Tweet
نيفا و شركة الأمل
السلام عليكم ,
أنا عندى عربية لادا نيفا 2010 و العربية ماشية معايا كويس أو أنا متهيأ لى أنها كويسة مش عارف و عاملة 9000 كم لغاية دلوقتى بس فيها مشكلة و التوكيل كمان مش فيه مشكلة التوكيل نفسه عبارة عن كتلة مشاكل و عقد نفسية و فنية و إدارية تمت صياغتها فى شكل شركة توكيل سيارات!!!
1- الكارتيرة (حوض الزيت أسفل الماتور) من ناحية الفتيس بيسقط زيت و مش عايزين يصلحوه.
2- الفرامل بتصفر طول مانا ماشى و صوت حديد أو سكاكين بتحك فى بعض لدرجة ان الناس اللى فى الشارع بتبص عليا و برضه مش عايزين يصلحوها.
المشكلة بقى إن التوكيل مش عايز يصلح العربية
اللى شفته معاهم:
1- بيهيفوا المشكلة و نظام إن أنا عبيط واهبل و دى حاجات عادية فى كل المرسيدس و البى إم و الفولكس فاجن.
2- بيقولولى صلحوها و بعد ما أمشى ألاقى العيوب هيا هيا.
3- بيركبولى فلتر زيت بيضرب و يدهول العربية و الشارع بعد 2000 كم , مش عارف ليه بيركبوه مع أنهم بيحطوا زيت 5000 كم و أقولوهم أجيب واحد من بره ما يرضوش و مهندس طيب جوه ركبلى فلتر كويس و قالى الفلتر بتاعها مش متوفر دا غير أن قياس الزيت بعد ما بيغيرو الزيت بيبقى فوق الماكس بخمسة سنتيمتر يعنى فوق الماكس بمسافة ضعف المسافة بين المين و الماكس و بيقولولى عادى و لما الزيت سرب و القياس نزل تحت الماكس قالولى عادى , واضح إن كلمة عادى كلمة خارقة تحمل العديد من المعانى فى مضمونها!!!
4- بيتلككوا بأى شكل لطردى خارج الضمان , مثلا المروحة بتشتغل على حرارة 97 لغاية ما تنزل 90 و تبقى تمام , المهم قلتلهم عايز أركب زرار عشان و أنا فى وسط البلد و ماشى أول و تانى أشغل المروحة مش لازم العربية تتحرق و بعدين المروحة تشتغل , المهندس قاللى حتخرج بره الضمان و الصنايعى شرحلى إن دايرة كونترول الكهرباء لازم تمشى زرار المروحة على دايرة الحرارة اللى فى الزجاج الخلفى بتاع الرطوبة , يعنى المهندس هزقنى و الصنايعى أحسن من المهندس و أقنعنى و برضه ما رضيوش يخلوا الصنايعى يعملها عشان يطردونى بره الضمان بأى شكل.
5- مسئول فى المركز و أنا واقف بره مستنى العربية فى لحظة صفاء بيتكلم مع واحد أسمعه بيقول هى اللادا دى عربيات احجزلك واحدة byd أحسن , هوا ده الراجل المسئول اللى المفروض يصون العربية و يحب العربية أو يحترمها أو حتى يحترم واحد أهبل زى أو على الأقل يرأف بحاله و ما يحسسوش بأنه عبيط و اضحك عليه لأنه وثق فى الشركة و صدق كلامها و اشترى العربية.
6- مش عايزين يصلحوا العربية بأى شكل , أكتر من تغيير زيت أو فلتر أو ربط مسامير ما بيعملوش , دا أنا نمت تحت العربية مرتين و نفكيت الدرع و نشفت الزيت من تحت المكنة مرتين عشان أعرف التسريب جى منين و شاورتلهم عليه و برضوا ما صلحهوش , دا حتى خراطيم الريداتير بتنقط مية لأنهم مركبين كولى أى كلام , حتى دوة بايظ و الخرطوم بينقط مية على الدينامو بالظبط يعنى أنا لو قاصد أخليه ينقط كده مش حاعرف , قلتهلم من زهقى لو العربية محتاجة أى حاجة فيها تتغير غيروها على حسابى خارج الضمان و أنا أدفع تمنها عشان أنا عارف إنهم ما بيغيروش الحاجة إلا بعد انتهاء الضمان عشان ما يتكلفوش و مع ذلك ما رضيوش يصلحوها مكسلين يصلحوها أو مش عايزين يصلحوها أو مش فارقة معاهم تبقى متصلحة أو لأ.
المهم أخدت العربية و رحت على ميكانيكى بتاع واحد صاحبى , الراجل ساق العربية و قاللى إن العربية كويسة الحمد لله و الفتيس سليم و الكورونا و كله كويس بس دواسة البنزين تقيلة جدا , المهم زيتلى دواسة البنزين و الوير بتاعها و بقيت بعرف أطلع على الأول بدون ما العربية تنعر!!!!
و قاللى صوت الصفارة إن التيل نوعه وحش بصراحة صدقته لأن التوكيل دول ممكن يعملوا أى حاجة , و رحت حمدى لادا فى شارع دمشق و جبت تيل فرامل بودرة جديد قعد بالظبط 100 كم و بدأ يصفر زى اللى قبله.
و لقيت حاجة غريبة إن قربة زيت الدبرياج شبه فارغة فقلت له فى صيانة ال 5000 كم أنا فاكر إنه كان مليان إزاى يفضى كده
و سألته هوا لو الزيت فضى إيه اللى يحصل قاللى الدبرياج ما ينقلش و العربية ما تتحركش فا و الله جه فى دماغى إن ممكن يكونوا فى التوكيل هما اللى فضوا الزيت عشان أغير اسطوانة الدبرياج لأن دية هى الشكوى اللى سمعتها من كل الناس تقريبا بيغيروها على ال 10000 كم بسبب سوء الإستخدام خارج الضمان و بيدغعوهم تمنها.
دول خلونى بقيت أسأل الناس اللى ماشية فى الشارع التيل معاك بيصفر و لا لأ و بتسرب زيت و لا لأ و بتعمل إيه و بتروح فين و بتيجى منين!!!
أنا و الله زهقت و راكن العربية تحت البيت و ما باقيتش باشغلها خالص , و كان نفسى أركب لها كاسيت كويس و سماعات و زجاج كهرباء و أروشها و الله سدو نفسى لغاية دلوقتى ما عملتش فيها أى حاجة لأنى على طول مهموم و بقيت بافكر ابيعها حتى لو حاخسر نص تمنها بس أخلص من الهم و الله ركبونى الهم لدرجة إنى رجعت تانى أركب مواصلات و بقيت أكسل أنزل بالعربية من قلقى و صداعى بسببهم و الله كرهونى فيها و حسبى الله و نعم الوكيل فيهم.
أنا فوضت أمرى فيهم لله و بنشر الموضوع عشان لو حد عايز يشترى العربية من توكيل الأمل ما يعملش حسابه لا على ضمان و لا صيانة و لا حتى أدنى مستوى من الإحترام أو حتى الرأفة لأنهم ناس مش كويسين فعلا و اللى يجيبها يكون بتاع عربيات و بيفهم فيها و ازاى يصلحها و يمشى بيها و يصلحها عشان ما يتبهدلش يعنى ما يكونش واحد غلبان زى حالتى ما يعرفش أى حاجة فى أى حاجة و إلا حا يتبهدل بكل ما تحمله الكلمة من معنى , أنا لو رجعت بيا الأيام تانى كنت اشتريت عربية عادية ليها توكيل على الأقل بيصلح العربية أو قطع غيار مضمونة (نسبيا) فى السوق.
أنا عندى عربية لادا نيفا 2010 و العربية ماشية معايا كويس أو أنا متهيأ لى أنها كويسة مش عارف و عاملة 9000 كم لغاية دلوقتى بس فيها مشكلة و التوكيل كمان مش فيه مشكلة التوكيل نفسه عبارة عن كتلة مشاكل و عقد نفسية و فنية و إدارية تمت صياغتها فى شكل شركة توكيل سيارات!!!
1- الكارتيرة (حوض الزيت أسفل الماتور) من ناحية الفتيس بيسقط زيت و مش عايزين يصلحوه.
2- الفرامل بتصفر طول مانا ماشى و صوت حديد أو سكاكين بتحك فى بعض لدرجة ان الناس اللى فى الشارع بتبص عليا و برضه مش عايزين يصلحوها.
المشكلة بقى إن التوكيل مش عايز يصلح العربية
اللى شفته معاهم:
1- بيهيفوا المشكلة و نظام إن أنا عبيط واهبل و دى حاجات عادية فى كل المرسيدس و البى إم و الفولكس فاجن.
2- بيقولولى صلحوها و بعد ما أمشى ألاقى العيوب هيا هيا.
3- بيركبولى فلتر زيت بيضرب و يدهول العربية و الشارع بعد 2000 كم , مش عارف ليه بيركبوه مع أنهم بيحطوا زيت 5000 كم و أقولوهم أجيب واحد من بره ما يرضوش و مهندس طيب جوه ركبلى فلتر كويس و قالى الفلتر بتاعها مش متوفر دا غير أن قياس الزيت بعد ما بيغيرو الزيت بيبقى فوق الماكس بخمسة سنتيمتر يعنى فوق الماكس بمسافة ضعف المسافة بين المين و الماكس و بيقولولى عادى و لما الزيت سرب و القياس نزل تحت الماكس قالولى عادى , واضح إن كلمة عادى كلمة خارقة تحمل العديد من المعانى فى مضمونها!!!
4- بيتلككوا بأى شكل لطردى خارج الضمان , مثلا المروحة بتشتغل على حرارة 97 لغاية ما تنزل 90 و تبقى تمام , المهم قلتلهم عايز أركب زرار عشان و أنا فى وسط البلد و ماشى أول و تانى أشغل المروحة مش لازم العربية تتحرق و بعدين المروحة تشتغل , المهندس قاللى حتخرج بره الضمان و الصنايعى شرحلى إن دايرة كونترول الكهرباء لازم تمشى زرار المروحة على دايرة الحرارة اللى فى الزجاج الخلفى بتاع الرطوبة , يعنى المهندس هزقنى و الصنايعى أحسن من المهندس و أقنعنى و برضه ما رضيوش يخلوا الصنايعى يعملها عشان يطردونى بره الضمان بأى شكل.
5- مسئول فى المركز و أنا واقف بره مستنى العربية فى لحظة صفاء بيتكلم مع واحد أسمعه بيقول هى اللادا دى عربيات احجزلك واحدة byd أحسن , هوا ده الراجل المسئول اللى المفروض يصون العربية و يحب العربية أو يحترمها أو حتى يحترم واحد أهبل زى أو على الأقل يرأف بحاله و ما يحسسوش بأنه عبيط و اضحك عليه لأنه وثق فى الشركة و صدق كلامها و اشترى العربية.
6- مش عايزين يصلحوا العربية بأى شكل , أكتر من تغيير زيت أو فلتر أو ربط مسامير ما بيعملوش , دا أنا نمت تحت العربية مرتين و نفكيت الدرع و نشفت الزيت من تحت المكنة مرتين عشان أعرف التسريب جى منين و شاورتلهم عليه و برضوا ما صلحهوش , دا حتى خراطيم الريداتير بتنقط مية لأنهم مركبين كولى أى كلام , حتى دوة بايظ و الخرطوم بينقط مية على الدينامو بالظبط يعنى أنا لو قاصد أخليه ينقط كده مش حاعرف , قلتهلم من زهقى لو العربية محتاجة أى حاجة فيها تتغير غيروها على حسابى خارج الضمان و أنا أدفع تمنها عشان أنا عارف إنهم ما بيغيروش الحاجة إلا بعد انتهاء الضمان عشان ما يتكلفوش و مع ذلك ما رضيوش يصلحوها مكسلين يصلحوها أو مش عايزين يصلحوها أو مش فارقة معاهم تبقى متصلحة أو لأ.
المهم أخدت العربية و رحت على ميكانيكى بتاع واحد صاحبى , الراجل ساق العربية و قاللى إن العربية كويسة الحمد لله و الفتيس سليم و الكورونا و كله كويس بس دواسة البنزين تقيلة جدا , المهم زيتلى دواسة البنزين و الوير بتاعها و بقيت بعرف أطلع على الأول بدون ما العربية تنعر!!!!
و قاللى صوت الصفارة إن التيل نوعه وحش بصراحة صدقته لأن التوكيل دول ممكن يعملوا أى حاجة , و رحت حمدى لادا فى شارع دمشق و جبت تيل فرامل بودرة جديد قعد بالظبط 100 كم و بدأ يصفر زى اللى قبله.
و لقيت حاجة غريبة إن قربة زيت الدبرياج شبه فارغة فقلت له فى صيانة ال 5000 كم أنا فاكر إنه كان مليان إزاى يفضى كده
و سألته هوا لو الزيت فضى إيه اللى يحصل قاللى الدبرياج ما ينقلش و العربية ما تتحركش فا و الله جه فى دماغى إن ممكن يكونوا فى التوكيل هما اللى فضوا الزيت عشان أغير اسطوانة الدبرياج لأن دية هى الشكوى اللى سمعتها من كل الناس تقريبا بيغيروها على ال 10000 كم بسبب سوء الإستخدام خارج الضمان و بيدغعوهم تمنها.
دول خلونى بقيت أسأل الناس اللى ماشية فى الشارع التيل معاك بيصفر و لا لأ و بتسرب زيت و لا لأ و بتعمل إيه و بتروح فين و بتيجى منين!!!
أنا و الله زهقت و راكن العربية تحت البيت و ما باقيتش باشغلها خالص , و كان نفسى أركب لها كاسيت كويس و سماعات و زجاج كهرباء و أروشها و الله سدو نفسى لغاية دلوقتى ما عملتش فيها أى حاجة لأنى على طول مهموم و بقيت بافكر ابيعها حتى لو حاخسر نص تمنها بس أخلص من الهم و الله ركبونى الهم لدرجة إنى رجعت تانى أركب مواصلات و بقيت أكسل أنزل بالعربية من قلقى و صداعى بسببهم و الله كرهونى فيها و حسبى الله و نعم الوكيل فيهم.
أنا فوضت أمرى فيهم لله و بنشر الموضوع عشان لو حد عايز يشترى العربية من توكيل الأمل ما يعملش حسابه لا على ضمان و لا صيانة و لا حتى أدنى مستوى من الإحترام أو حتى الرأفة لأنهم ناس مش كويسين فعلا و اللى يجيبها يكون بتاع عربيات و بيفهم فيها و ازاى يصلحها و يمشى بيها و يصلحها عشان ما يتبهدلش يعنى ما يكونش واحد غلبان زى حالتى ما يعرفش أى حاجة فى أى حاجة و إلا حا يتبهدل بكل ما تحمله الكلمة من معنى , أنا لو رجعت بيا الأيام تانى كنت اشتريت عربية عادية ليها توكيل على الأقل بيصلح العربية أو قطع غيار مضمونة (نسبيا) فى السوق.
أرجوا تقبل اعتذارى إن كان بدر منى ما قد يسيئ إلى توكيلكم و لكنى أريدك أن تعلم أن ضيقى ليس من أشخاص بأعينهم و إنما من أسلوب تقديم الخدمة لأنى لا أريد الأذى لأى موظف بالمركز لأنى مثلهم موظف و أخطئ و لكنى أرجوا التنبيه على أهمية مراعاة شعور العملاء و تقدير مخاوفهم على ممتلكاتهم لتعم الفائدة على العميل و التوكيل و العاملين به جميعا بإذن الله.
Comment