اللادا الروسى والمصرى - استهلاك البنزين

[nour_2001]

كنت محتاج أعرف أيهما أفضل وبصراحة وعن تجربة
اللادا الروسى وألا المصرى من حيث إستهلاك البنزين والجودة لإنى بدور على عربية إقتصادية وفى نفس الوقت قوية .

1-أنا أعرف إن اللادا الروسى رشاشات فكده حتوفر فى إستهلاك البنزين ولكن يا ترى هل ينفع معاها البنزين 80 والا تعمل مشاكل
2- أم اللادا المصرى كاربرتير اللى بتشتغل يينزين 80 ولكن لا أعرف هل معدل إستهلاكها جيد أم لا
ولكن سمعت إن الروسى أفضل بكثير جدا من حيث التقفيل والمتانة
مش عارف أيهم أفضل أرجو منكم أن تفيدونى

[mohamed2002]

خليك في الروسي وبشوف ناس بتحط 80 عادي

[a7madramadan]

لأ ماينفعش ال80 مع الروسي نهائيا ده كلام خبراء كتييييييير و ممكن تشتري روسي و تعدل تخليها كاربيراتير الموضوع تقريبا بيكلف 1000 جنيه والله أعلم... بس الاينجيكشن افضل و في ناس كتيييييير بتكرم عربياتها وتحط 92 لإن الموصى بنزين 95 ..... وانا واحد منهم لان الفرق بين 92-90 بريزة لللتر

[mohamed2002]

والله انا سئلت كذا سائق تاكسي ر وسي انجيكشن وقالو لي بيحطو 80

[essso]

هو سعر الادا 2110 الروسي كام ؟

[mohamed2002]

هو سعر الادا 2110 الروسي كام ؟

الشركة دلوقت عندها ال2107 والنيفا والسمارا

[a7madramadan]

بتوع التاكسي الي بيحطوا 80 يعملوا الي هم عاوزينه أنا باتكلم عن واحد عاوز يحافظ على عربيته وموش ناوي يقضيها صرف على قطع غيار و صيانه ...... ده رأيي الشخصي وانا باحط بنزين 92 ولو غلى هانزل لـــ 90 ده للأمانه بس عمري ما هاحط 80 اسأل في التوكيل هيقولولك نفس الكلام غير ان 80 كله شوائب و بيقولوا بيبوظ الاينجيكشن في التوكيل

[Mustafino]

فعلأً التوكيل بيشددوا على موضوع 95 للأنجكشين.... لكن الحقيقة أنا بحط 92 بسبب أن سعر ال 95 أعلى بفرق مش قليل... لكن بالنسبة لموضوع ال 80 لا انصح بة على الأطلاق.

سعر الادا الروسى الأن عند شركة الأمل "فاضية" فى حدود ال 52 ألف... بس خليكى بالك ممكن يقولك الأستلام بعد فترة من الحجز عشان عليها سحب أو لعدم وصول شحنات جديدة.. الخ..... و مبروك مقدماً.

د. مصطفى

[blazer]

فعلأً التوكيل بيشددوا على موضوع 95 للأنجكشين.... لكن الحقيقة أنا بحط 92 بسبب أن سعر ال 95 أعلى بفرق مش قليل... لكن بالنسبة لموضوع ال 80 لا انصح بة على الأطلاق.

سعر الادا الروسى الأن عند شركة الأمل "فاضية" فى حدود ال 52 ألف... بس خليكى بالك ممكن يقولك الأستلام بعد فترة من الحجز عشان عليها سحب أو لعدم وصول شحنات جديدة.. الخ..... و مبروك مقدماً.

د. مصطفى

ياباشا التوكيل يقول اللى هو عاوزه
95 ايه اللى نحطوا للادا
هو الناس شاريها عشان يصرفوا الفرق بينها وبين العربيات اللى اغلى منها على ال 95
عادى يتحط 80
لانه نفس الماتور

[nour_2001]

ياريت لو حد بقاله فترة طويله بيستخدم بنزين 80 يتفضل يقول العربيه معاه عامله إيه

فى حاجه كمان أفهمها هو المفروض الإنجيكشن أوفر من الكاربرتير !
طيب إزاى إذا كانت العربية الإنجيكشن مينفعش معاها البنزين ال80
إزاى بتوفر كده

[BrainStorm]

أنا كان معايا لادا روسي 95 1200 cc وكنت باحتلها بنزين 92
والله من ساعة ماجبتها zero لغاية مابعتها بعديها ب 12 سنة معملتش أي مشاكل معايا في الماتور ولا الكاربراتير فـنصيحة ليك حتى لو هتجيبها كربراتير حتلها بنزين 92 علشان ده فعلا هيحافظ عليها

[kohana]

انا بتاعتى بحطلها 80 بس هى موديل 82 كاربراتير
بس طبعا لازم أغير فلتر البنزين لأنه بعد فترة مش بيبقى مليان شوائب ده بيبقى مليان طحينة
ههههههههههه هيع هيع هييييييييييييييييع

[factorialx]

فعلأً التوكيل بيشددوا على موضوع 95 للأنجكشين.... لكن الحقيقة أنا بحط 92 بسبب أن سعر ال 95 أعلى بفرق مش قليل... لكن بالنسبة لموضوع ال 80 لا انصح بة على الأطلاق.

سعر الادا الروسى الأن عند شركة الأمل "فاضية" فى حدود ال 52 ألف... بس خليكى بالك ممكن يقولك الأستلام بعد فترة من الحجز عشان عليها سحب أو لعدم وصول شحنات جديدة.. الخ..... و مبروك مقدماً.

د. مصطفى

اللادا الروسي بيتحطلها بنزين 95 !

[mohmdy]

بسم الله الرحمن الرحيم
السلام عليكم ورحمة الله وبركاته
علي فكرة ياجماعة وللأمانة انا معايا لادا 1500 وطول ماهي معايا بحط 80 ومفيش مرة قلت بأصلها في حاجة وماشية ذي الفل وعلشان اكون صادق ممكن كل خمس او ست شهور كدا احس ببرجلة ويعقد يومين ويروح لوحدة سألت واحد ميكانيكي قالي ممكن يكون من ال 80 وساخة كاد بس بترجع ذي الفل ومفيش مشاكل يعني وشكرا

[gasserwagdy]

السلام عليكم
ياجماعة الموضوع مفهوم بالنسبة للناس غلط في رقم الاوكتان للبنزين عمرماكان في نوع احسن من نو ع ولكن لكل محرك تصميم معين يقبل 80 او 90 او 92 او 95 ودة كلة بيتحدد طبقا لطول مشوار البستم وقطرة يعني لو جبت موتور متصمم على 80 وحطيت بنزين 95 فانت كدة بتخربة لان البنزين بيتحرق قبل ميعادة والعكس صحيح لو جبت موتور 95 وحطيت بنزين 80 فانت بردة بتخربة لانة بيتحرق بعد ميعادة ودي حاجة في التصميم وبالمناسبة الغاز الطبيعي يوافق بنزين 100 اوكتان وبيبهدل المواتير لاسباب كثيرة منها موضوع الاوكتان اما فكرة الشوائب فيمكنك استخدام فلتر خارجي بيركب قبل الكربراتير او الانجيكشن يعني في الخرطوم اللي جاي من التنك وكمان يا جماعة لازم تفهموا ان اللي صممو اللادا كانوعاملين في حسابهم انها عربية شغل ومرمطة وعربية داخل المدينة طبعا دول مختلفيين تماما عن الجماعة اللي صممو المرسيدس والبي ام والجاجور
م / جاسر وجدي