إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة alomda1974 مشاهدة المشاركة
    سؤال للريجاتاوية خاصة المحترم م حسين
    هل يمكن تحويل البابين الأماميين من زجاج عادة إلى كهرباء ؟
    لأن الأبواب القديمة كانت كهرباء أما الجديدة فعادة
    بكل سهولة ممكن تعملهم انت بدام العربية اصلا كهربا يبقى الفيش موجودة وتشيل الكهربا وتحط مكان العادة وحتلاقى الاخرام هى هى مفيش حاجة متغيرة بس حيبقى فى خرم فى الفرش حتبقى تسده بطبة ب 3جنيه سوال معلش انتا اشتريتهم بكام ؟

    Comment


    • شكرا جزيلا للأخ الكريم المحترم loserdavie على سرعة الرد
      أما بخصوص ثمن الأبواب .. الحمد لله .. فقد اشتريت أربعة أبواب عادة كاملين بفرشهم بالزجاج من عزبة شلبى 850 جنيه بعد فصال مرير وهو أرخص سعر سمعته هناك بعد سماع أرقام فلكية لأبواب ليست جيدة أشعرتنى بأن السيارة ( طائرة ) وصلت فى بعض الأحيان إلى 1700 جنيه ؟!!!!!!!!!!!!!

      Comment


      • الأخوة الافاضل أبحث عن مجموعة قطع غيار للريجاتا وأتمنى من يصدقنى النصيحة والتوجيه
        اكصدامين ( أمامة وخلفى ) - مصفحة للموتور - فوانيس أمامية وخلفية ( ولو فى منها جديد يبقى تمام ) - كنسولة بمفتاحى زجاج الكهرباء - مراية يمين ريجاتا )

        Comment


        • الأخ المحترم nicegypt
          جزاكم الله خير الجزاء عن حسن اهتمامكم بالرد على سؤالى الخاص بالبارومة وشد العربية
          وعملت بنصيحتكم الصادقة رغم وجود اختلاف فى سعر الصنايعية ...
          محتاج أعرف بشكل تقريبى أجرة السروجى والدوكو

          Comment


          • المشاركة الأصلية كتبت بواسطة alomda1974 مشاهدة المشاركة
            الأخوة الافاضل أبحث عن مجموعة قطع غيار للريجاتا وأتمنى من يصدقنى النصيحة والتوجيه
            اكصدامين ( أمامة وخلفى ) - مصفحة للموتور - فوانيس أمامية وخلفية ( ولو فى منها جديد يبقى تمام ) - كنسولة بمفتاحى زجاج الكهرباء - مراية يمين ريجاتا )
            اكصدامات يفضل استيراد .. لان خامة الجديد طرية زيادة عن اللزوم
            مصفحة الموتور رغم انها مهمة الا انى منصحكش بيها بسبب غلاء سعرها زيادة عن اللزوم
            ولو حصل ولقيتها لازم تيجي معاها الملحقات بتاعتها " 6 مسامير + 2 فلانشة " صاجة بشكل ازرع بحرف l

            بالنسبة للفوانيس انا جبت امامية جديدة ماليزي بـ 420 ج تقريباَ " هبقى اتأكد من الفاتورة "
            الامامية استيراد معرفش سعرها لكن لو لقيتها بالنيكل بتاعها ومفهاش اي اصفرار من الشمس
            هاتها علماَ ان الجديد اللى راكب عندي مفهوش فرق عن الاستيراد

            الفوانيس الخلفية هاتها استيراد بدون اي نقاش
            لان الموجودة جديدة خفيفة جداَ وصيني
            علما ان الجديد سعرة اقل من الاستيراد فلو مش فارق معاك الخامة وعايز
            سعر اقل يبقى هات الجديدة من فيات الفين
            اهم مواضيعى عن الريجاتا : بداخل عضويتى
            عدنا بكل قوة للرابطة .. م / Hussein
            مبرمج ومالك لشركة برمجيات وتصميم مواقع الانترنت

            Comment


            • المشاركة الأصلية كتبت بواسطة alomda1974 مشاهدة المشاركة
              الأخ المحترم nicegypt
              جزاكم الله خير الجزاء عن حسن اهتمامكم بالرد على سؤالى الخاص بالبارومة وشد العربية
              وعملت بنصيحتكم الصادقة رغم وجود اختلاف فى سعر الصنايعية ...
              محتاج أعرف بشكل تقريبى أجرة السروجى والدوكو
              متوسط تكلفة للسروجي " 700 ج " عمل فرش كامل للعربية
              علماَ انى دفعت 1100 ج سروجي " 450 ج مضنعية ايدة وباقى المبلغ مشتريات وخامات وعتب وفبر "
              فرش قطيفة بلون العربية وضهر جلد " جراي "
              وارضية وسقف ولباد حراري فى الارضية والسقف والابواب وصدر العربية والكابوت
              وبطانة وسفنج جديد للكراسي والكنبة والرف الخلفي الخشب ومش فاكر اية تانى

              الدوكو متوسط 1200 ج الخامات بس هتعمل 500 تقريبا كمتوسط ولو عايز تعرف سعر المعجون والمثبت والفيلر وكيلو البوهية الخ الخ قولي لانى رشيت عربيتى نفسي وجبت حاجتها .. العربية كيلو حلو عليها
              انا رشيت كيلو ونص بوهية + كيلو ارضية " الارضية نص كيلو كويسة بس انا افتريت "
              واخيراَ رأيي متستعجلش فى رش عربيتك .. ولو رشيتها رش بأقل التكاليف لانى صرفت جامد وغيرت لون ورشيت ازرق ميتاليك وورنيش وواكس وف الاخر اتبعدلت خربشة من العيال ف الشارع غير الخبطات اللى ف الاكصدام الخلفي من البهوات اللى بتركن تحس ان تعبك راح اونطة فدة سلو بلدنا متصرفش ع الدوكو نصيحة .. والسروجى هات كسوة وركبها عند السروجي هتعمل كلها على بعضها 300 ج
              اهم مواضيعى عن الريجاتا : بداخل عضويتى
              عدنا بكل قوة للرابطة .. م / Hussein
              مبرمج ومالك لشركة برمجيات وتصميم مواقع الانترنت

              Comment


              • حصل موقف حابب احكية
                من كام يوم وانا راجع سمعت صوت ونة بلية عجل .. ركزت معاها لقيتها ف العجلة الشمال امامي
                اوبا .. لية كدة ؟ .. رفعت العربية تاني يوم قلت ابص ع التيل وبلي العجل بالمرة وانا بفك فرد الكاوتش
                لقيت العجلة بتتهز " بتلق " كأن فية بوش .. بس كدة شكراَ عرفت القصة
                الصامولة اللى بعد بلية العجلة مهوية نزلت العربية وطلعت على عفشجى .. قلت لة اربط لى على بلي العجل الشمال وربط يمين .. بعدها قلت لة نزل العربية اديت لة عشرة جنية ومشيت زي الفل ولا فية حاجة ..

                المقصد من القصة دي : حاول لما تحصل حاجة ف عربيتك تيجي تقولنا عليها او تحاول تكتشف اي اعراض اخري تانية بنفسك .. لانك لو رحت لعفشجى على طول هيرفع العربية ويفك البلي وهيقولك هات بليتين وتعالى وهيركبهم وهياخد مصنعية فوقيهم مش اقل من 50 ج وانت تبقى ماشى مبسوط وسعيد بعد مصرفت لك 150 ج اقل واجب على فتي
                اهم مواضيعى عن الريجاتا : بداخل عضويتى
                عدنا بكل قوة للرابطة .. م / Hussein
                مبرمج ومالك لشركة برمجيات وتصميم مواقع الانترنت

                Comment


                • الأخ المحترم م / حسين nicegypt
                  كل رد على سؤالى يؤكد حسن ظنى بحسن خلقك وكريم طبعك
                  سعر الفوانيس الأمامية أو الخلفية استيراد عزبة شلبى 500 إلى 600 جنيه ؟!!!!!!!!!!!!!!!
                  سعر الاكصدامات الجيدة استيراد من 400 إلى 450 جنيه ولا أعرف سعر الجديدة
                  فهل هناك محل موثوق به لشراء الفوانيس الأمامية جديد؟ أم أقوم بتركيب فوانيس الشاهين وخلاص ؟
                  آسف للإطالة

                  Comment


                  • المشاركة الأصلية كتبت بواسطة alomda1974 مشاهدة المشاركة
                    الأخوة الافاضل أبحث عن مجموعة قطع غيار للريجاتا وأتمنى من يصدقنى النصيحة والتوجيه
                    اكصدامين ( أمامة وخلفى ) - مصفحة للموتور - فوانيس أمامية وخلفية ( ولو فى منها جديد يبقى تمام ) - كنسولة بمفتاحى زجاج الكهرباء - مراية يمين ريجاتا )
                    حظك حلو اسه سال عليهم فانوس خلفى ماركة ديبو 145 جم فانوس امامى 185 ماركة ديبو بالنسبة للمصفحة فى واحد بيبع بتاعته ب 150 جم حسالهولك اما بالنسبة لاكسدمات فى منها المصرى جديد وطرى مش حلو احسن هاتهم استيراد بس حتلاقيهم غليين حبتين وبدام حتجيب اكسدمات هات الامامى بتاع الريتمو ريجاتا بيبقى فيه فتحات شبورة وشكله حلو وانت بتشترى الاكسدام الخلفى بيبقى فيه 8 مسامير 4 بيركبوا فى الشنطة واتنين تحت فى الشاسية(طوال اوى ) واتنين على الاطراف وخده بمسايره علشان حتدوخ عليهم واتاكد ان كل المسامير سليمة ومكان القواعد على الطرفين دول اهم حاجة فى الاكسدام وسيبك من الشكل

                    Comment


                    • انا حئلك على الفوانيس تجيبهم منين علشان متدوخش الفوانيس ماركة ديبو ملهومش حل واحسن من الاستيراد ميت مرة وعلى فكره هما بيوع النوفا

                      Comment


                      • المفاجاة الكبرى مرايات ريجاتا نوفا تايوانى ب 80 جم الواحدة

                        Comment


                        • المشاركة الأصلية كتبت بواسطة loserdavie مشاهدة المشاركة
                          حظك حلو اسه سال عليهم فانوس خلفى ماركة ديبو 145 جم فانوس امامى 185 ماركة ديبو بالنسبة للمصفحة فى واحد بيبع بتاعته ب 150 جم حسالهولك اما بالنسبة لاكسدمات فى منها المصرى جديد وطرى مش حلو احسن هاتهم استيراد بس حتلاقيهم غليين حبتين وبدام حتجيب اكسدمات هات الامامى بتاع الريتمو ريجاتا بيبقى فيه فتحات شبورة وشكله حلو وانت بتشترى الاكسدام الخلفى بيبقى فيه 8 مسامير 4 بيركبوا فى الشنطة واتنين تحت فى الشاسية(طوال اوى ) واتنين على الاطراف وخده بمسايره علشان حتدوخ عليهم واتاكد ان كل المسامير سليمة ومكان القواعد على الطرفين دول اهم حاجة فى الاكسدام وسيبك من الشكل
                          بارك الله فيك أخى الكريم loserdavie
                          أجمل ما فى هذه الرابطة أنها تظهر رجالا حقيقيين دون سابق معرفة تكشف عن نبل أخلاقهم
                          كمل جميلك يا غالى وقولى 1- منين أشترى الفوانيس الديبو الأمامى والخلفى
                          2- هل اكصدام الريتمو ريجاتا يركب عادى على الريجاتا بدون مشاكل ( مساميره و............. )؟

                          Comment


                          • المشاركة الأصلية كتبت بواسطة loserdavie مشاهدة المشاركة
                            المفاجاة الكبرى مرايات ريجاتا نوفا تايوانى ب 80 جم الواحدة
                            شكرا لك أخى الفاضل المحترم loserdavie
                            من أين يمكننى شراء هذه المرايات والفوانيس الديبو ؟؟؟ ( علما بأننى من سكان الزقازيق وحتى يكون الموضوع مشوار واحد وتكلفة واحدة وفرصة قبل بداية الدراسة)

                            Comment


                            • المشاركة الأصلية كتبت بواسطة alomda1974 مشاهدة المشاركة
                              الأخ المحترم م / حسين nicegypt
                              كل رد على سؤالى يؤكد حسن ظنى بحسن خلقك وكريم طبعك
                              سعر الفوانيس الأمامية أو الخلفية استيراد عزبة شلبى 500 إلى 600 جنيه ؟!!!!!!!!!!!!!!!
                              سعر الاكصدامات الجيدة استيراد من 400 إلى 450 جنيه ولا أعرف سعر الجديدة
                              فهل هناك محل موثوق به لشراء الفوانيس الأمامية جديد؟ أم أقوم بتركيب فوانيس الشاهين وخلاص ؟
                              آسف للإطالة
                              السلام عليكم
                              اخى الكريم انا لسة مشترى فانوس يمين من الوكالة من عند اولاد مهران 100 جينية والمبة شغالة وفانوس اصلى
                              الاقصدام الامامى 400 جنية
                              الاقصدام الخلفى 400 جنية
                              الفانوس الخلفى 150 جنية
                              طبلوم نضيف جدا 2000 جنية
                              البيبان بتختلف من النوفا والعادة فى السعر وكمان لو كانو كهرباء ولاعادة كملين بلمريات ولا لا كل حاجة وليها سعر
                              غطاء الشنطة +الاسبويلر الاصلى الفبريكة 150جنية
                              فبرة التربيدو 100 جنية
                              الحزام الفبريكة 60جنية
                              الضفيرة كاملة +علبة الفيوزات 350 جنية
                              الدواسة الداخلية 150 جنية
                              فرش السقف 200 جنية
                              فبرة السقف 100جنية
                              مراية الصالون +الساعة 100جنية
                              الشبكة الاصلية 250 جنية بلعافية
                              طققم الفبر الداخلى 150 جنية
                              دة كل اللى انا فاكرو اصل لسة شادد العربية من الالف الى الياء
                              ومنصحش ان حد يعمل كدة خالص بجد خراب بيوت ومفيش ضمير خالص عند الصانيعية
                              elbadry99 سابقا

                              Comment


                              • المشاركة الأصلية كتبت بواسطة alomda1974 مشاهدة المشاركة
                                الأخوة الافاضل أبحث عن مجموعة قطع غيار للريجاتا وأتمنى من يصدقنى النصيحة والتوجيه
                                اكصدامين ( أمامة وخلفى ) - مصفحة للموتور - فوانيس أمامية وخلفية ( ولو فى منها جديد يبقى تمام ) - كنسولة بمفتاحى زجاج الكهرباء - مراية يمين ريجاتا )
                                انا عندى المصفحة الاصليه كلمنى على الخاص

                                Comment

                                Working...
                                X