اتحاد مالكي الفيات اونو

[mmaher]

يا جدعان هو مين وكيل أونو

أنا عايز أشتري موتور لأونو 93 ايطالي و أركبه في مركز صيانة تبع وكيل محترم

حد فيكم يعرف ؟؟

و نجيب منين الموتور و سعره

و شكرا مقدما

[Nader]

توكيل فيات هو اوماترا

المواتير بتتشري من بورسعيد اضمن سواء 1000 أو 1300 cc.

[mario23]

استشارة

السلام عليكم ورحمة الله

انا نويت ان شاء الله اشتري اونو موديل التسعينات

بس مش عارف احسن سعر للاونو دلوقتى ايه

وانا معايا فى حدود 28000 المبلغ ده يجبلي اونو كويسه وايه مواصفتها


هاه ايه رايكم

[bmw323]

تجبلك موديل 97 حالة ممتازة

[Nader]

فعلاً تجيب لك موديلات حتى 98

هي عموماً الكاملة فيها تكييف وفوجات زجاج كهرباء فقط.

[lordofring100]

يا جماعة انا اشتريت عربية اونو 94 ايطالى
اللون اسود ولانى بحب كل شىء مضبوط 100% ابتديت اغير كل حاجة فيها وابتديت بالحاجات التقليدية
سير كاتينة سير دينامو سلك بوجيهات بوجيهات فوانيس امامى بلمبات فيلبس اعلى من اللى كانت موجودة
وركبتلها سنتر وهى اساسا هاف باور وجوز كاوتش عريض امامى تشيكى ماركة مشهورة جدا اسمها تقريبا بارييل
وقلت خلاص انا فضلى جوز عجل خلفى كمان وهى ف الاصل فبريكة برة وجوة وفيها بعض الخدوش الطبيعى يعنى
وبعض الصداء فى بعض الاماكن البسيطة وصالونها ماشاء الله ممتاز
بصراحة هى عربية ممتازة انا لما رحت غسلت الماتور فى البنزينة ومشيت بيها حسيت انى راكب بى ام

المهم انى جالى عقد عمل وطبعا هسبها لمين فكرت اسافر بيها بس قالولى ممكن ممكن ما تسعفكش وهتتأخر
فقررت وانا فى غاية الحزن انى ابيعها بعد كل التعب فى البحث عنها اساسا وشراءها وتوضبها

انا اشترتها ب 28000.00 واحسب انت المصاريف بتاعت التضبيط اللى فات مع العلم ان كل حاجة جبتها يا ايطالى يا بولاندى
فيما عدا السنتر صينى بس نوع محترم

وفى انتظار ردودكم وانا ف غاية الاسف وعلى فكرة هى لونها مميز (اسود ) ولما بتتغسل بتدى على اسود ميتالك

للتواصل 0103121895

[amrbakly]

مساء الفل يا شباب

عندي مشكلة لخبراء الأونو

عندي العربية لما بتمشي في الحر و الزحمة كتير و بتسخن و كدة بعاني من مشكلة مهببة بلاقي دواسة البنزين و الدبرياج بتبقي خشنة جدا و بحس ان فيها حاجة زي ما تكون زنة

كمان بيبقي السحب مش مظبوط و بحس العربية مخنوقة جدا علما بأني لسة مغير البوجيهات ببوجيهات ان جي كي 1 شمعة من عند الكيلاني

علي الرغم من ان اللمبة مش بتنور ولا المية بتنقص إلا حاجات بسيطة جدا يعني تقريبا بزودها كل اسبوعين حاجة بسيطة جدا

اتمني المساعدة من خبراء الأونو

و كمان يا ريت لو حد يعرف ميكانيكي كويس قريب من وسط البلد

[TheEagle]

هوا اونو جديدة دلوقتى بكام ؟

[bmw323]

مساء الفل يا شباب

عندي مشكلة لخبراء الأونو

عندي العربية لما بتمشي في الحر و الزحمة كتير و بتسخن و كدة بعاني من مشكلة مهببة بلاقي دواسة البنزين و الدبرياج بتبقي خشنة جدا و بحس ان فيها حاجة زي ما تكون زنة

كمان بيبقي السحب مش مظبوط و بحس العربية مخنوقة جدا علما بأني لسة مغير البوجيهات ببوجيهات ان جي كي 1 شمعة من عند الكيلاني

علي الرغم من ان اللمبة مش بتنور ولا المية بتنقص إلا حاجات بسيطة جدا يعني تقريبا بزودها كل اسبوعين حاجة بسيطة جدا

اتمني المساعدة من خبراء الأونو

و كمان يا ريت لو حد يعرف ميكانيكي كويس قريب من وسط البلد

أكشف على أسطوانة الدبرياج ومجوعة الدبرياج كلها

هوا اونو جديدة دلوقتى بكام ؟

مفيش أونو جديد اخر موديل لية كان 2006 أو 2007

[lordofring100]

أقتراح بتحديد يوم للقاء بكل مالكى وعشاق الاونو لتبادل الاراء والخبرات المختلفة بيننا
فى انتظار ردودكم

[lordofring100]

انا عربيتى للأسف للبيع ممكن نتواصل على رقم 0103121895

[semsem_uno]

أقتراح بتحديد يوم للقاء بكل مالكى وعشاق الاونو لتبادل الاراء والخبرات المختلفة بيننا
فى انتظار ردودكم

انا موافق و ان شاء الله بعد الأمتحانات نتفق علي ميعاد و ياريت كلنا نروح
اولا هنتناقش فعلا في اي مشكلة في العربيات و هنساعد بعض
و بعدين هتبقي جامدة جدا لما نبقي حوالي 14 عربية اونو ماشيين ورا بعض و نتصور و تبقي حاجة جامدة زي برة كده في الأرجنتين و كده

[semsem_uno]

انا موافق و ياريت فعلا نعمل يوم لكل ملا الأونو بس يبقي بعد الأمتحانات و كلنا نيجي و نجيب اي حد لينا معاه اونو
اولا فعلا هنستفيد من بعض و هنتناقش عن كل حاجة و هنساعد بعض
ثانيا في الأخر نلف شوية كده لأننا لما نبقي اكتر من 14 عربية اونو ماشيين هتبقي حاجة جامدة جدا و نتصور و تبقي حاجة جميلة زي ما في الأرجنتين و كده بيعملو

ايه رأيكم ؟؟؟؟؟؟؟؟؟؟؟؟؟

[bmw323]

فكك ياعم هو حد فاضى بعدين هى ناقصة زحمة بعدين دى أونو يعنى ألى يشوف:POINTI~2[2]: كدة يقول اوعى عربيات بورش ماشية ورا بعض أشترى دماغك

[Nader]

إن شاء الله نتقابل.