إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • عايزين نكتب اهم المشاكل اللى حصلت معانا مؤخراّ .. لافادة الجميع منها .. كل واحد يكتب مشكلة قابلتة وحلها ازاي
    هبدأ بمشكلتين :

    المشكلة الاولي : الاعراض :
    التـتنتيش خصوصا لو باردة ... تبقى العربية ماشية عادي خالص وبتجري زي الفل وتلاقيها تنتشت كما لو كان البنزين قرب يخلص او بنزين مخلوط بماء او كأن فية بوجية بيقطع وسريعاّ ما تعود كما كانت .. العربية تكون بتجري وتلاقيها لمدة ثانية ما تـسحبـش وبعدها تكمل جري عادي

    الحل : تغيير الموبينة " injection coil "

    المشكلة دى من المشكلات اللى صعب حلها عند ميكانيكي لانها مرتبطة بكذا جزء وهم :
    الكربراتير / طقم الكهربا كلة الكوندنسر والبوجيهات واسلاك بوجيهات / بنزين سيئ او بة رواسب او مخلوط

    كيفية اكتشاف المشكلة :
    اللى عملتة انى سحبت البنزين اللى كان موجود لانى شكيت ف البنزين وحطيت من بنزينة نضيفة ولقيت الموضوع كما
    هو ولاحظت ان البنزين اللى اتسحب مفهوش حاجة .. كدة البنزين براءة . الكربراتير باردو براءة عملت علية تشك رغم
    انى متأكد انة تمام .. طلعت بوجية بالسلك بتاعة ودورت العربية وقربتة من المعدن علشان اشوف الشرارة لقيتة زي الفل .. كدة اتأكدت مليون ف المية انها الموبينة .. كنت جايب موبينة بوش من 5 شهور تقريبا وكانت ومازلت شغالة
    لكنها واضح انها لما بتسخن بتبدء تهبل .. جبت لمبة 5 وات ووصلتها بالموبينة للكشف عليها ودورت العربية ولقيت
    اللمبة زي متكون هتطفي او بتبربش وسرعان ما بترجع زي مكانت وتنور بأضاءتها عادي يعنى كأنها بتشعر كهربا خلال
    ثانية .. على طول فكيت الموبينة اللى المفروض جديدة .. وركبت القديمة والكويل بتاعها مصدي وشكلها يقرف
    وطلعت اجرب بالعربية ولقيت الحياة زي الفل !! المشكلة دي لو فكرت ميكانيكي يحلها لك هتصرف كتير وهتلف
    على كربراتير ثم كهربائى ثم ميكانيكي وهيخليك تغير حاجات كتير وباردو مش هتتحل .. خصوصا انها مش مستمرة
    يعنى ممكن تـنـتش مرتين تلاتة ف الاسبوع وباقي الاسبوع عادي !

    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت

    Comment


    • شكرا لك اخى العزيز حسين وانا سوف اشاركك فى مشاكل سيارتى التى تم حلها والحمد لله على الاقل نخرج من مشاكل وقرف السياسة
      مشكلتى الاولى
      السيارة كانت سحبها على الاول حتى الثالث تمام لكن عند اعطائها الغيار الرابع تحس مفيش سحب على غير المعتاد
      حل المشكلة
      كان كابل البوجيه الثالث او الرابع مهوى من اليمين تغط عليه وبقى تمام والسحب عال العال وممكن يكون الكابل متهتك فسوف يعطيك نفس المشكله فيرجى تغيره

      المشكله الثانية
      السيارة القديمه كانت بتحدف يمين عند الضغط على الفرامل طبعا الميكانيكى كان هيدخلنى فى ماستر وخلافه
      حل المشكله
      خرطوم زيت العجله الاماميه شمال كان مسدود تم تغيرة وبعد ذلك تم كبس فرامل حتى تم والتاكد من ان الخرطوم الجديد شغال وانتهت المشكله
      المشكله الثالثه
      زجاج السنتر لم يعمل
      حل المشكله
      تم فك زاراير الزجاج وصنفره قطعه النحاس لكل الزراير والدنيا بقت وردى


      وانشاء الله سوف اذكر باقى المشاكل
      وشكر واجب للصديق العزيز حسين
      [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
      [/COLOR][/SIZE]

      Comment


      • المشاركة الأصلية كتبت بواسطة mabdelwahab مشاهدة المشاركة
        السلام عليكم
        عربيتى 100s 2 كامة
        يا ترا فيه دبرياش يركب مكان القديم علشان مش لاقى الجديد
        انا عربيتى ريجاتا 70 موديل 85 روحت اشتريت لها ديسك واسطوانة الميكانيكى قالى هات بتوع ال 128 وفعلا جبتهم تركى من التوفيقيه الديسك ب 130 ج والاسطوانه ب 90 ج
        وشكرا

        Comment


        • انا اشترت فوانيس خلفية نوفا ريجاتا بسعر 200 ج للفانوس كامل بالخريطة ولكن توجد مشكلة لدى ارجو المساعده فيها مش لاقى الفيش بتاعة الفوانيس دى

          Comment


          • المشاركة الأصلية كتبت بواسطة ابراهيم سراج مشاهدة المشاركة
            انا عربيتى ريجاتا 70 موديل 85 روحت اشتريت لها ديسك واسطوانة الميكانيكى قالى هات بتوع ال 128 وفعلا جبتهم تركى من التوفيقيه الديسك ب 130 ج والاسطوانه ب 90 ج
            وشكرا
            لا انصح احد بتركيب اسطوانة وديسك 128 ودة عن رأيي الشخصي خصوصا ان فية فرق 2 سم ف الديسك
            عن ال 128 واللى الصنايعية مش بياخدو بالهم منة طالما اتركبت ونفعت يبقى تمشي للاسف هترج معة ف الطلعة دى ادني اعراضها

            المشاركة الأصلية كتبت بواسطة ابراهيم سراج مشاهدة المشاركة
            انا اشترت فوانيس خلفية نوفا ريجاتا بسعر 200 ج للفانوس كامل بالخريطة ولكن توجد مشكلة لدى ارجو المساعده فيها مش لاقى الفيش بتاعة الفوانيس دى
            المفروض كنت اخدت الفيشة مع الفوانيس بنفس المبلغ بدون اي زيادات .. الفيشة هتلاقيها يأما ف عزبة
            شلبى يأما ف الوكالة .. مش عارف بصراحة هل فية منها جديد ولا لاء لكن هتلاقيها استيراد
            اهم مواضيعى عن الريجاتا : بداخل عضويتى
            عدنا بكل قوة للرابطة .. م / Hussein
            مبرمج ومالك لشركة برمجيات وتصميم مواقع الانترنت

            Comment


            • السلام عليكم يا ريجاتاويه باشمهندس حسين الغنى عن التعريف واستاذ عمرو ويارب يكون الجميع بخير وسامحونى انى مش مشترك نشط ومابدخلش الرابطه الا اما بسأل سؤال. انا عندى جوان الهيد كان جايب زيت روحت عند الميكانيكى غيره ولكنه للأسف والحمد لله ماكنش اتعمل صح وجاب زيت تانى. انا دلوقتى مضطر اغيره تانى وعايز اعمله عند بتاع التاكيهات بالمره هل انا مضطر اغير زيت المحرك ولا ممكن يتعمل من غير ما اضطر لذلك؟!

              وشكرآ وجزاكم الله خيرآ على بقاء هذه الرابطه.

              Comment


              • المشاركة الأصلية كتبت بواسطة mentaloss مشاهدة المشاركة
                السلام عليكم يا ريجاتاويه باشمهندس حسين الغنى عن التعريف واستاذ عمرو ويارب يكون الجميع بخير وسامحونى انى مش مشترك نشط ومابدخلش الرابطه الا اما بسأل سؤال. انا عندى جوان الهيد كان جايب زيت روحت عند الميكانيكى غيره ولكنه للأسف والحمد لله ماكنش اتعمل صح وجاب زيت تانى. انا دلوقتى مضطر اغيره تانى وعايز اعمله عند بتاع التاكيهات بالمره هل انا مضطر اغير زيت المحرك ولا ممكن يتعمل من غير ما اضطر لذلك؟!

                وشكرآ وجزاكم الله خيرآ على بقاء هذه الرابطه.
                ارفع مقاس الزيت وشوف اللى اتسرب قد اية وزود على هذا الاساس
                مش محتاج تغير الزيت طالما جوان تاكيهات ومفيش اي ضرر
                اهم مواضيعى عن الريجاتا : بداخل عضويتى
                عدنا بكل قوة للرابطة .. م / Hussein
                مبرمج ومالك لشركة برمجيات وتصميم مواقع الانترنت

                Comment


                • السلام عليكم
                  عندى المكنه خفيفه شويه بتطلع دخان خفيف ازرق لما بكون دايس ومعدى rpm 3000
                  السؤال دايما البوجيهات مهببه ايه السبب؟

                  Comment


                  • المشاركة الأصلية كتبت بواسطة ahwanoso مشاهدة المشاركة
                    السلام عليكم
                    عندى المكنه خفيفه شويه بتطلع دخان خفيف ازرق لما بكون دايس ومعدى rpm 3000
                    السؤال دايما البوجيهات مهببه ايه السبب؟
                    لو البوجيهات بتطلع مهببه بدون اثر زيت عليها
                    وبتغيب معك فى الدوارة صباحا
                    كربراتير لان ده اللى حصل معايا
                    حتى لو غيت بوجيهات جديدة بتهبب ده مشكلته بسبب قصور فى الكربراتير
                    [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                    [/COLOR][/SIZE]

                    Comment


                    • المشاركة الأصلية كتبت بواسطة ahwanoso مشاهدة المشاركة
                      السلام عليكم
                      عندى المكنه خفيفه شويه بتطلع دخان خفيف ازرق لما بكون دايس ومعدى rpm 3000
                      السؤال دايما البوجيهات مهببه ايه السبب؟
                      دخان ازرق : اويل سيل صباب = بيقال علية بلغة الصنيعية كاوتش صباب
                      يستحسن تغيرة لانة هيضرب بوجيهات منك كتير .. لما تيجي تغيرة هات
                      كاوتش صباب بيجو 504 ابو علبة زرقة .. قولها لة كدة بالظبط
                      لانها انضف واحسن وعلى تجربتى الشخصية ممتازة ومتنساش تعمل رودية للصبابات عند
                      خراط

                      المشكلة التانية : بوجيهات مهببة : مزيج غني بالبنزين يجب اصلاح الكربراتير والكشف علية
                      عند متخصص كربراتيرات
                      اهم مواضيعى عن الريجاتا : بداخل عضويتى
                      عدنا بكل قوة للرابطة .. م / Hussein
                      مبرمج ومالك لشركة برمجيات وتصميم مواقع الانترنت

                      Comment


                      • متشكر جدا للاستاذ عمرو والاستاذ حسين
                        بس كمتن سؤال التهبيب ممكن بسبب ان المكنه خفيف؟
                        مع العلم ان عندى البوجيه رقم 2 بيعرق زيت
                        *معنديش اى مشكله فى الدواره الحمد لله

                        Comment


                        • المشاركة الأصلية كتبت بواسطة ahwanoso مشاهدة المشاركة
                          متشكر جدا للاستاذ عمرو والاستاذ حسين
                          بس كمتن سؤال التهبيب ممكن بسبب ان المكنه خفيف؟
                          مع العلم ان عندى البوجيه رقم 2 بيعرق زيت
                          *معنديش اى مشكله فى الدواره الحمد لله
                          نفس الاجابة اخي العزيز .. لو عندك بوجية واحد فقط اللى بيعرق زيت يبقى كاوتش صباب
                          بتاع الصباب رقم 2 لهذا البوجية واثناء التغيير هيتم تغيير الطقم كلة مش واحد بس
                          بالنسبة للكربراتير عندك لسة ف اولة.. اعمل 5 الالاف كيلو ع البوجيهات بتاعتك هتلاقي عمرها قصر
                          مش هتكمل معاك 10 الالاف ك ابدا .. 10 الالاف كيلو على عداد عربيتك
                          اهم مواضيعى عن الريجاتا : بداخل عضويتى
                          عدنا بكل قوة للرابطة .. م / Hussein
                          مبرمج ومالك لشركة برمجيات وتصميم مواقع الانترنت

                          Comment


                          • متشكر جدا على الرد السريع
                            معنى كده ان المكنه مش حفيفه اقصد "مش محتاجه طقم شنبر"
                            وبكده تبقى المشكله
                            1- طقم كوتش صباب
                            2- تظبيط الكربراتير

                            Comment


                            • المشاركة الأصلية كتبت بواسطة ahwanoso مشاهدة المشاركة
                              متشكر جدا على الرد السريع
                              معنى كده ان المكنه مش حفيفه اقصد "مش محتاجه طقم شنبر"
                              وبكده تبقى المشكله
                              1- طقم كوتش صباب
                              2- تظبيط الكربراتير
                              طقم الشنبر لة اعراض كتيرة اسهل طريقة لكشفها انك تبص على خرطوم الفائظ
                              وتشد بكرة البنزين اللى ف الكربراتير يعنى تدوس بنزين وتبص على خرطوم الفائظ
                              لو لقيتة بيضرب زيت ومبهدل الماكنة زيت من برة يبقى فيها طقم شمبر باردو
                              لو طلع بخار هواء ساخن فقط يبقى تمام
                              لو لا قدر الله فيها شمبر يبقى هات الطقم الايطالى ابو علبة بيضاء متوسط سعرة 130 ج
                              للطقم كلة
                              اهم مواضيعى عن الريجاتا : بداخل عضويتى
                              عدنا بكل قوة للرابطة .. م / Hussein
                              مبرمج ومالك لشركة برمجيات وتصميم مواقع الانترنت

                              Comment


                              • فى بخار زيت بيطلع من خرطوم الفايظ هل ده دليل على الشنبر

                                Comment

                                Working...
                                X