اسطوانه وديسك

[abokoko]

ممكن اعرف انواع الاسطوانه والديسك ل لادا 2107
العربيه 2007 انا تانى يد واعرف ان صاحبها غير لها الاسطوانه من قبل
والعربيه 107او 108 الف كيلو متر

وايه النصائح اللى اخلى بالى منها عند الشراء وعند التركيب

لما قعدت مع نفسي ورتبت افكارى
1-رجه او هزه او نفضه جامده على الاول
2- نفس الشيئ على المارشدير
3- بجيب ال 90 وبعدها العربيه مش عايزه تكمل واخر مره جبت ال100 بالعافيه (كنت فاكر الهوا فى وشى هوا السبب )

4 - صوت ونه مع الضغط على البزين وبتختفى لما ارفع رجلى
بس مش عارف هل ده مرتبط بالاسطوانه والديسك ولا - لأ

مستنى الاجابه والردود مع النصح اعجل بالتغيير ولا استنى براحتى شهرين تلاته
من غير ضرر على العربيه

[SHNORY]

ممكن اعرف انواع الاسطوانه والديسك ل لادا 2107
العربيه 2007 انا تانى يد واعرف ان صاحبها غير لها الاسطوانه من قبل
والعربيه 107او 108 الف كيلو متر

وايه النصائح اللى اخلى بالى منها عند الشراء وعند التركيب

لما قعدت مع نفسي ورتبت افكارى
1-رجه او هزه او نفضه جامده على الاول (اسطوانه وديسك او الفلام عاوز يتلحس عند الخراط)
2- نفس الشيئ على المارشدير
3- بجيب ال 90 وبعدها العربيه مش عايزه تكمل واخر مره جبت ال100 بالعافيه (كنت فاكر الهوا فى وشى هوا السبب ( ظبط كربراتير او طقم الدبرياش برضه)

4 - صوت ونه مع الضغط على البزين وبتختفى لما ارفع رجلى ( جيربوكس اكشف علي الزيت بتاعه وعموما ملهوش تاثير كبير بس لو مضايقك غيره )
بس مش عارف هل ده مرتبط بالاسطوانه والديسك ولا - لأ

مستنى الاجابه والردود مع النصح اعجل بالتغيير ولا استنى براحتى شهرين تلاته
من غير ضرر على العربيه

ممكن تستني براحتك يا باشا
او لو الاصوات مضايقاك وديها لاي ميكانيكي يعملهالك

[lad]

فاليو أو مابا

[abokoko]

النهارده سالت فى محل وقال لى كان عنده نوع المانى ب350
( ال3 ديسك واسطوانه وبليه ) -- لكنه خلصان عنده
قلت له على اسم ساكس او لوك
قال انى اللى كان عنده الالمانى هو الساكس
وقال هيجيبه قريب


معلشي - سؤال؟؟
هو ضبطته الدواسه بتاعة الدبرياش ممكن تعمل نفس الاعراض لو هابطه لاسفل
؟؟؟؟؟؟؟؟؟؟؟؟؟؟؟؟

[SHNORY]

خلي الميكانيكي يعليلك الدبرياش وجرب يا باشا

[abokoko]

خلي الميكانيكي يعليلك الدبرياش وجرب يا باشا

زى الغريق اللى بيتعلق فى قشه
نجرب يا باشا


وان شاء الله يكون خير

[SHNORY]

زى الغريق اللى بيتعلق فى قشه
نجرب يا باشا


وان شاء الله يكون خير

مش موضوع قشه يا باشا
دي تجربه مش حتكلفك اكتر من 5 جنيه
وانا عيشت سنين بالعربيه مع الرعشه دي وحلها انك تظبط رجلك علي الدبرياش والبنزين وانت مش حتحس بيها

[abokoko]

حضرتك مش لوحدى اللى لاحظ الرجه فى الفتيس والعربيه -
الميكانيكى عملت معاه اكتر من اللى بتعمله معايا

وعلى فكره الميكانيكى الاخير ده غير اللى متوعد اتعامل معاه وسمعته ممتازه ويمكن مش بروح له كتير لانه
عنده صنايعيه كتير
لكن انا طلبت منه يشوفها لى بنفسه وهو معرفه فى نفس الوقت

[abokoko]

النهارده غسلت العربيه من اسفل
وفؤجت بصوت احتكاك ( صرير او احتكاك حديد ) وبيروح ويجي مع الضغط على الدبرياش
الميكانيكى قال كده بليه الدبرياش
بس قال نستنى يوم لما ينشف اثر غسيل العربيه من تحت
رجعت البيت بالعربيه كل شويه الصوت يختفى -- خير --
نمت ساعتين ونزلت قلت اسمع الصوت لقيته مش موجود
لكن
فى صوت جديد اشبه بشاكوش او طبله على خفيف مع صوت الموتور بس ثابت ومش مرتبط لا بغيار ولا بدبرياش
؟؟؟
عموما بكره رايح للميكانيكى

[tifa55555]

يا عزيزى اللادا كل يوم تسمع فيها صوت جديد،،حاجه كده مسليه ههههه
بس اللى عندك ده اكيد بلية دبرياج وطبعا اعمل حسابك كمان على اسطوانه ودسك بالمرة احس يكون فيهم حاجه طالما حنحل الجيربوكس
نفس المشكله دى عندى بنفس الصوت بس انا سايبها شويه لما تفرج ابقى اعملها ان شاء الله

[abokoko]

هى فعلا ال لادا مسليه جدا من ناحيه الاصوات

الميكانيكى علا الدبرياش شويه
واحسن من الاول لكن لسه الاعراض زى ما هى بس بدرجه اقل

الصوت الجديد
قال ده شداد الكاتينه عايز يتغيير
اشتريته وهروح له بكره علشان يغيره
وهخليه بالمره يظبط التاكيهات

الشداد مفروض روسي وسعره 10 جنيه

[abokoko]

ارجو سرعة الرد لانى نازل فى خلال ساعه من الان الى الميكانيكى
الصوت المرتبط بالدبرياش رجع تانى
وسمعت الميكانيكى الصوت فقال كده يبقي بليه
قال لى اتغدى وتعال نفك
وقال هيغير البليه

السؤال
لو البليه بس هى اللى فيها مشكله اغير معاها الديسك والاسطوانه حتى لو كانوا بحاله جيده ولا --لأ

[abokoko]

لسه راجع من عند الميكانيكى
اولا -- بالنسبه الى الفك وتغيير البليه
لازدحام العمل عند الميكانيكى تم التاجيل الى الغد
ثانيا
بالنسبه الى الصوت
تم شد سير الكاتينه ( حديد )
ولم يتم تركيب الشداد لانه صناعه تعبانه واللى راكب احسن منه - ده راى الميكانيكى -
وبكره نكمل

والى الان لم ياتينى رد

اذا كان العيب فى البليه فقط
هل اغير الديسك والاسطوانه لو حالتهم كويسه ؟؟؟؟؟؟؟؟؟؟؟؟؟

[tifa55555]

ارى انه لو الميكانيكى اكد ان حالتهم كويسه يبقى خلاص بلاش تغيرهم
اما لو قال حالتهم مش قد كده بس ممكن نشغلهم يبقى بلاش وغيرهم احسن
يعنى حسب رأى الميكانيكى
وفى انتظار ردك تقولنا عملت ايه
وربنا معاك

[mrastra]

انا اسف انى ما شوفتش الموضوع دة بصراحة قبل كدة وانا عندى راى تانى لو تسمحلى اعرضة عليك
العربية موديل 2007 زى ما حضرتك ذكرت
ومعروف ان لادا قبل موديلات 2007 فيها مشكلة فى الحدافة او ترس الفلام تملى بياثر بالسلب على الدسك والاسطوانة
انا لو منك هاعمل الاتى
هاجيب ترس فلام استيراد واركبة مكان القديم
وهاجيب دسك استيراد "انا عارف ان فى ناس كتير هاتنقضنى بس انا بتكلم عن تجربة فى لادا وغيرها"
هاجيب بلية دبرياج استيراد
هاجيب اسطوانة استيراد واروح املاها خامة اسبانى
من وجهه نظرى دى انسب الحلول
طب لية بقول كدة ...............لسبب بسيط ان كل او 90% من قطع الغيار الموجودة فى السوق مضروبة وللاسف انت هاتحل الفتيس يعنى مصنعية فك وتركيب
طيب اؤلك دليل
حضرتك العربية موديل 2007 والنهردة طالبة دسك واسطوانة وبلية لتانى مرة
طيب تعالى نحسبها فلوس
ترس الفلام 100 جنية
دسك 80 جنية
بلية دبرياج 30 جنية
اسطوانة انت وشطارتك ممكن تاخدها فوق البيعة بس هاتتملى بخامة اسبانى او ايطالى بـ 40 جنية
وبامر الله تحل المشكلة حل نهائي
==========================
بالنسبة لسير الكاتينة
حضرتك غير الشداد الكبير مع الصغير عشان الاتنين يعملو بالانس مع بعض مفيش واحد ياثر على التانى
والروسي حلو مش وحش مع مراعاة شد بلف الكاتينة او حتى تغييرة لو تطلب الامر ذلك
ربنا يوفقك