إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة hoda3010 مشاهدة المشاركة
    السلام عليكم ورحمة الله وبركاته
    ازي حضرتك يا باشمهندس حسين ابشر حضرتك وجميع اعضاء الرابطة الكرام اني لقيت حل لمشكلة العوامة وهي كالاتي
    1 : اشتريت العوامة التركي ام اخرام مكان المسامير ب 50 جنيه .
    2 : اشتريت جوان مدور سميك ب 10 جنيه .
    3 : اشتريت عدد 6 مسمار بصمولة وربطت الجوان في العوامة مكان فتحات المسامير بتاعتها .
    4 : كسرت المكبس اللي في العوامة لانه كانه بيخبط في التانك ويعلق الذراع .
    5 : ركبت العوامة مكانها وقفلتها بالغطاء الدوار .
    6 : وصلت الاسلاك بتاعتها .
    العوامة ما اشتغلتش ولا نصف ملي .
    رحت لكهربائي اندهش من التعديل اللي انا عملته علي العوامة وقالي ده اختراع لاصحاب الريجاتا انا فيه ناس كتير بتيجي علشان تصلح العوامة بقولهم ما تنفعش وشكرني علي الفكرة واتضح اني كنت موصل الاسلاك غلط عدلها في مكانها الصحيح والحمد لله اشتغلت بس كان منبهر لان العوامة اتضح انها بتاعة عربية 128 وخد 15 جنيه ولا الحوجة للصنايعية وافتكاساتهم اقرب حاجة عندهم ( ما ينفعش ) الحمد لله علي نعمة العقل
    اخدمني وعرفني ازاي بالظبط انا عوامتي كل اسبوع عاوزه عوامه لما اتخنقت
    ممكن تبعتلي رقمك

    Comment


    • المشاركة الأصلية كتبت بواسطة طارق ثروت مشاهدة المشاركة
      ازيك يا باشمهندس ... الباكيته عندي لسه فاككها ومش محتاجها لاني غيرت الطقم كله ... معلش هي مش جديدة بس سترة بدل القراع بتاع الباب ده انا مجربه وبيعكنن عليك منظر العربية .... هدية من اخوك طارق لمجهودك الطيب والمشكور لمساعدة الاخوة الريجاتاوية ... كلمني علي 01140911886 ونظبط هنتقابل ازاي
      ياسلام لو عندك شمال خلفي باب ورفرف اشتريهم منك بدل ماشتري طقم كامل

      Comment


      • يا جماعة انا معروض عليا عربية ريجاتا 89 دواخل فبريكة و صحبها بيقول حلتها كويسة انا عايز اعرف رينج
        الريجاتا دلوقتي كام
        و عايز اعرف اخرها كام
        و شكرا علي المساعدة

        Comment


        • المشاركة الأصلية كتبت بواسطة hanipal.. مشاهدة المشاركة
          يا جماعة انا معروض عليا عربية ريجاتا 89 دواخل فبريكة و صحبها بيقول حلتها كويسة انا عايز اعرف رينج
          الريجاتا دلوقتي كام
          و عايز اعرف اخرها كام
          و شكرا علي المساعدة
          مفيش حاجة اسمها عربيه حالتها كويسه وبس والمفروض نقيمها لك
          المفروض الاتى
          في موضوعين انا نزلتهم فى الرابطه تقرأهم جيد وتروح انت مع صاحبك وتشيك تشيك مبدئى على ماقرأته فى الموضوعين علشان لا تغرم مبالغ لميكانيكى وسمركى اللى هيشيكوا على السيارة لانها ممكن تكون حالتها سيئه فأنت اللى هتحاسب لهم
          روح وعاين واكتب تقرير عن كل قطعه شغاله ام لا
          واللى مفروض يتغير حالا او مستقبلا
          وبعدها هنقدر نقف على سعر السيارة
          مثال
          سيارة مطلوب فيها 20 الف جنيه
          هنفترض ان سوف يتم تغير أى قطع حالا مع مصنعية الميكانيكى او السمركى او الدهان = 2000 جنيه
          وهنفترض ان مستقبلا هيجب اشياء مثل كوتشات سيارة = 1000
          اذن تقيم السيارة هيكون كالاتى
          ثمن السيارة 20000 - 3000 = 17000
          اذن تقييم السيارة = 17000 جنيه
          اتمنى اكون قد وفقت لتوصيل فكرتى لك
          مع تحياتى
          اخيك عمرو
          [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
          [/COLOR][/SIZE]

          Comment


          • متشكر جدا علي الرد
            انا بس حابب اوضحلك حاجة
            انا لسة مشفتش العربية و لما حشفها حقلكم في الرابطة علي كل حاجة عنها بس صحبها مقليش عايز فيها كام هو ساب السعر لتقيمي الشخصي وانا معرفش سعرها في السوق دلوقتي كام و خايف اقله سعر و يطلع بعيد قوي
            عن قيمتها علشان كده انا محتاج رينج مبدئي اتكلمى فيه
            ممكن بعد ازنك يا استذ عمرو تحطلي لينكات الموضوعين و يبقي الف شكر

            Comment


            • المشاركة الأصلية كتبت بواسطة amro1965 مشاهدة المشاركة
              أولاً: الفحص الخارجي:
              -الصدأ: انظربعناية إلى عتبة الأبواب – المدادات الجانبية – حافة مكان تجويف الإطار ... أو بشكلعام الزوايا و الأماكن الغير ظاهرة، و التي غالباً ما يهملها التجار سواءً لتكلفةإصلاحها أو لإهمال المشترين فحصها .. ويستحن اذا استعملت مصباح لتحسينالرؤية
              -تفحص أرضية السيارة جيداًَ، وليس من العيب أنتنظر بمصباحٍ تحت السيارة للكشف عن احتمال و حجم الصدأ..
              -انظر تحت فرش صندوق الحقائب لترى عما إذا كانالصدأ قد وجد له فيه مكاناً..
              -هل تشك في مناطق بها طبقات سميكة من معجونالسمكرة؟ إذاً فعليك باختبار ذلك بمغناطيس..وهىحركة جيدة جدا
              كما يمكنكمعرفة اذا كانت تلك السيارة قد عملت مصادمة او حادثة من قبل عنطريق:-
              oاختلافاللون في بعض مناطق السيارة.
              oآثار رشالدهان المتبقية على البرواز المطاطي للأبواب.
              oالفروقو الفراغات بين غطاء صندوق الحقائب (أو غطاء المحرك ، أو الأبواب) و بين جسمالسيارة، و التي غالباً ما تكون غير متساوية من جميع الجهات إذا كانت السيارة منأصحاب السوابق..
              oآثاراللحام عند الأرضيات و حواف تجاويف الإطارات و القوائم..
              oتآكلرسم تجاويف الإطار غير المتجانس (من الداخل أو الخارجفقط)..
              -هل زجاج المصابيح الأمامية غير نظيف أو الطبقةالفضية العاكسة في جسم المصباح ككل غير لامعة ؟
              -كيف حال الإطارات؟ علماً بأن عمق تجاويف الإطارالجديد سبعة مليمترات، و لا تنس وجوب التشابه بينها على الأقل ..لان الاطارات فعلا من اهمالاشياء
              ثانيا الفحصالداخلى:-
              -ترى هل تعمل كل الأزرار و لمبات التابلوه والصالون ..
              -تفحص الكراسي جيداً ، فالكراسي الشديدة الاتساخأو التي هبطت و فقدت قوة اسفنجها تشير إلى طول استخدام السيارة و كثرة الكيلومتراتالتي قطعتها و إن أشار العداد إلى غير ذلك .. و كذلك الحال مع أحزمة الأمان ..
              -أتتحرك الكراسي بسهولة في كل اتجاه ممكن؟
              ثالثا فحصالمحرك:-
              وهويعتبر من اهم الفحوص حيث ان
              نظرة بعينٍ فاحصةٍ إلىالمحرك تغنيك عن الكثير من المتاعب، فإليك الدرر التالية:-
              -وجود آثار أو ذرات معدنية بزيت المحرك (على غطاءفتحة التزويد) دليل على قرب أجل المحرك و شيخوخته..
              -هل يمكنك إدارة المحرك بسهولة من أول مرةٍ أم أنكستحتاج إلى خبيرٍ كل يوم ليشغل لك سيارتك .. ( ووجب التنبية الا تنخدع وانتظر الىعداد الحرارة فيمكن ان يكون صاحب السيارة قد ادارها من قبل اكثر من مرة لاستقبالالزبون شارى السيارة وهى خدعة قديمة )
              -إذا دار المحرك بسلامٍ و أمان فهل ترى أي اهتزازٍغير طبيعي أو هل تأتيه نوبات اهتزاز عصبية ..
              -أما إذا سمعت أصواتاً مرتفعة تشبه دقات الساعةفقد حانت ساعة هروبك من هذه الصفقة تماما،لا تخاطر حتى بأن تفسر هذا الصوت فالمحركفي عداد الموتى .وذلك لاسباب عديدة يطول شرحها.
              -افحص ماء المبرد لترى عما إذا كان به زيت أو صدأ ..
              -خروج فقاقيع من ماء المبرد باستمرار يعني عدمإحكام ربط كتلة رأس المحرك .(.ودى مصيبةلوحدها)
              -إذا فتحت غطاء فتحة تعبئة و إضافة الزيت فخرجتغازات منها فالمحرك بحاجة لتغيير طقم الشنابر ..
              -إذا كانت حالة المحرك فعلاً جيدة فالشكمان (ماسورة العادم) لا يخرج سواداً أو دخاناً بل يقطر ماءً، فخروج السواد دليل على أنالمحرك يحرق زيتاً يتسرب إليه .. كذلك عند سدك لماسورة العادم تماماً (ببطن حذائكمثلاً) فإن المحرك لا يمكث سوى ثوانٍ قليلة ثم يكتم فيتوقف إذا كانت حالة المحرك وماسورة العادم الصحية جيدة ..
              -كذلك يجدر بك إلقاء نظرة تحت المحرك، فهل أرضيتهنظيفة أم أن آثار الزيت الكثيرة تدل على قصته المؤلمة ..
              -لا تنس النظر بعينٍ فاحصةٍ إلى البطارية ذاتها،فالأقطاب مثلاً يجب ألا تكون متآكلة .. و لمعرفة قوة البطارية قم بتشغيل كل الأجهزةو الأدوات الكهربية بالسيارة في وقتٍ واحدٍ، فهي مصممة لتحمل كافة الأجهزة الموجودةبكامل طاقتها .
              رابعا فحص مجموعةالتعلية(العفشة):-

              -في حالة الثبات مع اتجاه الإطارين الأماميينللأمام فى المنتصف فإن تحريكك للمقود (عجلة القيادة) يجب ألا يتعدى مقدار الإصبعينيمنةً و يسرةً،( اقصد البوش او خلوص عجلة القيادة ) أما إذا تحرك المقود فيالاتجاهين بسهولة لأكثر من ذلك دون التأثير على اتجاه السيارة فإن مجموعة التوجيهتعلن عن إضرابها ..
              -كذلك يمكنك اختبار الإطار نفسه، فعليك بتحريكهمباشرةً بيديك تجاه الداخل و الخارج بقوة لترى ثباته ..
              -انظر إلى رسم تجاويف الإطار، هل ترى تآكلاً غيرمتجانساً (من الداخل أو من الخارج فقط)؟ هذا دليلٌ على عدم استعدال مجموعة تعليقالإطار جيداً بعد حادث
              خامساً: فحصالفرامل:
              -تأكد من حالة الكماشات القابضة على أقراصالفرامل، يجب أن يكون سمكها على الأقل خمسة مليمترات..
              -عند ضغطك المستمر و الثابت على دواسة الفرامل يجبألا تصل الدواسة إلى أرضية السيارة فهذا سيكون دليلاً على التسرب من أسطوانةالفرامل.. وهذا خطير جدا
              سادساً: فحص صندوقالتروس

              -مطاط الدواسات المتآكل بشدة دليل على كثرةالكيلومترات التي قطعتها السيارة في المدينة، أي على استهلاك السيارة .. كذلكالدواسات الجديدة تماماً إنما هي إخفاء للحقيقة لا أكثر ..
              -في وضع الثبات مع تشغيل المحرك حرك عصا نقلالسرعة في كل الاتجاهات و الحارات (مع الضغط على الدواسة بالطبع)، فعملية النقلذاتها يجب أن تتم بسهولة وبدون أية أصوات أو اعتراضات من صندوق التروس ..
              -في وضع الثبات مع تشغيل المحرك حرك عصا نقلالسرعة إلى الأول و ارفع قدمك تدريجياً من فوق دواسة الفصل (الدبرياش) و بدون الضغطعلى دواسة التسارع (البنزين مثلاً) ، فعند حوالي ثلثي مشوار الدواسة أثناء الرفعيجب أن تبدأ السيارة في التحرك ..( يعنى جرب انتتحرك السيارة عند سرعة اللاحمل السلانسية )
              -مسافة السماح الغير مؤثرة لدواسة الفصل (الدبرياش) يجب ألا تزيد عنالثلاثة سنتيمترات ..

              -
              أما إذا كانصندوق نقل السرعة أتوماتيكياً، فالأولى بك أن تلاحظ الكيفية التي يتم بها النقل (معكون المحرك ما زال بارداً)، هل تتم بسلاسةٍ نوعا ما أم أنها عنيفة، و يتجلى ذلكبالأخص عند النقل للسرعة الخلفية ، فإن كان ذلك يتم بعنف نوعاً فإما أن يكون زيتصندوق التر أقل من المطلوب بكثيرٍ أو أن الاستمرار في عدم مراعاة ذلك قد أدى إلىالتلف .. و لن تستطيع اختبار ذلك إذا كان المحرك ساخناً لكون الزيت سيتصاعد إلىأعلى و يؤدي مهمته العادية ..

              سابعا القيادة تجربة :

              -خض التجربةبنفسك، فأنت الذي سيقودها أيضاً بعد ذلك ..
              -
              لتكن المسافة طويلة لتستطيع تجربة كافة الأحوال مع السيارة ..
              -
              اختر مسافةً صعبة قدر الاستطاعة، و ليكن الصعود والهبوط و المنحنيات و المطبات، ففي هذه الظروف فقط تستطيع اكتشاف وجود عيوب منعدمها ..
              -
              اغلق الراديو والكاست أثناء السير حتى تسمع بوضوح كل كبيرة و صغيرة ..
              -
              يمكنك أيضاً رفع قدمك من فوق دواسة البنزين فجأةً لتختبر مدى ثباتالسيارة ضد المفاجآت، لكن لا تكثر من مثل هذه الاختبارات أو تراوضك فكرة اختبارتحمل الصدمات مثلاً .. فهذا ليس من حقك الآن، بل يجوز لك ذلك فقط بعد إتمامالشراء..
              -
              عند رفع قدمككما سبق انظر في المرآة خلف السيارة لترى هل سيصدر الشكمان دخاناً أسود ..
              -
              اضغط على دواسة التسارع إلى آخر حركتها بسرعة ،فإذا سمعت لحناً معدنياً عصبياً فلا تقلق فهذه هي الكامة أو قد تكون إحدىالأسطوانات تعلن عن غضبها و رفضها العمل الشنيع الذى فعلته وانصحك ان تهرب من هذةالصفقة فورالانهإذا رفعت قدمك فجأة و سمعت صوت فرقعة عالية، فهذه دلالة على وصولخليط الوقود إلى ماسورة العادم ثم احتراقه فيها، و هذا إنما يوضح إما عدم إحكامصمامات خروج العادم من المحرك أو أن وصلات أو شمعات الاحتراق لا تؤدي عملها ..
              -
              و عند التسارعمع كونك تسير على الأول أوالثاني ثم رفع القدم فجأة من فوق الدواسة ثم العودة للتسارع مباشرةً ، فإن سماع صوتطرق أو دقدقة في الخلف يشير إلى تهالك مجموعة المفاصل في عمود الكردان ..هذا بالطبع اذا كانت السيارة دفعخلفى
              -
              صفير الفرامل عند الضغط عليها يشير إلى تآكلها أواتساخها ..وتلف التيل
              -
              راجع النقلات مع السرعات المختلفة، ولعل أوضح ما يكون هذا الاختبارعند النقل من العالي إلى الثاني ..
              -
              إذا كانتالسيارة من ذوات الدفع الأمامي فإنه عند السير في المطبات تسمع لها صوت طبولٍ خافتمصحوبٍ برقصةٍ عشوائيةٍ غريبة في المقود بين يديك، فمعنى هذا العفشة (التعليقالأمامي) في حالةٍ يرثى لها .. وعلى وجه العموم فإن السيارات ذات الدفع الأماميتكون رخيصةً من ناحية تكلفة إنتاجها لكنها ليست الانسب لبيئةٍ تكثر فيها المطباتمثل بلدنا مصر ، بل هي أنسب للبيئات الباردة الثلجية أو ذات المرتفعات ..
              -
              اهتزاز المقود عند السرعات العالية ليس دليلاًعلى الخوف أو الرهبة من الرادار مثلاً، بقدر ما هو دليل على الحاجة الملحة لضبطالعجل الذي فقد اتزانه ..او كما نقول العجل يحتاجترصيص
              -
              أما إذا أردت اختبار اتزان الفرامل فما عليك سوىالسير في شارعٍ هادئٍ و خالٍ نوعاً ما، و ذلك بسرعةٍ رشيدةٍ تتراوح بين الثلاثين والأربعين، و اترك المقود تماماً ثم اضغط على الفرامل فجأةً .. فالفرامل العاقلةالمتزنة هي التي تبقي السيارة على نفس استقامتها.دون اى انحراف فىالسيارة.
              -
              ثم يأتي دورفرامل اليد .. فشدها عند السير ببطءٍ يجب أن يوقف العجلتين الخلفيتين عن الحركةتماماً ..
              تابع
              [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
              [/COLOR][/SIZE]

              Comment


              • المشاركة الأصلية كتبت بواسطة amro1965 مشاهدة المشاركة
                بالنسبه للقادم على شراء سيارة مستعملة
                ده موضوع كنت محتفظ به منذ ان اشتريت سيارتى الحالية كنت ناقله من احد المواقع لا اذكرها لانه كان منذ سنتين بالرغم انى كنت محفظ به على ملف وورد وعملت ملف اكسيل وضعت فيه كل شىء عن السيارة من اجل ان لا ننسى شىء لكن للاسف ملف الاكسيل لم اجده حتى الان
                حبيت اضعه لعله يفيد من يريد الاقدام على شراء سيارة مستعملة مثلما افادنى
                اترككم مع الموضوع
                النهاردة الجمعة و دة الموسم الاسبوعى لشراء العربيات سواء كانت من اعلانات فىالجرائد او نزول السوق .. و لقيت فى كذا موضوع و استفسارات و اسئلة من المقبلين علىالشراء و خصوصاً فى العربيات المستعملة اد اية الحيرة و القلق اللى بيبقى فيها و هونازل يشترى العربية ..و بيقع بين ميكانيكى قد يكون فى اغلب الاحوال متواطىء معالبائع او يكون لة امل فى تخليص مصلحة او انتظار شغلاناتك اللى جاية معاة .. اوصديق بيحاول بساعدك و لكن خبرتة لا تكفى للمساعدة .

                هحاول اشرح فى الخطواتاللى جاية ان شاء الله .. ازاى تشترى عربية مستعملة و انت لوحدك بدون مساعدة احد أوعلى الاقل تبقى فاهم و لديك انطباعك و خبرتك الذاتية مهما كان معك احد يحاولالتاثير عليك

                ملحوظات هامة :
                1-
                هذا الكلاممناسب للسيارت من التسعينات و حتى الآن و ليس قبل ذلك
                2-
                هذا الكلام موجةللمبتدئين فى شراء العربيات المستعملة وذلك بغرض الامتلاك فقط و الاستمرار مدةكبيرة بالعربية و اختيار افضل عربية بأحسن سعر ممكن
                3-
                تم و ضع هذا الموضوع فىالمنتدى العام و ليس التعليمى ..لآنة لا يحتوى على نظريات او ثوابت انما هى مجردخبرات شخصية لا تتطبق فى كل الاحوال و كل الظروف و لكن فى معظمها .

                مراحل شراء السيارة المستعملة

                اولاً الخطوة الاولى : مرحلة الدراسة
                1-
                حدد نوع و ماركة العربية من حيث مناسبتهالآحتياجاتك و ميزانيتك وذلك بترتيب عوامل اختيار نوع العربية
                أ- هاتش باك ولاسيدان (بشنطة)
                هل تحتاج لمساحات داخلية كبيرة -هل سفرياتك كتير و فيها شنط كبيرة
                ب-موتور كبير ولا صغير
                استخدامك اكتر جوة البلد ولا برة البلد فى سفرياتذات سرعات عالية و طويلة
                عنصر توفير البنزين مهم بالنسبالك ولا لا
                عددالاشخاص اللى معاك فى العربية دايماً كتير ولا قليلين ولا فى معظم الاحوال لوحدك
                ج-اسعار قطع الغيار
                سعر قطع غيار غالى ... مع .. عمر افتراضى كبير ....(ممتاز - بس على حسب ميزانيتك )
                سعر قطع غيار رخيص ... مع .. عمر افتراضىقليل ....(جيد - بالنسبة لميزانيتك لآن العربية مش هاتقف عشان قطعة غيار او اكسسوارمطلوبة )
                سعر قطع غيار غالى ... مع .. عمر افتراضى قليل ....(سيىء)
                د- قطعالغيار متوفرة فى التوكيل و خارج التوكيل يبقى عظيم

                و-اماكن الصيانة
                -
                شغل توكيلات فقط (مكلف -مريح- لا يستغرق وقت طويل )
                -
                معظم الميكانيكية بيفهموافيها (ممتاز)
                -
                لها ناس معينة (تبقى تعرفهم الاول )

                بعد الخطوة دى هاتبقى حددت و عرفت
                ماركة العربية -نوع العربية- الموتور -شغل العربية بيبقى فين واسعارة اية

                ثانياً الخطوةالثانية : مرحلة التحديد
                يجب ان تحدد موديل العربية (السنة ) اللىانت عايز تشتريها و ذلك من خلال
                أ- ما هى افضل الموديلات لهذا النوع - يعنى سنةكام كان من افضل الموديلات اللى نزلت فى النوع دة
                ب-معرفة السعر المتوسط لهذاالموديل (السنة ) من خلال متابعة الاعلانات و الاتصال المباشر و السوق
                ج- هلالموديل دة متناسب فى متوسط سعرة مع ميزانيتك ولا لأ ..لو كان اعلى أنزل للسنة اللىقبلية و هكذا
                د-تنزل السوق مرة (ليس للشراء ابداً) و لكن للفرجة و معرفة أخرسعر للموديل دة بعد شوية فصال صغيرين (وعلى كدة تحدد المتوسط السعرى الفعال لهذاالموديل ) يعنى مش مجرد كلام اعلانات


                بعد الخطوةدى هاتبقى حددت و عرفت
                موديل العربية (السنة ) بالظبط اللى عايز تشتريها و كمان متوسط السعر اللى فى السوق للموديل دة

                ثالثاً الخطوة الثالثة : مرحلة النزولللشراء
                عربيات تستحق النزول إذا كانت فى اعلان او الفرجة اذاكانت فى السوق
                1-
                الحالة
                -
                فابريقة (دهان مصنع).... بالكامل.... (ممتاز)
                -
                فابريقة داخل فقط (تحت سنة 2000 ) .....(جيد)
                -
                لا يوجد اى دهانفابريقة فى اى سنة (يعنى راشة برة و جوة ) ....... (سىء)
                2-
                السعر
                -
                اعلى منالمتوسط اللى انت طلعتة ........(ممتاز)
                -
                فى المتوسط اللى انت طلعتة ........(جيد)
                -
                اقل من المتوسط اللى انت طلعتة ........(سىء)
                3-
                الكماليات
                هى الكماليات المتعارف عليها فى هذا الموديل من هذة السنة ولا يحبذ اى اضافاتاخرى
                4-
                الموتور
                هو السعة اللترية (ال cc ) المتعارف علية فى هذا الموديل منهذة السنة
                5-
                اللون
                من الالوان اللى كانت متواجدة فى هذا الموديل من هذةالسنة
                يعنى مفيش 128 فى اوائل التسعينات فضى او 127 ذهبى ولا لانسر موف ..مثلاً
                6-
                الرخصة
                أ- رخصة أة بس بشروط
                بأسم المالك ومش المهم فيها أد اية المهمطالعة لمدة اد اية
                3
                سنين .... (ممتاز)
                سنة واحدة ...(واحنا دلوقتى فى اخرها ).... (جيد)
                سنة واحدة ...(واحنا دلوقتى فى اولها ).... (غير جيد)
                ب-توكيل .....(سىء)
                7-
                عدد الكيلو مترات
                يكون متناسب مع عمر العربية بمتوسط من 17 الفكم الى 20 الف كم فى السنة الواحدة
                عدد كيلومترات مظبوط مع المعدل المذكور ........(ممتاز)
                عدد كيلومترات اقل مع المعدل المذكور ........(جيد)
                عددكيلومترات اقل بكتير من المعدل المذكور ........(غير جيد)
                عدد كيلومترات اكبر منالمعدل المذكور ........(سىء)

                بعد الخطوة دى هاتكونقررت تنزل ولا لأ عشان تشوف العربية دى او قررت تتفرج عليها و تفحصها

                رابعاً الخطوة الرابعة : مرحلة فحصالعربية للشراء

                من الخارج : خد لفة حوالين العربية ولاحظالاتى

                1-
                طلاء السيارة
                -
                طلاء السيارة متناسب مع العمر للموديل ولا يوجداى اجزاء لامعة اكثر من التانية
                2-
                ملاحظة الخدوش الاحتكاكات
                -
                وجودها فوقسنة 2000 (جيد)
                -
                عدم وجودها فوق سنة 2000 (غير جيد)
                -
                عدم وجودها تحت سنة 2000 (سىء)
                3-
                الصدمات و الحوادث
                ملاحظة اى فوارق بين الخطوط -بين الفوانيس والرفارف-بين الباب و الحلق بتاعة -بين باب الشنطة و حلق الشنطة -بين الزوايا فىاركان العربية -طبقات عالية شوية فى الدهان عن الباقى -فوارق بين الاكصدام و جسمالعربية
                4-
                الزجاج
                اى فوارق بين كاوتش الزجاج و الحلق اللى بيركب فية -كاوتشالزجاج جديد و اسود ولا قديم من عمر العربية -فى كتابة على اسفل الزجاج (اصلى ولااتغير) -نقر متسابة (يبقى احسن) ولا كلة مية واحدة و بيلمع (قلق) -فى زجاج الابوابسيف الزجاج اللى فى الباب بالعرض قافل على الزجاج ولا مفارق (يبقى اتفك قبل كدة )-الزجاج لابس فى المجرى بتاعتة ولا مفارق
                5-
                الاكسسوارات
                المرايات -الشبكةالامامية -الفوانيس -الاشارات-المساحات-الأريال -فبر الاكصدام
                كلها طبيعيةللموديل دة ولا فيها افتكاسات فتسيبك منها احسن
                6-
                الكاوتش
                مناسب لعمرالعربية .....(ممتاز)
                تفاصيلة ممسوحة شوية بالنسبة لعمر العربية .....(جيد)
                تفاصيلة بارزة وواضحة وشكلة لسة جديد .....(غيرجيد)
                تفاصيلةممسوحة اوى وشكلة قديم .....(سىء) وتخصم تمنة من سعر العربية فىمتوسط الفين ج
                7-
                الفوانيس
                نضيفة و شفافة .......(ممتاز)
                متناسبة مع عمرالعربية...... (جيد)
                مغببة و مشبرة ..........(سىء)
                8-
                السقف
                نفس درجة ولون العربية كلها ......(ممتاز)
                اسواء من العربية بوجة عام ........(جيد)
                احسن من العربية بوجة عام ........(غير جيد)
                غير مستوى و فيةاى التواءات ....(سىء)
                9-
                العتب
                دة الجزء اللى تحت الابواب ... حط ايدك تحتيةو خد سحبة كدة بطول العربية
                سليم و مستوى .......(ممتاز)
                فية حتت متاكلة واماكن محببة كدة ( سىء) علامة صداء (برومة موجودة اسفل العربية )
                10-
                الكارتيرات
                دة الجزء اعلى العجل و اللى لافف حوالين الكاوتش من فوق .. ملاحظة عدم وجود اىاثر
                صدأ(برومة)-حتت متاكلة -أثر لحامات -اى التواءات -اثر لحاجة زى الزيت منشعةفى المنطقة دى
                11-
                المساعدين
                وقوف السيارة كلها على خط افقى واحد (يعنى مفيشجهة اعلى من التانية لا ورا ولا قدام)
                غند الضغط على ركن من اركان العربية بتطلعتانى لفوق بنعومة و ثبات (غير متقطع فى الطلوع )
                عدم وجود اى اثر لزيت او تنضيفحديث ليهم ( بيبقوا فوق العجل و ماسكين العجل بالعربية على شكل عمود رفيع رأسى )
                14-
                نظرة بسيطة على اسفل السيارة
                عدم وجود اى اثر لأنخفاضات او ألتواءات
                عدم وجود صداء (برومة )
                عدم وجود اى اثار لزيوت او شحومات قديمة
                علبةالشكمان سليمة و مش مصدية و مفهاش لحا مات و خصوصاً فى المناطق الضيقة اللى بتوصلجزء للآخر

                من الداخل : بعد ما خدت لفة حوالين العربية ... افتح الباب وادخل عشان تقعد فيها ..بس سيب الباب مفتوح و انت بتقعد
                لو لاحظت ان سفل ضلفةالباب بينزل لتحت (بيقرب من الارض ) كتير وانت بتقعد فى العربية يبقى العفشة ضعيفةو المساعدين تعبانين ...
                -
                لاحظ كاوتش الباب و حالتة
                -
                لاحظ حلق الباب كلة (اى صداء -خبطات -لحامات -التواءات )
                -
                لاحظ القايم (على يمينك اللى واصل بيناسفل العربية و السقف )
                اى التواءات -اثر لحام قديم -فوارق بينة و بين السقف ......علامة سيئة جداً
                خلاص اقفل الباب و خش العربية اقعد فيها
                -فرش الصالون
                وجود فرش اضافى ...... (غير جيد) شيلة و بصتحتية
                الفرش الاصلى متناسب مع عمر العربية .......(ممتاز)
                الفرش الاصلى اقلمن عمر العربية مع وجود فرش اضافى .......(جيد)
                الفرش الاصلى وحش و متبهدل .......(سىء)
                -
                فبر التابلوة
                فبر التابلوة متناسب مع عمر العربية (ممتاز)
                فبر التابلوة بيلمع...... (غير جيد)
                فبر التابلوة وحش و مشقق (سىء)
                -فرش الصالون ..اى اثر لخياطات او ترقيعات او حتت متاكلة و شوفالدواسات و فرش الابواب و الحالة العامة لكل التنجيد الداخلى و مقايستة بعمرالعربية ومناسبتة لنمط شخصية البائع
                -
                السقف الداخلى ..ملاحظة اى فوارق اوهبوطات او اثار فك و تركيب فى كل السقف و التقائة بالجوانب اللى شاية السقف كلة
                -
                الدواسات اصلية ولا لأ و هل فى تحتها اى تأكلات او اثار لآحتكاكات مستديمة
                -
                الجزء اسفل التابلوة
                متقفل كويس و علية تراب ....( ممتاز)
                متقفل كويس ....( جيد)
                مفارق و فية اثار فك و تركيب ....( سىء)
                مفتوح و فية اسلاك واضحة ......(سىء جداً) مؤشر لحالة الكهربا العامة فى العربية
                -
                لوحة العدادات
                اىفوارق بين الزجاج بتع العدادات و التابلوة .....(سىء)
                -
                درج التابلوة
                نضيف ومتقفل من اخرة كويس ....(ممتاز)
                مليان حاجات و مكركب ....(غير جيد)
                ضهرة واقعو متبهدل من جوة ...(سىء)
                -
                فرامل اليد ..... وانت قاعد جوة العربية شد فراملاليد للآخر ولاحظ الاتى
                فرامل اليد بتتطلع بصعوبة وبتقف ببطىء فى الاخر ......(ممتاز)
                فرامل اليد بتتطلعبراحة و بتصد فى الاخر بنعومة (غيرجيد)
                فرامل اليد بتتطلع مرة واحد بسهولة و بتصد فى الاخر مرة واحدة (سىء)
                انزل من العربية وروح شوف الشنطة
                افتح الشنطة ولاحظ بتتطلع لفوق ازاى (بسهولة بتترفع لوحدها -بصعوبة -بتقع تانى )
                شيل فرش الشنطة و بص تحت الفرش
                لاحظ اى .. صداء (برومة -انخفاضات -اثر لحامات -شحومات -زيوت) كل دى علامات سيئة
                بص على اركان الشنطةاللى خلف الفوانيس الورانية
                لاحظ اى اثار لفك و تركيب -اسلاك بارزة -خبطات (مسمعة جوة )
                شوف حالة الاستبن
                استبن اصلى ......(ممتاز) ساعات بيبقى اصغرمن كاوتش العربية العادى (بعض العربيات )
                استبن بحالة كويسة .....(ممتاز)
                استبن حالتة اسواء من حالات الكاوتش اللى متركب فى العربية ......( سىء)
                حالة الموتور :
                تعالا قدام الكابوت ..افتحة ..
                1-
                اللون والشكل
                ملاحظة لون داخل الموتور (حوض الموتور) نفس لون العربية ولا لآ
                -
                نفسلون و درجة العربية ...(ممتاز)
                -
                اقل من درجة لون العربية (فى اللمعان )....(جيد)
                -
                متبهدل كتير عن العربية ...(سىء)
                2-
                الحالة العامة
                ملاحظةالاركان الجانبية فوق و تحت -الوصلات -عدم وجود اى اثار نشع زيت فوق و تحت -
                مستوى السوائل فى مختلف العلب -عدم وجود اى اثار لحامات او شروخ او تغطيات -البطارية عليها شحم او املاح (بيضاء) - السيور ناعمة و مش ناشفة ولا مشققة -عناصرتركيب الفوانيس من ورا ثابتة و مش مفكوكة قبل كدة -علبة الريداتير مش مصدية -وشالموتور (السدر) من الناحية المتصلة بالكابينة العزل فيها ماسك نفسة و مش واقع ومفيش اجزاء مصدية الاجزاء فوق العجل(العلب) مفيش فيها لحامات ولونها ذى الباقى -الخط العرضى اعلى حوض الموتور مستوى و افقى
                اطلب من البائع يدور العربية و انت واقفقدام الموتور ولاحظ الاتى
                -فى صوت قفشة فى التدوير ولا دارت بنعومة
                -
                صوت الموتور نغمةواحدة ولا فيها تقطيعة او ذبذبة
                -
                فى صوت ورة او صفارة صغيرة
                -
                اطلب منة يزودبنزين و شوف .. الصوت بيعلى على وتيرة واحدة ولا بيقطع و فى اصوات تانية دخات فىالموضوع
                ابعد عن العربية فى اتجاة عمودى ...وشوف فى اى دخان او بخار طالع مهماكان مش ملحوظ فى زغلله و (ظاهرة السراب) يعنى حرارة طالعة اعلى الموتور ولالأ
                ارجع تانى للعربية ..شامم اى ريحة
                شوف مروحة الرياتير اشتغلت ولا لسة
                حط ايدك على الريداتير ... تستحمل تحط ايدك ثانية واحدة ولا بقى سخن و مولعجداً
                اطلب من صاحب العربية يلف الدركسيون للآخر مرة يمين ومرة شمال
                -ما سمعتش اى صوت و انت واقف فوق الموتور ...(ممتاز)
                -
                سمعت صوتطقطقة او صفارة خفيفة اوى ........(سىء)
                ارجع ورا العربية و حط ايدك قدام فتحةالشكمان
                سد بأيدك فتحة الشكمان لمدة ثانية واحدة ..لقيت ممانعة و قوةبتبعد ايدك جامد يبقى...( ممتاز)
                ....
                شيل ايدك و بص فيها
                ايدك نضيفة ومعلهاش اى حاجة ..(ممتاز)
                مفيش اى حاجة بس فى اى حاجة ولو بسيطة بتطلع منالشكمان سواء (مياة -رزاز-نقط سوداء -دخان بسيط) .....(غير جيد)
                فى اى اثار لنقطسوداء على ايدك ...(سىء)
                ادخل جوة العربية تانى
                لاحظ الاتى
                1-
                لف الدركسيون... ذى ما كنت واقف امام العربيةفاكر (اى تقطيع فى اللفة -تكات -صوت-)..(سىء)
                2-
                جرب الزجاج الكهربا فوق و تحتالاربعة
                3-
                بص على مؤشر الحرارة
                ثابت فى النص...(ممتاز)
                بيشاور عقلةلقدام (سىء)
                4-
                بص على لوحة العدادات
                ال RPM مفروض يبقى بين 800 و 900 فىالطبيعى
                5-
                شغل التكييف على البارد على اقصى درجة
                ال Rpm هايعلى سنة لفوق ..دة كويس ...حط ايدك على فتحات التكييف ..بتطلع هواء بارد جداً و مستمر لفترةدقيقة لديقتين يبقى كويس
                -
                ال RPm و التكييف شغال ثابت .....(ممتاز)
                -
                ال RPm بيترعش و يطلع و ينزل .....(سىء)
                5-
                شامم اى ريحة حاسس بأى صوت خفيف ...مفيش .. يبقى تمام
                6-
                اطفى التكييف و خليك قافل الزجاج 3 او 5 ثوانى
                -
                درجة الحرارةما رحتش بسرعة ....(ممتاز)
                -
                درجة فرقت وراحت بسرعة ....(سىء)
                ------------------------------------------------------
                لحظة اتخاذ القرار
                جمع كلالنقاط السلبية و سيبك من اى عناصر ايجابية
                لقيت عددها قليل ودرجة اهميتهابسيطة ....(يبقى هاتشترى العربية دى )
                لقيت عددها مساوى او اكتر و درجة اهميتهاعالية ....(يبقى سيبك من العربية دى )
                افتح الباب و انت نازل من العربية واخد قرارك أة ولا لأ (مهما حصلبعد كدة مايفرقش معاك)
                ------------------------------------------------------
                انزل و اتكلم مع البائع فى تمن العربية و فاصل و اذكر كل مدة احدىالسلبيات اللى جمعتها فى دماغك (مش مرة واحدة) وحاول توصل معاة لآحسن سعر ممكن (بدون غتاتة طبعاً)
                برجاء القراءة باهتمام
                [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                [/COLOR][/SIZE]

                Comment


                • السلام عليكم
                  ازاي اعرف ان العربيه 85 s او 100s
                  علما بان عربيتي موديل 85 و ماتورها 1600

                  Comment


                  • استاذ عمرو .. كلامك مظبوط علمياّ
                    لكن لو بصينا ع السوق على ارض الواقع الموضوع مختلف شوية صغيرة
                    هو ممكن يقدر العربية تقدير شخصي .. لكن انة يقول لصاحب العربية دي بكذا هشيل كذا
                    هيقولة شكراّ شوف غيرها .. والفحص بالشكل دة صعب على حد جديد ف مجال السيارات
                    اللى بيحصل ف السوق انى ببص ع العربية واقيمها تقييم شخصي واقولة انا هدفع كذا ف العربية دي
                    هيقولي اة او لاء .. وغالبا هتبقى لاء .. مش هيعطيك فرصة تكسر ف حاجة هيشوف زبون غيرة
                    اهم مواضيعى عن الريجاتا : بداخل عضويتى
                    عدنا بكل قوة للرابطة .. م / Hussein
                    مبرمج ومالك لشركة برمجيات وتصميم مواقع الانترنت

                    Comment


                    • المشاركة الأصلية كتبت بواسطة hoda3010 مشاهدة المشاركة
                      السلام عليكم ورحمة الله وبركاته
                      ازي حضرتك يا باشمهندس حسين ابشر حضرتك وجميع اعضاء الرابطة الكرام اني لقيت حل لمشكلة العوامة وهي كالاتي
                      1 : اشتريت العوامة التركي ام اخرام مكان المسامير ب 50 جنيه .
                      2 : اشتريت جوان مدور سميك ب 10 جنيه .
                      3 : اشتريت عدد 6 مسمار بصمولة وربطت الجوان في العوامة مكان فتحات المسامير بتاعتها .
                      4 : كسرت المكبس اللي في العوامة لانه كانه بيخبط في التانك ويعلق الذراع .
                      5 : ركبت العوامة مكانها وقفلتها بالغطاء الدوار .
                      6 : وصلت الاسلاك بتاعتها .
                      العوامة ما اشتغلتش ولا نصف ملي .
                      رحت لكهربائي اندهش من التعديل اللي انا عملته علي العوامة وقالي ده اختراع لاصحاب الريجاتا انا فيه ناس كتير بتيجي علشان تصلح العوامة بقولهم ما تنفعش وشكرني علي الفكرة واتضح اني كنت موصل الاسلاك غلط عدلها في مكانها الصحيح والحمد لله اشتغلت بس كان منبهر لان العوامة اتضح انها بتاعة عربية 128 وخد 15 جنيه ولا الحوجة للصنايعية وافتكاساتهم اقرب حاجة عندهم ( ما ينفعش ) الحمد لله علي نعمة العقل
                      أنا مش فاهم موضوع المكبس ده
                      [SIZE=5][marq="2;right;2;scroll"]الحمد لله[/marq]


                      [/SIZE]

                      Comment


                      • المشاركة الأصلية كتبت بواسطة nicegypt مشاهدة المشاركة
                        استاذ عمرو .. كلامك مظبوط علمياّ
                        لكن لو بصينا ع السوق على ارض الواقع الموضوع مختلف شوية صغيرة
                        هو ممكن يقدر العربية تقدير شخصي .. لكن انة يقول لصاحب العربية دي بكذا هشيل كذا
                        هيقولة شكراّ شوف غيرها .. والفحص بالشكل دة صعب على حد جديد ف مجال السيارات
                        اللى بيحصل ف السوق انى ببص ع العربية واقيمها تقييم شخصي واقولة انا هدفع كذا ف العربية دي
                        هيقولي اة او لاء .. وغالبا هتبقى لاء .. مش هيعطيك فرصة تكسر ف حاجة هيشوف زبون غيرة
                        اخى وحبيبى حسين
                        اتعلمت منك الكثير والكثير ولك وجهه نظر بحترمها
                        اولا انا لا انصح احدا ان يشترى من السوق لانه غير مضمون ده اولا وثانيا مثلما قلت حضرتك عايز تأخذ قرار وقتى ممكن تصيب فى قرارك ولكن الخطا بيكلف اكثر
                        دائما انصح اللى عايز يشترى اما من احد اصدقائه او اقرباؤه او يبحث على النت
                        فى كلتا الحالات ان بتذهب وبتعاين وبتفحص السيارة عند صاحبها كنظره مبدئية وبالطبع سوف يكون عندك قراءه جيده عن معاينه وفحص السيارة المبدئى ووضع جميع ملاحظاتك عن السيارة لمنقاشتها مع اصدقائك الذى لهم درايه كاملة بالسيارات ليعطوك خبرتهم فى تلك السيارة
                        لانه مش كل مره هروح اعين سيارة هأخذ معى ميكانيكى او سمكرى سواء اشتريت او لم اشترى اكيد هارضيهم
                        ومثلما تعلمنا من حضرتك مفروض اللى بيدور على سيارة معينه يجب علية قبل الشراء البحث عن كل شىء متعلق بالسيارة سواء من حيث القوه والمتانه واسعار قطع غيارها ومزاياها وعيوبها وسعرها فى السوق
                        بالنسبه لى ان تعلمت كده قبل القدوم على شراء الريجاتا لانها فى متناول مافى يدى وتستحمل طرق منطقتى
                        وقبل وبعد كل ذلك يجب ان يكون الانسان منا لا يظلم احد ولا يأخذ شىء ليس من حقه حتى لا يعاقبه الله فى ماله وهذا المال ممكن يشترى سيارة فى الضياع فلا يحاسب نفسه ايه النحس اللى انا فيه اشترى سيارة فيها كل البلاوى ده ولا خير فى ميكانيكى ولا سمكرى الكل اشتغلنى
                        ونسى ظلمه للاخر واخذه حق ليس له
                        لكن اذا حاسبت نفسك اول بأول فذلك يكون ابتلاء من الله ليعرفك اتشكره ام تمقت حالك
                        واخيرا وليس اخيرا
                        ان بحب دائما ان اشاهدك من خلال موضوعاتك التى نتعلم منها ولم تبخل علينا يوما ما
                        مع تحياتى
                        اخيك عمرو
                        [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                        [/COLOR][/SIZE]

                        Comment


                        • السلام عليكم
                          ازاي اعرف ان العربيه 85 s او 100s
                          علما بان عربيتي موديل 85 و ماتورها 1600

                          Comment


                          • السلام عليكم
                            ازاي ممكن اعرف الماتور كامه واحده او 2 كامه

                            Comment


                            • السلام عليكم انا من اكبر معجبين الصفحه ديه بس لسه مشترك جديد معاكم لانى لسه منضم لمحبى الريجاتا من النهارده لو سمحتوا كنت عايز اعرف موتور 1600 2 كاما ايه مميزاته و عيوبه و مدى توافر قطع غياره

                              Comment


                              • المشاركة الأصلية كتبت بواسطة mhk200081 مشاهدة المشاركة
                                السلام عليكم
                                ازاي ممكن اعرف الماتور كامه واحده او 2 كامه

                                وعليكم السلام .. فك الفبرة الصفرا هتلاقي الشكل دة يبقى 2 كامة :





                                الموتور الـ 2 كامة ممتاز ف السحب لكن استهلاك البنزين الضعف تقريباّ
                                الواحد كامة ابسط ف المكونات واقل
                                اهم مواضيعى عن الريجاتا : بداخل عضويتى
                                عدنا بكل قوة للرابطة .. م / Hussein
                                مبرمج ومالك لشركة برمجيات وتصميم مواقع الانترنت

                                Comment

                                Working...
                                X