لادا 2170 .... هل هناك امل في التطوير؟؟

[د.محمود صلاح]

شكرا على الصور والموضوع , ان شاء الله تجد لها طريقا فى السوق الى قلب المشترى المصري

[zego]

دي الايملات بتاعت التوكيل
info@alamal-group.com
ladaeg@alamal-group.com

[x_gomgom]

شكراً على الايميل

[zego]

لا شكر علي واجب بس ياريت حد يتابع الموضوع بجد عشان في ناس عايزين يجيبوها فعايزين نعرف هنعمل ايه
نجيب
و
الا ........... !!!!!!!!!!!!!

[Ahmed_Emad]

شركة الأمل دي مفروض خلاص عليها كده، يا رب يركزوا فى الصيني بتاعهم ويحلوا عن سمانا ويسيبوا اللادا لتوكيل بيفهم

حرام والله يا جماعة عربية زي دي لو نزلت مع توكيل محترم مش هنشوف فيرنا ولا لانوس ولا أفيو ولا أي عربية تانية لحد فئة الـ100 ألف، حتى اللوجان اللى عجباني شخصياً وناوي اغيرلها ولا هبصلها لو اضمن اني اجيب دي من توكيل محترم

يارب يغوروا بقى يارب

[Jimmy_lada]

نقول يا رب تتطور

[zego]

يبقي احنا ممكن نشوف حل من هنا ونشارك كلنا ونبدا من دلوقتى لان العربية دي بجد في ناس كتيرة عايزة تجيبها وان اول الناس دي عايزين حد بس يبدأ بفكرة التغيير واحنا اكيد كلنا وراه

[x_gomgom]

انا بعت رساله ليهم ولا يوجد رد!!!!
عامه هما شكلهم هينفضوا للادا و منتبهين مع العربيه ال byd (بيفتتحوا مركز خدمه متخصص فيها فقط في القطاميه) و الصراحه انا شايف انها بديل و منافس شرس (الفرق في السعر و الضمان لصالحها و تجارب الاخوه هنا في المنتدي مبشره جداً)....

[zego]

يبقي لازم نشوف حل كويس لا يحترموا نفسهم مع العربية
يا اما نشوف توكيل محترم وياريت يبقي في اعضاء جادين في الموضوع وانا أولكم

[x_gomgom]

والله مش عارف اقول ايه بس هم شكلهم بايعين القضيه من زمان.....
الادا ال 2107 لما اعادوا طرحها كانت فعلياً (الدجاجه التي تبيض ذهباً و ارتفعت نسبه المبيعات و اكيد حضرتك لاحظت زياده العدد في الشارع) و كانوا مهملين جداً مع الضمان و الصيانه (10,000 كيلو او سنه و انا شخصياً شاهد على الوفاه الايكلينيكيه لتوكيل الامل في خدمه ما بعد البيع فرع الدراسه و على النقيض فرع الامل في الاسكندريه) و من بعدها الادا ال 2110 و السماره و النيفا....
الصراحه احسن حل لو عرفنا نوصل لشركه لادا في روسيا و نشتكيهم لان الوضع اصبح مهزله و دا اقل ما يوصف به...
و انا مع حضرتك لاني شخصياً مخنوق منهم بسبب عدد من المواقف التي تنم على جهل شركه الامل بأبسط بديهيات البيع و خدمه ما بعد البيع

[silicagel]

الشركة هي الامل والمشكلة فعلا في حساس الطرق الغير ممهدة الوعرة وليس لها حل بمصر_ وهذا عن تجربة مع اثنين من الاشخاص وربما اكثر.

[zego]

الشركة هي الامل والمشكلة فعلا في حساس الطرق الغير ممهدة الوعرة وليس لها حل بمصر_ وهذا عن تجربة مع اثنين من الاشخاص وربما اكثر.

هو الاتنين اللى قصدك عليهم دول اشتروها وجربوها فعلا

[zego]

وأدى اول المواقع للشركة
Russian car parts online - parts for Lada,Niva parts,UAZ parts,parts for ruiisan cars
Lada Priora Club / ثàنà دًèîًà تëَل - Lada Priora Club / ثàنà دًèîًà تëَل
Lada Hellas and Lada Motors official web site - Company, Motor&Dealership Information
Lada Niva|Lada Tuning|Lada Samara|Lada Kalina|Lada Racing|Lada Cars
ياريت حد بقي يبدأ في التنفيذ بس بأقصي سرعة وربنا معاه ويجازيه خير

[x_gomgom]

الشركة هي الامل والمشكلة فعلا في حساس الطرق الغير ممهدة الوعرة وليس لها حل بمصر_ وهذا عن تجربة مع اثنين من الاشخاص وربما اكثر.

يا باشا كلامك للمره الثانيه غير واضح تماماً و مبهم...
انت بتتكلم عن الادا 2170 السيدان ولا النيفا ولا ايه؟؟
و ايه هي صوره العيب؟؟؟؟ مثلاً العربيه بتقطع و لا استهلاك زائد في البنزين ولا ايه؟؟؟
و اصحابك اشتروها منين عشان اللي اعرفه ان العربيه موجوده في روكسي فقط و عددهم 2 و الاتنين لونهم اسود....
برجاء التوضيح

[zego]

حد عرف يوصل للشركة يا جماعة