لادا 2170 .... هل هناك امل في التطوير؟؟

[x_gomgom]

يا باشا اولاً كل الجديد الاكصدامات بلاستيك كلانسر و اليارس و ما الى ذلك...
مش شايف دا عيب نهائي و الكلام دا لو موجود هو في الاكصدام الخلفي فقط....
و شاكر جداً على الملحوظه

[HRH_Sameh]

هي فعلا شكلها كويس
بس باين ان مستقبلها ممكن يكون مش مضمون
ع العموم متشكرين ع الصور والتفاصيل

[zego]

فيها عيب خطير ماحدش لاحظه. إن إكصدامها عامل زي إكصدام اللانسر و الإكسيل من ناحية عدم وجود بار صلب خلف الإكصدام لحماية الإكصدام من الكسر عند ملامسة اي عربية له ولزيادة تأمين خلفية العربية عند وقوع حادث من الخلف و لتقليل اثر الصدمة علي الرفارف الخلفية و الصدر الخلفي و باب الشنطة للعربية.
طبعا مش مصدقين كلامي.
طيب حد يروح تاني للمعرض و يروح عند ظهر العربية و يثبت رجلة في الأرض و يزق بركبته الإكصدام الخلفي لجووه و اتفرج قد ايه الإكصدام دخل جوا العربية(ده بإستخدام رجلك) أممال لو عربية وزنها 1 طن ونصف لودخلت فيها من ورا حيبقي ايه الحال للعربية وللركاب.

طيب يا باشا ياما هو عيب خطير اووووووووى
قولى اللانسر والاكسيل ناجحة ليه ومنتشرة فهمنى وبعدين لادا بالذات العربية اللى والحد ياخدها وهو مغمض عربية زي دي هتحدفها في الحيط هترجع ليك تانى سليمة

[zego]

هل من صوت هنا

[x_gomgom]

والله مش عارف اقول ايه...
يا فرحه ما تمت حتى يوم ما نزلوا جديد موتوها بالغباء الطبيعي....
ازاي عربيه ب 68,000 جنيه و ضمانها سنه او 10,000 كيلو؟؟!! هي موتوسيكل؟؟؟
كمان سعرها مش قليل يبقي ازاي؟؟؟؟ دا حتى لو مفيهاش الهوا الامر ميسلمش....
الظاهر انهم مركزين جداً مع ال byd و الادا بالنسبه لهم كارت محروق...
انا هستني بدايه السنه الجديده يمكن تخفيض الجمارك يأثر في سعرها شويه...

[zego]

طب انت يا جمجم ما تابعتهمش تانى من ساعة ما عرفت الأخبار المؤسفة دي

[x_gomgom]

للاسف لا الصراحه سدوا نفسي انا اصلا كنت ناوي اغير اليومين دول او اوائل 2010 كأقصي تقدير و لما شفتها اول مره بجد كنت هشتريها بس بعد ما عرفت الكلام المؤسف دا بصراحه مسألتش تاني....
هسأل على السنه الجديده يمكن يكونوا غيروا رأيهم او سعرها ينزل...

[silicagel]

أحدر قبل شراء لادا 2170

السيارات الموجودة حاليا بالشركة بعضها به مشكلة فى rough road sensor (حساس الطرق الوعرة ) وليس لها حل فى مصر حتى الأن ..........

[x_gomgom]

يا ريت تفسير اكتر و ايه هو حساس الطرق الوعره؟؟ و هل تقصد بالشركه توكيل الامل ام ماذا؟؟؟.
برجاء التوضيح للأهميه...
شكراً

[ahmed76]

الف شكر على الموضوع والمعلومه الجديده
متابع

[zego]

:m_yes[1]: السيارات الموجودة حاليا بالشركة بعضها به مشكلة فى rough road sensor (حساس الطرق الوعرة ) وليس لها حل فى مصر حتى الأن ..........

باشا ياريت تفيدنا بجد واى حد راح تابعهم لانى كنت رايح الشهر الجاي احجز هناك

[x_gomgom]

اخر التطورات الغريبه جداً....
بعد ما جهزت نفسي اني نازل احجز في فرع الامل اللي في شارع النزهه صدمني انه لا يعرف شيئاً عن ال 2170 و علل ذلك انه فرع لبيع ال BYD فقط!! فكرني بنكته واحد بلدياتنا دخل الصيدليه يشتري عيش ههههه...
انا هنزل بكره بإذن الله الاسكندريه مشوار شغل هسأل هناك يمكن يكون الوضع مختلف عن هنا....
الاخ silicagel برجاء توضيح مشاركتك للاهميه و شكراً

[محمد جلال]

:m_yes[1]: السيارات الموجودة حاليا بالشركة بعضها به مشكلة فى rough road sensor (حساس الطرق الوعرة ) وليس لها حل فى مصر حتى الأن ..........

[justify]حضرتك جبت المعلومة دى منين وهل البريورا فيها حساس للطرق الوعرة اصلاً معتقدش ان لادا متشددة فى اجراءات السلامة والامان او عندها التقنية للوصول بسياراتها للدرجة دى هى بس بتنتج سيارة فى المتناول بتقنية محدودة بسعرمناسب بكماليات معقولة جداً ولا أعتقد فى موضوع الحساس ده وصحح لى ان كنت مخطئ .[/justify]

[hemaatea]

طب ما هو فيه لادات تانيه موجوده في مصر غير الشكل التقليدي بتاع 2107 ,زي 2115,2110,2111,لادا كالينا


ايه المشكله؟؟!!!
اكترهم انتشار 2110 لأنها اتصنعت في مصر , بعدين 2115 روسي (سماره المعدله),بعدين ال2111 و الكالينا قليلين

[medooo333]

الله ينور عليك-ايوة نفسنا الادا تتطور شويه -عايزين نراسل التوكيل ونساله عليها---لو حد عارف الميل يكتبة يا جماعة بجد الادا هى سيارة السهل الممتنع -ونفسنا تنافس الاشكال الجديدة بس تكون نفس القوة و قطع الغيار----المهم السلامة.........