لادا سمارة

[elghrory]

انا كنت بفكر أشترى لادا سمارة ومحتاج مساعدتكم
من ناحية أسعارها وأسعار قطع الغيار وتقيمكم للسيارة؟

[waelms3]

باشا العربية الادا سمارة عربية جميلة تجمع بين المتانة والقوه والتصميم الجميل فهى من حيث الصاج والمتانة فهى عربية تستحمل الجهد الشاق ومتطلبات شوارعنا والعربية انعم بكتير من الادا 2107 العادية المنتشرة لانها على كبالن ودريكسونها اسكاترا انعم بكتير من الاسكودا والشاهين مثلا بالنسبة لقطع الغيار انتشر عنها انه حاجاتها غالية او مش موجودة مش عارف ليه مع ان كل حاجاتها موجودة وفي منها الصينى والايطالى والروسي والتركى واسعارها اقل من الفئة بتاعتها يعنى مثلا الاكصدام ب 180 الصينى و ب 270 الايطالى و تيل الفرامل 40 تركى فى الشاهين ب 55 وعندك بلية العجلة 40 ايطالى فى الشاهين 60 تركى و جوز كبالن ايطالى 240 والصينى 180 يعنى قريبة من 128 وعندك سير الكاتينة الروسى الاصلى ب 55 و الفانوس صينى بس كويس 80 و جوز الطنابير 160 ايطالى والشاهين 320 تركى والشبكة ب 35 جنيه يعنى حاجتها كلها فى الرخيص والمحلات قلى بتبيع قطع غيارها

1 - عندك حمدى لادا فى التوفيقية وفى شارع دمشق
2- عندك سيد نصار فى التوفيقية
3- عندك احمد محرم فى عين شمس وامين جدا وانا بجيب منه كل حاجة ارخص واحد وانضف حاجة
4- عندك المركز الروسى فى التوفيقية برده وحاجتهم كويسة
5- اوتو لادا فى التوفيقية برده
6 - ربيع لادا فى جسر السويس

العربية دى بدات انتجها 86 لغاية 2003 طبعا فى اختلافات فيها من كل موديل
من 86 الى 91 نفس الموتور ونفس التصميم
من موديلالى92 اتعدل حاجات فى الموتور وزاد الهورس باور
من موديل 94 اتعدل جزء صغير من الهيكل الخارجى البودى وهو الجزء بتاع الكبوت
قلى معاه سمارة حيعرف الجزء ده
من موديل 2000 اتعدل الموتور من كربراتير الى انكيجشن

اخيرا المواتير بتاعتها رخيصة فى بورسعيد والوكالة و عزبة شلبى يعنى ممكن حضرتك تجيب ماتور كامل حالتة تمام 2500 بالفتيس بتاعه بكا مشتمالته
ياريت اكون وصلتلك اى معلومة صغيره عنها وانا فى الخدمة

[waelms3]

تكملة


ومن موديل 2003 اتعدل الفوانيس والشبكة الامامية و التابلوه مع تغيير فى هيكل العربية تماما ونزل منها فئة السيدان و تنتج الى الان
وعلى فكرة العربية دى منتشرة فى تركيا جدا زى الشاهين

[besoana]

انا معايا لادا سمارا موديل 91
وبجد العربية مريحانى جداااااا
عيوبها تكاد تكون معدومة
وحاجتها منتشرة الحمد لله زى العضو اللى قبلى موضح
لو قدامك واحدة حالتة حلوة اتوكل على الله واشترى

[د.محمود صلاح]

شكلها أشيك من اللادا 2107 في وجهة نظري ..

[Superdriver]

ومن موديل 2003 اتعدل الفوانيس والشبكة الامامية و التابلوه مع تغيير فى هيكل العربية تماما ونزل منها فئة السيدان و تنتج الى الان
وعلى فكرة العربية دى منتشرة فى تركيا جدا زى الشاهين

يعني أفهم من كلام حضرتك إن سمارا موديل 2010 (الشكل الجديد) 1600 سي سي إنجكشن عربية جيدة و قطع غيارها متوفرة؟ لأني بصراحة معجب بالعربية و هي في حدود إمكانياتي (حوالي 52000 جنيه) بس خايف من موضوع الصيانة و توافر قطع الغيار مع العلم إني مش ناوي أتعامل مع التوكيل أبدا و عندي خبرة اللف و الدوران على قطع الغيار لأني معايا دوجان من سنين و كل صيانتها عند الميكانيكية و الكهربائية.
برجاء إفادتي برأي حضرتك. و جزاك الله خيرا.

[waelms3]

بصراحة يا باشا الموديل الجديد السيدان قطع غيارها قليلة اوى ومش منتشرة زى القديمة وغير كده شركة الامل دى شركة سيئة جدا وبتجيب الحاجة بعد ما العميل يكون صدا ممكن تزود السعر وتجيب حاجة كورى

[Superdriver]

شكرا جزيلا على الإفادة.

[gebreel]

معايا ال2004 اللي هي الشكل الجديد و تحت امر حضرتك في اي حاجة

العربية عاملة معايا حتى الان 84000 كيلو و بحبها جدا لأني بحس انها اصيلة

بالنسبة لقطع الغيار كان ممكن نقول انها قليلة من بتاع سنتين كدة لكن بحمد الله من ساعة ماجبتها في نص 2005 تقريبا مدختش على حاجة غير الموبينة بتاعتها لما باظت و ملقتهاش غير في التوكيل للأسف و دي كانت ب 660 جنيه في التوكيل لأنها مش موجودة في اييييييييييييييييي مكان برة لكن جبت فانوس اشارة كامل ب70 جنيه تركي
وش فانوس امامي 50 جنيه
فلتر هواء ب30 جنيه
فلتر بنزين 50 جنيه
فلتر زيت 30 جنيه
طقم دبرياج كامل 370
تيل فرامل بفيشة 80 جنيه
ده اللي انا فاكرو بس اللي معايا ال1500 مش ال1600 و اعتقد مفيش فرق بينهم يعني

العربية ما شاء الله موتورها ال1500 عزمو كبير و بيستحمل بس يعيبها مثلا ان مفيهاش تكييف و اكيد التوكيل التيييييييييييييييييييييييييييييت بتاعها اللي مدخلتوش غير مرة واحدة و حلفت مانا داخلو تاني غير علشان تغيير سير الكاتينة و طرمبة المية اللي هية كل 60000 دي

صيانتها مش صعبة نهائي بالعكس بسيطة جدا و اي ميكانيكي فاهم يظبطلك الاداء فيها

محلات قطع الغيار:
حمدي لادا في التوفيقية
الفهد في التوفيقية
اولاد حسين في التوفيقية

دول اللي بتعامل معاهم

[Superdriver]

معايا ال2004 اللي هي الشكل الجديد و تحت امر حضرتك في اي حاجة

العربية عاملة معايا حتى الان 84000 كيلو و بحبها جدا لأني بحس انها اصيلة

بالنسبة لقطع الغيار كان ممكن نقول انها قليلة من بتاع سنتين كدة لكن بحمد الله من ساعة ماجبتها في نص 2005 تقريبا مدختش على حاجة غير الموبينة بتاعتها لما باظت و ملقتهاش غير في التوكيل للأسف و دي كانت ب 660 جنيه في التوكيل لأنها مش موجودة في اييييييييييييييييي مكان برة لكن جبت فانوس اشارة كامل ب70 جنيه تركي
وش فانوس امامي 50 جنيه
فلتر هواء ب30 جنيه
فلتر بنزين 50 جنيه
فلتر زيت 30 جنيه
طقم دبرياج كامل 370
تيل فرامل بفيشة 80 جنيه
ده اللي انا فاكرو بس اللي معايا ال1500 مش ال1600 و اعتقد مفيش فرق بينهم يعني

العربية ما شاء الله موتورها ال1500 عزمو كبير و بيستحمل بس يعيبها مثلا ان مفيهاش تكييف و اكيد التوكيل التيييييييييييييييييييييييييييييت بتاعها اللي مدخلتوش غير مرة واحدة و حلفت مانا داخلو تاني غير علشان تغيير سير الكاتينة و طرمبة المية اللي هية كل 60000 دي

صيانتها مش صعبة نهائي بالعكس بسيطة جدا و اي ميكانيكي فاهم يظبطلك الاداء فيها

محلات قطع الغيار:
حمدي لادا في التوفيقية
الفهد في التوفيقية
اولاد حسين في التوفيقية

دول اللي بتعامل معاهم

شكراً جزيلاً لحضرتك على الإفادة.
فعلاً العربية حتى موديل 2005 كانت 1500 سي سي و بعد كده أصبحت 1600 سي سي.
إنما يعني حضرتك بصفة عامة مش بتلاقي مشاكل في قطع الغيار سواء ميكانيكا أو عفشة أو هياكل (الفوانيس و المرايات .. إلخ)؟
بمعنى أخر محصلش إن حضرتك إضطريت تركنها لحد ما تلاقي قطعة الغيار المطلوبة؟
أسف جداً للإلحاح في السؤال، لكن المبلغ إللي معايا لا يحتمل أي مغامرات، فإذا كان كده يبقى العربية دي هي إختياري تماماً، و ممكن أظبطها على مهلي بتكييف ياباني و سي دي و جنوط و كاوتش عريض و تبقى تمام.
شكراً مقدماً لإهتمامك.

[gebreel]

شكراً جزيلاً لحضرتك على الإفادة.
فعلاً العربية حتى موديل 2005 كانت 1500 سي سي و بعد كده أصبحت 1600 سي سي.
إنما يعني حضرتك بصفة عامة مش بتلاقي مشاكل في قطع الغيار سواء ميكانيكا أو عفشة أو هياكل (الفوانيس و المرايات .. إلخ)؟
بمعنى أخر محصلش إن حضرتك إضطريت تركنها لحد ما تلاقي قطعة الغيار المطلوبة؟
أسف جداً للإلحاح في السؤال، لكن المبلغ إللي معايا لا يحتمل أي مغامرات، فإذا كان كده يبقى العربية دي هي إختياري تماماً، و ممكن أظبطها على مهلي بتكييف ياباني و سي دي و جنوط و كاوتش عريض و تبقى تمام.
شكراً مقدماً لإهتمامك.

بص يا باشا هما حاجتين حصلوا بس ماتضرتش اركنها موضوع طرمبة البنزين و حلها بسيط بس لو معاك ميكانيكي بيفكر و موضوع الموبينة بتاعة التوكيل لكن غير كدة لأ ماضرتش اني اركنها خالص علشان اصلحها

بالنسبة للعفشة ملقيتش فيها اييييييي مشاكل من مساعدين، سوست، كبالن و كدة كلو موجود عند حمدي لادا حتى لما حصلتلي مشكلة في دراع الاشارات لقيت الدراع لوحدو كان ب50 جنيه كامل
الفوانيس مش لازم تجيب الفانوس كلو لأ ممكن تجيب و الفانوس بس بس فانوس الاشارات لازم كلو و اي حاجة انا تحت امر حضرتك

[Superdriver]

بص يا باشا هما حاجتين حصلوا بس ماتضرتش اركنها موضوع طرمبة البنزين و حلها بسيط بس لو معاك ميكانيكي بيفكر و موضوع الموبينة بتاعة التوكيل لكن غير كدة لأ ماضرتش اني اركنها خالص علشان اصلحها

بالنسبة للعفشة ملقيتش فيها اييييييي مشاكل من مساعدين، سوست، كبالن و كدة كلو موجود عند حمدي لادا حتى لما حصلتلي مشكلة في دراع الاشارات لقيت الدراع لوحدو كان ب50 جنيه كامل
الفوانيس مش لازم تجيب الفانوس كلو لأ ممكن تجيب و الفانوس بس بس فانوس الاشارات لازم كلو و اي حاجة انا تحت امر حضرتك

شاكر جداً لإهتمامك و سرعة ردك.

[nimo.mimo]

هوا سعر السيارة كام
و توكيل شركة الأمل بيقولو مووش حلو
و بصراحة مووش عارف كل ما قول لحد بفكر أجيب لادا يقعد يزعقلى مع انى شايف ان عربية ب 54000 و فيها باور و تكيف و انجيكشن أى حاجة تانية رفاهية فارغة مووش عارف

ياريت الرأى لأن الناس زهقونى و شكلى كدا لا حجيب عربية و لا غيرو

[mr_sameh]

هي السماره فيها تكييف في كل الموديلات واخباره ايه

[gebreel]

هوا سعر السيارة كام
و توكيل شركة الأمل بيقولو مووش حلو
و بصراحة مووش عارف كل ما قول لحد بفكر أجيب لادا يقعد يزعقلى مع انى شايف ان عربية ب 54000 و فيها باور و تكيف و انجيكشن أى حاجة تانية رفاهية فارغة مووش عارف

ياريت الرأى لأن الناس زهقونى و شكلى كدا لا حجيب عربية و لا غيرو

سعر السيارة مش عارف بصراحة دلوقتي كام

بالنسبة للتوكيل فابسط ما يقال عليه انو زبااااااااااااااااااااالة و بعتذر على التعبير بس ميتوصفش غير كدة

لو حضرتك بتفكر في ال2107 فنصيحة بلاش هي عربية ممتازة بس متعبة من ناحية العفشة مش حلوة علاوة على انك لازم تروح تشحم بيض المقصات كل شوية الخ...

الباور بتاعها و التكييف مجربتوش بس في ناس هنا قالت ان تكييفها شبه مش موجود لأنو تعبان قوي بس مش عارف مدى صحة الكلام ده

هي السماره فيها تكييف في كل الموديلات واخباره ايه

معرفش بصراحة الموضوع ده بس عربيتي مفيهاش تكييف لو حد يعرف و يعرف تكييف كويس يركب عليها يقلي و يقلي ي حدود كام