النيفا... مالها وما عليها !

[batigol2020]

شكرا شكرا شكرا

عليه الصلاة والسلام
الف الف الف الف شكر يا باشا على تعبك
..
ده انتا كده كتبت الكتالوج كله
..
الله يباركلك الكلام مفيد جدا وانا استفدت منه جدا جدا
بس مش عارف العربيه اللي انا شوفتها دي سعرها كويس ولا ايه؟؟
ولو عايز حاجه موديل التسعينات ومش لاقي ممكن الاقي فين ؟؟
ولو العربيه شايل فتيس الغرز وفيها فتيس واحد تبقى حلوة ولا وحشه ؟؟
..
انا عارف اني زهقتك ... بس معلش بقى استحملني شويه
.. هههه ..

[monzer_500]

لا يا راجل عيب عليك ما تقولشي كدا
هو بالنسبه للسعر ده في عربيه 86 يبقي غالي لو العربيه سليمه زي ما قلت لك اما بالنسبه للحاله من جوه فده 1000 جنيه يخلوهالك من جوه جديدة زي الزيرو يعني وممكن تخصم من سعر العربيه .. بس انت قولي نوع البهدله وانا اقولك هتصرف كام بالظبط .. يعني لو تقصد بالبهدله دي في الفرش فدي سهله اوي 400 جنيه تنجيد وكسوه ويخلوا العربيه من جديدة .. اما لو هتدور علي موديل عالي فالعربيه دي بتبقي لقط كده يعني ومعظم الي راكبها غاويها فلو لاقيت حد بيبيع هتلاقي نادر يعني وممكن تدور في السوق واكيد هتلاقي في عزبه شلبي .. وبالنسبه لفتيس الغرز فانت مش محتاجه في الطرق الممهده بس طبعا لو مش شايلاه فده شرف للعربيه يعني وفي البيع بتكون احسن لو ناوي تبيع بعد كده علي اساس ان الي بيشتري بيقول ان العربيه لسه ما حلتش من تحت وحالتها حلوة بس في الغالب مش هتلاقي حد مركب غرز الا الي بيروح بيها الصحرا وسفاري وكده يعني .. واى خدمة

[batigol2020]

من جوه !

بهدله اه زي مانتا بتقول كده يا باشا
(الفرش معفن - الطبلوه مجرح وملحم - العدادات شكلها رسمه !)
ومن هذا القبيل لكن الصراحه الراجل مروقها من برة
وكاوتشات وشغل .
...
بس عزبه شلبي فيها عربيات مستعمله ولا بس قطع غيار وانصاص واربع والكلا م ده
...
شكرا يا باشا

[monzer_500]

ماهو الشكل في العربية دي اخر حاجه نفكر فيها بص للاساسيات وبعيدن المظهر ده سهل يتعمل بعد كده اه عزبه شلبي بتلاقيهم هناك بيبيعوا عبيات مستعمله احيانا كدا