نفسى فى حل اكيد لعلاج سخونة الادا فى الصيف والاشارات الواقفة على طول

[Ahmed_BYD_F0]

انا العربيى عندى لادا 2105 المشكله فى سخونة العربية فى الاشارات الريتاتير نحاس والمروحة من الماتورة يعنى على سير الدينامو نصحونى انى اجيب مروحة كهرباء بتاعت الشاهين واركبها والغى الاولنية ونصحونى كمان اجيب مروحة اكبر وطنبورة اصغر للى ركبه فيها ؟؟؟؟؟؟؟؟؟؟ برجاء الحل من اهل الخبره ؟؟؟؟؟؟؟؟
مع تمنياتى للجميع بالتوفيق مع حل كل مشاكلهم ،،،،،،،،،،،،،،،، شكرا ،،،،،،،،،،

بسم الله الرحمن الرحيم
اخى العزيز العريبى
انا حديك نصيحة اخرى
حاول تشيك على الكاوتشات لتكون بتسرب مايه
حاول تزود مايه الردياتير بمياه خاصة من محطة البنزين وابعد عن ماية الحنفية
وحاول تزود ماية الطرمبة مش اقل من العلامة
واخيرا اتمنى لك عدم مقابلة هذه المشاكل مرة اخرى
و السلام عليكم ورحمة الله وبركاته

[mohamed2002]

مشكلة كبيرة في الصيف ربنا يستر ولكن السؤال هوة المؤشر لو وصل الي النصف الي الادا 2105 يبقي الوضع اية؟

[mrastra]

مشكلة كبيرة في الصيف ربنا يستر ولكن السؤال هوة المؤشر لو وصل الي النصف الي الادا 2105 يبقي الوضع اية؟

النص دة اللى هو اللون اية
عموما انت ليك من اول العلامة الخضراء الى اخر العلامة الخضراء ازيد من كدة يبقى فى حاجة غلط

[mohamed2002]

النص دة اللى هو اللون اية
عموما انت ليك من اول العلامة الخضراء الى اخر العلامة الخضراء ازيد من كدة يبقى فى حاجة غلط

الادا ال 2105 مؤشر ابيض وفي الاخر خالص حتة حمراء

[Ahmed_BYD_F0]

الادا ال 2105 مؤشر ابيض وفي الاخر خالص حتة حمراء

يا اخى الكريم حاول انك تزود المياه بمجرد ما المؤشر قرب يخلص المنطقة البيضاء وداخل على الحمراء لان الحتة الحمراء بتقولك انه ما فيش مياه والعربية سخنت جدا وخطر

ارجو انى اكون افدتك
و السلام عليكم ورحمة الله وبركاته

[eissa1983]

"]طب انا عندي المروحه كهرباء والردياتير المونيوم ممكن اركب مروحه على الكرنك من غير ماغير الدياتير وتتكلف كااام تقريبا وهل من الممكن اغير المروحه الكهربه اللي عندي واخليها تبقى مابين الشبكه والردياتير ولا لازم تكون مروحه مخصوص زي بتاعت التكيييف[/size]

[midonbtc]

انا عايز حل نهائى انا تعبت

[medododo]

غير الراديتير بواحد نحاس 3 ماسورة وادعيلي (يالمناسبة بتوع الراديتير عارفين الموضوع ده ولو شاورت لأي تاكسي لادا وسألته هيؤلك كده)

[midonbtc]

راجع ترموستات الكوع (( الترموستات الميكانيكى ))
وفى ناس بتلغيه -- زيى انا --
مزايا الغاؤه اختفاء ارتفاع الحراره
عيوب الغاؤه
صعوبة الدوران فى الشتاء /زيادة استنهلاك البنزين/ ممكن والله اعلم يكون مضر لعمر الموتور الافتراضى لتذبذب الحراره

باشا الكلام ده يمشى مع اللادا ...ولا فى 125 فقط

[hook1st]

باشا انا هاقولك علي اللي حصل معايا انا معايا 2107
انا ركبت رادياتير نحاس 3 ماسورة بس نحاس أصلي (360 جنية تقريباً )
وخليت الترموستات تشغل المروحة بعد الأخضر علي طول
مش عاوز اقولك بقالها دي تاني صيف وموضوع الحرارة دا نسيته ومزودتش ميه غير مرتين او 3 مرات (انا بحط مياه حمراء)