إعـــــــلان

Collapse

.

,
See more
See less

رابطه محبي ومالكي الريجاتا

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة amro1965 مشاهدة المشاركة
    انا مع الاستاذ نايس ايجبت لمعرفه اسباب الحادثه
    هل هو سوء تقدير من حضرتك ام سرحان
    ام خطا الغير
    وكيفيه تلافى الخطا لنتعلم منه
    بالنسبه لى انا عملت حدثتين وربنا ستر سوف ارويهم بك امانه للاستفاده
    اول حادثه كانت بسيارتى الماضية ريتمو
    كنت ماشى بسرعه ولانى كنت مظبتها على الشعرة اخذننى الغرور فما كان منى انى وجدت سيارة ميكروباس تويوتا بتجرى فجريت معها وعند وصولى عند تاكسى كان واقف راح حادف مره واحده بطبع اخذت رفرفه الشمال مع الاكصدام شبك مع رفرفى اليمين وقطعه
    اما الحادثة الثانية كانت بسيارتى الريجاتا الحاليه
    كنت مسافر على الطريق الصحراوى الغريى فكنت ناوى اريح فى كافتيريا
    شاهدت كافيتريا امامى وكنت ماسك الشمال هديت ونظرا لقه السيارات اللى ماشيه على الطريق ولان الطريق فردتين رايح جاى
    فلما هديت رحت حادف سنه يمين لدخولى للكافيتريا بدون اعطاء اشارة يمين فما كان من ان سيارة بيجو 7 راكب جايه بسرعه 120 كيلو راحت واخده جزء من الباب الامامى يمين والرفرف وطبقت الجنط
    بالنسبه لى انا سيارتى وقفت مكانها نظرا لانى كنت مهدى على الاخر لكن البيجو ربنا ستر وتمكن سائقه من وقوف السيارة بعدى بحوالى 200 متر
    النصائح التى تعلمتها من هذه الحالات كالتالى
    اولا
    لا تغتر بنفسك وانتى ماشى ولا ثقتك الزائده بكفاءه سيارتك
    ثانيا
    لا تعاند فى المشى مع اى قائد سياره بجوارك حتى لا تفقد حياتك او سيارتك
    ثالثا
    عينك على السيارة التى راكنه سواء بتحمل افراد او ماشابه ذلك لانها ممكن تحدف فأجه مثلما حدث معى
    رابعا
    لا تأخذ قرار فجأه بالتوقف ولكن قبل الوقوف انظرا فى مرأه سيارتك يمين وشمال حتى ولو كان الطريق فاضى
    خامسا
    لا تشغل نفسك وان تقود سيارتك باشياء تضرك مثل مسك تليفونك بيد والقياده بيدك الاخرى - اذا وقعت اشياء من على الطابلوه فلا تلتقتها وان تقود سيارتك لانك بين وبينك الحادثه طرفه عين
    سادسا
    احذر ثم احذر خطا الغير بمعنى اعمل حسابك على ان الذى يقود السيارة التى امامك ممكن يقف فجأه او ممكن يحدف فجأه يمين او شمال بدون مايعطى لك اشارة بذلك
    سابعا
    اترك مسافه مناسبه بينك وبينك الذى امامك وحاول تحددها بنفسك حسب حاله سيارتك واعلم جيدا ان حتى لو فرامل سيارتك شديدة اعلم ايضا ان سيارتك سوف تذحف منك ولو المسافه قليله لا قدر الله سوف تدمر مقدمه سيارتك وخلفيه السيارة التى امامك بالنسبه لى بسيب مسافه مقدارها حوالى 15 متر حتى اقدر اتلافى اى خطر سواء لى او الى السيارة التى امامى
    واخيرا
    احذرك واحذر نفسى من تلافى الاخطاء التى قد تصيب النفس لا قدر الله او السيارة نفسها
    وشكرا لكم جميعا
    شكرا استاذ عمرو على تحليلك الكامل للموقف واخبارنا كى نتعلم من معلم مثلك
    ولكنى اود ان اعلم كيف تترك 15 متر امامك اريد ان اتعلمها فى الحقيقة
    لانك بدون ترك مسافات تلاقى السيارات حولك تتسابق على اخذها وكأنها قطعة من الكعك
    يعنى سواء سبت ولا مسبتش باردو تخلف بعض قائدى السيارات انة لازم ياخدها .. نفسى اعرف ازاي بتعملها دي وازاي حضرتك تعاملت مع الموقف بعد الحادث ؟
    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت

    Comment


    • اخى العزيز نايس ايجبت
      الحكايه وما فيها انى لما بمشى بسيارتى بترك مسافه امان كبيرة بينى وبين السيارة التى امامى لقدر الله وقفت فجأه لو انا وراها مباشرة هلبس فيها حتى لو كانت فرامل سيارتى متينه لكن لو فى بينى وبين السيارة مسافه امان بقلل الخطر بنسبه كبيرة
      على فكرة كلامى حقيقى مش من فراع وحصل فعلا وسوف اروى لك الموقف
      كنت ماشى على المحور والحمد لله كان الطريق نسبيا مش مزدحم ونفس المسافه اللى معتاد عليها وانا بمشى فى الطريق
      وفجأه وجدت سيارة بيجو بتروح يمين وشمال كأنها مسها جن وطبعا انا وراها ماشى بكلم نفسى ده مالها فيه ايه اللى حصل واخذت اهدى واخذ يمين
      المشكله لم تكن فى السيارة البيجو اللى امامى المشكله كانت فى السيارة التى امام البيجو لا اتذكر نوعها لكن اللى حصل انى كبوت السيارة انفتح فجاه ونظرا لان الهواء المقابل للسيارة كان جامد الكبوت خبط بربريز السيارة ولزق وحجب الرؤيا عن السائق فكان مش عارف يتصرف والسيارة البيجو كانت بتروج يمين وشمال علشان تتفاده وتباعا انا وراه المفأجاه كانت صعبه عليا لكن بتوفيق المولى عز وجل ومسافه الامان قدرت اخذ يمين واركن
      رجعنا لصاحب السيارة الكبوت مكانه وربطانه بافيز حتى يصل الى مكان يصلح فيه اللى حصل
      ده موقف حصل فعلا
      ودائما بشوف سيارات على المحور مخبوطه من وراء نظرا لعدم ترك مسافه امان بين السيارات والنتيجة مع أى فرامل ولو بسيطه السيارة اللى وراء بتلبس والنتيجه كل واحد بيتحمل خسائرة
      [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
      [/COLOR][/SIZE]

      Comment


      • المشاركة الأصلية كتبت بواسطة amro1965 مشاهدة المشاركة
        اخى العزيز نايس ايجبت
        الحكايه وما فيها انى لما بمشى بسيارتى بترك مسافه امان كبيرة بينى وبين السيارة التى امامى لقدر الله وقفت فجأه لو انا وراها مباشرة هلبس فيها حتى لو كانت فرامل سيارتى متينه لكن لو فى بينى وبين السيارة مسافه امان بقلل الخطر بنسبه كبيرة
        على فكرة كلامى حقيقى مش من فراع وحصل فعلا وسوف اروى لك الموقف
        كنت ماشى على المحور والحمد لله كان الطريق نسبيا مش مزدحم ونفس المسافه اللى معتاد عليها وانا بمشى فى الطريق
        وفجأه وجدت سيارة بيجو بتروح يمين وشمال كأنها مسها جن وطبعا انا وراها ماشى بكلم نفسى ده مالها فيه ايه اللى حصل واخذت اهدى واخذ يمين
        المشكله لم تكن فى السيارة البيجو اللى امامى المشكله كانت فى السيارة التى امام البيجو لا اتذكر نوعها لكن اللى حصل انى كبوت السيارة انفتح فجاه ونظرا لان الهواء المقابل للسيارة كان جامد الكبوت خبط بربريز السيارة ولزق وحجب الرؤيا عن السائق فكان مش عارف يتصرف والسيارة البيجو كانت بتروج يمين وشمال علشان تتفاده وتباعا انا وراه المفأجاه كانت صعبه عليا لكن بتوفيق المولى عز وجل ومسافه الامان قدرت اخذ يمين واركن
        رجعنا لصاحب السيارة الكبوت مكانه وربطانه بافيز حتى يصل الى مكان يصلح فيه اللى حصل
        ده موقف حصل فعلا
        ودائما بشوف سيارات على المحور مخبوطه من وراء نظرا لعدم ترك مسافه امان بين السيارات والنتيجة مع أى فرامل ولو بسيطه السيارة اللى وراء بتلبس والنتيجه كل واحد بيتحمل خسائرة
        تأكد استاذ عمرو اننى اثق فى كلامك ثقة التلميذ بمعلمة .. فأنت معلم بالنسبة لي يجيد التعليم
        وسؤالى ليس للتشكيك لا سمح الله .. بل لاننى اعلم ان الامر صعب من السائقين الفهلوية بتوع الميكروباص وغيرهم
        وادعوا الله ان يسترها معانا جميعاَ .. واشكر حضرتك ولي سؤال اخر
        هل لك نصائح معينة بالنسبة للدوكو والسمكرة لاننى انوي فى نهاية الشهر الحالى على اقصى حد البدء
        وقمت بعمل موضوع ايضاَ للسؤال واستفسر بة فى قسم " اجزاء السيارة خارجيا وداخليا " فهل لك نصيحة لى ؟
        ايضاَ سأذهب لشراء بعد الاشياء من الوكالة خلال الشهر الحالى .. فمتى ستبدء فى سيارتك ؟
        اهم مواضيعى عن الريجاتا : بداخل عضويتى
        عدنا بكل قوة للرابطة .. م / Hussein
        مبرمج ومالك لشركة برمجيات وتصميم مواقع الانترنت

        Comment


        • على فكرى اخذى العزيز اعلم ومتذكر اننى وانت داخلين على فحص وامامنا حوالى شهرين
          بالنسبه لى انا مشيت مشوار السمكرة والدوكو نظرا لانى ركبت بابين جبتهم من الوكالة وسمكرت الجنب
          ملاحظاتى كالاتى
          بالنسبه للسمكرة والدوكو عندى زى الفل لكن كان له اثار على جلد الابواب وده اللى كان مضايقنى والراجل عالجهم
          اختيار السمكرى الجيد بيريح فنى الدوكو
          بالنسبه لى كان السمكرى وفنى الدوكو ورشه واحده وجعل من الرفرف اللى بايظ شكل تانى رغم ان الكل قالولى هات واحد غيرة
          لكن منصحكش تروح تسمكر عند سمكرى وبعد ذلك تروح لفنى الدهان لكن الصح فنى الدهان يستلم من السمكرى علشان لو شاف اى عيب هينبه عليه فورا
          بالنسبه للسعر
          رش جنب السيارة مع كبوت السيارة بالاضافه لسمكرة الرفرف اخذ 590 جنيه
          ده اللى حصل معايا لانى ان شاء الله سوف افحص فى شهر ابريل القادم
          ادعلنا نخرج من الفحص ونقل الملكيه بأقل الخسائر
          [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
          [/COLOR][/SIZE]

          Comment


          • الاخ نايس والاخ عمرو السلام عليكم ورحمة الله ...بالنسبه للحادثه هى غلطتى لان انا لسه فى السواقه مش قد كده وهو سوء تقدير منى والحمد لله من قبل ومن بعد ... بالنسبه لسلك الدبرياج دى اول مره يتقطع معايا لان انا لسه جايب العربيه من شهر وشويه ... بالنسبه للشبكه فى منها باربعين جنيه بس لا خامه ولا منظر . الشبكه اللى بميه واربعين زى الشبكه الاصليه بالظبط وحتى فى فرق الشكل الرخيصه بتبين الردياتير بمعنى انه بيكون مكشوف من وش العربيه الشبكه الغاليه الريش بتاعتها فيه ميل لتحت متبينش حاجه . بالنسبه للقطمه مش عارف عنده ولا لأ بس هو قالى لو احتجت اى حاجه موجوده والتليفون معاك واتصل بيه قبل ماتروح . واتمنى ليكم تجديد سهل ويسير بمشيئة الله .

            Comment


            • المشاركة الأصلية كتبت بواسطة coolteem مشاهدة المشاركة
              الاخ نايس والاخ عمرو السلام عليكم ورحمة الله ...بالنسبه للحادثه هى غلطتى لان انا لسه فى السواقه مش قد كده وهو سوء تقدير منى والحمد لله من قبل ومن بعد ... بالنسبه لسلك الدبرياج دى اول مره يتقطع معايا لان انا لسه جايب العربيه من شهر وشويه ... بالنسبه للشبكه فى منها باربعين جنيه بس لا خامه ولا منظر . الشبكه اللى بميه واربعين زى الشبكه الاصليه بالظبط وحتى فى فرق الشكل الرخيصه بتبين الردياتير بمعنى انه بيكون مكشوف من وش العربيه الشبكه الغاليه الريش بتاعتها فيه ميل لتحت متبينش حاجه . بالنسبه للقطمه مش عارف عنده ولا لأ بس هو قالى لو احتجت اى حاجه موجوده والتليفون معاك واتصل بيه قبل ماتروح . واتمنى ليكم تجديد سهل ويسير بمشيئة الله .
              انا اتصلت بية على فكرة اكتر من مرة علشان اسألة على اسعار حاجات وهل موجودة عندة ولا لاء
              اولا: كعادة المصريين مش بيقول اسعار لحد ابداّ حاولت معة ومفيش
              مكانة فين فى الوكالة ؟ لانى لما سألتة يقولي هي باور ولا عادية .. يعم الحج بسألك عن مكانك اقف فى مكان يكون فية ارسال
              يقولي مقصات كام واحد .. يعم ابوس صوابع ايدك مكانك فين فى الوكالة .. يقولي انت فى وكالة البلح فين ياباشا انت واقف فين .. قفلت معة المكالمة واتصلت بية تانى كذا مرة يمكن تتحل مشكلتة ولا الهوا .. هو اخبار اسعارة اية ؟؟ حناينة ولا ف العالى ؟ واشكر حضرتك على رقمة

              المشاركة الأصلية كتبت بواسطة amro1965 مشاهدة المشاركة
              على فكرى اخذى العزيز اعلم ومتذكر اننى وانت داخلين على فحص وامامنا حوالى شهرين
              بالنسبه لى انا مشيت مشوار السمكرة والدوكو نظرا لانى ركبت بابين جبتهم من الوكالة وسمكرت الجنب
              ملاحظاتى كالاتى
              بالنسبه للسمكرة والدوكو عندى زى الفل لكن كان له اثار على جلد الابواب وده اللى كان مضايقنى والراجل عالجهم
              اختيار السمكرى الجيد بيريح فنى الدوكو
              بالنسبه لى كان السمكرى وفنى الدوكو ورشه واحده وجعل من الرفرف اللى بايظ شكل تانى رغم ان الكل قالولى هات واحد غيرة
              لكن منصحكش تروح تسمكر عند سمكرى وبعد ذلك تروح لفنى الدهان لكن الصح فنى الدهان يستلم من السمكرى علشان لو شاف اى عيب هينبه عليه فورا
              بالنسبه للسعر
              رش جنب السيارة مع كبوت السيارة بالاضافه لسمكرة الرفرف اخذ 590 جنيه
              ده اللى حصل معايا لانى ان شاء الله سوف افحص فى شهر ابريل القادم
              ادعلنا نخرج من الفحص ونقل الملكيه بأقل الخسائر

              مشوار المرور دة مش عارف حامل همة لية بسبب غلاستهم ورخمتهم
              وبعد الثورة بصراحة مش عايز اطلع مليم لحد ومش هطلع غلاثة
              وهظبط العربية بأذن الله بحيث ان محدش يفتح بوقة واللى يعطل مصلاحى يا ويلة منى
              امبارح كنت فى شركة النت حاولو بس يعطلونى بس بشكل غير مقصود بهدلت الدنيا
              وجمعت فوق المائة شخص واخدت ارقامهم وبياناتهم واخدنا 3 افراد منهم وقلنا نطلع على الفرع الرئيسيى
              واتحلت المشكلة بتاعتهم الحمد لله واخدنا حقوقنا تخيل ؟ علشان كدة مش عايز ادفع مليم لحد ومش هدفع
              ربنا يسهل ويقوينا عليهم
              اهم مواضيعى عن الريجاتا : بداخل عضويتى
              عدنا بكل قوة للرابطة .. م / Hussein
              مبرمج ومالك لشركة برمجيات وتصميم مواقع الانترنت

              Comment


              • على فكرة يا جماعة كنت اتكلمت فى احد الموضوعات عن رجلشة فرامل اليد
                الصيانة زى مقلت قبل كدة بعملها بنفسى بشكل كامل من بوجيهات للابلتين وكوندنسر .. على فكرة البوجيهات بطلعها كل 4 شهور كدة اشيك عليهاواغسلها بمحلول منظف وارجعها تانى .. رغم انها بتكون نضيفة لكن بحس ان العربية فايقة معايا على طول الحمد لله .. المهم من اجزاء الصيانة الدورية رجلشة فرامل اليد .. فى العربيــات الحديثة .. واخدين بالكم ؟ فى العربيات الحديثة رجلشة فرامل اليد بتكون من فرامل اليد نفسها
                والريـجاتا زى الحديث بالظبط فى حاجات كتيرة .. الرجلشة بتكون عبارة عن صامولة فى مسمار تحت فيـبرة فرامل اليد شيل الفيبرة هتلاقي مسمار وفية صامولة مفتاح 13 .. لف الصامولة كأنك بتقفل " غلق " .. وتنزل فرامل اليد خالص لتحت وبعد ما الصامولة تبدء تتقل ف ايدك .. ارفعها ثنة وكمل لف .. بعد كدة ارفعها ثنة كمان ولف الصامولة لحد متتقل .. بس بلاش تضغط علي الصامولة ع الاخر

                بعد كدة نزل الفرامل اليد للارض وارفعها وعد كام تـكة .. هتلاقيهم 3 تكات وهو دة العادي والصح .. لو طلع معاك اربع تكات انزل للتكة رقم 2 وشد الصامولة شوية ... الموضوع كلة هياخد منك بالكتير خمس دقايق ويبقى معاك فرامل يد حديد على طول .. ولازم تعمل القصة دى فى الصيانات الدورية ... او لو حسيت ان فرامل اليد بدءت تهرج وعدد التكات بتاعتها بقو خمسة ولا ستة .. الموضوع دة يا جماعة بأمانة الله علمتة بتجربتى معاها .. يعنى بدون مسأل حد ... جربت معاها كل حاجة شغلت عقلي شوية .. ولما سألت على الرجلشة وخليت
                الميكانيكى طلع العربية قالى اية دة ؟ دي حديد يعم عايز ترجلش اية .. عملت عبيط قلت لة والله ؟ طيب خير الحمد لله .. انا لقيت صامولةت حت فيبرة دراع الفرامل فعملتها قالى مهي دى الرجلشة مين قالك بقى ؟ قلت لة دى اسرار بقى .. حبيت اشاركم بمعلومة .

                بالنسبة لطريقة تفريغ هواء دورة الفرامل :
                المفروض يا جماعة ان الفرامل تبقى معاك دايما ع الشعرة باللمس .. وبالنسبة لي علشان ساعات بنسى نفسى وبجري وافتكر ايام اللانسر الفرامل عندى لازم تبقى حديد .. مع الوقت الطويل لو الكاوتشات الموجودة فى السيرفو سربت ولو هوا بسيط هتلاقى دواسة الفرامل لتحت شوية .. يعنى العربية بتاخد وقت على ما تفرمل .. ولازم تنزل بالدواسة للنص او اكتر عشان تبدء تفرمل .. بعد عملية التفريغ
                الدواسة هتبقى باللمس .. اللى هيلمس الدواسة هيلزق اللى جمبة ف البربيز .. خصوصا لو مركب زى حالاتى تيل فرامل ورا وقدام وطنابير جديدة والاتنين ايطالى بتوع بلدها الاصلي .. والحمد لله من لمسة للدواسة بتستجيب ولو دوست بغباء للنص اللى جمبي لو مش لابس الحزام هياخد التابلوة بالحضن ... المهم .. الطـريقة الصحيحة لصيانة وتفريغ دورة الفرامل :

                اولا تكسر الطارة على الاخر فى اتجاة اليسار لو هتشتغل فى الفردة الشمال .. والعكس لو هتشتغل فى الفردة اليمين
                ودة علشان تبين دورة الفرامل ليك .. والمفروض لما تيجي تركن متسبش العجل مكسور للحفاظ على الكبالن وعلشان تحميها
                من ان حد يلعب لك فى دورة الفرامل .. بعد متكسر العجلة انزل للعجلة تحت هتلاقى ماسورة حديد صغيرة وداخلة فى سكينة الفرامل هتلاقى فيها صامولة .. هوي الصامولة دي شوية مفتاح 10 بلدي " مش فاكر بالظبط بس هتأكد لكم من رقم المفتاح هو يا 10 بلدي يا 12 " بعد متهوي الصامولة تدخل العربية تـكارك فرامل لمدة مثلا 20 ثانية طبعا العربية تكون مبطلة ... بعد كدة تنزل تفك صامولة قلوظ ولة ثن طويل .. مش هتلاقي غيرها اساسا عندك .. وتروح الناحية التانية تكسر العجل وتفك الصامولة باردو

                الخطوة اللى بعد كدة تفتح علبة الباكم وتسيب العربية شوية ... ايوة تسبها شوية بدون متيجي جمبها .. لان المخترعين العباقرة الميكانكيايقولك كارك كارك .. وتفضل تكارك مليون مرة وطبعا دة اكبر غلط ودة اللى اكتشفتة بالتجربة الشخصية .. بعد شهر او اتنين بلاقى الفرامل وحشة .. علشان تفرمل الدواسة لازم توصل للنص او قبل النص .. لاء الصح بمجرد لمس دواسة الفرامل تبدء تمسك .. سألت والدي العزيز فى موضوع انى اسيب العربية تطلع هواها براحتها قالى دة اساسا الصح انك تسيب العربية خالص بعد متفك الصامولة الهوا كلة هيخرج .. واول متطلع زيت رجع الصامولة مكانها ومتقفلش عليها قوي .. طبعا اول متلاقي زيت طلع ونزل ع الارض كدة يبقى تمام اقفل الصامولتين وزود علبة الباكم
                ولازم يكون معاك علبة زيت باكم علشان هيتسرب شوية ف الارض ... وبكدة حضرتك عملت صيانة ضرورية لفرامل اليد وفرامل الدواسة واصبح مع حضرتك فرامل ممتازة .. ومتنساش تراجع على تــيل الفرامل ويتغير لو لقيتة قليل .. انا عندى التيل الامامى كان كويس وكان فية نصة .. لكن لقيت انى بغير طنابير وتيل خلفي .. قلت اغير قدام كمان رغم انهم بحالة ممتازة .. والنتيجة زى مقلت الحمد لله .. لان الفرامل لا استهانة فيها ... وبلاش الـتيل الصيني ... التيل الصيني تمنة 30 ج امامى .. هو رخيص بس بيتاكل بسرعة ووحش
                اهم مواضيعى عن الريجاتا : بداخل عضويتى
                عدنا بكل قوة للرابطة .. م / Hussein
                مبرمج ومالك لشركة برمجيات وتصميم مواقع الانترنت

                Comment


                • المشاركة الأصلية كتبت بواسطة nicegypt مشاهدة المشاركة
                  على فكرة يا جماعة كنت اتكلمت فى احد الموضوعات عن رجلشة فرامل اليد
                  الصيانة زى مقلت قبل كدة بعملها بنفسى بشكل كامل من بوجيهات للابلتين وكوندنسر .. على فكرة البوجيهات بطلعها كل 4 شهور كدة اشيك عليهاواغسلها بمحلول منظف وارجعها تانى .. رغم انها بتكون نضيفة لكن بحس ان العربية فايقة معايا على طول الحمد لله .. المهم من اجزاء الصيانة الدورية رجلشة فرامل اليد .. فى العربيــات الحديثة .. واخدين بالكم ؟ فى العربيات الحديثة رجلشة فرامل اليد بتكون من فرامل اليد نفسها
                  والريـجاتا زى الحديث بالظبط فى حاجات كتيرة .. الرجلشة بتكون عبارة عن صامولة فى مسمار تحت فيـبرة فرامل اليد شيل الفيبرة هتلاقي مسمار وفية صامولة مفتاح 13 .. لف الصامولة كأنك بتقفل " غلق " .. وتنزل فرامل اليد خالص لتحت وبعد ما الصامولة تبدء تتقل ف ايدك .. ارفعها ثنة وكمل لف .. بعد كدة ارفعها ثنة كمان ولف الصامولة لحد متتقل .. بس بلاش تضغط علي الصامولة ع الاخر

                  بعد كدة نزل الفرامل اليد للارض وارفعها وعد كام تـكة .. هتلاقيهم 3 تكات وهو دة العادي والصح .. لو طلع معاك اربع تكات انزل للتكة رقم 2 وشد الصامولة شوية ... الموضوع كلة هياخد منك بالكتير خمس دقايق ويبقى معاك فرامل يد حديد على طول .. ولازم تعمل القصة دى فى الصيانات الدورية ... او لو حسيت ان فرامل اليد بدءت تهرج وعدد التكات بتاعتها بقو خمسة ولا ستة .. الموضوع دة يا جماعة بأمانة الله علمتة بتجربتى معاها .. يعنى بدون مسأل حد ... جربت معاها كل حاجة شغلت عقلي شوية .. ولما سألت على الرجلشة وخليت
                  الميكانيكى طلع العربية قالى اية دة ؟ دي حديد يعم عايز ترجلش اية .. عملت عبيط قلت لة والله ؟ طيب خير الحمد لله .. انا لقيت صامولةت حت فيبرة دراع الفرامل فعملتها قالى مهي دى الرجلشة مين قالك بقى ؟ قلت لة دى اسرار بقى .. حبيت اشاركم بمعلومة .

                  بالنسبة لطريقة تفريغ هواء دورة الفرامل :
                  المفروض يا جماعة ان الفرامل تبقى معاك دايما ع الشعرة باللمس .. وبالنسبة لي علشان ساعات بنسى نفسى وبجري وافتكر ايام اللانسر الفرامل عندى لازم تبقى حديد .. مع الوقت الطويل لو الكاوتشات الموجودة فى السيرفو سربت ولو هوا بسيط هتلاقى دواسة الفرامل لتحت شوية .. يعنى العربية بتاخد وقت على ما تفرمل .. ولازم تنزل بالدواسة للنص او اكتر عشان تبدء تفرمل .. بعد عملية التفريغ
                  الدواسة هتبقى باللمس .. اللى هيلمس الدواسة هيلزق اللى جمبة ف البربيز .. خصوصا لو مركب زى حالاتى تيل فرامل ورا وقدام وطنابير جديدة والاتنين ايطالى بتوع بلدها الاصلي .. والحمد لله من لمسة للدواسة بتستجيب ولو دوست بغباء للنص اللى جمبي لو مش لابس الحزام هياخد التابلوة بالحضن ... المهم .. الطـريقة الصحيحة لصيانة وتفريغ دورة الفرامل :

                  اولا تكسر الطارة على الاخر فى اتجاة اليسار لو هتشتغل فى الفردة الشمال .. والعكس لو هتشتغل فى الفردة اليمين
                  ودة علشان تبين دورة الفرامل ليك .. والمفروض لما تيجي تركن متسبش العجل مكسور للحفاظ على الكبالن وعلشان تحميها
                  من ان حد يلعب لك فى دورة الفرامل .. بعد متكسر العجلة انزل للعجلة تحت هتلاقى ماسورة حديد صغيرة وداخلة فى سكينة الفرامل هتلاقى فيها صامولة .. هوي الصامولة دي شوية مفتاح 10 بلدي " مش فاكر بالظبط بس هتأكد لكم من رقم المفتاح هو يا 10 بلدي يا 12 " بعد متهوي الصامولة تدخل العربية تـكارك فرامل لمدة مثلا 20 ثانية طبعا العربية تكون مبطلة ... بعد كدة تنزل تفك صامولة قلوظ ولة ثن طويل .. مش هتلاقي غيرها اساسا عندك .. وتروح الناحية التانية تكسر العجل وتفك الصامولة باردو

                  الخطوة اللى بعد كدة تفتح علبة الباكم وتسيب العربية شوية ... ايوة تسبها شوية بدون متيجي جمبها .. لان المخترعين العباقرة الميكانكيايقولك كارك كارك .. وتفضل تكارك مليون مرة وطبعا دة اكبر غلط ودة اللى اكتشفتة بالتجربة الشخصية .. بعد شهر او اتنين بلاقى الفرامل وحشة .. علشان تفرمل الدواسة لازم توصل للنص او قبل النص .. لاء الصح بمجرد لمس دواسة الفرامل تبدء تمسك .. سألت والدي العزيز فى موضوع انى اسيب العربية تطلع هواها براحتها قالى دة اساسا الصح انك تسيب العربية خالص بعد متفك الصامولة الهوا كلة هيخرج .. واول متطلع زيت رجع الصامولة مكانها ومتقفلش عليها قوي .. طبعا اول متلاقي زيت طلع ونزل ع الارض كدة يبقى تمام اقفل الصامولتين وزود علبة الباكم
                  ولازم يكون معاك علبة زيت باكم علشان هيتسرب شوية ف الارض ... وبكدة حضرتك عملت صيانة ضرورية لفرامل اليد وفرامل الدواسة واصبح مع حضرتك فرامل ممتازة .. ومتنساش تراجع على تــيل الفرامل ويتغير لو لقيتة قليل .. انا عندى التيل الامامى كان كويس وكان فية نصة .. لكن لقيت انى بغير طنابير وتيل خلفي .. قلت اغير قدام كمان رغم انهم بحالة ممتازة .. والنتيجة زى مقلت الحمد لله .. لان الفرامل لا استهانة فيها ... وبلاش الـتيل الصيني ... التيل الصيني تمنة 30 ج امامى .. هو رخيص بس بيتاكل بسرعة ووحش
                  الله ينور ...شغل عالى ما شاء الله

                  على فكرة أنا عرفت أجيب الورق بتاع العدادات الأبيض علشان تعديل العدادات زى الصورة الى فى المشاركة ديه
                  [SIZE=5][marq="2;right;2;scroll"]الحمد لله[/marq]


                  [/SIZE]

                  Comment


                  • المشاركة الأصلية كتبت بواسطة yobaaa مشاهدة المشاركة
                    الله ينور ...شغل عالى ما شاء الله

                    على فكرة أنا عرفت أجيب الورق بتاع العدادات الأبيض علشان تعديل العدادات زى الصورة الى فى المشاركة ديه
                    http://www.nilemotors.net/nile/3873322564-post534.html
                    جبتة منين يا باشا ؟ انا كنت ناوي اطبعة فى استوديو تصوير ..
                    حضرتك اشترتها منين وبكام وازاي
                    اهم مواضيعى عن الريجاتا : بداخل عضويتى
                    عدنا بكل قوة للرابطة .. م / Hussein
                    مبرمج ومالك لشركة برمجيات وتصميم مواقع الانترنت

                    Comment


                    • المشاركة الأصلية كتبت بواسطة nicegypt مشاهدة المشاركة
                      جبتة منين يا باشا ؟ انا كنت ناوي اطبعة فى استوديو تصوير ..
                      حضرتك اشترتها منين وبكام وازاي
                      أنا مجبتش الورق نفسه أنا جبت الصورة اللى مسحوبة scanner و لسه هطبعها ...ايه رأيك ندوس مع بعض فى الحوار ده ؟؟

                      و أدى الصورة
                      regatta2000.jpg
                      [SIZE=5][marq="2;right;2;scroll"]الحمد لله[/marq]


                      [/SIZE]

                      Comment


                      • المشاركة الأصلية كتبت بواسطة yobaaa مشاهدة المشاركة
                        أنا مجبتش الورق نفسه أنا جبت الصورة اللى مسحوبة scanner و لسه هطبعها ...ايه رأيك ندوس مع بعض فى الحوار ده ؟؟

                        و أدى الصورة
                        regatta2000.jpg
                        ومالو ندوس فيها .. بس انا عايز اخلص دوكو وسمكرة الاول هتاخد لها اسبوعين اعتقد بالكتير
                        دى اسهل واسرع حاجة ليها تطبع فى مطبعة بنفس حجمها الاصلي والليدات بتاعتها سهل اعملها لها نعملها سوي واقولك الطريقة بس عربيتى عادية مش نوفا
                        اهم مواضيعى عن الريجاتا : بداخل عضويتى
                        عدنا بكل قوة للرابطة .. م / Hussein
                        مبرمج ومالك لشركة برمجيات وتصميم مواقع الانترنت

                        Comment


                        • المشاركة الأصلية كتبت بواسطة nicegypt مشاهدة المشاركة
                          ومالو ندوس فيها .. بس انا عايز اخلص دوكو وسمكرة الاول هتاخد لها اسبوعين اعتقد بالكتير
                          دى اسهل واسرع حاجة ليها تطبع فى مطبعة بنفس حجمها الاصلي والليدات بتاعتها سهل اعملها لها نعملها سوي واقولك الطريقة بس عربيتى عادية مش نوفا
                          بص صورلى شكل العدادات و أنا انشاء الله أجيبهولك برده
                          [SIZE=5][marq="2;right;2;scroll"]الحمد لله[/marq]


                          [/SIZE]

                          Comment


                          • وحشتوووووووووووووووووووووووووووووووووني
                            [CENTER][FONT=Comic Sans MS]


                            [/FONT][/CENTER]

                            Comment


                            • المشاركة الأصلية كتبت بواسطة yobaaa مشاهدة المشاركة
                              بص صورلى شكل العدادات و أنا ان شاء الله أجيبهولك برده
                              عربيتى regata 85s
                              نفس التابلوة بتاعك اخوة ... ماعدا RPM اللى موجود مكانة ساعة ... ايضاَ كمبيوتر الاعطال مش موجود
                              يعنى هو هو ماعد الجزء اليمين اقصى اليمين وهو كمبيوتر الاعطال والار بي ام

                              انت جبت الصور منين ؟؟ عندك برنامج ولا بحث على النت ؟ لو بحث ابحث بأسم الموديل اللى كتبتة فوق

                              المشاركة الأصلية كتبت بواسطة mahmoodallam مشاهدة المشاركة
                              وحشتوووووووووووووووووووووووووووووووووني
                              يا هلا يا هلا ... اشرقت الانوار .. ولمبات المنتدى ضربت من كثرة اشراقك
                              فلا ضوء يعلي فوق ضياءك ... احم احم ..
                              ازيك يا استاذ محمود .. قولنا ناوي على سيارة اية بعد الزواج بأذن الله واية افكارك الجاية اتجاة عالم السيارات
                              مش معقول هتعرف تقعد من غير سيارة ... انا كان عندى الاول لانـسر بومة .. ومعرفتش اقعد من غير عربية
                              بدءت ايجارات .. وما ادراك ما الايجار .. ايجار السيارات فى مصر مع بعض الناس وبقول بعض نـقـمة
                              ثم قررت اعلي شوية واكون زى الناس الهاي خالص دول وسبت اللانسر وجـبت ريجاتا
                              وعلى فكرة حبيبة قلبي الريجاتا بجد .. لانها اتربت على ايدي قطعة قطعة . ومريحانى الحمد لله نحمدة .
                              اهم مواضيعى عن الريجاتا : بداخل عضويتى
                              عدنا بكل قوة للرابطة .. م / Hussein
                              مبرمج ومالك لشركة برمجيات وتصميم مواقع الانترنت

                              Comment


                              • استاذ نايس برجاء مشاركتى فى الوساس اللى عندى
                                سيارتى
                                بمشى بيها بحس فى المدقات كان هواء الاطارات مش مظبط او كأن الاطارات هواها زياده عكس الطريق السريع عادى هوصل احساسى
                                لو ركبت 128 عكس مابركب سيارتى بحس بفرق لكن لما بركب سيارى بن اختى هيونداى بحس بفرق اكثر عن سيارتى وطبعا فى المدقات والطريق الترابى اللى اغلبيه طوب وحفر بسيطة مش عارف ايه السبب
                                رغم انى العفشه تمام وكذالك مظبط زوايا واتزان
                                [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
                                [/COLOR][/SIZE]

                                Comment

                                Working...
                                X