إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • شكرا علي ردك يا باشا . إن شاء الله بكره حروح للميكانيكي أشوف هل العيب من الترموستات و لا عداد الحرارة اللي بيقرأ غلط . كمان عايز أتأكد أن مفيش حاجه تانية بتسخن العربية قوي .

    Comment


    • كان عندي مشكلة أول مأشتريت العربية بلاقي بقعة كبيرة من زيت الجيربوكس تحت العربية فذهبت لميكانيكي قاللي في كسر في شفة الجيربوكس اللي بيركب فيها الكاوتشة اللي بتمنع تسريب الزيت . و قد حل الفتيس و ذهب لورشة ألومنيا خرطت جزء اسطواني و لحمته في الجيربوكس و قاللي بعد تركيب الجيربوكس كده تمام مفيش تسريب منعت زيت . زودت زيت و قلت الحمد لله مش حغير فتيس أو جيربوكس لأن سعره من 800 إلي 1000 ج حسب معرفت . لاحظت هذه الأيام نقط زيت تحت العربية مش كبيرة زي الأول بس كل مأركن العربية ألاقي نقط زيت تحتها . سألت أكثر من ميكانيكي في اللي قاللي ممكن تغيير فارغة بس حنحل الجيربوكس و تأخده و تجيب لنا فارغة . و في اللي قال لأ لازم تغيير الفتيس كله و تشتري دماغك و في اللي قال طالما التسريب قل عن الأول كده يبقي قابل اللحام ممكن تحله و يتلحم الومنيا تاني و وفر المصاريف دي خاصة لأني صرفت 2000 ج حتي الأن في ضبط العربية دي بالرغم من أن أنا جايب العربية دي عشان أتعلم عليها بس 6 شهور و لو ربنا سهل أبيعها و أجيب سيارة جديدة

      Comment


      • المشاركة الأصلية كتبت بواسطة عزت احمد صالح مشاهدة المشاركة

        انا معايا الريجاتا بقالها سنه دلوقت
        بمشي بيها حوالي 10-12 كيلو يوميا
        العربيه ماشاء الله بتدور من اول تكه وممكن يركب معايا 3 اشخاص ع الكنبه وواحد جنبي عادي ومش بدوس سنة بنزين زياده
        الاعطال خلال السنه
        تغيير سلك الدبرياج مره 65 جنيه
        لحمت خرم بسيط ف الشكمان 40 جنيه
        لحمت كاوتش 3 مرات او4
        المشكله
        العربيه عايزه شغل كتير بس بره المكنه
        زي فرش الابواب والازاز والجلود حوالين الباب التابلوه معقول الكراسي عايز اولع فيها المرايات بيئه ومش بعتمد عليها خالص
        فيه كاسيت فلاشه بس مفيش سماعات الكلاكس بلمسله سلكتين ف عصاية المساحات كونت ههنسى ومفيش مساحات يامعلم
        بس والله اصيله اوعوا تفهموها غلط
        انا اسف جدا للاطاله..قربت خلاص
        طبعا حاولت اظبطها لاني حبيتها بس معنديش وقت خالص غير ساعتين الصبح يوم الجمعه
        ايه رايكم ابعها واجيب واحده مظبطه وشرا العبد ولا قنايته
        ولا اصبر وأبقى ع العشره وممكن اخويا قالي انا هاخدهالك الورشه وخليك انتا
        بس انا فيه حاجات ف دماغي عايز اعملها
        هيا دي قصة حياتي
        واسف اسف اسف جديييييييييي للاطاله
        ياريت ياخوانا حد يفيدني

        Comment


        • بص يا أستاذ عزت أنا حقولك اللي أتقاللي متصرفش كتير عشان لو حتفكر تبيع حتخسر كل المصاريف دي . بس حقولك أنا أشتريت مرايات جنب شاهين 70 ج و مرايه صالون بانوراما 20 ج - مساحات شاهين شكلها أحلي من الريجاتا 30 ج سروجي ضبط الأبواب تربيط بس و الفرش بس مكنتش محتاجه جلود او فرش جديد أخذ 80 مصنعية . لكن لو حبيتها و متفكرش تبيع دي حاجة تانية بقي

          Comment


          • لو ممكن حد يفيدني من خبرته مع الفتيس و لحامه بأنتمونيا أو ألومنيا زي ما بيقولوا

            Comment


            • المشاركة الأصلية كتبت بواسطة hossam_qm مشاهدة المشاركة
              بص يا أستاذ عزت أنا حقولك اللي أتقاللي متصرفش كتير عشان لو حتفكر تبيع حتخسر كل المصاريف دي . بس حقولك أنا أشتريت مرايات جنب شاهين 70 ج و مرايه صالون بانوراما 20 ج - مساحات شاهين شكلها أحلي من الريجاتا 30 ج سروجي ضبط الأبواب تربيط بس و الفرش بس مكنتش محتاجه جلود او فرش جديد أخذ 80 مصنعية . لكن لو حبيتها و متفكرش تبيع دي حاجة تانية بقي
              شكرا أ/ حسام ع المشاركه
              وفعلا كلام حضرتك صحيح لو صرفت المصاريف مش هتزيد ف تمن العربيه كتير
              انا كنت حاسبلها 8 ألاف شد م الالف للياء ده ع الاقل دلوقت هيا تجيب 15 أو 16 حسب كلام ذوي الخبره
              يبى انا اريح نفسي وأجيب حاجه نضيفه ب 25 وممكن تكون مكيفه
              او بفكر ف الماروتي على اساس انها 800cc وهتوفر ف البنزين اللي بيطلع عنيا
              (كلاكيت تاني مره)
              شكرا أ/ حسام ع المشاركه

              Comment


              • المشاركة الأصلية كتبت بواسطة alaaelgazar مشاهدة المشاركة
                السلام عليكم اعضاء الرابطة الكرام
                انا حبيت انقلكم تجربتي مع دواسة الدبريااااج
                من فترة كده تتعدى تقريبا 6 شهور وانا راجع من شغلي سمعت طقة كل ما اجي ادوس دبرياج
                المهم عديت على الميكانيكي وحل البدال ولقينا فيه ودن اللي بيتعلق فيها سلك الدبرياج متأكلة خالص وعلى اخرها ... الراجل بصراحة مكدبش خبر وراح جايب البنسة وكسرها :10d5c8w1107: المهم قالي بعد كده انت لازم تنزل عزبة شلبي حالا وتجيب البدالين مع بعض الدبرياج والفرامل ببيجوا متقفلين وبيكون سعرهم من 100 - 120 جنيه مش اكتر
                المهم قولتله حاول تشوف اي افتكاسة بحيث امشي بيها لحد نا انزل الجمعة اجيبهم قالي ملهاش حل
                انا بيني وبينكو شغلت دماغي شوية مش كتير لقيت اننا ممكن نعمل فتحة جنب الودن المكسورة بالظبط ونرزعها مسمار 10 بصامولة وابقى شغلتها زي بتاع الفيات 128 بالظبط قولتله على الفكرة واقسم 100 مصحف انها مش هتنفع وبعد معاناه معاه حل البدال وخرجه خالص واداهولي في ايدي وقالي على مسئوليتك اللي انت عايز تعمله اعمله بس ابقى خليه يلحملك مسمار 10 كمان في اخر الدراع علشان التيلة وقعت وانا بحل ومش لاقيها (ساعتها حسيت اني واقف بتكلم مع سباك مش ميكانيكي- مع الاحترام للسباكين) المهم خدت الدراع وروحت المخرطة وعملت المسمار والفتحة ورجعتله وانا اللي خدت العدة وركبت البدال مكانة وطلعت اجرب لقيت الدنيا تمام وزي الفل
                قولت امشي كده شوية على ما انزل عزبة شلبي واجيبهم وخلاص بس بصراحة لقيتها ماشية كويس ومش مزعلاني في حاجة ... مرت الايام ونزلت امبارح عزبة شلبي وبعدها الحرفيين كنت بجيب باب فيرنا لعربية اخويا وقولت اسال بالمرة على البدالات وكانت الفاجعة بالنسبة ليا لقيت اقل سعر لها 450 جنيه ليييييييييييييييه مش عارف والكل بيتكلم في نفس السعر زي ما تكون ورقة بوسطة
                المهم حمدت ربنا اني جتلي الفكرة اللي انا عملتها وماشي بيها لحد دلوقتي

                الخلاصة يا جماعة اننا مش لازم ابدا نمشي باللي يقوله الميكانيكي .. احنا لينا دماغ وبنفكر بيها وممكن جدا نجرب ونفشل مش مشكلة بس منسلمش دماغنا لحد
                بص يا باشا
                البدال بتاع الدبرياج حصل معايا نفس كلامك ده وغيرته بنوع مصرى معمول تحت السلم كده يعنى بس شغال زى الفل من ساعه ماركبته وكان عامل حوالى 90 جنيه بس مش متاكد من الرقم يعنى بس الاكيد لم يتخطى 100 جنيه واسمه جديد

                Comment


                • حبايبي سؤال مهم

                  عايز اشتري عربيه بحد اقصى 25000 وتكون اقتصاديه ف البنزين
                  انا مشواري 7-8 كيلو يوميا ومعايا ريجاتا 85 1600 cc كويسه خالصبس عايزه شده تمام وانا مش فاضي
                  بفكر ف الماروتي والنانو ايجبت اللي مش لاقيلها اي اثر
                  ياريت لو تفيدوني وشكرا جزيلا
                  مستني اقتراحاتكم
                  ربنا يخليكم ضروري جدا

                  Comment


                  • حد عنده فكره عن النانو

                    ياريت ياجماعه لو حد عنده فكره عن النانو ايجبت يفيدنا بيها
                    ربنا يخليكو

                    Comment


                    • السلام عليكم يا اهل المنتدي وحشني المنتدي جدا ولكن الظروف هي اللي بعدتني الايام اللي فاتت

                      عندي سؤال انا عندي مفتاح العربية بيطلع من الكونتكت والعربية شغاله يا تري ده عيب ايه

                      واستغل هذه الفرصة لارسال سلامي الي الاستاذ / عمرو والاستاذ / حسين ( اسف الباشمهندس حسين ) وجميع الاعضاء الكرام في هذا المنتدي

                      Comment


                      • المشاركة الأصلية كتبت بواسطة hoda3010 مشاهدة المشاركة
                        السلام عليكم يا اهل المنتدي وحشني المنتدي جدا ولكن الظروف هي اللي بعدتني الايام اللي فاتت

                        عندي سؤال انا عندي مفتاح العربية بيطلع من الكونتكت والعربية شغاله يا تري ده عيب ايه

                        واستغل هذه الفرصة لارسال سلامي الي الاستاذ / عمرو والاستاذ / حسين ( اسف الباشمهندس حسين ) وجميع الاعضاء الكرام في هذا المنتدي
                        الف شكر اخى العزيز
                        بالنسبه للمفتاح عندى بيخرج والسيارة شغاله عادى جدا
                        لدرجه ان دورت السيارة وشلت المفتاح وفتحت شنطه السيارة
                        ومشيت يها حتى عملى
                        من الواضح والله اعلم انه هى الريجاتا نازله كده
                        [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                        [/COLOR][/SIZE]

                        Comment


                        • المشاركة الأصلية كتبت بواسطة amro1965 مشاهدة المشاركة
                          الف شكر اخى العزيز
                          بالنسبه للمفتاح عندى بيخرج والسيارة شغاله عادى جدا
                          لدرجه ان دورت السيارة وشلت المفتاح وفتحت شنطه السيارة
                          ومشيت يها حتى عملى
                          من الواضح والله اعلم انه هى الريجاتا نازله كده
                          السلام عليكم استاذ عمرو
                          فينك من زمان و فين الاستاذ حسين لعل غيابكم خير ان شاء الله
                          نورت المنتدي

                          Comment


                          • المشاركة الأصلية كتبت بواسطة amro1965 مشاهدة المشاركة
                            الف شكر اخى العزيز
                            بالنسبه للمفتاح عندى بيخرج والسيارة شغاله عادى جدا
                            لدرجه ان دورت السيارة وشلت المفتاح وفتحت شنطه السيارة
                            ومشيت يها حتى عملى
                            من الواضح والله اعلم انه هى الريجاتا نازله كده
                            [justify]اولاً الف شكرا للاستاذ عمرو علي الاهتمام بالرد بس مش عارف حاسس ان اللي عمل الريجاتا مش ممكن يغلط الغلطة دي ولا ايه رأي حضرتك[/justify]

                            Comment


                            • سلام عليكم ورحمه الله وبركاته

                              انا منضم لعائلة الريجاتا منذ شهر

                              بس مطلعة عينى

                              وللعلم انا اول عربيه لى ولسه بتعلم السواقة كل ما اصلح حاجه الاقى حاجه عايزة تتصلح :)


                              عايز حد خبر ة استفسر منه على شويه حاجات

                              Comment


                              • المشاركة الأصلية كتبت بواسطة ozo_eg مشاهدة المشاركة
                                سلام عليكم ورحمه الله وبركاته

                                انا منضم لعائلة الريجاتا منذ شهر
                                السلام عليكم
                                اهلا بيك عضو جديد بالرابطه
                                علي فكره الريجاتا عربيه هايله بشرط انها تكون بحاله جيده و اكيد اللي باعهالك مكنش بيهتم بيها
                                عموما ربنا يوفقك و اهلا بيك

                                Comment

                                Working...
                                X