ahmed_hamda]

وبالنسبة لزيت الماتور انا بحط موبيل 5000 ولة شل الاصفر احسن مع العلم انا مش بابص للفلوس انا عايز الاحسن

[dondark]

وبالنسبة لزيت الماتور انا بحط موبيل 5000 ولة شل الاصفر احسن مع العلم انا مش بابص للفلوس انا عايز الاحسن

زيك بالظبط ومستنى اجابة السؤال دا

[semsem_uno]

سؤال وانا بسخن لنهاردة العربية لقيت تحت على اليمين جراب بيتشد لبرة شديتوا لبرة العربية صوتها بقى عالى وبطلت

والمرايا الجانبية الدارع الى بيرف المرايا تحت وفوق مش شغال هل ينفع تتصلح ولة لا

يعني ايه جراب يا باشا ؟؟؟
لو بيعلي لفات الموتور يبقي اللي بيقولو عليه الشفاط و هو فعلا عندنا كبير شوية كده
بس انما حكاية تبطل ديه فبتبطل ازاي غير لو لسه مش سخنة اوي و حضرتك شديته جامد

و بالنسبة للمراية فا ديه عادتا ممكن يبقي السوست اللي بتتحرك من الدراع لحد المراية علشان اتجاهها يتغير ممكن يا اتقطعت يا تعبت
و انا مركب عندي مرايات 131 ب45 جنيه التركي و ياسلام لو لقيت المراية المعدلة بتاعت الشاهين و ال2 شكلهم حلو جدا و اصلا بتوع الأونو مش هتلاقيهم

و بعدين سؤال اخير
ليه محدش بيعبر تييييييت اهلي لما اقول عايزين نعمل مقابلة لملاك الأونو ؟؟؟؟؟ انتو بتتبروا من عربياتكو ولا ايه بجد مش فاهم ؟؟ الا لو انتو فعلا مش فاضيين للدرجة ديه

[dondark]

يعني ايه جراب يا باشا ؟؟؟
لو بيعلي لفات الموتور يبقي اللي بيقولو عليه الشفاط و هو فعلا عندنا كبير شوية كده
بس انما حكاية تبطل ديه فبتبطل ازاي غير لو لسه مش سخنة اوي و حضرتك شديته جامد

و بالنسبة للمراية فا ديه عادتا ممكن يبقي السوست اللي بتتحرك من الدراع لحد المراية علشان اتجاهها يتغير ممكن يا اتقطعت يا تعبت
و انا مركب عندي مرايات 131 ب45 جنيه التركي و ياسلام لو لقيت المراية المعدلة بتاعت الشاهين و ال2 شكلهم حلو جدا و اصلا بتوع الأونو مش هتلاقيهم

و بعدين سؤال اخير
ليه محدش بيعبر تييييييت اهلي لما اقول عايزين نعمل مقابلة لملاك الأونو ؟؟؟؟؟ انتو بتتبروا من عربياتكو ولا ايه بجد مش فاهم ؟؟ الا لو انتو فعلا مش فاضيين للدرجة ديه

صح طبعا يا سمسم دا الى بيعلى الموتور
وبينفع وانت بتسخن الصبح
شده يسخن العربية لحد ما تمسحها لو هتمسحها مثلا

بالنسبة صحيح للمرايات
كل ما اسال المحلات تقولى لا الاحسن تجيب الاصلى
مافيش مرايات هتنفع عليها وهتبقة وحشة
لو فى مرايات شكلها حلو وكبيرة شوية ياريت
لانى بشتغل بالمرايات الجانبيه ولاغى الى فى النص عشان حاطط علم معظم الاوقات
ياريت صور للمرايات دى واية الاحسن ال 131 ولا الشاهين ويعنى اية معدله
تعالى نتقابل ياحج
دانا لسة مجنط يعنى عايز الكل يشوفها قبل ما يبوظوا
بس عايز حل لموضوع الفيتيس الى بينقط دا

[ahmed_hamda]

ياباشا نتقابل بس يكون يوم جمعة علشان اجازتى من الشغل

طيب فايدة الشفاط دة اية ولو مستعملتهتوش فى ضررر

وبالنسبة لسؤال الزيت
وبالنسبة لزيت الماتور انا بحط موبيل 5000 ولة شل الاصفر احسن مع العلم انا مش بابص للفلوس انا عايز الاحسن

[dondark]

ياباشا نتقابل بس يكون يوم جمعة علشان اجازتى من الشغل

طيب فايدة الشفاط دة اية ولو مستعملتهتوش فى ضررر

وبالنسبة لسؤال الزيت
وبالنسبة لزيت الماتور انا بحط موبيل 5000 ولة شل الاصفر احسن مع العلم انا مش بابص للفلوس انا عايز الاحسن

لا مفيش اى ضرر لانه الطبيعى محدش بيستعمله انت اصلا ممكن تعرف هو بيعمل اية بكل سهوله المس برجلك دواسة البنزين وشده هتلاقى الدواسة بتنزل لتحت سنه بسيطة جدا دا بالظبط الى بيعمله كأنك ديما دايس سنه بنزين.... انا بستخدمه الصبح فى الشتا لما اجى ادور ومش تشتغل بشده وادوس بنزين كالعادة بكارك يعنى وبتدور غير كدا مظنش انه استخدام لانه بيعلى الموتور على الفاضى

[ahmed_hamda]

وبالنسبة لسؤال الزيت
وبالنسبة لزيت الماتور انا بحط موبيل 5000 ولة شل الاصفر احسن مع العلم انا مش بابص للفلوس انا عايز الاحسن

مافيش حد عارف ولة اية

[semsem_uno]

وبالنسبة لسؤال الزيت
وبالنسبة لزيت الماتور انا بحط موبيل 5000 ولة شل الاصفر احسن مع العلم انا مش بابص للفلوس انا عايز الاحسن

مافيش حد عارف ولة اية

يا باشا منا بحط توتال كوارتز :))
مفيش مشكلة كلو كويس بس ماعادا شل الأحمر و زيوت كالتكس و الحاجات التقيلة ديه

[ahmed_hamda]

يعنى موبيل كويس يا سمسم

[semsem_uno]

يعنى موبيل كويس يا سمسم

اه اشطة شغال بس المهم زيت خفيييييييييييييييف مش تقيل
بس انا شايف ان احسن زيت حطيته شل الأصفر و انا بصراحة مجربتش موبل علشان احكم
و انا هدور في الكتالوج علي درجة اللزوجة المناسبة

[romantic_guy82]

يا جماعة انا عندى مشكلة مش عارف اية سببها حتى الميكانيكى قال لى مشعارف . انا عندى العربية بتعمل صوت خروشة كدة يشبة بصيت صوت التسقيف بس متواصل لو دوست بنزين جامد وانا ماشى فى اول الغيار وبيروح بعد مالعربية سرعنها تعلى وبيبان اوى لما اجيب الخامس وانا على سرعة 80 بس لو فضل ماشى على الرابع لحد 110 ميعملش الصوت دة والصوت تحس اكنة جاى من الشكمان ورا بس بيظهر اوى لما تكون عربية معدية جنبى او مقرب من حاجز بيكون الصوت جاى من قدام .انا عربيتى اونو موديل 93 .ياريت حد يقولى ممكن يكون من اية

[semsem_uno]

يا جماعة انا عندى مشكلة مش عارف اية سببها حتى الميكانيكى قال لى مشعارف . انا عندى العربية بتعمل صوت خروشة كدة يشبة بصيت صوت التسقيف بس متواصل لو دوست بنزين جامد وانا ماشى فى اول الغيار وبيروح بعد مالعربية سرعنها تعلى وبيبان اوى لما اجيب الخامس وانا على سرعة 80 بس لو فضل ماشى على الرابع لحد 110 ميعملش الصوت دة والصوت تحس اكنة جاى من الشكمان ورا بس بيظهر اوى لما تكون عربية معدية جنبى او مقرب من حاجز بيكون الصوت جاى من قدام .انا عربيتى اونو موديل 93 .ياريت حد يقولى ممكن يكون من اية

لو و انتا بتدوس بنزين الصوت زي مايكون بيزيد لفاته و لما تمور يروح ممكن يبقي حاجة اسمها بلي الفتيس

[ahmed_hamda]

طيب والنبي ياسمسم تشوفلي موضوع زيت موبيل انا عاوز افضل زيت