اسطوانه وديسك

[SHNORY]

الاسطوانه والدسك مش بتبان حالتهم غير لما يتفكوا
خليه يحل الجيربوكس الاول وشوف حالتهم ايه
وخليه يودي الفلام للخراط يلحسه لو فيه تعريجات (هي اللي بتعمل الرجه)
ممكن تغير اسطوانه وبليه بس لو الديسك كويس
في كل الاحوال المصنعيه واحده بتاعه فك الجيربوكس
والباقي يرجعلك ان كنت تغير ولا متغيرش وعلي حسب حاله الحاجه وراي الميكانيكي

[abokoko]

تم بحمد الله
غيرت بليه+ديسك +اسطوانه --ايطالى والله اعلم -- تمنهم 315جنيه
+ زور فتيس ب 35 جنيه
+ حاجه مش فاكر اسمها حديده سوده بتركب من الامام على البليه ومن الخلف للضغط عليها من الدبرياش ب20جنيه
مصطنيعه لشغل اليوم والامس 120 جنيه

لما وصلت البيت كانت درجة الحراره مرتفعه جدا والمياه بتفور
اتصلت بالميكانيكى واتضح ان فيشه المروحه مش متوصله
وصلتها واتحلت المشكله

الانطباع = دوسه الدبرياش غريبه جدا عن الاول والعربيه بطلت منى مرتين تلاته
بس قلت اصبر شويه لما اتعود عليها او ارجع له

الفتيس اخف من الاول

[abokoko]

انا اسف انى ما شوفتش الموضوع دة بصراحة قبل كدة وانا عندى راى تانى لو تسمحلى اعرضة عليك
العربية موديل 2007 زى ما حضرتك ذكرت
ومعروف ان لادا قبل موديلات 2007 فيها مشكلة فى الحدافة او ترس الفلام تملى بياثر بالسلب على الدسك والاسطوانة
انا لو منك هاعمل الاتى
هاجيب ترس فلام استيراد واركبة مكان القديم
وهاجيب دسك استيراد "انا عارف ان فى ناس كتير هاتنقضنى بس انا بتكلم عن تجربة فى لادا وغيرها"
هاجيب بلية دبرياج استيراد
هاجيب اسطوانة استيراد واروح املاها خامة اسبانى
من وجهه نظرى دى انسب الحلول
طب لية بقول كدة ...............لسبب بسيط ان كل او 90% من قطع الغيار الموجودة فى السوق مضروبة وللاسف انت هاتحل الفتيس يعنى مصنعية فك وتركيب
طيب اؤلك دليل
حضرتك العربية موديل 2007 والنهردة طالبة دسك واسطوانة وبلية لتانى مرة
طيب تعالى نحسبها فلوس
ترس الفلام 100 جنية
دسك 80 جنية
بلية دبرياج 30 جنية
اسطوانة انت وشطارتك ممكن تاخدها فوق البيعة بس هاتتملى بخامة اسبانى او ايطالى بـ 40 جنية
وبامر الله تحل المشكلة حل نهائي
==========================
بالنسبة لسير الكاتينة
حضرتك غير الشداد الكبير مع الصغير عشان الاتنين يعملو بالانس مع بعض مفيش واحد ياثر على التانى
والروسي حلو مش وحش مع مراعاة شد بلف الكاتينة او حتى تغييرة لو تطلب الامر ذلك
ربنا يوفقك

كلام حضرتك جميل وعاجبنى- لكن -
1= للاسف الشديد هنا فى الغردقه لا يوجد قطع غيار استيراد ل اللادا
ولو وجدت - كما ذكرت فى مشاركه اخرى - هتكون اغلى مما تتخيل فسعر المارش الاستيراد ( ده ان كان فعلا استيراد ) 280 جنيه !!! وهو فى الحقيقه ما بين 120الى 150 فى القاهره
2= الميكانيكى لم يذكر عيب فى الفلام والله اعلم -- لكنى سوف اصور الاسطوانه وانزلها هنا ولو فى عيب اعتقد هيبقي باين
3 اللى فوق السوق فعلا مش مريح -فانا لقيت نوعين ايطالى على العلبه واخترت اللى حسيت انه احسنهم وبعد ما اكتشفنا وجود كسر فى زور الفتيس لفيت على محلات اكتر ولقيت عند واحد نوع ال لوك الالمانى ولو كنت لقيته من الاول كنت اشتريته لكن قدر الله وما شاء فعل وان شاء الله يطلع اللى راكب كويس - وعلى فكره اللوك تمنه 415 -

4= عاجبانى فكره ملا الاسطوانه وان شاء الله املى القديمه لما انزل البلد واخليها معايا

======
الكاتينه
هو اكتفى بالتربيط حاليا
والصوت مش عاجبنى لكن يمشي حاليا

===

من ضمن الخسائر
المياه الخضراء
زودت كيلو زيت فتيس
بسبب اللى وقع اثناء تغيير زور الفتيس

[abokoko]

http://www.nileup.com//uploads/images/domain-c91731205c.jpg

[mrastra]

عموما الف مبروك وان شاء الله الحاجة تطلع كويسة وربنا يباركلك فيها
وفعلا الغردقة مفهاش قطع غيار خالص ........كان اخويا شغال فى الغردقة شركة سياحة واى حاجة كان بيطلبها للعربيات كنت بشترريها من مصر واشحنهالة
الفلام كان لازم هو اللى يتصور عشان نقدر نحكم علية مع العلم انة صعب جدا من الصور الحكم على الشىء
وانا كان قصدى انك تملى الاسطوانة الاوريجينال مش المشتراة من قبل لانها هاتكون اكثر صلاحية من الجديد اللى مغرق السوق انما لو السوست بتعتها فيها مشكلة الملىء غير مجدى فيها

[abokoko]

الله يبارك فى حضرتك
بس ممكن توضيح وشرح كامل لموضوع الاسطوانه والملى

[madoo_600]

عيب الرعشة دا ديسك واسطوانة ومدام هتحل يبقي تغير بلية وفرش وتقشط الفلام دا اولا ثانيا بالنسبة للونة دى غير الأول وشوف هتروح ولا لاء لو مرحتش لقدر الله ممكن تبقي كارونة بس ان شاء الله هتروح