كرباريتر لادا

[lada2010]

ياريت يا جماعة اللى جاب كرباريتر لادا استيراد او صلح كرباريتر وباق ماشى معة تمام يقول لو غير جاب من عند مين وبكام واللى صلح عند مين وخد كام ولو حد جاب جديد بكام ومن عند مين لانى روحت للشيخ طارق اللى فى الهرم وبصراحة الحاجات عندوا مش ادى كدا يا لا نبخل على بعض بالمعلومات لانى راكن العربية بسبب الكرباريتر

[houbaehab]

الاول انت عندك ايه المشكلة في الكربراتير بتاعك ؟

[lada2010]

المشكلة الكرباريتر بياكل بنزين بغباء وثانيا لا يضبط الموتور ثالثا الحرق يكاد يكون منعدوم

[houbaehab]

المشكلة الكرباريتر بياكل بنزين بغباء وثانيا لا يضبط الموتور ثالثا الحرق يكاد يكون منعدوم

موضوع اكل البنزين كتير ده كربراتير ممكن يكون عايز اكس و باب
فيه ناس كتير بتقلق من موضوع الاكس و الباب ده بس انا عامله و العربية معايا كويسة
اما موضوع ظبط المحرك فده ممكن يكون حاجات كتير
1- ابلاتين - كوندنسر - بوجيهات
2- السيرفو
3- تاكيهات
4- ظبط كهرباء ( الاسبراتير ) http://www.nilemotors.net/Nile/20918...post3873376761

المهم انا شايف انك الاول تصلح الكربراتير ده لو تحب فيه واحد انا بروح ليه كويس في شبرا اسمه انور اللواء ده احسن واحد بعد اللف الكتير و ارخصهم
لو تحب تروح ليه الراجل ده موجود في شارع شبرا بعد 2 بنزبنة بعد الدوران الشارع ناصية البنزينة غالبا التعاون روح و قله انا من طرف ايهاب صاحب الادا البيج و اشرحله الموضوع و هو هيزبطهولك
الاحسن انك تروح علي 11 لانه بينزل متاخر شوية هو بياخد مصنعية حوالي 30 جم و لو الموضوع عايز اكس و باب هيكلفك من 50 : 60 جم تقريبا و الناس هناك كويسة و متعاونة و لو في حاجة بعد الاصلاح ارجع ليه تاني و هو هيزبطهالك (ده لو الموضوع كربراتير فقط) و انا مفتكرش اني رجعتله تاني بعد الاصلاح

[د.أبونضال]

الكارباراتير الجديد = 550 جنيه عند الكيلاني في شارع شامبليون

[mohamed2002]

روح لواحد متخصص في الكربراتير

[habdelbar]

انا راى هاتلها كربراتير فيات 132 2000 انا مركبة عندى فى نيفا 1700 وفارق كتير عن الكربراتير بتاعها سحبها وسرعتها القصوى بقت حاجة تانية.
وعندك يمكن تحتاج تصغر البيكات عشان يبقى مناسب لسعة الموتور عندك.