اللادا الروسى والمصرى - استهلاك البنزين

[a7madramadan]

يــــــا جماعة لتصحيح المعلومة .........

التوكيل بينصح بــ 92 وبيقول عالأقل 90 ولا يجوز استخدام 80 ده لمواتير الحقن الإليكتروني Injection اينجيكشن

والكاتالوج بتاع العربية Unleaded gasoline with at least 91 RON for fuel injection يعني طالبين 91 ....95 حرااااام تدفعوا الفرق الرهيب ده..... حطيتوا 92 يبقى تمام قوي ..... حطيتوا 90 كويس ......... 80 حراااااام عليكم هتبوظوا الاينجكشن بتاع العربية ....

وانا شايف فرق الــ 10 قروش بين ال 90 وال 92 مش كتير فقررت شخصيا احط 92 من اول ما شريت العربية لحد دالوقتي

والمواتير الكاربيراتير 80 عادي خالص .... اديها جاز هتمشي (باهزر طبعا)

وربنا ما يورينا أعطال في عربياتنا جميعا

[vmallek]

خليك في الروسي 2107 الكاربرتير موديلات 2005و2006و2007 بنزين 80

[mostafawbss]

انا معايا لادا 2105 موديل 83
شغاله 80 لما حطتلها 90 و الله و الله اتخنقت وكركرت
بس زي ما قال الاخ بتلاقي فلتر البنزين يقى ملياااااان طحينه مش شوائب

[a7madramadan]

غريبة قوي قوي ان العربية تكركر من بنزين 90 :)) أنا مش متخيل السبب بس أنا اعرف ان تسقيف الموتور بييجي بسبب ان العربية واخدة بنزين بأوكتان أقل من الموصى بيه .... مش عارف ان كان قصدك ان العربية موتورها بيسقف ولا حاجة تانية :) لإن لو بيسقف يبقى في حاجة مش طبيعيه في عربيتك لإن الأوكتان الأعلى بيقلل التسقيف

[SYD]

بسم الله الرحمن الرحيم
انا كان عندي لادا 2107 1600 سي سي
كنت بستعمل 80 لحد لما الكاربراتير اشتكي مني
بصراحة كانت موفرة اوي اوي اوي
كانت بتستهلك حوالي من 200 ل 220 كيلو في الصفيحة (20 لتر)
بس بصراحة كانت مشاكلها كتير اوي
انا اكمني بقرص علي الماتور جامد مكنتش حاسس بيها اوي
بس لما غيرت ل 92 حسيت بالفرق
اكلت بنزين اكثر (مش بتكمل حتي 180 كيلو)
بس عمرها ما كلت بوجيه ولا طقم كهربا
كنت بمشي بيهم والله 10000 كم وعلي بنزين 80

اشتريت ابيزا انجيكشن
طبعا 92
واي انجيكشن في الدنيا اقل حاجة 92

مع كامل احترامي للمهندس بتاع البساتم
بس موضوع 80 و92 دة موضوع كاربراتير اكتر او انجيكشن
طبعا الحريق بيتم في الماتور بس الخليط بيتم في المحفز سواء كان ضخ اليكتروني (انجيكشن) او ضخ بالبخاخات بتاعة الكربراتير

لا تستمع لنصائح سائقي التاكسي

[hamada2017]

دى أول مرة ليا أشترك فى منتدى بس انا على طول بتابع من بعيد ولاكن انا ان شاء الله ناوى اجيب عربية ومعايا 20000 وفكرت فى اللادا 2107 من موديل 91 وانت طالع الروسى طبعا فهل المبلغ دا كافى انى اجيب عربية لادا كويسة ولا لااااااا أرجو الافادة مع اول طلب ليا على المنتدى وشكرااااا

[hamada2017]

دى أول مرة ليا أشترك فى منتدى بس انا على طول بتابع من بعيد ولاكن انا ان شاء الله ناوى اجيب عربية ومعايا 20000 وفكرت فى اللادا 2107 من موديل 91 وانت طالع الروسى طبعا فهل المبلغ دا كافى انى اجيب عربية لادا كويسة ولا لااااااا أرجو الافادة مع اول طلب ليا على المنتدى وشكرااااا

[mhmdalsaadany]

بص يا باشا انا ليا ابن خالتي جايب واحده من حوالى 6 شهور مو 94 روسي 1200 سي سي كانت عامله 21000 وحالتها كانت فوق الممتازه بصراحه اعتقد انه لحد دلوقتي مصرفش عليها غير حوالى 400 جنيه ومن ضمنهم الزيت وفلاتر وسيور عشان يكون مطمن مش اكتر وربنا يوفقك ان شاء الله

[hamada2017]

ربنا يكرمك يا محمد بيه والف شكر على المعلومة بس هو فى سؤال تانى لو سمحت هو اشتراها من السوق ولا من واحد يعرفه علشان انا خايف انزل السوص