اشترى لادا ام 128

[mado83]

انا بفكر ان شاء لله اشترى لادا موديل قديم 84
عشان لقيت ان سعرها قريب من 128
فهل فى حد يقولى ده قرار صحيح ولا خطا
وياريت حد يقولى عيوبها غير ان الدريكسيون تقيل

[mrastra]

والله بما انك حطيت السؤال هنا يبقى اكيد كلنا هانؤلك لادا احسن
ولو حطيت السؤال فى فيات هايقولو 128 احسن
بص بقى انا جبت 128 يجى عشر عربيات واعدت معايا كتير اوى بموديلاتها المختلفة
لكن الـ 128 دى ما ينفعش يتقال عليها عربية من الاساس
اتكل على الله وهات لادا حالة كويسة
اما عيوبها فا اشهر يب تقل الدركسيون
خشونة الموتور صوتة عالى اوى الصراحة
مممممممممممم اية تانى فكر معايا
اة شكلها الصندوقى ممكن يكون عيب لناس معينة
لازم تظبط عفشة باستمرار
متهيالى بس ما فيش مشاكل تذكر تانى
ربنا يكرمك ان شاء الله بواحدة كويسة

[mido51eg]

لو ظروفك تسمح بدفع فلوس اكتر شوية ممكن تفكر في مازدا 323 لكن لو العملية محدودة يبقى خليك في اللادا احسن من الـ 128 بكتير.

[mrastra]

ولية لو ظروفة تسمح بفلوس اكتر
الـ 323 تعمل من 17 لغاية احسن سعر 21 الف واعتقد دة تمن لادا حالة معقولة وكانت معايا مازدا على فكرة لو عاوز تسال عليها تحت امرك
بس اللى هايفرق ان المازدا هاتكون موديل 82 اما ال لادا هاتكون موديل تسعينات
اعتقد ان الاخ معاة تقريبا 15 الف صح ولا انا غلطان ؟؟؟؟

[medododo]

لادا
طبعا
بص انا ركبت الاتنين
احساسي في 128
ان لو حد قاعد علي يميني هيمد رجله ويدوسلي علي دواسة البنزين
انا مش عارف الشعور ده جالي منين
يمكن عشان مفيش فاصل
ويمكن لأنها أصغر مش عارف

[tifa55555]

لادا اكيد بدون تفكير بس تكون من التسعينات بلاش قبل كده علشان حالتها

[إبراهيم المصرى]

بص يا سيدى انا كان معايا 128 ولادا 2107 مع بعض دى حاجه ودي حاجه تانيه خالص حسب استخدامك ومتطلباتك .
الاتنين بيشتركوا فى سهولة الصيانه وقطع الغيار
ال 128 : تتميز بسهولة القيادة والمناوره وقلةاستهلاك البنزين والنعومه وعدم السخونه وسهلةفى البلد والركنه و فى الزحمه احسن
ال لادا : تتميز بالقوة سواءاُ فى الموتور و البودى والجر الخلفى والشاسيه - عائليه واكبر حجما الشنطه اوسع وفى السفر اكيد احسن
طبعاً واضح انى اكتفيت بذكر الميزات وطبعا العيوب مفهومه من المقارنه
وفى النهايه متتطلباتك فى العربيه هى اللى حتكم ايه المناسب ليك

[ahmedalramy]

اللادا اشد من 128 بكتيييييييييير
و مشكلة تقل الدريكسيون هاتتعود عليها
و هى مشكلتها فى الركنه بس

[ahmdmagdy]

طبعا لادا بس حاول تجيب موديل عالي

[mohamed2002]

مقارنة صعبة جدا وبتظلم بيها العربيتين

[mado83]

متشكر جدا على الافاده وكمية الردود

طيب ياريت لو حد عنده لادا 2105 وتكون حالتها كويسه يقولى وعلى فكره انا اتكلمت مع ميكانيكى امبارح قالى بلاش لادا من الاساس عشان بتجيب بلى مقصات بسرعه ودى مشكلتها
برجاء الافاده ان لو ده حصل فعلا ايه اللى ممكن يحصل وازاى اصلح العيب ده لو لا قدر الله حصل

[mrastra]

اولا ما فيش حاجة اسمها بلى مقصات
انما فى حاجة اسمها بيض مقصات زى اى عربية فى الدنيا ليها بيض للمقص
انما فى لادا يوجد اتنين فى كل مقص يعنى الطقم 4 بيضات والاصلى منهم بـ 120 جنية ويعد فى العربية سنة لو انت ما بتشحمش انما لو بتشحم ممكن يستمر اكتر من كدة بكتير

[mirra]

طبعا الادا افضل بكتير وكفاية ميزة الجر الخلفى و الثبات على الطريق بالاضافة الى الاتساع و سهولة الصيانة.

[hugan]

لادا طبعا

[mado83]

طيب مافيش حد بيبيع لادتوووووووووووووووو
فى حدود من 15 الى 17 لحسن المواصلات خلاااااااااااااااص خنقتنى يبقى خنقه الادا ولا خنقه المواصلات