نفسى فى حل اكيد لعلاج سخونة الادا فى الصيف والاشارات الواقفة على طول

[ahmedandahmed]

انا العربيى عندى لادا 2105 المشكله فى سخونة العربية فى الاشارات الريتاتير نحاس والمروحة من الماتورة يعنى على سير الدينامو نصحونى انى اجيب مروحة كهرباء بتاعت الشاهين واركبها والغى الاولنية ونصحونى كمان اجيب مروحة اكبر وطنبورة اصغر للى ركبه فيها ؟؟؟؟؟؟؟؟؟؟ برجاء الحل من اهل الخبره ؟؟؟؟؟؟؟؟
مع تمنياتى للجميع بالتوفيق مع حل كل مشاكلهم ،،،،،،،،،،،،،،،، شكرا ،،،،،،،،،،

[ahmedandahmed]

فين اهل الخبرة

[engaass]

هات مروحة اكبر وان شاء الله تحل المشكلة بس خلى بالك ان ممكن يكون فى اسباب تانية للسخونة
زى اسداد مجارى المياه
عدم ضبط العربية
حالة الشكمان

[ahmedandahmed]

هات مروحة اكبر وان شاء الله تحل المشكلة بس خلى بالك ان ممكن يكون فى اسباب تانية للسخونة
زى اسداد مجارى المياه
عدم ضبط العربية
حالة الشكمان

شكرا على الرد وان شاء الله هعمل كدة

[abokoko]

راجع ترموستات الكوع (( الترموستات الميكانيكى ))
وفى ناس بتلغيه -- زيى انا --
مزايا الغاؤه اختفاء ارتفاع الحراره
عيوب الغاؤه
صعوبة الدوران فى الشتاء /زيادة استنهلاك البنزين/ ممكن والله اعلم يكون مضر لعمر الموتور الافتراضى لتذبذب الحراره

[ahmedalramy]

انا شفت واحد عامل اختراع غريب
حاطت مروحه تانيه بين الريدياتير و الشبكه الاماميه علشان تسحب الهوا
هو بيقولى ان ليها تاثير بس انا عن نفسى مش هاجربها بس قولت اديكوا فكره عن الاختراع العجيييييييييب ده

انا لما جبت العربيه الميكانيكى غيرلى الريش بمروحه 8 ريشه وشغال بيه

[ahmedandahmed]

انا شفت واحد عامل اختراع غريب
حاطت مروحه تانيه بين الريدياتير و الشبكه الاماميه علشان تسحب الهوا
هو بيقولى ان ليها تاثير بس انا عن نفسى مش هاجربها بس قولت اديكوا فكره عن الاختراع العجيييييييييب ده

انا لما جبت العربيه الميكانيكى غيرلى الريش بمروحه 8 ريشه وشغال بيه

فعلا الموضوع دة موجود

[lad]

فعلا المروحه الى بتركب امام الريداتير كويسه جدا بس تخليها تضرب هواء فى الريداتير تأثرها جامد أوى

[k123456789m]

الاستاذ الفاضل
الحل دة انا مجربة بنفسى فى لادا 2105
* تغير الطمبورة بواحدة قطرها صغير جدا بذلك يكون عدد اللفات اكبر
* تركيب ريشة المروحة الشاهين 8 ريشة
*اضافة مروحة كهرباء بين الردياتير والشبكة الامامية بترموستات على الريدياتير 60/90 تعمل باتجاة من الامام الى الردياتير بالخلف
*النتيجة عند توقف السيارة فى اى اشارة يكون معدل لفات الماتور فى السلانسية اقل فاذا الحرارة عليت يتم تشغيل المروحة الكهرباء اتوماتيكيا لوحدها حتى نزول مؤشر الحرارة الى ربع امبير الحرارة
*ملحوظة يتم تركيب مفتاح باشارة للمروحة فى تابلوة السيارة حتى تبين لك المروحة الكهرباء عند عملها وفصلها وفى اسوء الظروف عند تلف الترموستات الموجود بالريدياتير يتم تشغيلها يدويا
ونسألك الدعاء بصالح الاعمال

[engaass]

الاستاذ الفاضل
الحل دة انا مجربة بنفسى فى لادا 2105
* تغير الطمبورة بواحدة قطرها صغير جدا بذلك يكون عدد اللفات اكبر
* تركيب ريشة المروحة الشاهين 8 ريشة
*اضافة مروحة كهرباء بين الردياتير والشبكة الامامية بترموستات على الريدياتير 60/90 تعمل باتجاة من الامام الى الردياتير بالخلف
*النتيجة عند توقف السيارة فى اى اشارة يكون معدل لفات الماتور فى السلانسية اقل فاذا الحرارة عليت يتم تشغيل المروحة الكهرباء اتوماتيكيا لوحدها حتى نزول مؤشر الحرارة الى ربع امبير الحرارة
*ملحوظة يتم تركيب مفتاح باشارة للمروحة فى تابلوة السيارة حتى تبين لك المروحة الكهرباء عند عملها وفصلها وفى اسوء الظروف عند تلف الترموستات الموجود بالريدياتير يتم تشغيلها يدويا
ونسألك الدعاء بصالح الاعمال

+1111111111111111111111111111111111111111111

[ahmedandahmed]

الاستاذ الفاضل
الحل دة انا مجربة بنفسى فى لادا 2105
* تغير الطمبورة بواحدة قطرها صغير جدا بذلك يكون عدد اللفات اكبر
* تركيب ريشة المروحة الشاهين 8 ريشة
*اضافة مروحة كهرباء بين الردياتير والشبكة الامامية بترموستات على الريدياتير 60/90 تعمل باتجاة من الامام الى الردياتير بالخلف
*النتيجة عند توقف السيارة فى اى اشارة يكون معدل لفات الماتور فى السلانسية اقل فاذا الحرارة عليت يتم تشغيل المروحة الكهرباء اتوماتيكيا لوحدها حتى نزول مؤشر الحرارة الى ربع امبير الحرارة
*ملحوظة يتم تركيب مفتاح باشارة للمروحة فى تابلوة السيارة حتى تبين لك المروحة الكهرباء عند عملها وفصلها وفى اسوء الظروف عند تلف الترموستات الموجود بالريدياتير يتم تشغيلها يدويا
ونسألك الدعاء بصالح الاعمال

الف الف شكرا للناس الفهمه

[MITSUKERO]

طبعا الحل الاخير ده فعلا هو الحل اللي من الاخر زي ما بيقولوا بس احب اضيف نقطة صغيرة

انا معيش لادا ولا حاجة بس مع واحد صاحبي زي اخويا بالظبط و هو عمل كده فعلا بس الفرق في المروحة ال 8 ريشة فقط

هو جاب مروحة روسي 6 ريشة الفرق بين المروحة ال 6 و ال 8 ان المروحة ال 6 ريشة - الريشة بتعتها سميكة جدا و ده بيخليها متتأثرشي ب الحرارة و بالتالي زاوية ميلها متتغيرشي و بالتالي كمية الهواء تفضل ثابتة اما المروحة ال 8 ريشة فالريش بتاعتها ضعيفة جدا انا مسكتها بأيدي و مسكت ال 6 و شفت الفرق .

سعر المروحة ال 6 ريشة الروسي اللي مكتوب عليها اسم الشركة تقريبا زاز او فاز 25 جنية و الطنبورة الصغيرة الومنيوم ب 10 جنية و فايدة الطنبورة الصغيرة مزدوجة لانها بتسرع المروحة و بتذود عدد لفات الاكس في الدقيقة و بتسرع لفات طرمبة المية اللي هي راكبة علي الاكس فبالتالي المياة بتمشي اسرع جوه الموتور و بتتقلب اسرع و في نفس الوقت المروحة بتذيد سرعتها لان طمبورة كبيرة بتدي طمبورة صغيرة و طبعا العمر الافتراضي لطرمبة المياة بيقل بس دي مش مشكلة بالمقارنة بإنهاء مشكلة زي دي بالإضافة ان صوت المروحة بيعلي و بيبقي فيه صوت ليها لما بتذود بنزين بس صوت بسيط برضة

اتمني اني اكون اضفت حاجة

عندي سؤال ياريت الاقي له اجابة :

نوع المروحة اللي ينفع تتحط بين الريادياتير و الشبكة لان صاحبي دايخ عليها و مش لاقي مروحة مناسبة لان المسافة صغيرة و ضيقة بس هو مكسل يدور لان تغيير الطمبورة و المروحة قلل السخونة جدا ياريت حد يجاوبني و الف شكر ليكم

[mrastra]

للاسف
موضوع انك تصغر الطنبورة بتاعة مروحة التبريد دة مش حل عملى بالعكس هايجيب نتايج عكسية
لية؟
لان لو قللنا قطر النبورة هاتلف اسرع زى ما حضرتك قلت ودة هايخلى المياة فى الردياتير تلف بسرعة ما تلحقش تبرد
الحل الامثل ريشة محترمة 8 ريشة مع ردياتير نحاس 3 ماسورة وبدون مروحة كهرباء واوعدك انك مش هاتشتكى من السخونة تماما

[MITSUKERO]

للاسف
موضوع انك تصغر الطنبورة بتاعة مروحة التبريد دة مش حل عملى بالعكس هايجيب نتايج عكسية
لية؟
لان لو قللنا قطر النبورة هاتلف اسرع زى ما حضرتك قلت ودة هايخلى المياة فى الردياتير تلف بسرعة ما تلحقش تبرد
الحل الامثل ريشة محترمة 8 ريشة مع ردياتير نحاس 3 ماسورة وبدون مروحة كهرباء واوعدك انك مش هاتشتكى من السخونة تماما

كل الاحترام لحضرتك بس الكلام ده مش صحيح عن تجربة

فعل تصغير المروحة بيزود سرعة طرمبة المياة و في نفس الوقت سرعة مروحة التبريد و هي دي كلمة السر

زي ما المية بتلف اسرع زي ما المروحة بتلف اسرع و انا شفت الفرق بعيني

اول مرة صاحبي عمل اللي حضرتك قولته بالظبط مروحة 8 ريشة و ريادياتير نحاس 3 ماسورة و النتيجة في الاشارات و الزحمة و الحر ان العربية كانت بتوصل قرب الاحمر !!

دلوقتي بتوصل قبل النص بالعافية و عايز يركب مروحة كهرباء و مش عارف يجيب مروحة مقاسها مظبوط

اتمني اني اكون وضحت الموضوع شوية

[mrastra]

كلامك على عينى وعلى راسي والف الف شكر للتوضيح
وبكطدة يبقى ما فيش حاجة ثابتة
لان انا معايا العربية ومركب مروحة تبريد 8 ريشة مع ردياتير نحاس والسخونية صفر
فى عز الزحمة والاشارات العربية لا يمكن تعدى اللون الابيض