ما هو تقييمك لوكيل لادا و مراكز الخدمه

[geco]

الحمدلله فى ناس بتتابع الموضوع حتى ولو بعد كام شهر
ياريت كل واحد عنده مشكله من المركز ده نحدد يوم كلنا ونشتكيهم لاى جهه علشان يبقى لينا موقف ايجابى ويحترمو نفسهم
على فكرة قطع الغيار عندهم بيشتروها من السوق سواء كانت جيده او سيئه وغير المكسب الخرافى والضريبه اللى بيحصلوها هما بياخدوا خصم على الكميات الكبيرة اللى بيشتروها كمان

[darkmask]

بسم الله الرحمن الرحيم
انا ربنا وفقنى واشتريت لادا 2107 مصرى موديل 2008 بعد حيره كبيره بين المصرى والروسى حيث كان من المفترض انى كنت اشتريت خلاص لادا 2107 روسى موديل 2007 كانت معروضة عليا بسعر مغرى بس كانت خارج الضمان لاكن فى اخر لحظة غيرت رأى ورحت الى المصرى بصراحه الزيرو زيرو
معلش للاطاله بس تقريبا ممكن تكون اول مشاركه ليا علشان كدا بوضح الامور
بعد تقريبا حوالى 900 كم رحت النوكيل فى العامرية فى الاسكندرية بصراحه شفت وضع جيد يمكن علشان انا رحت يوم سبت كان التوكيل فاضى مفيش زحمه قوى انا مش عارف بس دى تجربتى
دخل عليا مهندس فى منتهى الاحترام وكانت الساعة 10 تقريبا كنت واقف فى صف اما التوكيل مكون من 5 عربات تفريبا اخذ بيانات العربية ونصحنى لو عايز اكمل بالعربية شويه كمان حتى 1500 كم لو عايز بعد كدا اعمل الصيانه بس انا مكنتش فاضى بعد كده
توجد استراحه جيده فى الدور الثانى
مشفتش اى محسوبية الكل فى الاستراحه او اى مكان ماعد الورشه محدش يخش ولا يتعامل مع اى صنيعى وانا شايف انها سياسه جيده تكفى عن الابتزاز من الصنيعية والبقشيش الاجبارى
بصراحه جلست لاكثر من ساعتين بعد كده لقيت واحد مخرجلى العربية رحت على الشباك طلبت الفتورة وضحولى التعمل والذى كان متفق علية سابقا مع المهندس فى البدايه رجعو معايا بعد كده دفعت واخذت العربية ورجعت البيت حوالى الساعه 1.30
بس اليخالانى اقول ان التوكيل جيد هو مراجعته على العربية و كلها من غير ما اطلب
كان عندى باب الشمال بيعلق مقلتلوش مكنتش عارف اقولو اه بصراحه ولاكن الفنى بتاع البيبان لقيته حله واشتغل فيه من نفسه علشان لاحظ ذلك من نفسه لما كان بيكشف عليهم انا لاحظت كل ده من الكفتريا اصل فيها زجاج كاشف الورشه كلها وانا شايف عربيتى بتتنقل من صنيعى لاخر وده فى رأى شيىءجيد جدا

وبصراحه يجماعة نبقى بنظلم التوكيل لو احنا قرناه بتيوتا او مرسيدس بس على اللادا هو جيد جدا

ممكن عنوان التوكيل بالظبط أكون شاكر ليك

[Ahmed_BYD_F0]

يعنى انا من مجمل ما قريته فى الموضوع ده ان توكيل لادا فى مصر مش كويس لانى دخلت اصلا الموضوع ده اقراءه عشان اعرف عنوان توكيل لادا واروحله عشان اضمن تصليح العربية واكتشفت انه غير كده من كلامكم عشان كدة حفضل مع الميكانيكى بتاعى المحترم

[wael_saif2006]

الخلاصة ياجماعة مع التوكيل ان العربية لو فيها شغل بسيط بيتعمل بس باسعار غالية ولو الشغل تقيل هتلاقى واحد من الفنيين بيديلك رقم تليفونة علشان تروح الورشة الخاصة بتاعتة

[china]

اشكر كل السادة الذين شاركوا بخبراتهم مع التوكيل ولكن من الممكن افادة الجميع بالاتي:
١- اماكن بيع قطع الغيار الجيدة
٢- الورش المتخصصة في اصلاح وصيانة Lada
ويمكن ذكر ورش باماكن متفرقة للوصول الي اقرب ورشة
اشكركم وده اول تعليق لي

[china]

اشكر كل السادة الذين شاركوا بخبراتهم مع التوكيل ولكن من الممكن افادة الجميع بالاتي:
١- اماكن بيع قطع الغيار الجيدة
٢- الورش المتخصصة في اصلاح وصيانة Lada
ويمكن ذكر ورش باماكن متفرقة للوصول الي اقرب ورشة
اشكركم

[MEKAWY2000]

بصراحه توكيل العباسيه سئ جدا والصناعيه مش عرفين حاجه ولازم تروح من الساعه 6 صباحا على شان الزحمه والاخر تطلع السياره مش هى وعلى شان كده انا معنتش بروحه بس نفسى اجرب توكيل الاسكندريه بيقولو عليه كويس وده رايى فى توكيل العباسيه

[MEKAWY2000]

اشكر كل السادة الذين شاركوا بخبراتهم مع التوكيل ولكن من الممكن افادة الجميع بالاتي:
١- اماكن بيع قطع الغيار الجيدة
٢- الورش المتخصصة في اصلاح وصيانة lada
ويمكن ذكر ورش باماكن متفرقة للوصول الي اقرب ورشة
اشكركم

بالنسبه لى انا بفيصل الجيزه وفى محلات قطع غيار اصلى

1محمد لادا وده اول فيصل
2جمال لادا وده فى المساحه فيصل
3حمدى لادا ب300ش فيصل
اما بالنسبه للصنايعيه
فيوجد ورش كتير وميكانيكيه ممتازين
وكهربائيه كمان

[fatma]

فعلا توكيل العباسية سئ جدا والصنيعية مش فاهمين حاجة وقطع الغيار مش متوفره عندهم للعربيات الحديثة من الللادا(lada 2170 او بريورا)مش عارفين اى حاجة عنها خالص

[MEKAWY2000]

للاسف شركه الامل اسائت للسياره الادا واخطات فى حق اى واحد امتلك السياره الادا وياريت لوحبيت تعرف اكثر اعمل استفتاء وانا مره اشتكيت مركز الصيانه دول ماس بتاخد اتوبيس المركز وتلم صنايعيه من الورش يبقى عايز ايه

[MEKAWY2000]

فعلا توكيل العباسية سئ جدا والصنيعية مش فاهمين حاجة وقطع الغيار مش متوفره عندهم للعربيات الحديثة من الللادا(lada 2170 او بريورا)مش عارفين اى حاجة عنها خالص:copy of majd(4):

بقوليه انا فى يوم رحت من الساعه 6 الصبح الى الساعه10 لحد ماجابو الصنايعه

[MEKAWY2000]

مازلت بقول ان شركه الامل سائت السمعه بالسياره الادا

[MEKAWY2000]

وهفضل اقولها ان الامل خد المل من اصحاب السياره الادا؟؟؟؟؟؟؟؟؟؟؟؟؟؟؟؟؟؟؟؟؟

[walidabc]

روح لمحمد لادا اللي في اول فيصل (تحت برج الاطباء) و حتاقي عنده قطع غيار لادا ٢١١٠ متوفرة

[ايمن رجب]

انا بقالى 6 سنين مع التوكيل
الميكانيكا ممتاز
الكهرباء ممتاز
العفشة ضعيف لأن ما عندهمش عفشجى عندهم ميكانيكى بيشتغل فى العفشة
السمكرة والدوكو هائل بس نار لانهم بيفكوا العربية بالكامل
الاسعار معقولة زى بره + 10% ضريبة مع ضمان على الشغل شهر او 1000 كم