إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة nicegypt مشاهدة المشاركة
    خلينا ناخد نقطة نقطة ... اولا : الدبرياج : اكيد اللى ركب لك سلك دبرياج حملة ع الاخر ودة خطأ لانة بيقرب عمر الاسطوانة
    فعموما دى امرها سهل وهى انك تخلي اي ميكانيكى يخف سلك الدبرياج شوية من الصامولة بتاعتة وهتلاقية خفيف معاك ودى مش محتاجة خبرة . وخلية يتأكد من سلامة الاسطوانة والبلية والديسك الميكانيكى هيعرفهم بخبرتة بدون فك لما يمشى بالعربية

    النقطة التانية : موضوع لمبة البطارية .. هى ملهاش علاقة بالدبرياج بس عموما عدى على كهربائى خلية يبص على الديـنمو
    ويطمن على سلامة البطارية ويتأكد ان الشحن كويس وسليم . طالما كدة كدة هتاخدها لميكانيكى يبقى بعد متخلص عدى ع الكهربائى . وهيظبط لك موضوع اللمبة .. وخلي بالك لمبة البطارية من الحاجات اللى مش محتاجة تجاهل ابدا يعنى متتأخرش عليها واعملها علشان تنساها . وخلى الميكانيكى يرفع لك السلانسية ثـنة .. لو بترعش بس ع السلانسية تمام ؟

    النقطة التالتة : طقم الشنبر انا جبتة بـ 100 ج
    طاقم شنبر برازيلى+ الفرش بتاعة = 100 ج من عند " مجدى رامزي " ش ذكى فى التوفيقية روح هناك واسأل على ملك الشنابر ... وبلاش تشتري من الجيزة " ام المصريين " لو حضرتك من القاهرة لانهم بيبعو هناك بضعف السعر

    الكبالن والجلب وخلافة : حضرتك ادخل على الموضوع دة كنت عملة فية كل قطع الغيار الخاصة بالريجاتا بأسعارها بأماكنها
    واقل اسعار ليها ولو عايز تعرف اسعار الصيني .
    http://www.nilemotors.net/nile/181288-a.html
    الله ينور عليك يا أ. حسين
    لو جابو مؤسس شركة فيات مش هيعرف يقول الكلام ده
    [CENTER][FONT=Comic Sans MS]


    [/FONT][/CENTER]

    Comment


    • المشاركة الأصلية كتبت بواسطة mahmoodallam مشاهدة المشاركة
      الله ينور عليك يا أ. حسين
      لو جابو مؤسس شركة فيات مش هيعرف يقول الكلام ده
      الله يكرم حضرتك استاذ " محمود " من بعض ما عندكم استاذى :)
      بس مش لدرجة مؤسس شركة فيات كبيرة قوي عليا ..
      طالما كلنا خضنا التجارب دى وعديت علينا الالاف المرات ووصلنا لحل لها
      يبقى واجب علينا نقولها ونوصلها صح للناس .. على الاقل علشان ميتعبوش زينا .. موضوع لمبة البطارية دي عانيت منة
      اول مجبت العربية وزقتها كتير لما ايدي ورمت وبقت خبرة ف الزق . ووقتها شافها 3 كهربائية وكلة يقول تمام !
      واتضح ان المشكلة عندى كانت ف سيلكونات الدينمو بتعلق .. الكهربائى يقيس الشحن يلاقية تمام يقولي مهو مظبوط اهو
      اخرج بالعربية مشوار السيلكونات تسخن والدينمو يقطع .. وهكذا لحد مريحت دماغي وجبت دينمو استيراد ألمانى
      والحمد لله زي الفل من وقتها .. حتى المشاكل اللى قبلتنى كانت متعفرتة ومش واضحة . هدف المنتدى
      وهدف الرابطة عموما هو ايصال المعلومة بشكل ميسر وسهل وبدون تعب وخوض تجارب مرينا بيها . لك كل الشكر والاحترام على حضورك وردك استاذ محمود
      اهم مواضيعى عن الريجاتا : بداخل عضويتى
      عدنا بكل قوة للرابطة .. م / Hussein
      مبرمج ومالك لشركة برمجيات وتصميم مواقع الانترنت

      Comment


      • عناوين وتليفونات محلات قطع غيار الماركة الشهيرة فى مصر فيات

        الكيلانى
        فى 21ش شامبليون - معروف
        25799069
        25758439
        0123316961

        ا
        لمصرية التركية شوكت
        فى 3شارع الوادى من جعفر الصادق الحى السابع مدينة نصر
        22626841
        22604519

        فى 52أ شارع محمد فريد - عابدين
        27942940
        27956958
        فى 13 ش التوفيقية - سنتر السرساوى
        25759662


        انترناشوينال اوتوبارتس كومبانى
        متخصصين ووكلاء لقطع غيار السيارات الايطالية عامة
        فى 11ش معهد ناصر - الساحل - شبرا
        24315194
        22046646


        خلفاء على العسال مستورد قطع غيار فيات
        فى 107ش رمسيس وسط البلد
        25754128
        0123496344


        شلبى غالب42 ش د البطراوى من عباس العقاد مدينة نصر
        24016087
        24028792


        فيات 2000
        فى 12ش زكى التوفيقية
        25787533


        ميدو شبرا
        فى 77ش رمسيس اول التوفيقية
        25774453
        25789203

        ا
        خوان الدقاق
        فى 5ش زكى - التوفيقية
        25755336

        فيات 2000
        107 ش رمسيس
        وسط البلد, القاهرة
        التليفون:25751539,25792302

        فيات سنتر
        59 ش على عبد اللطيف, عابدين, القاهرة
        التليفون: 27958771


        ميكانيكال فيات
        14 ِش التوفيقية , وسط البلد, القاهرة
        التليفون:25795972


        شركة الفتح
        سوق التوفيقية
        التليفون:25757682


        منقول للافاده + بعض تعديلات واضافات من عندى

        Comment


        • السلام عليكم ورحمه الله وبركاته
          مشكلة حصلت لى فى سيارتى القديمة سلك الدبرياش اتقطع والحمد لله كان بالقرب من منزلى واشتريت غيرة وركبه ميكانيكى واشتغلنى
          لما عرف صديق لى معه فيات 128 قالى انا بركبه بنفسى وبسمع دائما من بعض اصدقلء بيقولوا يجب ان يكون معك سلك دبرياش احتياطى
          سؤالى الان هل حد من الاعضاء الريجاتا ركب سلك دبرياش بنفسه ام لا
          لو تركيبه سهل اجيب سلك احتياطى معايا خوفا انه ينقطع فى مكان بعيد ومعرفش اتصرف
          شكرا للمتابعه
          [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
          [/COLOR][/SIZE]

          Comment


          • بعد اذن الاستاذ nicegypt

            المشاركة الأصلية كتبت بواسطة nicegypt مشاهدة المشاركة
            اللى حصل يا سادة ان الكربراتير القديم رحت صلحتة اكتر من مرة سواء عند ميكانيكى او عند متخصص كربراتير واتظبط وزي الفل واصبح فية عيب انة بياكل بنزين بشكل مبالغ فية الصفيحة بتعمل 100 ك بالعافية بنزين تــسعين ! .. لتر البنزين الواحد بيعمل 5 ك بدون حرق . فطبعا مبالغ فية ودة الاستهلاك بعد الاصلاح .. المهم قلت اجيب جديد كعادتى معها ومع كل قطع غيارها جديدة زيرو حتى الورق او السوست ومساعدين وخلافة .. شجعنى الميكانيكى فعلا على الجديد .. نزلت وملقتش الكربراتير الجديد والبائع قالى بكرة ..
            فى اليوم التالى ذهبت لمحل قطع الغيار محمد يوسف اللى ف الدقي وكعادة اي بائع الكلام الحلو فى اقناعى ان الكربراتير الصينى زى الفل وخدة على ضمانتة .. طيب والايطالى ؟ قالى مفيش ومش هنزلة تانى لان سعرة 1500 ج ومحدش بياخدة .. المهم اخدت الكربراتير جديد بـ 700 ج سألتة على فاتورة قالى مفيش ! وانا من امتى بعطيك فاتورة ؟ لان مفيش ورق فواتير .. طبعا زية زى اي بائع قطع غيار .. طيب فية ضمان ؟ لاء مفيش طالما ركب ف العربية قبل ميركب خلي الميكانيكى يبص علية ويفحصة كويس لو لقى اي حاجة بتاعتى وهرجعهولك انما يركب لاء .
            طبعا كنت اتأخرت على الميكانيكى اللى بيقفل بدري جداَ بعد اذان العشاء ! . ركبنا الكربراتير ومحدش كان عارف الاسلاك دى بتاعة اية وحصل كالعادة اطار كوميدي ومن عادتى الهزار والتريقة على اللى مش فاهم قرأت المكتوب وعرفنا وركبنا وخلصنا .. بعد كدة ظهرت لنا مشكلة جديدة وهى ان العمة متركبش على الكربراتير الجديد ! لانة 4 مسمار والتانى 3 بس .. اخدت العربية وطرت على السمكري خليتة ظبط العمة وعمل لها ثقب رابع لمسمار جديد .. بعد كدة رجعت لة تانى علشان نركب .. ولاحظت ان اول مركبنا الكربراتير السلانسية بيعلق .. ولما خرجت بعد تركيبة مباشرة وذهبت للسمكري صادفت زحمة اضطرتنى للوقوف لقيت السلانسية بطل ! .. رجعت قلت للميكانيكى قالى عادى لسة الكربراتير بياخد ع العربية ! ال يعنى بيتعرفو على بعض .. ناقص اجيبلهم شمسية و2 عصير
            بعد مخلصنا ركنتها وتانى يوم رحت مشوار طويل ما يقرب من 300 ك ولحظى السيئ ان البلد يومها كانت زحمة رهيبة سواء دائري او طريق سريع ولجان ورادرات والدنيا واقفة .. واذ اجد وانا طالع من اشارة صوت ماتور عالى ركنت على الفور فكيت العمة لقيت باب السرعة معلق رجعتة وكملت مشواري شوية ويحصل نفس النظام شغلانة بقى بعد كدة السلانسية قطع مع نفسة .. وشوية فية سلانسية وشوية لاء .. طيب كدة بدءنا ندخل ف مشاكل جامدة وانا راجع العربية بقت بـتـنـتش كأن مفهاش بنزين بس شغالة عادى .. تعبتنى ف المشوار دة لحد مروحت
            تانى يوم رجت ادوار العربية الاقى غياب ف الدوارة رهيب !! الكربراتير القديم مكنش كدة !
            احضر لة واطب طب علية يدور ويبطل .. وبعد معاناه دارت مع فووووووو .. يعنى الماتور عالى على اخرة والاكسلتير
            مش معلق بس كأنك دايس بنزين ع الاخر .. شلت العمة تانى قلت جايز سلك الشفاط معلق او الاكسلتير
            كلة سليم وزى الفل .. مشيت بيها بالطريقة الغبية دى كل مرفع رجلي ثنة صغيرة بس من على الدبرياج
            الكاوتش يصرخ ف الارض وتجري بسرعة صاروخية .. تجميع سرعة رهيب ومبالغ فية .. وصلت للميكانيكى فك بك السلانسية وتم توصيلة بالكهربا دايركت لقيناه بيعلق فعلا شوية شغال وعشرة لاء .. اخدت القطعة دى وطرت على محمد يوسف ... قلت لة اللى حصل .. قالى العربية فين ؟ قلت لة اجيبها لك دى فى " بين السرايات " يعنى خمس دقايق اكون عندك اجيبها ؟ قالى ماشى هاتها نبص عليها وهنشوف اللى نقدر نعملة انما نرجعكربراتير لالالالالالالالاء ..
            قلت لة اجيبها وربنا يسهل .. طرت اخدتها ورجعت لهم .. الاقى المحل مــغــلق !!!
            اتصل محدش يرد !!! لية كدة بقى ؟؟؟ الحركة دى بهدلتنى جامد جدا جدا فوق ما يتخيل بشر
            دخلت فى دوامة سخونة ماتور وزق وبطارية نامت وطلبت توصيلة للبطارية من صديق
            عمل لى توصيلة خطأ حط الناقص مكان الزائد وطبعا شرز والمارش طار .. وهلم جرا ... !

            اتصلت بيوسف وشرحت لة الموقف قالى تعالى على فرع الملك فيصل هنشوف المشكلة .. اصبح المشكلة الموجودة تنحصر فى التالى :
            1 - اكسلتير معلق على الاخر والباب نفسة مش معلق .. يعنى كأنك ضاغط بنزين ع الاخر
            العربية بطير منك + سخونة ماتور وصلت لـ 110 درجة لانى لما بقف فى اشارة الماتور بيكون عالى فبيسخن جداَ يعنى تخيل انك واقف فى اشارة ورجلك على البنزين ع الاخر طبعا الماتور بيسخن
            2 - مفيش سلانسية .. تقف شوية تلاقى الماتور بطل بمزاجة يأما السلانسية شغال بمزاجة وطبعا زق !
            3 - البطارية خلصت من كتر تشغيل المارش طبعا لان مفيش سلانسية
            4 - سخونة فى الماتور ناتجة عن باب السرعة المعلق
            5 - ضعف فى الفرامل مع سرعة رهيبة ناتج عن عدم انتظام هواء الماتور اللى بيضغط على السرفو
            6 - المارش اتحرق فيما بعد بسبب توصيلة فى الطريق وانا رايح لهم

            يعنى لا معاك مارش ولا بطارية ولا سلانسية ولا فرامل واكسلتير معلق وسرعة عالية وسخونة ماتور شديدة ملقتش قدامى غير اركنها على كدة وافك القطعة واروح لهم .. الاول دورت على ميكانكية واتعزز عليا اكتر من واحد .. سيبتهم وركبت على الفرع التانى .. اول حاجة طلبوها هات 100 ج .. نعم لية ؟
            حق البك دة .. طبعا لاء اتكلمت معاهم بكل احترام وفهمتهم الموقف واتصلت بيوسف وقلت لة قولهم
            انا مش هدفع حاجة انا جايب حاجة جديدة عطلانة وكمان ادفع .. بعد شد وجذب الراجل تفضل مشكوراَ
            بالاتصال بيهم وبلغهم يدهوها لى .. بعد ما اخدتها لقيت القطعة مختلفة تماما عن بتاعتى .. يا جماعة مش دى محدش صدق بس اعطيها لميكانيكى فاهم وهو يتصرف على اساس انى كفتجي .. اخدتها ومشيت رجعت للعربية وفكيت القديمة واتأكد ان مش هية .. اتصلت بية قالى دور على محل فلان خد منة القطعة دى ركبها وبكرة تعالى قلت لة دة قريب منى قالى ايوة 100 متر ولا 200 متر ! تخيلو بقا مشيت من شارع العشرين فيصل لحد بعد محطة حسن محمد فية محطة بعدها على طول بعد البنك مش فاكر اسمها لما رجلي ورمت وف النهاية مش عندة طبعا ماشى بسأل الناس اللى يقول معرفش واللى يقولي قدام شوية يعنى بعيد ؟ يقولك مش فاكر بس هو هنا على نفس الصف .. زقيت العربية للمرة المليون ودورتها وبقيت بتجري من نفسها بسرعة عالية وطبعا غرز لان لو وقفت مش هدور غير الماتور اللى بيسخن واللى عايز اندفاع هوا شديد علشان يبرد ويكمل معايا وينزل عن الـ 90 .. رجعتها البيت بفضل الله وصادفت شباب هيفة واحد راكب فـيرنا فكرنى بشد .. بيقولي براحة على نفسك يا كابتن .. وبيطلب يشد فهمتة انها عطلانة وانى مش بشد ولا حياة لمن تنادى .. المهم .. تانى يوم الصبح فكيت الكربراتير ودمى محروق وجريت ع محمد يوسف قلت لة على البهدلة اللى شوفتها وانة قفل ودة مش كويس قالى انة كان فاكر انى هاجى بكرة !! وبيقولي انى مأكدتش انى هاجى انهاردة .. يا سلام .. ما علينا كنت نسيت البك رجعت جبتة وركبتة ونضفتة
            ورحت لة تانى بالعلبة وكلة ولقيت ان الادب مش نافع .. اثناء الكلام دة كان فية راجل كبير واقف ومستمع بشدة وبيسألنى فكرتة من الناس اللى بتحب القصص والحواديت وبقيت مش مهتم بية ومش برد علية .. ببص على العلبة اللى معة لقيتها كربراتير .. سألتة دة لعربية اية ؟؟ قالى اخت بتاعتك !! ريجاتا مكيفة !! نعم !! نفس الكربراتير الصيني اللعين !!! الراجل حصل عندة تلفيات رهيبة العربية ضاعت من قدام على حسب كلامة معرفش يتحكم فى العربية
            بسبب السرعة العالية لما علق باب السرعة والفرامل الضعيفة حصل تصادم امامى راح فية سربتنية وريداتير ومروحة وفوانيس كاملة ومحتاج زرجينة طبعا مش محتاجة كلام وقنطرة وهلم جرة ! والراجل كل دة منتظرنى اخلص اخدتة من ايدة وقلت لة الوضع كذا كذا طلعنا على حماية المستهلك عملنا تقرير واخدو الكربراتير الاتنين دخلو بيهم جوة وطلعو تانى مش عارف عملو فيهم اية تقريبا عندهم ريجاتا ركنينها تحت الكرسى .. المهم قالو هنشوف الموضوع وهنتصل بيكم ! وطلبو انهم يروحو يشوفو عربية الراجل .. وطلبو يشوفو عربيتى .. قلت لهم انى الحمد لله فضل
            من عند ربنا وحدة السيارة مش محتاجة تقرير لان مفهاش حاجة .. الناس فى حماية المستهلك زي الفل يا جماعة وبيقومو بواجبهم وؤاكد على ذلك .. ورجــاء شديد يا جماعة اللى عندة اي حاجة عطلت منة اياَ كانت يبلغ حماية المستهلك مش هتخسر حاجة مش هيعطلوك وفعلا ناس شغالة صح .. المهم طلبت منة نطلع ع القسم نعمل محضر الراجل اعترض وقال كفاية حماية المستهلك اصريت على كدة ورحنا وعملنا محضر وقبل ميقفلة طلب اننا نمضى احنا الاتنين وعرفت انة كتبة بـ بلاغ واحد .. لا يا استاذى انا عايز بلاغين مختلفين .. اشمعنى يعنى ؟؟ لانى عايز يكون
            فية بلاغين للاسباب طبعا يطول شرحها .. المهم عملت بعض الاتصالات وكلها قالت الافضل اروح اعمل فى مكان تانى اخدت الراجل ورحت وقلت لة متجبش سيرة مشكلتك وخليك شاهد بس وقول اللى حصل معاك بالظبط بس كأنك معايا
            ودى مفهاش اي مشكلة .. خلصنا المحضر وبلغت حقوق المستهلك بأنى عملت بلاغين
            رحت رجعت الكربراتير واخدت فلوسى والحمد لله وروحت البيت ركبت الكربراتير الاستيراد اللى كنت رامية ف الشنطة والكربراتير القديم كان عند الميكانيكى .. لقيت الميكانيكى جاي بيفتح الكابوت وشوية بيقول بسم الله الرحمن الرحيم الكربراتير فين !
            قلت لة الكربراتير رجع واخدت فلوسى وركبت الاستيراد ودورت العربية ومشيت وركنت وهطلع انام !

            اعتذر ان كنت طولت عليكم حبيت اعرفكم بالتفاصيل وباللى حصل وان المشكلة واحدة معايا ومع الراجل
            ايـاكم والكربراتير الصيني اللعين ! .. وربنا يستر طريقكم كلكم اللهم امين

            Comment


            • المشاركة الأصلية كتبت بواسطة amro1965 مشاهدة المشاركة
              السلام عليكم ورحمه الله وبركاته
              مشكلة حصلت لى فى سيارتى القديمة سلك الدبرياش اتقطع والحمد لله كان بالقرب من منزلى واشتريت غيرة وركبه ميكانيكى واشتغلنى
              لما عرف صديق لى معه فيات 128 قالى انا بركبه بنفسى وبسمع دائما من بعض اصدقلء بيقولوا يجب ان يكون معك سلك دبرياش احتياطى
              سؤالى الان هل حد من الاعضاء الريجاتا ركب سلك دبرياش بنفسه ام لا
              لو تركيبه سهل اجيب سلك احتياطى معايا خوفا انه ينقطع فى مكان بعيد ومعرفش اتصرف
              شكرا للمتابعه
              انا ما غيرتش سلك الدبرياش بايدي قبل كدا لكن تركيبه سهل
              لو شفت الميكانيكي مرة واحدة هتفهمها
              ولكن سلك الدبرياش عمره ما هيتقطع فجاة لازم قبلها تحس ان الدبرياش تقيل وتسمع أصوات صوصوة كتاكيت زي ما بيقولو كل لما تيجي تدوس دبرياش
              وساعتها انت ما تستناش لحاد اما يتقطع السلك بيك ؟
              وبعدين السلك ده مش غالي
              يعني ما فيش داعي حد يجيب لنفسه عطلة و مشاكل علشان سلك ب20 جنيه بالعافية .
              وفي النهاية ده كله مش معناه انك مات تشلش قطع غيار احتياط معاك
              [CENTER][FONT=Comic Sans MS]


              [/FONT][/CENTER]

              Comment


              • انا مبسوط قوى برابطه الريجاتا الى فيها كل حاجه عن العربيه ....

                ياريت ياجماعه لو حد عنده تابلوه ريجاتا قديم . بمعنى انه غير التابلوه بتاعه وجاب تابلوه جديد فاكيد القديم عنده .

                انا كنت عايز فتحتين التكييف الى فى النصف وزراير التكييف الى فى النصف برضه...
                وهاخدهم منه بسعر كويس قوى
                انا عندى التابلوه كويس بس زراير التكييف بايظه والفتحتين الى فالنص مش موجودين .


                وبالنسبه للعضو الى جاب مساعدين خلفى استيراد لو مش عايزهم و حالتهم حلوه ممكن اخدهم منه ويظبطتنى فى السعر .
                [CENTER][COLOR=blue]لا اله الا الله محمد رسول الله[/COLOR]
                [COLOR=blue]B[COLOR=black]lack[/COLOR] H[/COLOR][COLOR=black]awk [/COLOR]
                [/CENTER]
                [CENTER] [URL="http://www.soft4islam.com"][sor2]http://www.soft4islam.com/22/bag_images/banner.png[/sor2][/URL][/CENTER]

                Comment


                • ايه يا جماعة الرابطة اتحسدت ولا ايه ؟فين الاعضاء وفين النشاط اكيد الشتا عامل عمايله /مش عاوزين كسل وانا هبدأ بسؤال يخرجنا من البيات الشتوى دا/ عاوز احافظ على التبلوه من الشمس ومن التشققات و انا شوفت ناس كتير حاطين فارّو ولكن منظرو وحش فهل فى حاجة بديلة ومنتظر اراءكم
                  [SIZE=3][B]ان [U]الله[/U] لا يضيع اجر من احسن عملا[/B][/SIZE]

                  Comment


                  • المشاركة الأصلية كتبت بواسطة alsharkawy مشاهدة المشاركة
                    ايه يا جماعة الرابطة اتحسدت ولا ايه ؟فين الاعضاء وفين النشاط اكيد الشتا عامل عمايله /مش عاوزين كسل وانا هبدأ بسؤال يخرجنا من البيات الشتوى دا/ عاوز احافظ على التبلوه من الشمس ومن التشققات و انا شوفت ناس كتير حاطين فارّو ولكن منظرو وحش فهل فى حاجة بديلة ومنتظر اراءكم
                    فية اسبراي ملمع للتابلوة موجود لدى اي محل اكسسوارات استخدمت واحد روعة بيخلي التابلوة يبرق ويقعد فترة طويلة لامع
                    وبيعطى لة رائحة رائعة .. انما موضوع المحافظة علية من التشققات فلا اعتقد طالما السيارة مركونة ف الشمس لازم تعرض
                    لذلك .. رغم ان الاسبراي مكتوب علية انة بيحمي من الشمس الا انى مش مصدقة .. وممكن دهان طبقة خفيفة من الفازلين
                    هيحافظ علية بنسبة ضئيلة من الشمس . انا حاطط الفرو دة عندى وشكلي هنزل اشيلة فعلا منظرة مش لطيف
                    بس المشكلة عندى ان التابلوة بيعكس اشعة الشمس على الزجاج الامامى فبيعق عملية الرؤية فى اليوم المشمس .
                    يعنى عايز اعمل العكس .. بطلت استخدم الاسبراي بسبب الموضوع دة .. تحياتى لك لخروج الرابطة من البيات الشتوي :)
                    اهم مواضيعى عن الريجاتا : بداخل عضويتى
                    عدنا بكل قوة للرابطة .. م / Hussein
                    مبرمج ومالك لشركة برمجيات وتصميم مواقع الانترنت

                    Comment


                    • بالنسبه للشمس فى الركنه استخدم شماسه تحطها على الزجاج الامامى كده هتحافظ على التابلوه من الشمس اثناء الركنه ....

                      حد ياجماعه لقى حل لفرامل الريجاتا ؟؟؟؟؟؟
                      انا لسه مغير طنابير امامى وتيل امامى وخلفى والعربيه فراملها غريبه لازم تدوس على الاخر وهى ناشفه اصلا هلشان تعرف توقفها تسحس انك بتوقف تريله او اتوبيس !!!!!!!
                      [CENTER][COLOR=blue]لا اله الا الله محمد رسول الله[/COLOR]
                      [COLOR=blue]B[COLOR=black]lack[/COLOR] H[/COLOR][COLOR=black]awk [/COLOR]
                      [/CENTER]
                      [CENTER] [URL="http://www.soft4islam.com"][sor2]http://www.soft4islam.com/22/bag_images/banner.png[/sor2][/URL][/CENTER]

                      Comment


                      • المشاركة الأصلية كتبت بواسطة mig44n مشاهدة المشاركة
                        بالنسبه للشمس فى الركنه استخدم شماسه تحطها على الزجاج الامامى كده هتحافظ على التابلوه من الشمس اثناء الركنه ....

                        حد ياجماعه لقى حل لفرامل الريجاتا ؟؟؟؟؟؟
                        انا لسه مغير طنابير امامى وتيل امامى وخلفى والعربيه فراملها غريبه لازم تدوس على الاخر وهى ناشفه اصلا هلشان تعرف توقفها تسحس انك بتوقف تريله او اتوبيس !!!!!!!
                        اكشف ع السيرفو شوف اخبارة اية
                        علما ان التيل والطنابير بتاخد وقت عبال مطبع
                        متستعجلش عليها لو لسة مركبها .. وباردو اكشف ع دورة الفرامل كلها
                        وبلاش زيت الفرامل ابو علبة صفرا المضروب دة .. فية زيت افضل فى علبة معدن مش متذكر اسمها افضل بكتير
                        واتأكد انها مش واخدة هوا .. واتأكد باردو من خـــــــــرطوم هوا الماتور اللى واصل من الماتور للسيرفو
                        ممكن يكون فية قطع ودة اللى يخلي العربية تقيلة ... كأنك بتفرمل العربية وهى مبطلة مش كدة ؟ لو بتحس بالاحساس دة
                        يبقى غير الخرطوم دة ...والافضل حسب منا جربت ان لما حد يغير تيل والطنابير للعربية مغيرش كلة مع بعضة
                        لانها هتبقى ضعيفة .. الافضل يغير امامى بس مثلا وينتظر لحد ما تطبع ولما يحس ان الفرامل بقى تمام وبقى يمسك فى الامام قبل الخلف
                        يروح يغير الخلفي .. وبعد كدة هيحس بالفرق .. حضرتك لما غيرت اكيد غيرت امامى وخلفي
                        انا بجري فوق ال 120 ع الصحراوي والفرامل الحمد لله كويسة ومغير طنابير وتيل امامى وخلفي ايطالى
                        واخدت وقت عبال مطبعت جرب وطمنا
                        اهم مواضيعى عن الريجاتا : بداخل عضويتى
                        عدنا بكل قوة للرابطة .. م / Hussein
                        مبرمج ومالك لشركة برمجيات وتصميم مواقع الانترنت

                        Comment


                        • شكرا يافندم على المعلومات القيمه دى ...
                          وانا هراجع عليها تانى رغم ان بتاع الفرامل بيقولى كله مظبوط هو فعلا العربيه بتكلبش فى الارض لما تضرب فرامل بس لاوم تدوس قوى كانك بتحارب !!!!!
                          هبقى اعدى عليه واشوف تانى ....
                          مشكوررررررر
                          [CENTER][COLOR=blue]لا اله الا الله محمد رسول الله[/COLOR]
                          [COLOR=blue]B[COLOR=black]lack[/COLOR] H[/COLOR][COLOR=black]awk [/COLOR]
                          [/CENTER]
                          [CENTER] [URL="http://www.soft4islam.com"][sor2]http://www.soft4islam.com/22/bag_images/banner.png[/sor2][/URL][/CENTER]

                          Comment


                          • المشاركة الأصلية كتبت بواسطة mig44n مشاهدة المشاركة
                            شكرا يافندم على المعلومات القيمه دى ...
                            وانا هراجع عليها تانى رغم ان بتاع الفرامل بيقولى كله مظبوط هو فعلا العربيه بتكلبش فى الارض لما تضرب فرامل بس لاوم تدوس قوى كانك بتحارب !!!!!
                            هبقى اعدى عليه واشوف تانى ....
                            مشكوررررررر
                            الشكر لله وحدة .. احنا هنا كلنا اخوة .. تحت امرك فى اي حاجة
                            انت ممكن تراجع الخرطوم اللى واصل ما بين السيرفو والماتور بنفسك بسيطة
                            انما اي حاجة تانية لازم تروح للميكانيكى .. وخلي بالك دى فرامل .. فأياك والتجاهل او التأجيل
                            انا شاكك ان السيرفو مش بياخد كمية هو مناسبة من الماتور ودة السبب اللى بيخليها تقيلة كدة . عدى علية يكشف لك عليها
                            ويطمك .. وتبقى تطمنا بعدها .. فية جملة بقولها للى هيشتغل فرامل فى العربية بلاش اقولها لك لانها بضايقهم قوي :)
                            واشتكى لى الميكانيكى منها :) ما معناها بلاش شغل العك وقلب الزبون فى الفرامل .. بالنسبة لك انت اوعى تقولة او تلمح لة بكدة
                            خليك بس معة بعينك وخلية يطلع يجربها وقولة ان قلقك دة طبيعي لان دى فرامل يعنى حياة بس ... انا بتعامل مع غفر فلهم طريقة زيهم

                            عارف ؟ ممكن باردو يكون التيل عندك القديم والطنابير كانو خلصانين خالص .. ولما ركب الجديد رفع دواسة الفرامل
                            وفى القديم كانت نازلة لتحت قوي ... فانت بتحس انها تقيلة لان الدواسة معاك فوق .. عموماَ .. الفيصل ف الموضوع دة هو الميكانيكى
                            خلية يطلع يجربها بنفسة وقولنا وخلية يفحص خرطوم هوا السيرفو
                            اهم مواضيعى عن الريجاتا : بداخل عضويتى
                            عدنا بكل قوة للرابطة .. م / Hussein
                            مبرمج ومالك لشركة برمجيات وتصميم مواقع الانترنت

                            Comment


                            • ياسلام مفيش حاجه تتقال بعد كده .......

                              المشاركة الأصلية كتبت بواسطة nicegypt مشاهدة المشاركة

                              عارف ؟ ممكن باردو يكون التيل عندك القديم والطنابير كانو خلصانين خالص .. ولما ركب الجديد رفع دواسة الفرامل
                              وفى القديم كانت نازلة لتحت قوي ... فانت بتحس انها تقيلة لان الدواسة معاك فوق .. عموماَ .. الفيصل ف الموضوع دة هو الميكانيكى
                              انا حاسس كده برضه ....
                              [CENTER][COLOR=blue]لا اله الا الله محمد رسول الله[/COLOR]
                              [COLOR=blue]B[COLOR=black]lack[/COLOR] H[/COLOR][COLOR=black]awk [/COLOR]
                              [/CENTER]
                              [CENTER] [URL="http://www.soft4islam.com"][sor2]http://www.soft4islam.com/22/bag_images/banner.png[/sor2][/URL][/CENTER]

                              Comment


                              • فى سؤال كده جه فى دماغى ...

                                ايه الفرق بين موتور التمبرا وموتور الريجاتا ؟؟؟؟؟
                                ليه موتور التمبرا ناعم قوى ؟؟؟؟ ولا ده عزل العربيه ؟؟؟؟
                                اعتقد عزل العربيه فى الريجاتا ميقلش عن التمبرا !!!!!

                                يعنى لو سقطت موتور تمبرا فى الريجاتا هيبقى ناعم برده وملوش صوت ؟؟؟؟؟
                                [CENTER][COLOR=blue]لا اله الا الله محمد رسول الله[/COLOR]
                                [COLOR=blue]B[COLOR=black]lack[/COLOR] H[/COLOR][COLOR=black]awk [/COLOR]
                                [/CENTER]
                                [CENTER] [URL="http://www.soft4islam.com"][sor2]http://www.soft4islam.com/22/bag_images/banner.png[/sor2][/URL][/CENTER]

                                Comment

                                Working...
                                X