شوية مقارنات تخليك تقول فلتحيا اللادا

[mohab2010]

لو جربت تركب شاهين النهاردة حتبيع الادة بكرة باي سعر
انا كان عندي شهين وبعتها علشان اجيب لادا علي الزيرو وياريتن مابعت اشاهين ولا جبت الادا
دة فرق السما من الارض
وجربت الاتنين حتقول كدة

[ahmedsrs]

انا كان معايا لادا وبعتها ليه
- لو عملت بيها مشوار فى وسط البلد كنت بحس انى نازل من على جبل من الآم والشد العضلى والأجهاد
- صوت العربية عالى جدا خصوصا لو مسافر بيها تعملك صداع رهيب
- مفيهاش اى كماليات
- مفيهاش اى امان مع ان صاجها ناشف
مميزات العربية
- متخفش عليها فى الركنة
- مفيهاش طمع
- قطع غيلر متوفرة
- مفيش حد بيحسدك عليها
- لو عديت من كمين جيش يتعملك تعظيم سلام

[thegoodhacker]

اللادا عربية حمالة اسية بتستحمل البهدلة و السفر بس عيبها الوحيد في وجهة نظري الديريكسيون التقيل جدا جدا بالذات عند الركن ...
بس انا مش معاكو في موضوع انها مش مطمع لا دي مطمع جدا بالذات من سواقين التاكسي اللي نسبة كبيرة منهم ما عندهمش ضمير ممكن بيقلبوا منها بطاريات و المرايات الجانبية والاستبن وحاجات الموتور زي الاسبيراتير والبوبينة وده لان معظم التاكسيات لادا ( علي الاقل هنا في اسكندرية ) ...
والكلام ده عن تجربة مش كلام وخلاص

[maheralsisi]

امال انا ليه كل لجنة اعدى عليها لازم اسلم؟؟؟؟

انا كان معايا لادا وبعتها ليه

- لو عديت من كمين جيش يتعملك تعظيم سلام

امال انا ليه كل لجنة اعدى عليها لازم اسلم؟؟؟؟

[John_Samy_1]

رغم إنها صعبت عليَّ لما سبتها بس أنا مكنتش بأصعب عليها
.
مرة فيبر اللي رابط سلك البنزين بالطرمبة اتكسر.
ومرة المساعد اللي قدام اتكسر وانا بغير عجلة نايمة (اتبهدلت يومها)
ومرة عومت بطريقة غريبة لمجرد إني فرملت في 10 سنتي مية ولبست في الرصيف وانا كنت على 80 ساعتها.
و مرة المفتاح اتكسر في الكونتاكت عشان البلي صدى لما غسلوها جوه في البنزينة بالفوم والمية.
صوتها عالي جدا وكان صداع
الدركسيون ثقيل, الأكرة تقيلة, الإزاز أكرتو تقيلة, الباب ثقيل, الشنطة تقيلة, الكوريك تقيل, الكبوت ثقيل (هو كله ضرب ضرب مفيش شتيمة)
بتجمع على مكون قيلت العصر ولو كنت في مطلع مكنتش بتجمع أصلا. عمري مطلعت من حد سخيف وكان فيه ناس محسساني انوهم ماشيين لوحدهم ولا كنت بعرف أعمل معاهم حاجة. كان يكسر علية مرة. والزمن يجيبوا وريا يجي قدامي تاني برده ويكسر علية وانا مش قادر اشد عشان مديلوش فرصة.
وأنا بدور لازم ادي سنة بنزين, وافضل قلقان مش عارف هتدور ولا لأ.

بس قصاد كده.
غيرت العافشه اللي قدام بالكامل (مقصات تحت , مناول,بيض, بارات, علبة دركسيون, افيس ميزان ونص, تيش ومساعدين ب1200 جنيه) بعد حادثة التعويما ايها.
لم طلعت عالرصيف الاكطدام الحديد ماتهزيش رغم إني اترزعت رزعة تطير نص أي عربية جديدة (حادثة التعويما ايها).
الميكانيكي غيرلي طرومبة بـ60 جنيه ايطالي وطقم الكهربة في حدود 40 (مش فاكر بالضبط)
عملت عمرة دينامو بـ120 جنيه (زائد كاتاويت خارجي +عقب شربون) والدينامو بتاعها ماكانش اتفتح من 94
لما عربية تانية لادا دخْل فية من ورا عشان كان سرحان اكصدامه دخَل في بتاعي والعربيتين سلام بس أنا عندي اتشارخ وش الفانوس اللي ورا وغيرته ب10 جنيه
محستش معاها إن فيه مطب صعب.
كنت بكسر عالميكروباص اللي يكسر عليا. ولما كنت بأنزل اتخانق كانوا بيخافوا.
شنطتها عمرها ماقالت لأ.
عمري مهاتخيل إن عربيتي موديل 2010 هتفضل شغالة لغاية 2026
كانت اصيلة ودايما هافتكرها بالخير. شالتني كتير وشالت معايا بلاوي. ولازم كل شوية أنزل اسوقها.

[tamim]

لادا 2110 جابت من الاخر جمعت بين الادا القديمة فى القوة والعربيات الحديثة فى التكييف والشكل وهدوء الماتور

[honor111]

وكمان ال 110 ارخص من الشاهين ب 10000 بس منهيالي سوقها مش ماشي زي ال 107 و ال105 بس معرفش يمكن لانها لسه جديده

[snakeson2]

نقف احتراما للوحش الروسي والله المفروض العربية دي تتحط علي علم ادارة المرور

[د.محمود صلاح]

اللادا عربية حمالة اسية بتستحمل البهدلة و السفر بس عيبها الوحيد في وجهة نظري الديريكسيون التقيل جدا جدا بالذات عند الركن ...
بس انا مش معاكو في موضوع انها مش مطمع لا دي مطمع جدا بالذات من سواقين التاكسي اللي نسبة كبيرة منهم ما عندهمش ضمير ممكن بيقلبوا منها بطاريات و المرايات الجانبية والاستبن وحاجات الموتور زي الاسبيراتير والبوبينة وده لان معظم التاكسيات لادا ( علي الاقل هنا في اسكندرية ) ...
والكلام ده عن تجربة مش كلام وخلاص

انتشار العربية كتاكسي يعرضها للسرقة بالفعل ...

[nimo.mimo]

و الله أنا بقالى سنة كاملة محتار فى كل أنواع العربيات اللى فى مصر كلها عربيات مدن و استخدام خفيف و احنا كل المصالح و الطرق فى مصر طرق سفر و بهدلة مافيش عربية أقل من 120,000 تنفع على طرق مصر و ده اللى خلانى أفكر أجيب النيفا خصوصا لما عرفت أن الشركة الروسية لسة ماسكة الموديل و بتنتجه من المنبع مش بايعة العلامة لشركة آسيوية تانية تنتجها بدالها.

بص يا مان العربية بأمانة وسيلة نقل و لو الواحد بقى أسيرالرفاهية و الباور و التكييف و القصص يبقى لازم يكون غنى و مرتاح و تمن العربية لايساوى شيئ بالنسبة له و إلا حيلاقى نفسه منهار عصبيا , و أنا احم بصراحة مجرب الموضوع ده

لغاية لما توكلت على الله و حسيت ان اللادا 2107 أو النيفا مية مية مش عشانى دا عشان مصر

[darsh86]

تحيا الادا 20 مليووووون مره
واللى يقول غير كده ذنبه على جنمبه

[medooo333]

اللى مركبش اللادا ميعرفهاش و المفروض ميتكلمش عنها وهى لا تقارن باى عربية تانية من اى نوع لانها ليها ناسها اللى يقدروها ويعرفوا قيمتها

[Qabel]

لولا اختلاف الاذواق لبارت السلع

[yahiahelaly]

لا بجد ؟؟؟

[mohamedrefaay]

عربية عزيزة عليا

اول سيارة ركبتها