ما هو تقييمك لوكيل لادا و مراكز الخدمه

[nimo.mimo]

التوكيل تعبان 100%
ثانيا سمعت صوت دبدبة رهيب في المطبات رجعت تاني التوكيل والمهندس مصمم انها تهيئات ومفيش صوت وهي كدة ذهبت لعفشجي تخصل لادا قالي المفاجئة ان بيض الفبريكة تم تغيرة وهو دة سبب الصوت مصدقتش طبعا لكن بعد ما غيرت البيض المضروب في التوكيل ببيض جديد رجعت العربية زي قبل الصيانة
احكموا انتم على هذا التوكيل الفاشل

ممكن تقول لنا على عنوان الميكانيكى المتخصص لادا الذى تتعامل معه؟
و لو عنده نمرة تليفون يبقى كتر خيرك

[amt]

السلام عليكم ورحمة الله وبركاته

كإضافة للموضوع يمكن تكون ذات علاقة بشكل غير مباشر برجاء مراجعة الموضوع التالي

http://www.nilemotors.net/Nile/155964-a.html

[x512]

التوكيل تعبان 100%
ثانيا سمعت صوت دبدبة رهيب في المطبات رجعت تاني التوكيل والمهندس مصمم انها تهيئات ومفيش صوت وهي كدة ذهبت لعفشجي تخصل لادا قالي المفاجئة ان بيض الفبريكة تم تغيرة وهو دة سبب الصوت مصدقتش طبعا لكن بعد ما غيرت البيض المضروب في التوكيل ببيض جديد رجعت العربية زي قبل الصيانة
احكموا انتم على هذا التوكيل الفاشل

معتقدش ان لو معايا لادا هروح للتوكيل...العربيه مفهاش الكترونيات ولا سوفت وير محتاج يتظبط ...كل حاجه فيها معتمده علي الميكانيكا اولا و اخيرا...يعني انت يلزمك لتصليح العربيه ميكانيكي شاطر و عفشجي و كهربائي و اهم حاجه تكون بتتعامل معاه من زمان و يكون امين...لزمتو ايه التوكيل و قرفو و القرطسه اللي بتحصل للواحد في التوكيلات عموما

[darsh86]

انا رحت بالعربيه بتاعتى لادا 1600 مع انى هى مفهاش حاجه بس قولت اطمن وشوف رايهم فيها ايه لقتهم قطعوا العربيه حسسونى انى مش راكب عربيه اصلا قوللى انى العفشه بالكامل عايزه تتغير معنى كده انا كانت ماشى على ارز بالبن والاكتر من كده يبقى المكاينكى اللى بتعامل معاه مش بيفهم حاجه بقى بس واحد من جوه المركز قالى متغيرش اى حاجه غير علبه دريكسيون وماستر الدبرياج فقــــــــــــط باقى العربيه زى الفل
نفسى اسمع رايكم ؟؟؟؟؟؟؟؟؟؟
والله والله هذا حصل

[Dr_Ophth2008]

وكيل لادا فى اسكندرية زى الزفت آسف يعنى
ومعامه مش حلوة

وبيغيروا الحاجه بالعافيه ...

[x512]

وكيل لادا فى اسكندرية زى الزفت آسف يعنى
ومعامه مش حلوة

وبيغيروا الحاجه بالعافيه ...

اصلا شركه الامل كل اهتمامها بتجميع العربيه و بيعها و راضيين بالمكسب اللي جاي من البيع مقابل تحملهم التجميع و النقل و استيراد اجزاء السيارة و المواويل دي كلها...هو مش عاوز يقرف نفسو بخدمات ما بعد البيع لعربيه اتوقف تصنيعها اساسا لانها عفي عليها الزمن.... ما عدا هنا في مصر عليها الطلب....لان لو فتح باب لخدمات ما بعد البيع و الصيانه مش هيخلص و هما عارفين كدا كويس....لان العربيه بتخرج من المصنع اساسا فيها بعض العيوب.... ابسط حاجه عيوب الدهان و دا شيء انا شوفتو بعيني في المصنع لما كتب بتدرب هناك....يعني اما بيجو يعالجو بعض العيوب بعد خروج السياره من الدهان بيشيلو طبقه الدهان+ البرايمير و بعد كدا يرشو من جديد برايمر و دهان مكان العيب ودا كلام ورش دوكو مش شغل مصنع محترم...انا مش متحامل علي العربيه بس مينفعش انك بتشتري في 2010 عربيه بتتصنع بقالها 40 سنه و اكتر و ترجع تشتكي ان في عيوب كذا و كذا ..طب ما دا طبيعي و وارد.. و تقبل تحياتي

[Dr_Ophth2008]

معاك حق حتة الجودة ديه مش عندهم خاااااااالص
وبعدين يستهون بمشكلتك

والعربيه كلها عيوب .. يعنى غير الدهان .. انا اشتريت العربيه وغيرت اسطوانه وديسك اربع مرات فى سنتين
وطلع فى النهاية ان ترس الفولام معيوب بيبوظ الاسطوانه غيرته بره وحطيت واحد استعمال والحمد لله زى الفل

ده غير مثلا تلاقى الشماسه مش بتفتح .. الفرش تقفيله من جوه أى كلام تحس انه تقفيل ورشه مش مصنع
تحس زى ما يكون حد ركب العربيه قبلك ...
طلبت العربيه بالتكييف .. وجات بعدها بيومين ... مواسير التكييف حتت معزوله وحتت لأ .. والعازل مقطع ومش متساوى

وحاجه قرف بصراحه وغيرها وغيرها من العيوب

[x512]

. الفرش تقفيله من جوه أى كلام تحس انه تقفيل ورشه مش مصنع

فعلا هو مصنع اللادا عباره عن ورشه و المهندسين اللي في المصنع نفسهم اللي بيقولو كدا...خط الانتاج قدييم جدا خصوصا اللحام

[a7madramadan]

2107 2009 روحت للتوكيل 3 مرات للآن العربية معايا من 6 اشهر ...... الاسكندرية الطريق الصحراوي ...... ناس في منتهى الاحترام و نظام محترم جدا جدا و وتعامل باحترافية....عربيتي كان فيها مشكله ان الفيلتر كان محتاج يتغير بسبب عيب فني فيه و غيروه ووروني القديم و قالو ده على حساب التوكيل علشان انا لسه في فترة الضمان ...ماتوقعتش ان العملية بالامانة دي.....و كان عندي مشكلة صغيرة برضه .. انا عملت زجاج كهرباء امامي ... الكاوتش الي بيقفل عالقزاز مابقاش بالاحكام الاصلي.....غيروه و دفعوني 5 جنيه بس !!!!!!!!! و اكيد حطو جزء بسيط في خانة المصنعيه بتاعت العمالة في آخر الفاتورة ........بس حقيقي الناس دي فاهمة شغلها 10/10 و انصح اي حد فالاسكندرية انه ما يكبرش دماغه من التوكيل بسبب السمعة السيئة في القاهرة

[a7madramadan]

معتقدش ان لو معايا لادا هروح للتوكيل...العربيه مفهاش الكترونيات ولا سوفت وير محتاج يتظبط ...كل حاجه فيها معتمده علي الميكانيكا اولا و اخيرا...يعني انت يلزمك لتصليح العربيه ميكانيكي شاطر و عفشجي و كهربائي و اهم حاجه تكون بتتعامل معاه من زمان و يكون امين...لزمتو ايه التوكيل و قرفو و القرطسه اللي بتحصل للواحد في التوكيلات عموما

كلامك ينطبق على كل الموديلات القديمة بس من اول ما نزلو الحقن الاليكتروني (اينجيكشن) بقى صاحب العربية محتاج يروح التوكيل و عربيتي مثلا موش هاصلح عيب في الموتور غير فالتوكيد ..... اما تربيط عفشة و شغل كهرباء عالواقف اكيد في اي مكان احبه

[Dr_Ophth2008]

2107 2009 >>>>>>>>>>>>>>>>>>>>>>>>.....و كان عندي مشكلة صغيرة برضه .. انا عملت زجاج كهرباء امامي ... الكاوتش الي بيقفل عالقزاز مابقاش بالاحكام الاصلي.....غيروه و دفعوني 5 جنيه بس !!!!!!!!! و اكيد حطو جزء بسيط في خانة المصنعيه بتاعت العمالة في آخر الفاتورة ........بس حقيقي الناس دي فاهمة شغلها 10/10 و انصح اي حد فالاسكندرية انه ما يكبرش دماغه من التوكيل بسبب السمعة السيئة في القاهرة

يعنى غيروا لك كاوتش القزاز بتاع الباب الأمامى عشان مش لاقيه بره
كده يبقى ممكن أروح لهم

هى الميزة ان عندهم كل قطع الغيار اللى مش ممكن تاقيها بره

[y7yaaa]

يا جماعة لو حد عنده أي مشكلة مع التوكيل يرسل شكوي مزيلة بفوايتر الصيانة لجهاز حماية المستهلك ط¬ظ‡ط§ط² طظ…ط§ظٹظ‡ ط§ظ„ظ…ط³طھظ‡ظ„ظƒ بالفاكس أو الايميل الناس بصراحة متعاونين و التوكيل بيعمل حسابهم و بيكون اكثر التزاما

[mman2005]

يا جماعة والله أنا أتعقدت... الواحد قال يشترى عربية جديدة بدل مشاكل الصيانة بتاعة المستعمل... كل ما أدخل أقرأ عن مراكز خدمة هيوندااى وشيفوليه ولادا والصينى ألاقى التقييمات زى الزفت ومشاكل رهيبة وعذااب.

والله الواحد يشترى 128 مستعملة ولا حتى سيات أفضل من وجع الدماغ ده... عقدتونى من الجديد.... أنا عصبى جداً وبيتهيألى لو حصل معايا ربع الى أنا بقراه فى التوكيل ده أنا ممكن أفخخ العربية بالمتفجرات وأفجر التوكيل.

[geco]

شويه نصابين وكنت هاطلب لهم النجده حالا
صدقونى انا لسه راجع من عندهم وعندى مشكله فى الحرارة انها ثابته على 99 ومش بتنزل وغيرت كل حاجه وماعرفوش يحلوها
وانا عمال ادفع
عمالين يجربو ويحطو قطع غيار وفى الاخر الاقى فاتورة عليا لغايه ما زهقت انهارده ولميت الناس وعلشان اسكت قالو لى ماتدفعش حاجه والعربيه فيها وش سلندر رغم انهم فى الاول كشفو عليها وقالو وش السلندر سليم

[SAMER_ENGINES]

احد الزملاء كاتب انى بالنسبة لانى العربية لادا فالتوكيل كويس يعنى ايع الكلام ده يعنى لو راكب لادا اتعامل وحش عشان راكب عربية رخيصة و لو راكب تويوتا اتعامل احسن شوية و لو راكب مرسيدس يشيلونى على راسهم من فوق مفيش حاجة اسمها كدة فى اى بلد بتحترم نفسها برة انا عميل انشالله اكون دافع جنيه واحد انا برضه عميل و المفروض اخد احسن معاملة لكن هما معاملتهم سيئة جدا رحت من فترة طويلة عملت سمكرة و دوكو و لقيتهم بعد ما اخدوا العربية و قعدت عندهم 15 يوم او اكتر كمان و طلبوا فوق الـ 600 جنيه ساعتها و قلت مش رغم انى العربية مكانش فيها ما يستدعى المبلغ ده و فوجئت بيهم فى الاخر داهنين الاجزاء المتفق على رشها بلون مختلف يعنى العربية لونها احمر و هما داهنين الرفرفين و الباب بلون احمر بدرجة افتح و طبعا مبوظ شكل العربية و الكلام ده زى ما قلت من فترة و رحت من اسبوعين اسال على كلاكس قالو لى 70 جنيه و و انا داخل التوكيل قاعد تقريبا المدير و معاه 3 / 4 من اللى شغالين بالظبط نفس المنظر اللى بنشوفه على القهاوى البلدى و دار معى الحوار التالى:-

المدير و من معه: ايوة رايح فين (و كأنى داخل فرن عيش بلدى)
أنا: داخل اشترى كلاكس
المدير و من معه:اااااه بسبعين جنيه
أنا: طيب أسمع صوته
المدير و من معه: مفيش كلاكس للتجربة بس قوم معاه يا (فلان) سمعه كلاكس من اى عربية
أنا: (بإستغراب) أوكى
قام معايا السيد الفاضل و قال لى الكلاكس اهو (بيييب بييب)
أنا: (معجبنيش الصوت او يعنى مش هو اللى كنت متخيله فحبيت اخلع بصنعة لطافة) طيب هعدى وقت تانى يا جماعة (و فوجئت و كأنى فى سوق الجمعة او سوق التلات لما البياعين يحلقوا عليك و (زبون يابوى طخه بس متعوروش يا بوى)
المدير و من معه: لا يا استاذ تعالى بس الكلاكس كويس اوى ي بس دخل العربية نركبه
(و حسيت و كأنى فى وسط بياعين فى سوق مش فى توكيل محترم و طبعا خلعت منهم بصعوبة بعد ما قلت لهم انى مش معايا حق الكلاكس فى جيبى دلوقتى رغم انى الحمد لله معايا طبعا)
أنا: معلش يا جماعة انا مش معايا حق الكلاكس دلوقتى اكمل الفلوس و اجى.
المدير و من معه: اااااااااه طيب خلاص روح و تعالى

توكيل لادا ممكن انى اجزم انه أسوأ توكيل فى مصر ده انا دخلت توكيل بى ام دبليو و رغم انى كنت بسأل عن حاجة و قلت لهم انا مش معايا بى ام بس بسأل عن حاجة كانت مقابلتهم فوق الخيال