اتحاد مالكي الفيات اونو

[semsem_uno]

يا مساء الفل يا رجالة

انا فعلا ما ساعيت مشتريت العربية عرفت المعنى الحقيقي للبهدله والتالطيم على ابواب الميكانيكية
والمشكلة هية هية فى تلات حاجات ظبط كهربة العربية وضبط المتور والفتيس ,انا عاوز اقولكم انى روحتى يجى ل 4 ميكانيكية ده غير اللى بجبهم من الشارع لييييييييييييه
عشان كل شويه وانت ماشى فى امان الله تلاقى الفيتيس وقع , وهو بينقى الاماكن الهاى اللى هتتبهدل عبال متلاقى ميكانيكى, مرة فى الدقى ومرة فى المهنديسين واخرهم ابارح فين فى الزمالك قصاد النايل سيتى كان شركتى عمله عشاء هناك ,تخيالوا صحابك بيكلوا على النيل وانت صايع بتدور على البيه الميكانيكى.
المهم وميش هطول لقيت واحد ولاهف 50 جنية بس عشان شانط الفتيس.

ولذلك الى عشاق الاونو انا بقترح عمل جروب نسميه ضحايا الفتيس
اللة يكرمك اللى يعرف اى معلومة ممكن تفدنى فى مشكلة الفتيس او يعرف ميكانيكى ابن ناس فى الهرم يقولى وليه الاجر والثواب عند اللة.
وكمان هخلى ولدى يدعيله فى العمره. :b4_611:

الرجاء أخذ الحذر عند كتابة لفظ الجلالة
270410
9:07pm
مشرف القسم ١٨ب

ههههههههههههه ضحايا فتيس ايه بس
و بعدين انتا موديل كام اصلا و ايه الشغل اللي انتا مش عملتو في العربية قبل كده ؟ و متقولش عرفت طعم البهدلة ديه
عربيتي عمرها ما زعلتي و ده لأني الحمد لله بغير كل حاجة ما شاء الله في الميعاد و مش بصلح بغير بجديد و انساه علطول
و لعلمك لو قواعد الموتو تعبانة بيريح علي دراع العصاية من تحت و ده اللي حصل معايا بس انا موديل 93 و عمري ما غيرت قواعد ولا اي حاجة و كمان مقولتليش وقعت من ناحية الموتور ولا الدراع اساسا

[dr_timo]

سمسم بسرعة اشرحلي اية حكاية قواعد الماتور وتريح والفتيس والكلام دة لان انا عندي الفتيس كان تقيل حبتين وكانت القاعدة اليمين بايظة ومتتاكلة شوية المهم جبت قاعدة بدالها وبعد مالميكانيكي فك القاعدة القديمة اكتشف ان الجديدة متنفعش تركب عشان مش بتاعتها فركب القديمة تاني بس ركبها بالمعدول عشان كانت متشقلبة المهم من ساعتها الفتيس بقي انعم شوية بس لسة الغيار الاول صعب حبتين

[semsem_uno]

سمسم بسرعة اشرحلي اية حكاية قواعد الماتور وتريح والفتيس والكلام دة لان انا عندي الفتيس كان تقيل حبتين وكانت القاعدة اليمين بايظة ومتتاكلة شوية المهم جبت قاعدة بدالها وبعد مالميكانيكي فك القاعدة القديمة اكتشف ان الجديدة متنفعش تركب عشان مش بتاعتها فركب القديمة تاني بس ركبها بالمعدول عشان كانت متشقلبة المهم من ساعتها الفتيس بقي انعم شوية بس لسة الغيار الاول صعب حبتين

همممم بص يا باشا
الموتور ممسوك بتلاتة
واحدة اول ما تفتح عالشمال و اتنين عاليمين واحدة باينة قدام البطارية و التاني لازم تنزل تحت العربية و الواحدة تركي ب45 جنيه
و دول لو الجلب تعباة الموتور و الفتيس بيريح و العصاية تحك فيه من تحت و تبقي تقيلة و مفهاش سوستة كده و كمان مع اي مطب او رزعة جامدة ممكن تنطر منك
و لو عايز تتأكد بدأو يتعبو ولا لأ اديها تاني و افتح الكبوت و اطفيها و زوقها بركبتك هتلاقي الموتور مش ثابت و تسمع اصوات (انا بقي عندي كانت مقطوعة اتنين ) ده غير اما تسيب بنزين مرة واحدة الرجة بتبقي بزيادة

[dondark]

غالبا انا فاهم قصدك يا khaledviper
هو بيقصد انه الفيتيس بيفك منه يعنى مش بيحس باى غيار بيتاخد
دا بيكون انه بيض الفيتيس بيفصل يعنى هو فى اتنين كاوتشة ماسكين الفيتيس واحدة منهم بتفك
دى ممكن تروح لميكانيكى يعملهالك ويخلى خراط يعملك حديدة كدا لافاه على الكاوتشتين دول عشان مش يفصلوا تانى
بتحصلى كتير بس حلتها مؤخرا بالموضوع دا
وبعدها هتلاقى الفيتيس تقيل شوية نونو

[ahmed_hamda]

انا بردوا عندى تجربة مع الفتيش ان انا مش بحس بالغيار فى التالت يعنى بجيب العصاية فى النص قدام بس وواحد صحبى كان اعد جنبى قالى انت ممور قولتوا لا دة التالت هو بيجى وكل حاجة بس مش بحس بية زى التانى والاول ساعات بيعلق بردوا


روحت لميكانيكى قالى فتيس الاونو مش عدل اساسا فى ترس بينقل لترس هو الى عامل المشكلة دة علشان اان قولتوا انا شوفت 131 موديل حاجة وسبعين الغيارات جميلة كدا وبتحس بيها والفتيس ثابت وماسك نفسوا

هل المعلومة ان فتيس الاونو ترس بينقل لترس مش عدل دة السبب ولة اى كلام وخلاص

ياريت نوضح علشان نفهم كلنا

[amrbakly]

اية يا جماعة المشاكل الفتيسية الغريبة دية

انا حاسسكم بتتكلموا علي نصر 128 موديل 79 عاملة سبعين حادثة

منا معايا اونو اهو ولا شوفت اي حاجة من الكلام بتاع الفتيس اللي سايب دة

انا شوفت الصراحة بتاعت واحد صاحبي مكونتش بعرف الغيار من المور بس مكنتش عارف هي وصلت للدرجة دية اذاي

يمكن انا عندي الفتيس صوتة بقي عالي شوية بعد ما جبت اسطوانة دبرياج معفنة كدة ملهاش ماركة غير انها إيطالي و توبة مجبش حاجة موثوق منها 100%، و الغيار التاني بحس فية برزعة شوية لما تكون الدنيا برد إنما غير فل

[ambitious]

صباخ الخير ياجماعة
هو ماحدش رد عليا ليه في السؤال بتاعي
السؤال هو ليه ساعات لما بطلع بالعربية بتكون ثقيلة قةي ومهما ادوس بنزين بحس ان العربية مش قادرة تمشي بس و بترجرج مني بس لما بضغط عليها شوية وأطلع بيها وأبدا اجيب الثالث والرابع بتبقي كويسة
ارجو الرد ضروري للأهمية
وشكرا

[semsem_uno]

صباخ الخير ياجماعة
هو ماحدش رد عليا ليه في السؤال بتاعي
السؤال هو ليه ساعات لما بطلع بالعربية بتكون ثقيلة قةي ومهما ادوس بنزين بحس ان العربية مش قادرة تمشي بس و بترجرج مني بس لما بضغط عليها شوية وأطلع بيها وأبدا اجيب الثالث والرابع بتبقي كويسة
ارجو الرد ضروري للأهمية
وشكرا

حضرتك مش موضح ونتا علي مطلع ولا ماشي عادي
بس ده كده عادتا يبقي طقم الدبرياش تعب

[ambitious]

حضرتك مش موضح ونتا علي مطلع ولا ماشي عادي
بس ده كده عادتا يبقي طقم الدبرياش تعب

لو الي حصل معايا بالضبط اني كنت ماشي تمام وبعدين ذهبت الي السوبر مارك اشتري حاجة منه فركنت العربية و بطلتها وذهبت اشتري الحاجة ولما رجعت الي العربية وحاولت ادورها عملت كدة. الكلام ده كان امبارح .
والصبح النهاردة عملت معايا كدة بردة.اتمني ان اكون وضحت
المهم لو عيب طقم الدبرياش فدي تقريبا يكلف كام وايه احسن نوع

وشكرا ياسمسم علي الرد

[ambitious]

ايه ياجماعة الناس كلها نامت ولا اييييييييييييييه

[semsem_uno]

لو الي حصل معايا بالضبط اني كنت ماشي تمام وبعدين ذهبت الي السوبر مارك اشتري حاجة منه فركنت العربية و بطلتها وذهبت اشتري الحاجة ولما رجعت الي العربية وحاولت ادورها عملت كدة. الكلام ده كان امبارح .
والصبح النهاردة عملت معايا كدة بردة.اتمني ان اكون وضحت
المهم لو عيب طقم الدبرياش فدي تقريبا يكلف كام وايه احسن نوع

وشكرا ياسمسم علي الرد

يا باشاا انا قصدي بتعمل معاك كده عالعادي ونتا ماشي عادي او تيجي تطلع واحدة واحدة بقت لازم تقرص شوية زيادة ولا لما تيجي تطلع مطلع؟
عموما نستني باقي الأعضاء و لو علي اللي انا كاتبو ده يبقي طقم الدبرياش تعب و افضل طقم دربياش التركي زي ما عمرو باكلي قال

[caysersosaih]

عن تجربة أنواع كتيرة
طقم الدبرياج روح العربية ولازم تجيبه أصلي من الكيلاني وهيعمل حوالي 700 جنيه بس هتحس بفرق رهيب

[cv7772008]

سؤال مهم اوووووووووووووووى

يريت تعرفونى الاونو ايه ظروفها فى السفر
يعنى ممكن اسافر بيها اسكندريه مثلا وهيكون احوالها معايا ايه

[caysersosaih]

اي عربية ممكن تسافر مادام كل حاجة مظبوطة

[ahmed_hamda]

اي عربية ممكن تسافر مادام كل حاجة مظبوطة

الراجل دة بيتكلم كلام مظبوط