مشكله ومش عارف لها حل

[geco]

الاصلى كان الومنيوم 2 ماسورة بس باظ بسرعه بقى مملح رغم انى كنت بحط ميه خضرا
انا عملت حاجات كتير وروحت لاكتر من 15 ميكانيكى وكهربائى وبتاع الريداتير والتوكيل محدش عارف يحلها انا مش عارف هو فى ايه

[abokoko]

حضرتك غيرت الرداتير وتلقاك دخلت فى 500 جنيه مثلا

فليه ما ظبطتش التاكيهات ومش هتكلفك الا 50 جنيه تقريبا ومش هتخسر
بل بالعكس هتظبط حراره وصوت الموتور


حاجه تانيه الممضروب كتير فوق ما تتخيل ممكن يكون الترموستات اللى جبتها مضروبه
وممكن تغيرها اكتر من 3 او 4 مرات لحد ما تلاقى ترموستات كويسه
وما تتغشش باللى مكتوب على قطعه الغيار
ربنا يرحمنا من الغشاشين

[geco]

التاكيهات طلعت مظبوطه
اما بالنسبه للثرموستات جربتها فى التوكيل على عربيه تانيه كانت شغاله كويس فبتهيألى ان المشكله فى العربيه
انا لغايه دلوقتى دايخ ومش عارف لها حل
فى ناس قالو ان المشكله فى دوره الميه فى العربيه بس مش لاقى حد بيفهم فيها من غير ما يفتى

[Adham]

اي هيه دورة المياة في العربية ؟؟؟

هي الردياتير و المواسير و الخراطيم

انا رأيي انك تشيل الردياتير النحاس و تجيب الردياتير الاصلي الاتنين ماسورة الالومنيوم

بس الاول اتأكد ان مافيش سدد في علب الشكمان بتاعه العربية

[kohana]

انا مش عارف أقولك إيه
ربنا يحلها لك من عنده

[mr_sameh]

مادام الحرارة مش بتوصل للاحمر يبقي مفيش مشاكل

[darehawk]

متابع باهتمام وان شاء الله المشكلة تتحل قريب

[geco]

مفيش حد ممكن يدلنى على ميكانيكى او كهربائى بيفهم ممكن يساعدنى انا بجد زهقت
الجديد فى الموضوع ان مؤشر الحراره اللى فى التابلوة اقصى حد ليه بقى عند الترمومتر يعنى فى نص الاخضر ولما بيقل بيبقى فى الحد بين الابيض والاخضر يعنى درجه الحراره كويسه لكن برضه المروحه مش بتفصل
والمؤشر مش بايظ ولا الحرارة عاليه زياده عن اللزوم لانى بقيسها على الجهاز فى التوكيل والقربه مش بتغلى
انا زهقت بجد

[Adham]

انزل الحرفيين (بس لو بكرة يبقى بعد الصلاة) وروح ورا الجامع و إسأل على ورشة محمد عسكر, دة كهربائي هايل و شغلة نضيف و دماغه عالية و لو مشكلة العربية دي في الكهرباء حايكتشفها و يحلها, و الا حايقولك روح لميكانيكي لو هو شايف ان كل حاجة في الكهرباء مضبوطة 100% و انا من رأيي ساعتها انك تشوف بتاع شكمانات كويس يتأكد ان مافيش سدد او خنقة من علبة شكمان مكتومة, ممكن بالمرة و انت في الحرفيين اسأل على "مربع" بتاع الشكمانات هو في البلوك اللي ورا المطراوي بتاع الشكمانات

عنها و عليك على خالد البطيء (ورا مربع) دة انضف واحد بتاع ردياتيرات في الحرفيين ممتاز جدا ً و فاهم كويس قوي و لو العيب من الردياتير النحاس( زي مانا اقترحت من قبل انك ترجع تجيب الردياتير الاصلي الالومنيوم بتاع العربية) هو حايشوف ويقولك الصح

التلاتة دول انا باتعامل معاهم من سنين و عارف شغلهم و ضامنهم و كمان اسعارهم كويسة و مش نصابين و لا بتوع اشتغالات يعين صنايعية نضيفة و تعرف ربنا

و التلاتة مشهورين قوي في الحرفيين و اي حد حاتسألة عليهم حايدلك عليهم فوراً

[elmkaneeki]

اللادا مينفعش فيها مروحة ثرموستات.روح عند ميكانيكى خليه يعملك مروحة دايركت