اتحاد مالكي الفيات اونو

[ahmed_hamda]

معلش انا عندي سؤال انت غيرتهم بالسلوك ولا البوجيهات بس . و سعرهم كام عشان انا انشاء الله نازل اشتري زيهم وانا عارف طبعا ان السعر بيختلف على حسب المكان بس عشان ابقى عارف السعر في حدود كام .

انا جبتهم ب55ج غيرت بوجيهات بس

[ramyworm]

انا جبتهم ب55ج غيرت بوجيهات بس

شكرا ياباشا على الرد وعلى فكرة انا متابع معاك مشكلة الشكمان عشان انا بعاني من نفس المشكلة

[ahmed_hamda]

ياريت يا جماعة ننقاش مشكلة الشكمان صوتوا عالى الكمان سليم روحت ال 2 بتوع شكمان قالى كربرتير ضبط الكبرتير والكهرباء وبردوا

[semsem_uno]

يا جماعة الشكمان بتاع الأونو صوتو كده
انا مغير العلبة القديمة بعد اما اتكسرت من مطب بعلبة ابو اليزيد و ما شاء الله احسن من الأصلية و مش مكتومة بس الفكرة ان الأونو لما بتقرص عليه بيطلع الصوت ده و هو صوت مش عالي اوي يعني زي ال 128 و الشاهين
ديه صوتها حلو جدا و معقول مش عالي خالص و بلاش اي لعب في نظام الشكمان بتاعها خالص

[AshTurbo]

حكاية صوت الشكمان دي ممكن تكون المشكلة في الشجرة ممكن تكون أخدت كام خبطة على كام حكة وخلت الصوت عالى كدة أكشف عليها عند بتاع شكمانات وشوف لو مخرومة ألحم على طول أنا كان عندي صوت وحش جداً كشفت عليها لقيت فيها فوق ال 8 أخرام في الشجرة بس وكنت ماشي عادي ولا حاسس وأتلحم والصوت أتحسن ولكن الصوت مرجعش نظيف زي الأول الى لما غيرت الشجرة بالكامل ومش غالية على فكرة في حدود ال 100 جنيه على ما أتذكر جربوا وقلولنا مشكلة الصوت أتحلت ولا لسة .

بالنسبة للي يحب يزود هورس باور بس في حدود المعقول ولكن هيفرق في التسارع يركب علبة ديفل نظيفة على الشجرة الجديدة أنا كنت جايب علبة كاملة مستوردة مش محلي وكانت عاملة 1200 جنيه بس ماشاء الله كانت شكل وأداء وصوت حاجة من الآخر طبعاً العلب اللي ب 300 و 500 دي محلي مش هيديك الأداء المتوقع منه ودي صورة للعلبة اللي كنت مركبها كانت فتحتين زي الصورة بالظبط لأن دة أحسن شكل عجبني .

[mfousha2000]

من فضلكم سرعة الرد

يا جماعة من فضلكم انا معايا اونو موديل 2000 انجكشن لمبة الانجكشن ساعات بتنور وتلاقي العربية مبتسحبش انا مش عارف من اية بعد كدة تروح لواحدها مع اني بحط بنزين 92 ياريت حد يفيدني ولو في حاجة ممكن اغيرها يقولي سعرها كام

[ahmed_aly007]

نفس المشكلة كانت عندى وراحت بعد ما غييرت فلتر البنزين و نضفت الانجيكشن عن طريق fuel injection addative ودى علبة بتشتريها من البنزينة وتضيفها فى تانك البنزين

[ahmed_aly007]

سعر فلتر البنزين حوالى 50 جنية من الكيلانى بوسط البلد

[ahmed_hamda]

انا روحت لبتاع شكمانات اتنين بتوع شكمانات اكدولى ان الشكمان كويس مفهوش حاجةبيقولواكهرباء او كربرتير روحت غير بوجيهات وشوفت الكهرباء مضبوطة روحت ضبط هواء الكربرتير الصوت هادى شوية بس بردوا فى صوت وياريت نعمل مقابلة نشوف فعلن الصوت دة طبيعى ولة لا

[alhosainy79]

سعر فلتر البنزين حوالى 50 جنية من الكيلانى بوسط البلد

السلام عليكم انا جايب من شهريين من عند الكيلانى فلتر بنزين بوش زى اللى كان فيها بالظبط بتاع الفبريكه 30 جنيه فقط

انا روحت لبتاع شكمانات اتنين بتوع شكمانات اكدولى ان الشكمان كويس مفهوش حاجةبيقولواكهرباء او كربرتير روحت غير بوجيهات وشوفت الكهرباء مضبوطة روحت ضبط هواء الكربرتير الصوت هادى شوية بس بردوا فى صوت وياريت نعمل مقابلة نشوف فعلن الصوت دة طبيعى ولة لا

ممكن لو حضرتك تتأكد هل الشكمان ده الاصلى بتاعها و لا ملعوب فيه و متغير و كده
بالنسبه لفكره المقابله انا من مؤيدى الفكره دى بشده و فى اعضاء هنا معانا فى الرابطه اتقطع نفسها فى الموضوع ده ولاكن بلا جدوى يا ريت نتقابل

[semsem_uno]

السلام عليكم انا جايب من شهريين من عند الكيلانى فلتر بنزين بوش زى اللى كان فيها بالظبط بتاع الفبريكه 30 جنيه فقط




ممكن لو حضرتك تتأكد هل الشكمان ده الاصلى بتاعها و لا ملعوب فيه و متغير و كده
بالنسبه لفكره المقابله انا من مؤيدى الفكره دى بشده و فى اعضاء هنا معانا فى الرابطه اتقطع نفسها فى الموضوع ده ولاكن بلا جدوى يا ريت نتقابل

منا بقووووول نتقابل
بس للأسف معظم الناس بتعمل مش سامعة
طب لو محدش قال نتقابل ولا لأ محدش يرد علي اي سؤال ههههههههههههههه

[ramyworm]

والله انا معاكوا لو المقابلة في اسكندرية . وحيبقى يوم جميل انشاءالله والكل حيستفيد باذن الله .

[ahmed_hamda]

طيب فين يا جماعة لو فى القاهرة اوك بس اسكندرية حاليا صعب علشان الشغل

[ahmed_hamda]

ممكن لو حضرتك تتأكد هل الشكمان ده الاصلى بتاعها و لا ملعوب فيه و متغير و كده

بجد مش عارف دة الاصلى ولة لا اعرف منين

[ahmed_hamda]

لية سؤال عاوز اعرف اجبتوا لو فلتر البنزين لو عايز يتغير العيوب بتظهر فى اى