رابطه محبي ومالكي الريجاتا

[amro1965]

بالنسبه للفيوزات فى السيارة الريجاتا
لو فيوز عطلان ممكن يأثر على لوحه العدادات وخصوصا عداد rbm والولاعه كمان مشغالين
هل الاشياء ده متصله بالفيوزات ام لا
لانى مش حابب أى حد يعلب فى أى شىء فى التابلوة لان فلاسفه الكهربائية كتير ولينا معاهم تجارب كثيرة سيارتى السابقة
شكرا لمتابعتكم لسؤالى

[HeeemaZ]

السلام عليكم يا شباب الريجاتا
فيه ريجاتا معروضة للبيع ومطلوب استشارة في تسعيرها
موديل 85 - الموتور ممتاز - العفشة ممتازة - الخوارج مرشوشة كويس - بطارية جديدة - الكاوتش حالته كويسة - الدواخل فابريقة - العداد 115000 -- كانت مرفوعة حوالي 9 سنين(بناءا على كلام اللي باعهلنا)متغير اسطوانة وديسك - الرخصة فيها تسعة أشهر أخرى
العربية متحدد لها 22 ألف بس ممن تنزل شوية .. فهل ده سعر مناسب من وجهة نظركم أم لا ؟؟ أرجو سماع آرائكم لكي يكون السعر عادل
العربية أي ميكانيكي أو عفشجي شافها شكر فيها وقال انها خسارة تتباع بس لولا الظروف كانت استمرت ولكن الحمد لله على كل حال

[amro1965]

اولا بالسعر المرتبط بالموديل غالى شويتين لو السيارة فابريقة دواخل وكل شىء تمام التمام طبعا تكيف وسنتر وانذر ممكن ب 20 الف كويسه
ثانيا : نصيحة من شارى ريجاتا بقاله 10 شهور شيك على كل شىء بالورقة والقلم
وشوف الشىء اللى محتاجها العربية واعرف ثمنه واخصمه من 20 الف جنية
كمثال مثلا محتاجه زوج كاوتش يبقى انتى محتاج تنزل 450 جنيه لو محتاجه فرش جديد هتنزل سعرها برضه ايشارات امامية او خلفية محتاجه تظبيط فى اماكن معينه تشوف مصنعيتها كام وتخفضها
واهم شىء حاله التابلوة لو 50 فى المائه حالته نزل على 500 جنيه لان صعب تلاقى تابلوة ريجاتا سليم
لان من وجه نظرى العيب الصعب فى الريجاتا
وده معلوماتى القليله ويمكن اخوانى فى الرابطة يقدرونى يفيدوك اكثر

[mahmoodallam]

أهم عيوب الريجاتا :
اتأكد انها مش رشة دواخل لان غالب العربيات القديمة رشة
البروووووووووووووووووووووووووووووووووووووووووووووو ووووومة
الطابلوه الطابلوه لو متكسر هتدفع على أقل تقدير 1500 علشان تشتري واحد استيراد وفي ناس بيقولو 2000 و2200 كمان والله غير مصنعية تركيبه
حالة الموتور (ودي مش مشكلة أوي لان اسعار قطع غيار الميكانيكا كويسة وهو الماتور كله على بعضه بالفتيس ب 25000 تقريبا ومتوفر)

[HeeemaZ]

أخواني الكرام شاكر جدا لردودكم ..بس فسه حاجة صغيرة ومش هتفرق في الموضوع أنا باتكلم عن الريجاتا وأنا في الطرف البائع وليس المشتري .. وان ان التقييم واحد .. وشكرا لكم ثانية

[mahmoodallam]

يا جماعة عايز عمة كربراتير فيبر حد يعرف أجيبها منين ؟

[amro1965]

السلام عليكم ورحمة الله وبركاته

اتمنى ان اجد من يعرفنى نوع الفريون المطلوب شحنه علشان التكيف لسيارتى الريجاتا نوفا موديل 90
لانى قرأت انه درجات وبتختلف من تكيف لاخر
شكرا للمتابعه

[mtageldeen]

عمة زيت

السلام عليكم

أحتاج عمة زيت للريجاتا

هل تكون جديد أم استيراد؟

وما حدود سعرها؟

وشكراً

[mahmoodallam]

الاسئلة كترت ومفيش اجابات !

[amro1965]

اتمنى من كل اعضاء جروب محبى ريجاتا
ان يجعلوا تبليغهم بأى شىء فى جروب محبى ريجاتا بأى تغير فورا والطريقة سهله جدا
حتى يتسنى لكل من له دراية او علم او معرفه للرد على مالكى الريجاتا الجداد

[abusaloma]

السلام عليكم ورحمة الله وبركاته
وكل عام وانتم بالف خير ورمضان كريم
انا اليوم اول يوم لى بالمنتدى وكذلك برابطة محبى الريجاتا لانى اليوم اشتريت عربية ريجاتا موديل 1987 صحيح انا حاسس انعلى فى السعر لانى بعد الذهاب للمنزل اكتشفت ان التابلوه فى حاجات مكسرة وقاعدتها مش مريحانى والفتيس مش عارف ماله بصراحة انا مش عارف جايز علشان دى اول عربيه قديمة اشتريها فى حياتى وقبل كدة كنت راكب لانوس زيرو ولانسر 98 كاملة اوتو ماتيك هاقول لكم مواصفات عربيتى واشتريتها بكام وقولو لى
موديل 1987 دواخل فابريقة تكييف يحتاج شحن فقط السعر 21750 جنيه
افيدونى افادكم الله مع العلم السيارة من الخارج شكلها اسد وسوف اصورها لكم

[ahmed_moeaz]

سعر كويس مدام التكييف شغال وحالة العربية كويسة واهم حاجة فى الريجاتا الصاج بتاعها حاول تكشف عليه وحد ينزل يبص على العربية من تحت ويتأكد من خلوها من البرومة اما التابلوة فهو مشكلة العربية لانه ناشف وسهل الكسر وغالى جداً حاول تمشى امورك معاه ولما ربنا يكرم ممكن تحطلة تابلوة ريتمو او اونو لان العربية واسعة وتقدر تظبت عليها تابلوة لعربيات تانية
والف مبروك وربنا يكفيك شرها

[amro1965]

الف مبروك من زميل ريجتاوى حديثا
واحب اخبرك ان كل اللى سمعته عن السيارة صادق وفعلى سيارة جميله جدا سريعه فى السحب ثبات على الطريق قطع غيار رخيصه مش غالية
بالنسبه للسعر ده فى اشياء تتحكم فيه وطالما السيارة فابريقة دواخل وسمكرة ودهانات كويسه يبقى تمام
اما بالنسبه للتابلوة فده مش مشكلته لوحدك ده مشكلتنا كلنا لان ده العيب الرئيسى للريجاتا فلا تشغل بالك
والف مبروك

[ahmed_moeaz]

حد جرب يحط زيت فيسكو للريجاتا يا جماعة لانى بحط شيل الاصفر وعايز اغيره لان صوت الماكينة بيتخنق بعد 2000 كم ومن المنتدى هنا فهمت ان فيسكو زيت محترم يا ريت اللى جربه يقولى جاب زيت فيسكو كام وبينزله على اد ايه

[HotRide]

موضوع مهم جدا لكل ملاك الريجاتا

اي حد معاه ريجاتا و حبيب يعدلها و يظبطها صح يدخل حالا هيلاقي حلول مفيده ان شاء الله